تنعيم العفشة

[Dr\Mohamed]

بسبب وظيفتي إللي ربنا ما يوريها لأحد فأنا بسافر كتير في كذا بلد عندي مشكلة في العربية حبيت أعرضها عليكم يمكن يكون حد فكر لها في حل.
عفشة العربية دي خشنة قوي يعني لو الأسفلت ناعم وكويس بس فيه طوبة أو زلطة صغيرة عديت عليها بحس إن العربية كلها بتترج ولو رايح البلد وراكب معايا والدي بيبقى صعبان عليا بقول زمانه هينزل جسمه مكسر من الطريق

المشكلة دي مكنتش واخد بالي منها بس لاحظتها لما كان الميكانيكي جاري ليه حالة في المستشفى عندنا ومكنش معايا عربيتي فروحنا سوا في عربيته كرولا 98 وكان بيجري طبعا الطريق المعتاد وأنا متعود ههدى هنا علشان الأرض خشنة وبرضه العربية هتترج بس بصراحة كأن عربيته ماشية على أرض ناعمة زي الحرير حاجة تانية

حد عنده حل لتنعيم العفشة دي؟؟

[Mecha]

جلب استابليزر و مساعدين غاز ويا سلام لو بناتي
كلو بسيط و لا يهمك بنضحك

[hesham fawzy h]

متابع

[ENG.MaRk]

بيع العربية و اشتري اوكتافيا a5 أو كورولا 2007

[mado83]

اليابانى انعم عفشه

[eng.m7md.ali]

فرق كبير جداً بين عفشة البرسونا والكرولا في النعومة لصالح الكرولا .. بس اركب كدة سيراتو حضرتك وجرب هتلاقي البرسونا احسن

[Dr\Mohamed]

فرق كبير جداً بين عفشة البرسونا والكرولا في النعومة لصالح الكرولا .. بس اركب كدة سيراتو حضرتك وجرب هتلاقي البرسونا احسن

يعني حضرتك مفيش حل للموضوع ده؟

[eng.m7md.ali]

يعني حضرتك مفيش حل للموضوع ده؟

للاسف لا .. حضرتك اغسل العربية من تحت واستعمل شحم سبراي وربط العفشة .. هتلاقيها اتحسنت كتير خصوصاً الغسيل ده بيفرق

[Dr\Mohamed]

للاسف لا .. حضرتك اغسل العربية من تحت واستعمل شحم سبراي وربط العفشة .. هتلاقيها اتحسنت كتير خصوصاً الغسيل ده بيفرق

شكرا لاهتمام حضرتك

أنا كنت غسلتها من حوالي أسبوعين من تحت نزلت كمية تراب كبيرة فعلا بس للأسف مش حاسس بفرق
كان العامل هناك سألني أغسلك العفشة بالزيت بس أنا خفت من إنها كمان يومين تلاتة هتلم تراب كتير من الشوارع الغير مرصوفة وبالتالي النتيجة هتبقى عكسية وهتبقى أخشن وأخشن فقلت له لأ بلاش

أجرب مثلا وأغسل العفشة بالجاز؟؟

[د.هشام]

عن تجربة، غير الكاوتش لبريدجستون الياباني turanza gr-90 حتفرق كتير

[mohamed ragab]

مع احترامي لراي الجميع كده انت عندك بلي العجل عاوز يتغير ضروري ... جرب وادعيلي

[ahmed_h_g]

بلي ايه بس يا فندم
المشكله فى خشونة العفشه أو العفشه محجره مالهاش علاقه بالبلي إطلاقاً

[eng_amg]

بص. موضوع تغيير الكاوتش دا من العوامل المساعدة.
حاول تظبط الضغط اقل من 30 وياريت نيتروجين.
واكشف علي المساعدين والمقصات وخصوصا الجلب. لو جلب المقصات غير اصلية غيرها فروا لان عليها عامل مهم جداااا

[tutankhamoun]

عفشة الجين 2 و البرسونا مش ناعمة .....
بس مش لدرجة أنك لما تدوس على حاجة تحس ان العربية بتتهز ... العفشة عندنا عفشة مستقلة مينفعش تهز العربية كلها لما تدوس على طوبلة و لا على زلطة .
كدا العفشة عايزة تربيط ... دي أول خطوة .

ثانيا الكاوتش له عامل كبير قوي في نعومة العفشة على الطريق
العربية عندي لما كان الكاوتش جديد ......... مكنش بحس بأي مطب تقريبا و بعد لما الكاوتش بقى ناشف .. أصبحت أنشف طبعا .

فشوف كدا بتوع الكاوتش يدلوك على كاوتش ناعم بس خلي بالك من الثبات ممكن يقل مع الكاوتش الناعم .

[Dr\Mohamed]

عفشة الجين 2 و البرسونا مش ناعمة .....
بس مش لدرجة أنك لما تدوس على حاجة تحس ان العربية بتتهز ... العفشة عندنا عفشة مستقلة مينفعش تهز العربية كلها لما تدوس على طوبلة و لا على زلطة .
كدا العفشة عايزة تربيط ... دي أول خطوة .

ثانيا الكاوتش له عامل كبير قوي في نعومة العفشة على الطريق
العربية عندي لما كان الكاوتش جديد ......... مكنش بحس بأي مطب تقريبا و بعد لما الكاوتش بقى ناشف .. أصبحت أنشف طبعا .

فشوف كدا بتوع الكاوتش يدلوك على كاوتش ناعم بس خلي بالك من الثبات ممكن يقل مع الكاوتش الناعم .

شكرا لحضرتك على الإفادة
علشان نستبعد العفشة هل لو العفشجي ركب العربية ممكن يعرف هل هي عايزة تربيط ولا لأ؟؟
لأنه كان ركبها أول ما اشترتها من حوالي 5 شهور ولما سألته رأيك إيه قال العربية تمام بس بصراحة ان مش فاكر كان حالها إيه ساعتها لأني أول مرة أسوق ولا رأي حضرتك في خلال 5 شهور أنا عملت 8 آلاف كيلو سفر فكده محتاجة بصة تانية منه على العفشة؟؟