حقيقة GPS car tracker

[a7mad_mo7amad6]

السلام عليكم
اولا كل سنه وحضرتكم طيبين

ثانيا..
حابب انقلكم تجربتي مع جهاز التتبيع الخاص بالعربيات
طبعا مع كتر حوادث سرقة العربيات الي الواحد سمع عنها او حصلت مع حد من المعارف الواحد كان عنده هستريا من الموضوع ده وبدأت رحلة البحث عن طريقة ممكن احمي بيها العربيه

طبعا في منكم كتير هيقلي البروتون عندنا املبويزر ومش هينفع تدور غير بمفتحها بس هقله ان واحد صحبي اتسرقت من اودام بيته بي ام جديده غير طبعا حالات التثبيت الي بتحصل وقد تكون حصلت لكتير منكم

المهم توصلت بعد بحث كتير لحوار الجي بي اس وتحكمه الشامل بالعربيه عن بعد وطبعا الفكره عجبتني...الكلام ده من 6 شهور تقريبا..قبل ما اتصالات تعلن عن جهازها طبعا

الجهاز الي جبته موديله tk103b.. مهما وصفت بروعه ودقة ومميزات الجهاز مش هنتهي

بكل بساطة اهم ميزة في الجهاز ده البساطة والقدرة انك تتحكم عن طريق الموبيل
يعني ببساطة ترن على الرقم الي انت حاطه في الجهاز هيروح اتوماتيك بعتلك مسج بمكان العربيه واذا شغاله ولا لا وهكذا
بيجي مع الجهاز ريموت كنترول .. لما تنزل من العربيه تعمل لوك للجهاز وده معناه ان لو حد فتح الباب هيروح باعت مسج يقلك ولو حد حط مفتاح في الكونتاكت هيبعتلك وتصدر توصله بسرينه
من مميزاته كمان انك ممكن تبعت للجهاز مسج يقوم موقف العربيه بحيث لو اتسرقت تقدر تفصلها على الي راكبها
من مميزاته كمان انك ممكن تحددله منطقة لو العربيه خرجت منها يبعتلك مسج ولو العربيه تعدت السرعه يبعتلك مسج
الجهاز متوفر بمايك علشان ممكن تتصل عليه ويقوم فاتح الخط وتسمع الي بيدور في العربيه

تقدر تبرمج 5 ارقام للتحكم بالجهاز
متوفر ببطاريه داخليه علشان لو حد فصل باور العربيه يفضل شغال

تقدر كمان تشغله على مود gprs لو حد حابب. بحيث يرمي على سيرفر الشركة وتتابعه على النت
اول شهر مجاني وبعد كده السنه ب 10 دولار..كلام اهبل يعني
انا عن نفسي بتحكم عن طريق الموبيل ومش بحتاج السيرفر
السيرفر عملي اكتر للشركات علشان يقدروا يتابعوا العربيه اون لاين

الجهاز انا مركبة تحت الكنبه الخلفيه


سعر الجهاز 1000 جنيه
تركيبه ب 100 في مدينه نصر علي يد مهندس محترف بياهد نص ساعه شغل ومش بيبهدل حاجه في العربيه

الجهاز انا جايبه من انجلترا

ركبته في عربيتي البرسونا وعلى نيسان وتيوتا وشفورليه وكيا واوكتافيا عربيات اصحابي
وشغل زي الفل مع الكل
الي محتاج الجهاز ده انا متوفر معايا جهازين حاليا

علي فكره سعر بتاع اتصالات بيبتدي من 1300 واشتراك شهري 75

[aymanshebl]

انا معايا الجهاز ده و فعلا ممتاز و مركب عليه حساس صدمات و ممكن اظبطه على ان اى حد يلمس العربية حتى يبعت رسالة

[mohamed hussei]

ياباشا احد اقاربي بيقولي في هندسة اتصلات بيعملوا مشروع من من 3 سنين بيركبة علي كهربة العربية ويتحكموا في كل حاجة

