اعادة البيع للسيارات

[mezo73]

السلام عليكم ورحمة الله وبركاتة
اولا احب ان اشكر كل الناس اللي موجودين هنا في المنتدي لان الناس هنا فعلا محترمة وبتاخد الموضيع بجدية والناس بتحترم بعضها ودة شئ مفتقد في هذه الايام والناس ما بتخرجش عن المألوف لاني بتابعكو من فترة ولم اتشرف بالاشتراك معكم واظن انة جة الوقت
المهم من خلال خبرتي المتواضعة في العربيات
انا غيرت العربية 4 مرات
الاولي سيفك 76 والتانية 127 توب الماني 70 حصان مو 81 والثالثة اسكودا فيفوريت 94 والحالية فيات تمبرا 91 ايطالي وان شاء الله تعالي تكون الخامسة الجميلة اللي انا عمال اتابعها من فترة طويلة
الشئ المشترك بين كل هذة العربيات والجميلة طبعا بأعتبار ما سيكون ان شاء الله هي مشكلة اعادة البيع علي الرغم من كل العربيات اللي ركبتاها كانت فابريقة وبحالات نادرة جدا انك تشوف عربية قديمة وحالتها ممتازة وفابريقة في كل مرة كنت ببيع العربية الناس تتفرج علي العربية ويعجبوا بيه جدا ولكن مايشتروهاش وماحدش يقدر يطلع فيها عيب
ولمافكرت بعد اول مرة حصل معايا كدة ان العربية اتباعت بسعر كويس بس بعد فترة طويلة شوية وصلت لقرار مهم انك تاكل اللي علي مزاجك وانت بتحبوا لان العيب مش في العربية العيب في فكر الناس اللي بتحب تجيب زي فلان وخلاص لانة طالما جاب دي تبقي كويسة واعمل زية
وكل العربيات اللي جبتها بعد كدة كلها بتتباع بصعوبة شوية
ودي مش مشكلة فعلا
لان راحتك النفسية اهم ومراعاة شروط الامان في العربية اللى انت هاتجيبها اهم لان دي سلامتك وحياتك انت واسرتك
ملحوظة كل العربيات اللي امتلكتها اجتازت شروط السلامة الاوروبية
ومشيت العربيات دي فعلا في اوروبا والجميلة طبعا زيهم
اما الكوري حدث ولا حرج مافيش اي نوع من انواع السلامة
ان انا بلاحظ ان في مثلا ناس بتقارن الجين بالفيرنا ,والاسبرانزا
والمقارنة دي غير مقبولة اطلاقا مع الاعتزار لمالكي هيونداي انما هي مش عربية لان العربية اللي مافيهاش امان بس بتتباع كويس ممكن اساسا ماتلحقش تبيعها والورثة يبعوها خردة
عل فكرة الكلام دة للناس اللي ماتشوفش غير تحت رجليها
واللي بيدورعلي عيوب صغيرة زي نور مش شغال وبعض عيوب صغيرة لما بتستلم العربية دي حاجات عادية بتحصل في عربيات تانية مركات كويسة ومشهورة وانا شوفتها فعلا
اخيرا انا كنت عاوز اوصل صورة معينة للناس يمكن تفيدهم
اسف علي الاطالة وارجو التصحيح ان وجد
mezo_hamza2@yahoo.com

[adel1414]

مشكور يااخى على مجهودك الرائع:k49:

[aeltokhy]

