ليه اجيب عربيه بروتون ؟؟؟

[Omar Mahmoud]

اي عربية غير هيونداي/كيا/لانسر بومة/كريستالة/نيسان/تويوتا/دايو
طبيعي هيقولولك ملهاش قطع غيار و غالية نااااااار و لما تزنق واحد منهم في الكلام ميعرفش يرد
و هتسمع اللي يقوللك اصل لما تعمل بيها واحد امبليه مش بتديك اتنين فرقعة في الشكمان و كلام غريب
انا فضلت فترة مقتنع إن خامات بروتون زبالة من ناحية التابلوه
شفت بيجو 301/اكسنت/ريو/شارك ملقتش فرق اللي هو يستاهل
حتي التقفيل في الموديلات الجديدة بقي كويس بس اقل منهم بردو
بالنسبة لقطع الغيار المحلات موجودة و كتير و الحاجات متوفرة جديد و استيراد
انا مش بنكر إن في ناس عندها مشاكل دي حاجة واردة في اي عربية زي bmw الفئة السابعة اللي عربيته فيها مشاكل زي مشاكل البيجو 301 زي المشاكل اللي حصلت مع عربيات اوبل.

[noureldenadel4]

ربنا يبارك فى عربيتك يا نور ويديك خيرها ويكفيك شرها

انت عربيتك مميزة رغم انها مستعملة برده الخليجى ارقى مفيش كلام

..... عملت ايه فى الكاوتش هتغيره زى ما انا عملت من كام يوم ...

ازيك يا بشمهندس خالد وحشنى كتير انا طبعا هغيره بس مستنى حضرتك تقولى اجيبه منين زى ما اتفقنا

[AMADO2015]

يعني رايكم عربيه محترمه

[eng.m7md.ali]

التجربة خير دليل ... انصحك تجربها الاول في التوكيل

[Eslam.Elrefaey]

بص من الآخر الفئة دى تطلع منها الصنى دى تماماا وكفايا المشاكل الى الناس عمالة بتشتكى منها وقضايا وقرف
ال301 عربية لسه جديدة وحلوة عايز تجربها براحتك بس انا مش بشوفها فى الشارع كتير والتوكيل معرفش ايه نظامه ولا قطع غيارها بس انت بنفس سعر الجين هتجيب الفئة الاولى وحط ده فى الاعتبار
قدامك حل من ثلاثة بقا يا ريو وهتبقى فئة قليلة ومش ختبقى حلوة الا لو اعلى فئة والفرق بينها وبين الجين فى التقفيل احسن واحسن كتير كمان بس متتركبش الا اعلى فئة وهتبقى سيتى كار لا بتاعت غرز ولا شد ولا تعدى ال 140 دى هتبقى حلوة معاك
الحل التانى تجيب شارك وتزنق نفسك فى الفلوس او تدفع الى معاك مقدم والباقى قسط والعربية بدأت تنتشر وهتبقى زى البوما قريب لو كملت على الحال بتاعها دلوقتى
يا تجيب الجين شكل وثبات وموتور وكل حاجة قطع غيار عايز توكيل موجود وفى نفس الوقت فى بدائل تانية كتييييرة جدا مشاكلها كلها كمشاكل اساسية يعنى فى التقفيل يعنى زراير مالتى تعلق زجاج كهربا يعلق كلها حاجات بسيطة اتصلحت عن الموديلات السابقة ولكنها مازالت موجودة
اتمنى انى مكنتش لخبطك زيادة وعرفت تاخود قرارك

[fepsceasar]

بيجو 301 اوستروين سي اليزيه العربيات دول اخوات وشايفهم الافضل كقيمة مقابل سعر
بروتون بريفي كان فى حد عامل موضوع عنها هتبقى بحوالي 150 الف
والصنى الجديدة مشاكلها حدث ولا حرج

[Omar Mahmoud]

بيجو 301 اوستروين سي اليزيه العربيات دول اخوات وشايفهم الافضل كقيمة مقابل سعر
بروتون بريفي كان فى حد عامل موضوع عنها هتبقى بحوالي 150 الف
والصنى الجديدة مشاكلها حدث ولا حرج

بالنسبة للبيجو و السيتروين اللي نازلين بطاسات و مرايات عادية مش كهرباء و تقريبا مفيش مالتي فانكشن ولا مسند يد غير في اعلي فئة فين الافضل مقابل قيمة سعرية؟؟؟؟
البريفي اصلا مش sub-compact زي الريو و الاكسنت هي compact زي الجين/بيرسونا
البريفي حمادة و الجين و البيرسونا حمادة تاني خالص من ناحية الكماليات و الخامات و التقفيل و العفشة و الفرامل و عوامل الامان
و ده مش كلامي ده كلام مواقع عالمية زي car advice

[carrier]

بالنسبة للبيجو و السيتروين اللي نازلين بطاسات و مرايات عادية مش كهرباء و تقريبا مفيش مالتي فانكشن ولا مسند يد غير في اعلي فئة فين الافضل مقابل قيمة سعرية؟؟؟؟
البريفي اصلا مش sub-compact زي الريو و الاكسنت هي compact زي الجين/بيرسونا
البريفي حمادة و الجين و البيرسونا حمادة تاني خالص من ناحية الكماليات و الخامات و التقفيل و العفشة و الفرامل و عوامل الامان
و ده مش كلامي ده كلام مواقع عالمية زي car advice