[mahmoud_afifi]

الجهاز جميل وكل حاجه بس في مشكله. ان الجهاز عشان يبعتلك مكان العربيه لازم يكون في تغطيه لشبكة الموبايل.
عربية اخويا اتسرقت في رمضان وماعرفناش مكان العربيه عشان مافيش شبكه في المكان بتاع الحراميه.
بس عيب الجهاز الي مع اخويا ان مفيش اشتراك شهري. انما لازم تشحن رصيد للخط. وللأسف ماعرفناش انه بيستهلك الرصيد ده اوتوماتيك الا لما العربيه اتسرقت والجهاز ماكنش بعت ان العربيه اتحركت لأن مفيش رصيد.

[a7mad_mo7amad6]

الجهاز جميل وكل حاجه بس في مشكله. ان الجهاز عشان يبعتلك مكان العربيه لازم يكون في تغطيه لشبكة الموبايل.
عربية اخويا اتسرقت في رمضان وماعرفناش مكان العربيه عشان مافيش شبكه في المكان بتاع الحراميه.
بس عيب الجهاز الي مع اخويا ان مفيش اشتراك شهري. انما لازم تشحن رصيد للخط. وللأسف ماعرفناش انه بيستهلك الرصيد ده اوتوماتيك الا لما العربيه اتسرقت والجهاز ماكنش بعت ان العربيه اتحركت لأن مفيش رصيد.

الجهاز ده في ميزه والي هي انه بيركبله ميموري كارد وبالتالي بيسجل الاحداثيات عليه
فلو العربيه اتسرقت لقدر الله والي سرقها ركنها في جراج هيبقى متسجل على الكارت اخر احداثيات وبالتالي لما ترن عليه هيبعتلك الاحداثيات ده

الميزة التانيه للجهاز الريموت
يعني بتقفل الجهاز وتشغله كل متركب وبالتالي مش هيبعت اي مسجات لان العربيات في وضع امن وبالتالي مش هيستهلك الرصيد
يعني انا شاحن ب 10 جنيه وشغال مهايا بقاله شهرين

[mahmoud_afifi]

الجهاز ده في ميزه والي هي انه بيركبله ميموري كارد وبالتالي بيسجل الاحداثيات عليه
فلو العربيه اتسرقت لقدر الله والي سرقها ركنها في جراج هيبقى متسجل على الكارت اخر احداثيات وبالتالي لما ترن عليه هيبعتلك الاحداثيات ده

الميزة التانيه للجهاز الريموت
يعني بتقفل الجهاز وتشغله كل متركب وبالتالي مش هيبعت اي مسجات لان العربيات في وضع امن وبالتالي مش هيستهلك الرصيد
يعني انا شاحن ب 10 جنيه وشغال مهايا بقاله شهرين

الفكره يا باشا انك لما بترن عليه بيديك غير متاح لأن مفيش شبكه عند العربيه بالتالي الجهاز مش هيقدر يرد عليك بالاحداثيات الي اتخزنت.

بالنسبه لموضوع ان الرصيد كان خلصان عند اخويا احنا مش عارفين ايه السبب خاصة ان العربيه كانت في وضع امن طول الوقت والجهاز ما بعتش اي رساله ومش فاهمين ليه الرصيد خلص !
على العموم انا حبيت اشارك تجربتنا عشان الي هيجيب الجهاز ياخد حذره

[aymanshebl]

الجهاز جميل وكل حاجه بس في مشكله. ان الجهاز عشان يبعتلك مكان العربيه لازم يكون في تغطيه لشبكة الموبايل.
عربية اخويا اتسرقت في رمضان وماعرفناش مكان العربيه عشان مافيش شبكه في المكان بتاع الحراميه.
بس عيب الجهاز الي مع اخويا ان مفيش اشتراك شهري. انما لازم تشحن رصيد للخط. وللأسف ماعرفناش انه بيستهلك الرصيد ده اوتوماتيك الا لما العربيه اتسرقت والجهاز ماكنش بعت ان العربيه اتحركت لأن مفيش رصيد.