السلام عليكم ورحمة الله وبركاتة
اولا احب ان اشكر كل الناس اللي موجودين هنا في المنتدي لان الناس هنا فعلا محترمة وبتاخد الموضيع بجدية والناس بتحترم بعضها ودة شئ مفتقد في هذه الايام والناس ما بتخرجش عن المألوف لاني بتابعكو من فترة ولم اتشرف بالاشتراك معكم واظن انة جة الوقت
المهم من خلال خبرتي المتواضعة في العربيات
انا غيرت العربية 4 مرات
الاولي سيفك 76 والتانية 127 توب الماني 70 حصان مو 81 والثالثة اسكودا فيفوريت 94 والحالية فيات تمبرا 91 ايطالي وان شاء الله تعالي تكون الخامسة الجميلة اللي انا عمال اتابعها من فترة طويلة
الشئ المشترك بين كل هذة العربيات والجميلة طبعا بأعتبار ما سيكون ان شاء الله هي مشكلة اعادة البيع علي الرغم من كل العربيات اللي ركبتاها كانت فابريقة وبحالات نادرة جدا انك تشوف عربية قديمة وحالتها ممتازة وفابريقة في كل مرة كنت ببيع العربية الناس تتفرج علي العربية ويعجبوا بيه جدا ولكن مايشتروهاش وماحدش يقدر يطلع فيها عيب
ولمافكرت بعد اول مرة حصل معايا كدة ان العربية اتباعت بسعر كويس بس بعد فترة طويلة شوية وصلت لقرار مهم انك تاكل اللي علي مزاجك وانت بتحبوا لان العيب مش في العربية العيب في فكر الناس اللي بتحب تجيب زي فلان وخلاص لانة طالما جاب دي تبقي كويسة واعمل زية
وكل العربيات اللي جبتها بعد كدة كلها بتتباع بصعوبة شوية
ودي مش مشكلة فعلا
لان راحتك النفسية اهم ومراعاة شروط الامان في العربية اللى انت هاتجيبها اهم لان دي سلامتك وحياتك انت واسرتك
ملحوظة كل العربيات اللي امتلكتها اجتازت شروط السلامة الاوروبية
ومشيت العربيات دي فعلا في اوروبا والجميلة طبعا زيهم
اما الكوري حدث ولا حرج مافيش اي نوع من انواع السلامة
ان انا بلاحظ ان في مثلا ناس بتقارن الجين بالفيرنا ,والاسبرانزا
والمقارنة دي غير مقبولة اطلاقا مع الاعتزار لمالكي هيونداي انما هي مش عربية لان العربية اللي مافيهاش امان بس بتتباع كويس ممكن اساسا ماتلحقش تبيعها والورثة يبعوها خردة
عل فكرة الكلام دة للناس اللي ماتشوفش غير تحت رجليها
واللي بيدورعلي عيوب صغيرة زي نور مش شغال وبعض عيوب صغيرة لما بتستلم العربية دي حاجات عادية بتحصل في عربيات تانية مركات كويسة ومشهورة وانا شوفتها فعلا
اخيرا انا كنت عاوز اوصل صورة معينة للناس يمكن تفيدهم
اسف علي الاطالة وارجو التصحيح ان وجد
mezo_hamza2@yahoo.com

ماشاء الله فكر وثقافة جديدة على مجتمعنا إلى إتعود على خليك فى المعروف
وإحنا نعرف فرعون يبقى كويس أما موسى فمنعرفوش فبلاش
أتمنى إنة يكثر أصحاب هذا الفكر فى بلدنا الحبيبة

[gagareen]

الكلام ده بيأكد تانى ان اللى اشترو الجين2 اخذوا فعلا القرار الصح .. لان ده كلام من شخص مجرب اربع انواع واكيد رأيه يؤخذ فى الاعتبار لان خبرته فى اربع عربيات مش قليله

شكرا يا ميزو وإن شاء الله ربنا يوفقك فى الاحسن وتكون مرتاح اليه

[mayki4u]

رأيك يحترم يا ميزو بما فيه من مصداقيه وخبرات سابقه .
وفعلا انا قابلت ناس كتير بيتقوللى انها لسه منتشرتش زى الفيرنا والهيونداي عامة فا كانو بيقولو خليك فى المضمون أحسن وكان ردى انه فى اوائل السبعينات مكنشي حد كان يعرف اليبانى خالص ومع ذللك الناس جابته وركبته واتفوق

[khpopo]

ياجماعة هودة الصح مش لازم ناكل كلنا زى بعض..:k17: كل واحد لة فكرة وراية وانا فعلا لما جبتها اول مانزلت كنت من ضمن اسبابى لية نشجع الدنيا كلها طيب والماليزين لازم ياخدو حقهم زيهم بجانب ماقدموا من امكانيات امان مش متوفرة الا بالشىء الفلانى والسعر المبالغ فية ( ضحك على الدقون ) كمان كل حاجة بتاخد وقتها وبتتعرف وحاليا هى اثبتت وجودها بفضل الله ومجهود الماليزين من فكر مختلف اصبح كثيرين يحتزوا بة شكراا لرايك الى جربتة واشهد ان راى الصواب
ربنا يوفق

[EGMIDO]

يا جماعة فى حاجة انتوا مش واخدين بالكو منها ان مالزيا هى اول دولة اسلامية تنتج سيارة لذا فعلينا بلفعل ان ندعمها جيدا ودة ميعنيش ان احنا هانيجى على نفسنا لكن انا اقصد ان عيوب بسيطة زى دية منتكلمش فيها لكن نناقش ازاى نعالجها وازاى نعمم الخطوة دية فى باقى البلاد الاسلامية
انا الصراحة محصليش الشرف ان انا اركب العربية دية لكن انا معايا اوبل فيكترا وكنت مرة ماشى على 160 وكانت جنبى العربية دى وكانت على نفس السرعة وثباتها واضح جدا مشاء الله عقبالنا يا رب اما مصر تنتج جين 6

[hamada_sivo]

شِكرا يا ميزو على الموضوع الجامد ده و فعلا الجين2 عربيه بها كل وسائل الراحه من امان و ترفيه و جمال داخلى و خارجى و بالنسبه لعيوبها فهى تعتبر قليله جدا بالنسبة لمميزاتها ...

