جين2 ولا سياز

[شادي بدر]

يا جماعة انا ان شاء الله ناوي اشتري واحدة منهم ممكن رأيكو في الاتنين عشان محتار جداااااااااااااا

[شادي بدر]

يا قوم حد يقول اي حاجة :d

[a7med ezz 20]

السياز محدش يقدر يفيدك فيها لانها لسة تحت التجربة لاكن هي كمواصفات وشكل وتقفيل وفخامة واوبشن رائعة ، اما الاداء لسة شويه عقبال ما حد يحدد ده

[carrier]

يا قوم حد يقول اي حاجة :d

سياز طبعا .......

[شادي بدر]

طيب ليه طبعا

[carrier]

طيب ليه طبعا

جارى لس جايبها زيرو لون اسود

مكنتش اعرف انها مميزه وسواقتها حلوة كده

بالتوفيق ......

[شادي بدر]

هي جميلة جدا بس عشان لسه جديدة فقلقان شوية

[a7med ezz 20]

فكل الاحوال مش هتبقي اسوء من الجين 2 الصراحة يعني

[MaZaGAngeE]

جين قديمة…
سياز موديل جديد و كماليات اكتر و مصنع الهند مفيش مشاكل منه خالص لان عربيات سوزوكي الهندي موجودة من زمان في مصر و زي الفل ..

[amrseif]

سياز طبعا .......

غريبة يعنى .... امال فين دفاعك المستميت عن بروتون وخصوصا جين 2 ؟!!!

[eng.m7md.ali]

فكل الاحوال مش هتبقي اسوء من الجين 2 الصراحة يعني

وايه اللي من وجهة نظر حضرتك سئ في الجين2؟؟

[a7med ezz 20]

وايه اللي من وجهة نظر حضرتك سئ في الجين2؟؟

لا انت فهمتني غلط ، انا اقصد انها فكل الاحوال هتبقي احسن من الجين 2 ، اولا التصنيع هندي واندونيسي . فالهندي يكسب بالذات فالتقفيل والجودة ، فالاوبشن السياز تكسب ، استارت انجين وفوانيس امامية ليد وعدسة ومرايات ضم وطارة مالتي . فالخامات السياز تكسب طبعا وده واضح لان الجين 2 كلها بلاستيك من جوا وخامة رديئة ، فالوسع السياز تكسب ، فالفخامة طبعا السياز ، فمساحة الشنطة طبعا السياز تكسب بجدارة ، النقطة الوحيدة اللي تتفوق فيها البروتون هي قوة الموتور وتجميعه البروتون محرك كامبرو 4 سيلندر 1600 cc , قوى الحصان هي 110 حصان عند 6000 لفة في الدقيقة. اما السياز محرك جديد VVT سعة 1400 لتر وقوة 95 حصان عند 6000 دورة فى الدقيقة وعزم دوران يبلغ 130 نيوتن / متر عند 4000 لفة . هو موفر جدا فالبنزين كمان والعزم مش بطال .

[a7med ezz 20]

تصحيح بسيط ، اسف اقصد تصنيع ماليزي مش اندونيسي

[swimmer25]

المقارنة دي لسه قاريها ممكن تفيدك
http://www.nilemotors.net/Nile/468662-a.html

[ahmedmohamed7]

لا انت فهمتني غلط ، انا اقصد انها فكل الاحوال هتبقي احسن من الجين 2 ، اولا التصنيع هندي واندونيسي . فالهندي يكسب بالذات فالتقفيل والجودة ، فالاوبشن السياز تكسب ، استارت انجين وفوانيس امامية ليد وعدسة ومرايات ضم وطارة مالتي . فالخامات السياز تكسب طبعا وده واضح لان الجين 2 كلها بلاستيك من جوا وخامة رديئة ، فالوسع السياز تكسب ، فالفخامة طبعا السياز ، فمساحة الشنطة طبعا السياز تكسب بجدارة ، النقطة الوحيدة اللي تتفوق فيها البروتون هي قوة الموتور وتجميعه البروتون محرك كامبرو 4 سيلندر 1600 cc , قوى الحصان هي 110 حصان عند 6000 لفة في الدقيقة. اما السياز محرك جديد vvt سعة 1400 لتر وقوة 95 حصان عند 6000 دورة فى الدقيقة وعزم دوران يبلغ 130 نيوتن / متر عند 4000 لفة . هو موفر جدا فالبنزين كمان والعزم مش بطال .

حضرتك بتتكلم و بتحكم على عربية من خلال سبيكس شييت و رؤية ليها من المعرض ! اهم عامل مش موحود اصلا ! فاكر ال 301 اول مانزلت ؟ نصبر بس لغاية مانشوف ايه الى هيبان :) جايز فعلا تطلع افضل من البيرسونا و جايز لا ! ساعتها وسعها و لا تقفيلها مش هينفعوا يا عزيزى
ده بغض النظر اصلا انى مش متفق معاك فى كلامك :) بس انا مش هخش فى جدال مسبق لحاجة اصلا ماحدش جربها .