الفكره يا باشا انك لما بترن عليه بيديك غير متاح لأن مفيش شبكه عند العربيه بالتالي الجهاز مش هيقدر يرد عليك بالاحداثيات الي اتخزنت.

بالنسبه لموضوع ان الرصيد كان خلصان عند اخويا احنا مش عارفين ايه السبب خاصة ان العربيه كانت في وضع امن طول الوقت والجهاز ما بعتش اي رساله ومش فاهمين ليه الرصيد خلص !
على العموم انا حبيت اشارك تجربتنا عشان الي هيجيب الجهاز ياخد حذره

هو بالنسبة لموضوع التغطية ده ممكن حضرتك تختار الشبكة اللى تغطيتها كويس فى معظم الاماكن انا اشتريت شريحة فودافون و شغالة كويس فى معظم الاماكن تقريبا بالنسبة لموضوع نفاذ الرصيد ده موضوع سهل انا عملت اكونت على موقع فودافون للشريحة بتاعت الجى بى اس قبل ما احطها فيه و بعدين من موقع فودافون بلباسورد و اليوزرنيم تقدر تتباع رصيد الشريحة و تغير بين الانظمة المختلفة و تحول رصيد و تشحن الشريحة كمان

[mahmoud_afifi]

هو بالنسبة لموضوع التغطية ده ممكن حضرتك تختار الشبكة اللى تغطيتها كويس فى معظم الاماكن انا اشتريت شريحة فودافون و شغالة كويس فى معظم الاماكن تقريبا بالنسبة لموضوع نفاذ الرصيد ده موضوع سهل انا عملت اكونت على موقع فودافون للشريحة بتاعت الجى بى اس قبل ما احطها فيه و بعدين من موقع فودافون بلباسورد و اليوزرنيم تقدر تتباع رصيد الشريحة و تغير بين الانظمة المختلفة و تحول رصيد و تشحن الشريحة كمان

شكرا لمشاركتك بس في الحقيقه لما جينا نركب الجهاز, قالوا ان لازم تكون شريحة اتصالات لأن باقي الشرايح مش بتشتغل على الجهاز.
واحنا عملنا فعلا موضوع اليوزرنيم على اتصالات وبقينا نتابع عليه الرصيد

[aymanshebl]

شكرا لمشاركتك بس في الحقيقه لما جينا نركب الجهاز, قالوا ان لازم تكون شريحة اتصالات لأن باقي الشرايح مش بتشتغل على الجهاز.
واحنا عملنا فعلا موضوع اليوزرنيم على اتصالات وبقينا نتابع عليه الرصيد

لو الجهاز تبع اتصالات ممكن يكون شغال على شبكتهم لكن لو جهاز من السوق عادى ممكن يشتغل على اى شريحة

[mahmoud_afifi]

لو الجهاز تبع اتصالات ممكن يكون شغال على شبكتهم لكن لو جهاز من السوق عادى ممكن يشتغل على اى شريحة

لأ جهاز من السوق عادي. جبناه من سبير كار التجمع وهما الي قالولنا نجيب شريحة اتصالات بالتحديد.
هنشوف لو ينفع نشترك في خدمة اتصالات بتاعة mycar بس بالجهاز بتاعنا

[dem0]

موضوع جيد وتكلفة بسيطة لحماية السيارة

بالتوفيق ان شاء الله

[aymanshebl]

لأ جهاز من السوق عادي. جبناه من سبير كار التجمع وهما الي قالولنا نجيب شريحة اتصالات بالتحديد.
هنشوف لو ينفع نشترك في خدمة اتصالات بتاعة mycar بس بالجهاز بتاعنا