[barakota]

و الله كلامك سليم 100%

[youry]

السلام عليكم يا شباب ....انا موافقكم على كلامكم انا معايا العربية بقالها سنة وشوية بس ماشاء الله عليها....كان فيها فعلا مشاكل بسيطة في التقفيل بس اتصلحت والحمدلله كان سنتر با ب السواق فصل ورحت صلحته....انا شفت قدامي فعلا تويوتا كورولا 2008 السنتر بتاعها علق ومش عايز يفصل وصاحبها ماكنش عارف يعمل ايه....

[moustafa_ouda]

after all this words i am planning to buy persona ISA. but any bodey hear about the cooperation between proton and ELNASR company. what is your openion and what do u expect to happen.

[ashraflotfy1]

السلام عليكم يا اخوانى
انا مع الأخ صاحب الموضوع 100 فى ال 100 و هذه تجربتى
1- انا اشتريت بيجو 305 مو 1980 العربية سمعتها سيئة جدا و غير مطلوبة و الصنايعية يقولوا ياه دى الشغل فيها صعب و الحوض مزنوق و معرفش ايه المهم انا ليه اشتريتها لأن والدى كان معاه واحدة ممو 1979 و قعدت معانا 10 سنين و بهدلناها أنا و اخواتى الاتنين ما قالتش لا و السيارة اللى أنا اشتريتها قعدت معايا 6 سنين ما شاء الله 100 100 كنت أحط قطعة الغيار مرة و أنساها للنهاية هى كانت نادرة شوية بس موجودة و الصنايعى النضيف بيقدرها و لما جيت أبيعها قعدت 3 شهور و بعتها بالسعر اللى انا عاوزه
2- اشتريت بعد كده اكسيل و ما كانش فيه مشكلة في بيعها
3- اشتريت دايو اسبيرو 1995 أوتوماتيك السيارة مش مطلوبة قوى و بيعها صعب لكن سيارة هايلة بجميع المقاييس و رائعة و اتزان و ثبات و فخامة وكماليات ليس لها مثيل و لما جيت أشتريها قالولى الناس لأ دى قطع غيارها مش موجودة و تصليحها صعب و كلها حساسات و سنسورس و مش أى حد بيفهم فيها لكن لما سألت كويس الناس اللى بتفهم و دخلت على النت و المواقع اللى مهتمة بالسيارات لاقيت انها سيارة محترمة و المهم انها كانت عاجبانى و لما بعتها لم أخسر كتير لأن المهم انى اشتريت حاجة أنا عايزها
4- بعدها جبت كيا سيفيا و برده بيعها مش سهل أوى و برضه بعتها عادى
و الآن معى الأمورة الجين 2 و ربنا يخليها و موضوع مشاكل التقفيل و الأصوات كلام غير مهم بالمرة لأن السيارة لم يحدث ان شخص من الأخوة أعضاء المنتدى جاب سيرة الموتور أو العفشة أو التكييف أو الاتزان أو الثبات على الطريق و السرعة اذا باقى العيوب ليس لها أهمية و كلها من باب ما لاقوش فى الورد عيب قالوا أحمر الخدين
و الله الموفق و السلام ختام

[mezo73]

اية الاخبار دلوقتي لما اسعار المستعمل نزلت في سوق العاشر

[husseinodeba]

ماشاء الله
كلامك افاد ناس كتير وريح ناس اكتر وانا بأكد على موضوع السلامه والامان
لان دى اهم حاجه الواحد يفكر فيها لما يجى يشترى عربيه
اعده البيع مش مقياس ......الواحد لما يجى يشترى عربيه مينفعش ان اول حاجه يفكر فيها اذا كان هيعرف يبعها ولا لا ...انت مش بتشتر النهاده عشان تبيع بكره انت بتشترى عربيه جديده عشان تعيش معاك اطول مايمكن

[khpopo]

ماشاء الله
كلامك افاد ناس كتير وريح ناس اكتر وانا بأكد على موضوع السلامه والامان
لان دى اهم حاجه الواحد يفكر فيها لما يجى يشترى عربيه
اعده البيع مش مقياس ......الواحد لما يجى يشترى عربيه مينفعش ان اول حاجه يفكر فيها اذا كان هيعرف يبعها ولا لا ...انت مش بتشتر النهاده عشان تبيع بكره انت بتشترى عربيه جديده عشان تعيش معاك اطول مايمكن

+100000000000000000000
ربنا يوفق