اخيرا أول عربية لي بروتون جين2

[zico4all1]

الأربعاء 22 ربيع الثاني 1436

الحمد لله ربنا كرمني باول سيارة لي
بروتون جين 2 2008
لون اسود
حالتها فوق المتوسطة الحمد لله
يا جماعة الخير خبراتي في العربيات كانت زيرو وبتعلم هنا
ياريت تفيدوني محتاج كتالوج الجين 2
وياريت مواعيد الصيانة الدورية لها
انا حاليا 89 الف كيلو
ولو امكن اماكن وارقام المراكز اللي شغالة بروتون في العاشر من رمضان او الحرفيين.

وجزاكم الله عني كل خير

[windofchange]

الف مبروك ربنا يديك رزقها ويكفيك شرها...

[Omar Mahmoud]

الف مبروك
ربنا يديك خيرها و يكفيك شرها
.
.
.
في مركز عصام صفا عنوانه 25 شارع د.طه حسين النزهة الجديدة
المفروض الصيانة كل 5000 كم

[windofchange]

ياريت قبل ماتروح عصام وصفا تشوف الموضوع ده http://www.nilemotors.net/Nile/440028-a.html

[zico4all1]

جزاكم الله خيرا.
واضح الامر فيه تفاصيل قديمة. ☺
طب هل فيه مراكز خدمة مفيش عليها جدل من تجارب ملاك الجين. في منطقة الحرفيين والعاشر من رمضان.
والكتالوج الكتالوج. مثبت السرعة مش عارف اشغله. وفيه زرارين كمان معرفش بتوع ايه
اين الجيناوية؟

[Karim_Mohy]

الف مبروووك ربنا يديك خيرها ويكفيك شرها,,,قولنا عن انطباعك ورأيك في العربية كاول عربية لحضرتك

[samehshokry]

الف مبروك
ربنا يديك خيرها و يكفيك شرها
.
.
.
في مركز عصام صفا عنوانه 25 شارع د.طه حسين النزهة الجديدة
المفروض الصيانة كل 5000 كم

ما بلاش عصام وصفا ، المراكز كتير

[Omar Mahmoud]

ما بلاش عصام وصفا :_alshmokh15[1]: ، المراكز كتير

انا عارف
بس علشان صاحب الموضوع بيسأل علي حد في المنطقة دي

[samehshokry]

جزاكم الله خيرا.
واضح الامر فيه تفاصيل قديمة. ☺
طب هل فيه مراكز خدمة مفيش عليها جدل من تجارب ملاك الجين. في منطقة الحرفيين والعاشر من رمضان.
والكتالوج الكتالوج. مثبت السرعة مش عارف اشغله. وفيه زرارين كمان معرفش بتوع ايه
اين الجيناوية؟

اسأل ايه الزراير اللي انت مش عارف تشغلها و نجاوبك عليك ان شاء الله
مثبت السرعه مش هقدر افيدك لاني عندي مانوال و مافهاش

وده جدول الصيانه لو احتاجته
[IMG][/IMG]

[memo_p910]

الف مبروك
ممكن تقولوا لنا السعر كام ومانيوال ولا اوتو
واشتريتها من السوق ولا من على النت

[zico4all1]

جزاكن الله خيرا جميعا.
السيارة 2008 وحاليا 89500 كم
اوتو
انظباعي حتي الان ممتاز. ولو اني زعلان اني بمرمط الجين معايا.
لاني نتعلم قيادة مؤخرا. وخبراتي ضعيفة جدا.
بس كل اللي شافها. وخصوصا اللي مركبهاش قبل كدة. بتعجبه جدا.
بشكل عام اكثر من هايلة.
يعيبها نقص اماكن التخزين ولو انها شبابي مش عائلية. فده مش عيب فيها قد ما هو اختيار اللي بيشتري.
عندي فيها مشاكل بسيطة. زجاج باب السائق بيعلق احيانا في الغلق. وسنتر الباب اليمين بيعلق احيانا برضه.
كمان النور العالي اليمين والشبورة اليمين مش شغالين.
ومحتاج اركب مساح للزجاج الخلفي كمان
وبتابع مواضيع الصيانة وبشوف انطباعات الناس عن المراكز. بس حتي الان ناس بتمدح جدا وبعدهم ناس بتنتقد جدا لنفس المركز.
سوا في الحرفيين او مدينة نصر.
دلوقت السيارة في مدينة نصر لمدة اسبوعين فربنا ييسر اتوفق لحد شغله محترم وامين. ميفتحش ليا شغل ملوش لزمة في العربية.

[Eng.Omar_karem]

بص يا باشا انا جربت مركزين.. روحت عصام صفا وامير وجوزيف اللي فى مدينة نصر اهم حاجة فى المراكز دي وانت رايح تبقى عارف انت عايز ايه بظبط وهتعمل ايه فى العربية عشان محدش يفتحلك شغل فعلا مالوش لازمة ..يمكن عيب امير وجوزيف انهم شغالين ف انواع كتيير مش متخصصين في البروتون بس ف المركز بيكون زحمة ..عصام صفا كويسين بس لو مشكلة معدتش عليهم قبل كده ممكن ميعرفوهاش !! ... زى ما قلتلك اهم حاجة تبقى محدد انت رايح تعمل ايه ف عربيتك وبس

وانا 2008 برضو بس مانيوال واى سؤال براحتك:)