مشكلتى مع السياره الجميله

[tutankhamoun]

مانا فاهم ، أقصد أشغل ازاى الحكاية دى؟ ، أنور البكرة اللى فى النص؟ ووالبكرة الأولى مطفية ، مظبوط؟

البكرة اللي في النص بتنورها لما تكون عايز التسقيع يكون أفضل من التكييف لأنها بتقوم بتدوير نفس الهوا في دائرة مغلقة و لا يفضل القيادة لفترة طويلة مثل ساعة مثلا حتى لا ينفذ الأكسجين من كابينة السيارة

أما لدخول هواء جديد
كل ما عليك أن تفعله هو أن تدير البكرة الأولى حسب قوة دفع الهواء المرغوبة و بعدين تتأكد أن نورها مش شغال
و بكدا بيجيلك هوا من برة العربية علشان يطري الدنيا شوية لو أنت قافل الزجاج

و لو فيه أي استفسار تاني ........... معاك

[AhmedGen2]

البكرة اللي في النص بتنورها لما تكون عايز التسقيع يكون أفضل من التكييف لأنها بتقوم بتدوير نفس الهوا في دائرة مغلقة و لا يفضل القيادة لفترة طويلة مثل ساعة مثلا حتى لا ينفذ الأكسجين من كابينة السيارة

بتدور الهوا فى دائرة مغلقة ودة بيسقع أكتر ازاى؟ وايه علاقته بالتأثير على نسبة الأوكسجين فى الكابينة؟.

و لو فيه أي استفسار تاني ........... معاك

يا باشا ربنا يخليك ...

آه فيه استفسار كمان

وصلة ال Aux دى ايه نظامها لحسن انا أصلى سميع وحارق سيديهات بالهبل ومش مكفى ، الأيبود أو الإم بى ثرى أو حتى الموبايل يبقى قشطة أوى ، أعتقد ال Aux مش بتخش فى الموبايل مش عارف.

[amrcd1]

so2al mohem !!!

[mondy2010]

الله ينور يا اخ توت

[MohabSaeed]

بتدور الهوا فى دائرة مغلقة ودة بيسقع أكتر ازاى؟ وايه علاقته بالتأثير على نسبة الأوكسجين فى الكابينة؟.


.

بعد اذن استاذ توت ارد على الاستفسار ده

* ازاى بتدور الهواء فى دايره مغلقه و الهوا بيسقه اكتر ؟

حمثلهالك بأنك جبت ازازة ميه معبئه كانت محطوطه فى الشمس من اى ماركت فى الشارع و جبت زازه تانيه من جوه كارفور او هايبر وان و محطوطه فى جو مكيف
لوحطيتم فى التلاجه انهى زازاه حتسقع اكتر ... اكيد الى كانت فى جو مكيف

نفس الكلام بالنسبه للتكيف فى دوره الريسايكل الى بتاخد الهواء البارد اصلا من داخل صالون السياره و تعيد تبريده فبكده كفائه تبريد الهواء بتكون ازيد بطبيعة الحال من انك تاخد الهواء من بره العربيه " فريش اير " الى بيكون طبعا سخن جدا فى الصيف و بالنهار خصوصا و كفائه التبريد بتقل كتير جدا .

* ايه علاقته بالتأثير على كميه الاكسجين ؟

طبيعى انتا قاعد جوه العربيه و قافل كل مصادر الهواء المتجدد " قافل الازاز و قافل الزرار الى بيدخلك هواء من بره العربيه " و يبقى انتا بتتنفس الهواء المحبوس جوه العربيه و اكيد الاكسجين الى فى الهواء ده محدود مع تنفسك "و خصوصا لو معاك كذا فرد فى العربيه " الاكسجين حنفذ و طبعا الموضوع ده خطر جدا . بس احنا بنتكلم على المشاوير الطويله و السفر .

انا عموما دايما ماشى بالعربيه و التكيف على الرسايكل و لو المشوار طول بفتح الشباك سنه بسيطه لكام ثانيه و اقفله تانى لتجديد الاكسجين .

[shehabhopazone]

الاخ العزيز تزت عنخ امون
انا جربت اعاده تهيئه العداد وبعدين مشي على سرعه 80 كم طوال 10 كم وصل عداد الاستهلاك 5.2 كم لكل 100كم ثم ارتفعت بعد كده لغايه 8.7 او 8.8 وما بيقلش عن كده وفى حاجه عاوز اسال على بيكون غصب عني لما بلف الدركسيون للاخر بيخبط هل ده له تاثير سلبى على الباور و حاجه تانيه برضه العربيه باخدف يمين جامد اوى....
كنت عاوز من حضرتك اعرف اسعار قطع غيار العربيه بره التوكيل عامله ايه و اماكنها فين.
وان كنت برضه عاوز اعمل فرش زى proton facelift اعمله فين و بنفس تنجيد الباب و الدركسيون ........