لو الماليزيين ركزوا مع عربياتهم الجديدة وكانوا ورا التوكيل بمتابعة من حديد

كل البروتون هينجح نجاح مميز

وخلى بالك كل التحية
للجين2
هيا اللى حفرت اسم محترم لبروتون فى مصر بعد العظيمة الويرا

[AMADO2015]

كله متفق علي ان جين 2 عربيه جاحده

[fepsceasar]

بالنسبة للبيجو و السيتروين اللي نازلين بطاسات و مرايات عادية مش كهرباء و تقريبا مفيش مالتي فانكشن ولا مسند يد غير في اعلي فئة فين الافضل مقابل قيمة سعرية؟؟؟؟
البريفي اصلا مش sub-compact زي الريو و الاكسنت هي compact زي الجين/بيرسونا
البريفي حمادة و الجين و البيرسونا حمادة تاني خالص من ناحية الكماليات و الخامات و التقفيل و العفشة و الفرامل و عوامل الامان
و ده مش كلامي ده كلام مواقع عالمية زي car advice

شوف الهايلاين لو عاوز تكييف تاتش وتابلوه ابانوس وجنوط سبور ومسند يد وبلوتوث الفرق بين البيز والهاي حوالي 12 الف
والبيجو البيزلاين هتزيد عن الجين تو الكاملة كمبيوتر رحلات
انا بتكلم عن خامات وتقفيل ونعومة فى العفشة وراحة وقوة الصاج واستهلاك بنزين ومواصفات أمان
طبعا الجين 2 ممتازة فى الثبات والتكييف وممكن يكون التسارع وان كانت البيجو ثابتة برضو
وبعدين البريفي مش حمادة ولا حاجة انا وجهة نظرى لو كانت ارخص شوية كانت هتبقى مميزة
وفى النهاية يا باشا دى وجهات نظر مش مستاهلة انفعال لانى مش معايا 301 ولا سي اليزيه فداخل متحيزلهم مثلا ولا حاجة وفى الاخر الشرا ده بيبقى راحة نفسية ما فيش عربية افضل فى المطلق والا كنا كلنا ركبنا نفس العربية، وسامحنى لو مشاركتى ضايقتك
وربنا يقدم اللى فيه الخير لصاحب الموضوع

[carrier]

انا بتكلم عن خامات وتقفيل ونعومة فى العفشة وراحة وقوة الصاج واستهلاك بنزين ومواصفات أمان

كل دا عندى فى عربيتى الجين2 + موتور من لوتس قوى وسريع طلقة انت مجبتش سيرته

شرفنى واهلا بيك

[AMADO2015]

بس انا سمعت ان الجين 2 ضيقه من جوه

والبيرسونا اوسع

بس ياجدعان الجين 2 منظرها احلي بكتير

الكلام ده صح

[mido_soliman]

بس انا سمعت ان الجين 2 ضيقه من جوه

والبيرسونا اوسع

بس ياجدعان الجين 2 منظرها احلي بكتير

الكلام ده صح

مفيش فرق ف الوسع من جوه نهائى الفرق الوحيد ان الجين سقفها من ورا نازل شويه (curved) اة ونقطه مهمه كمان
الجين اثبت من البرسونا بمراحل وعن تجربه
بالنسبه للشكاوى فدى بتبقي انت وحظك
اشتريت العربيه من الزيرو واعدت معايا 4 سنين معملتش غير صيانات وحاجات اضافيه لزوم التغيير مش اكتر
عربيه تستاهل كل قرش فيها
نصيحه
جربها الاول لازم تجربها وبعدين خد قرارك
تحياتى

[Omar Mahmoud]

شوف الهايلاين لو عاوز تكييف تاتش وتابلوه ابانوس وجنوط سبور ومسند يد وبلوتوث الفرق بين البيز والهاي حوالي 12 الف
والبيجو البيزلاين هتزيد عن الجين تو الكاملة كمبيوتر رحلات
انا بتكلم عن خامات وتقفيل ونعومة فى العفشة وراحة وقوة الصاج واستهلاك بنزين ومواصفات أمان
طبعا الجين 2 ممتازة فى الثبات والتكييف وممكن يكون التسارع وان كانت البيجو ثابتة برضو
وبعدين البريفي مش حمادة ولا حاجة انا وجهة نظرى لو كانت ارخص شوية كانت هتبقى مميزة
وفى النهاية يا باشا دى وجهات نظر مش مستاهلة انفعال لانى مش معايا 301 ولا سي اليزيه فداخل متحيزلهم مثلا ولا حاجة وفى الاخر الشرا ده بيبقى راحة نفسية ما فيش عربية افضل فى المطلق والا كنا كلنا ركبنا نفس العربية، وسامحنى لو مشاركتى ضايقتك
وربنا يقدم اللى فيه الخير لصاحب الموضوع

الجين/بيرسونا فيهم كمبيوتر رحلات و عوامل امان اساسية abs-ebd-2 airbags و صاج قوي و التسارع عموما احسن من ال 301 و ازيد من البيجو بيز لاين بجنوط سبور و مرايات كهرباء و كل ده اساسي في البيرسونا/جين..... البريفي المفروض هتنزل بس معتقدش دي الاسعار الرسمية انا مش بصدق الاسعار اللي بتبقي من مصادر بداخل مكان معين او من حد داخل مكان معين..... انا مش قصدي انفعال او حاجة و طبعا كل واحد و رأيه.

[AMADO2015]

هما الاتنين الاوتو فيهم في abs