حقيقة GPS car tracker

[اسلام السعيد]

السلام عليكم
اولا كل سنه وحضرتكم طيبين

ثانيا..
حابب انقلكم تجربتي مع جهاز التتبيع الخاص بالعربيات
طبعا مع كتر حوادث سرقة العربيات الي الواحد سمع عنها او حصلت مع حد من المعارف الواحد كان عنده هستريا من الموضوع ده وبدأت رحلة البحث عن طريقة ممكن احمي بيها العربيه

طبعا في منكم كتير هيقلي البروتون عندنا املبويزر ومش هينفع تدور غير بمفتحها بس هقله ان واحد صحبي اتسرقت من اودام بيته بي ام جديده غير طبعا حالات التثبيت الي بتحصل وقد تكون حصلت لكتير منكم

المهم توصلت بعد بحث كتير لحوار الجي بي اس وتحكمه الشامل بالعربيه عن بعد وطبعا الفكره عجبتني...الكلام ده من 6 شهور تقريبا..قبل ما اتصالات تعلن عن جهازها طبعا

الجهاز الي جبته موديله tk103b.. مهما وصفت بروعه ودقة ومميزات الجهاز مش هنتهي

بكل بساطة اهم ميزة في الجهاز ده البساطة والقدرة انك تتحكم عن طريق الموبيل
يعني ببساطة ترن على الرقم الي انت حاطه في الجهاز هيروح اتوماتيك بعتلك مسج بمكان العربيه واذا شغاله ولا لا وهكذا
بيجي مع الجهاز ريموت كنترول .. لما تنزل من العربيه تعمل لوك للجهاز وده معناه ان لو حد فتح الباب هيروح باعت مسج يقلك ولو حد حط مفتاح في الكونتاكت هيبعتلك وتصدر توصله بسرينه
من مميزاته كمان انك ممكن تبعت للجهاز مسج يقوم موقف العربيه بحيث لو اتسرقت تقدر تفصلها على الي راكبها
من مميزاته كمان انك ممكن تحددله منطقة لو العربيه خرجت منها يبعتلك مسج ولو العربيه تعدت السرعه يبعتلك مسج
الجهاز متوفر بمايك علشان ممكن تتصل عليه ويقوم فاتح الخط وتسمع الي بيدور في العربيه

تقدر تبرمج 5 ارقام للتحكم بالجهاز
متوفر ببطاريه داخليه علشان لو حد فصل باور العربيه يفضل شغال

تقدر كمان تشغله على مود gprs لو حد حابب. بحيث يرمي على سيرفر الشركة وتتابعه على النت
اول شهر مجاني وبعد كده السنه ب 10 دولار..كلام اهبل يعني
انا عن نفسي بتحكم عن طريق الموبيل ومش بحتاج السيرفر
السيرفر عملي اكتر للشركات علشان يقدروا يتابعوا العربيه اون لاين

الجهاز انا مركبة تحت الكنبه الخلفيه


سعر الجهاز 1000 جنيه
تركيبه ب 100 في مدينه نصر علي يد مهندس محترف بياهد نص ساعه شغل ومش بيبهدل حاجه في العربيه

الجهاز انا جايبه من انجلترا

ركبته في عربيتي البرسونا وعلى نيسان وتيوتا وشفورليه وكيا واوكتافيا عربيات اصحابي
وشغل زي الفل مع الكل
الي محتاج الجهاز ده انا متوفر معايا جهازين حاليا

علي فكره سعر بتاع اتصالات بيبتدي من 1300 واشتراك شهري 75

ممكن رقم المهندس وعنوان المكان اللى بيركب فيه وهل الجهاز ده ممككن يركب على لانسر كرستاله 99

[sas5]

ممكن رقم المهندس وعنوان المكان اللى بيركب فيه وهل الجهاز ده ممككن يركب على لانسر كرستاله 99

اضافه ايضا هل الجهاز موجود فى مصر

[mahmoud_afifi]

اضافه ايضا هل الجهاز موجود فى مصر

الجهاز موجود في مصر. شركة اتصالات منزلاه وفي شركات تانيه زي شركة كنديه اسمها asset security عامله نفس الحكايه بس أجهزتهم محترمه قوي (صناعه الماني)وبيركبوه ويخبوه باحترافيه بس ب3000 جنيه للأسف

[a7mad_mo7amad6]

مهو الي عجبني في الجهاز ده ان سعره معقول وجودة ممتازه وفي كل حاجه

[K3A]

.... لذلك انصح كل واحد حتى لو حاطت gps وشغال ولو عندك immobilizer يارييييت تحط كلبش دركسيون عشان الحرامي مايفكرش في العربيه اساسا. وربنا يحمي عربيات الجميع

هي دي الحقيقة للاسف ... انت حتى لو رحت للداخلية و قلتلهم عربيتي في المكان الفلاني .. حيقولك روح اتفاوض و ادفع فلوس ... لا معنى لل gps في مصر لأسف ...

[S O P H O S]

موضوع جميل

[a7mad_mo7amad6]

متشكر جدا...كلك ذوق