[shehabhopazone]

انا اسف جدا تانى على الغلطه المطبعيه انا عاوز حد يعملى اعاده تهيئه في الكتابه على الكى بورد

[khpopo]

فرش جين2 الجميلة
فى واحد فى الدقى تحت كوبرى الدقى بجوار محل ملك الشكمانات اسمة محمد عترة السروجى محترم قوى وشغلة كويس لدرجة مش هاتحس انك مركب فرش زى الاصلى تماما بس بياخد وقت شوية لان الشغل بحتراف فعلا..
ربنا يوفق

[tutankhamoun]

الاخ العزيز توت عنخ امون
انا جربت اعاده تهيئه العداد وبعدين مشي على سرعه 80 كم طوال 10 كم وصل عداد الاستهلاك 5.2 كم لكل 100كم ثم ارتفعت بعد كده لغايه 8.7 او 8.8 وما بيقلش عن كده وفى حاجه عاوز اسال على بيكون غصب عني لما بلف الدركسيون للاخر بيخبط هل ده له تاثير سلبى على الباور و حاجه تانيه برضه العربيه باخدف يمين جامد اوى....
كنت عاوز من حضرتك اعرف اسعار قطع غيار العربيه بره التوكيل عامله ايه و اماكنها فين.
وان كنت برضه عاوز اعمل فرش زى proton facelift اعمله فين و بنفس تنجيد الباب و الدركسيون ........

أولا القرأة دي مش وحشة
و لكن لا تعتمد كليا على قراءة العداد في احتساب البنزين و إستهلاكه
يجب أن تتبع الطريقة التي شرحتها من قبل كثيرا و هي أيضا نفس التعليمات التي شرحها الأخوة الأفاضل
مرموش ....... و أحمد صيام

بالنسبة للدريكسيون .......... كل الجين 2 كدا و العربيات التانية كدا برضه بصوت أقل ( عن تجربة )

بالنسبة لقطع الغيار و أماكن تواجدها
الأسعار أنا غير متأكد منها حاليا
أماكن التواجد في
شارع دمشق
الجيزة ( و دول اللي أنا أعرفهم اﻵن )

بالنسبة للفرش
أنا شوفت زميل عامل فرش جلد محترم قوي و مكلفه 300 جنيه فقط لا غير
و تقريبا في سبير كار و أنا كنت أرفقت العنوان في موضوع أخر لنفس السؤال

بس مش فاكر العنوان دلوقتي ......... هادور عليه و أكتبه هنا تاني ان شاء الله

بالنسبة لفرش الأبواب
لا أنصح به .......... لان ده معناه أنك هاتفك الباب علشان تركب الفرش .......... مش عارف مش مرتاح للفكرة دي
بس لو أنت عايز تعملها .......... مفيش مشكلة ....... أسأل الجماعة بتوع الفرش و هما يدلوك إن شاء الله

بالنسبة للدريكسيون
أنت ممكن تشتري اطار حول الدريسكيون جاهز بخامات عالية و مش هايكلفك أكتر من 30 إلى 40 جنيه لأفضل الخامات
و فيه أقل من كدا كمان

و إن شاء الله لاحقا ........... سأقوم بإرفاق عنوان أو عناوين للجماعة بتوع فرش العربيات

[magedomran]

انا عايز اضيف لينك مشاركه لعربيه ماذا 3

http://nilemotors.net/Nile/showthread.php?t=37393

ولا اقصد اى حاجه
بس اللى عايز اقوله ليه احيانا بنقيس حلاوة العربيه بالسرعه القصوى ليها

[AhmedGen2]

شكرا ً يا مهاب ...

طب بالنسبة لدة؟

وصلة ال Aux دى ايه نظامها لحسن انا أصلى سميع وحارق سيديهات بالهبل ومش مكفى ، الأيبود أو الإم بى ثرى أو حتى الموبايل يبقى قشطة أوى ، أعتقد ال Aux مش بتخش فى الموبايل مش عارف.

[Ahmed REDA]

اسلام توكيل بلوبانكت بيعملها عادي جدا و هوة موجود في شارع احمد عرابي بعد ناصية جنيدي و دة جنب بيتي قوي لو تحب كامني و اجي معاك ونركبهالك و اي خدمة يا ابو اسلام:D