طب جرب تحط فيه شريحة تانية و شوف هيشتغل عليها ولا ولا و معلش العربية بتاعتك اخوك اتسرقت ازاى و رجعت ازاى علشان الناس تاخد حذرها و ربنا يباركلك فيها و يحميها من كل سوء ان شاء الله

[mahmoud_afifi]

طب جرب تحط فيه شريحة تانية و شوف هيشتغل عليها ولا ولا و معلش العربية بتاعتك اخوك اتسرقت ازاى و رجعت ازاى علشان الناس تاخد حذرها و ربنا يباركلك فيها و يحميها من كل سوء ان شاء الله

على حسب ما اعرف ان الجهاز دلوقتي متعرف على الشريحه الي موجوده دلوقتي وعشان تتغير لازم يروح لسبير كار ويعملوا الاعدادات من الاول. حوار :D

بالنسبه للعربيه اتسرقت ازاي ورجعت ازاي هقولك. العربيه سيراتو وطبعا مافهاش immobilizer بس هو مركب انذار و وحدة فصل طرمبة البنزين ودي الي نفعت انما الGPS كان زي قلته لأن مفهوش رصيد.
المهم العربيه ماشتغلتش معاهم بالطريقه التقليديه الي هي يكسر الازاز ويفك الكونتاكت ويشغل العربيه بالاسلاك وهما مصممين انهم يسرقوا العربيه فقطعوا احزمة الامان وقطروا العربيه بيها. وقبل ما يقطروها قطعوا سرينة الانذار عشان ماتصفرش.

ورجعناها بفضل الله بعد ما اخويا عمل محضر, الحراميه اتصلوا بأخويا وطلبوا فلوس (طبعا معروف جابوا الرقم ازاي بعد ما عمل المحضر) والشرطه شالت ايدها بعد ما قولنالهم ان الحراميه طلبوا فلوس (مش عاوزين يقطعوا على بعض).
ودفعنالهم وخدنا العربيه متقشطه من كل حاجه من اول الولاعه لحد الاستبن.

.... لذلك انصح كل واحد حتى لو حاطت GPS وشغال ولو عندك Immobilizer يارييييت تحط كلبش دركسيون عشان الحرامي مايفكرش في العربيه اساسا. وربنا يحمي عربيات الجميع

[shshtawy]

مشاء الله جهاز ممتاز ربنا يبارك لكل الاعضاء فية بس فية مشكلة مش فى الجهاز بتاع استاذ احمد لالالالالالالالالا
دى مشكلة فى جهاز الدخلية
ياعنى انا لو عربيبتى لاقدر الله اتسرقت ودخلوها مثلا حتة زى الاباجية او عزبة ابو حشيش او القناطر وفى من الاماكن دى كتير فى مصر
وزارة الداخلية بتمتنع عن دخول تلك المناطق والضابط بيقولك اتقل يومين هيكلموك بمنتهى البرود فتبقى حضرتك عارف مكان عربيتك ومش قادر تجيبهى ودا بيحولك حاجة من الاتنين اما بلطجى وتقوم بتاجير بلطجية وتدفع لهم لكى يتوسطوا لك لكى تحضر سيارتك او للاشتيباك مع السارقين ( وهذا خطاء وضدد مبادىء اى مصرى محترم )
واما ان تتحول الى ناقم وكارهة للجهاز الداخلية التى تسببت لك بتخاذلها فى الم كبير لان تنساة وفى تلك الحالتين لان ترجع سيارتك
فهل الحل ان نترك الاجهزة التى تساعد فى العثور على سيارتنا المسروقة
الاجابة لا ويجب ان نكثر منها ولا ننتظر ان تتحرك السيارة وياخذها السارق ولكن ناخذ كل الاساليب والادوات التى تعرقل سرقة السيارة وصعوبة القدرة على تحريكها

[M I D O]

مبروك عليك وربنا يحفظلك العربية