خنقه في الجين تو

[M..Hossam]

السلام عليكم جميعا

انا معايا بروتون جين تو
بشتكي من الخنقه في العربيه لما ابقي ماشي واقف او اهدي علشان اشاره واجي اطلع تاني من غير ما اقف ادوس بنزين ولا كان في اي حاجه العربيه مانيوال والار بي ام بيطلع من صعوبه من 2الي 3 والموتور صوته بيوطه وبتتخنق ولما الار بي ام يعدي 3 خلاص تمام والعربيه بتجري زي الفل
كمان استهلاك البنزين عالي من 3 ايام كنت في مركز صيانه في مدينه نصر وقولته علي موضوع البنزين وحط العربيه علي الجهاز وقالي كدا البنزين هايبقي تمام معاك بس نفس المشكله موجوده
مشكله الخنقه دي موجوده حتي وانا قافل التكيف ولو التكيف شغال الخنقه بتبقي اكبر بكتير
البوجيهات متغيره من شهر وفلتر البنزين متغير من شهرين والبوابه متنضه من اسبوع
اعمل ايه؟

[M..Hossam]

افيدوني افادكم الله

[ahmed.biso13]

اولا اغسل الماتور ده بضاغط الهواء من الاتربة اولا
ثم اغسله بمسدس بنزين
ثم نشفه
وغير طلمبة البنزين او نضفها
ونضف التنك لانها ممكن يكون هناك شوائب هى اللى تعمل كده
وومكن يكون ماسورة البنزين اللى رايح للماتور واخدة خبطة ومعصورة فتخلى الماتور يعمل كده
واكشف على دورة التبريد
كل ده ممكن تكون الاسباب السابقة

[eng. wesam]

غير فلتر الهواء او نظفه وحساس الشكمان
والبوجيهات اللي غيرتها جايبها بالرقم يعني استاندر لعربيتك ولا اي بوجيهات
متابع

[eng. wesam]

معلش نسيت ... بوجيهاتك الاستاندر هي ngk ::: bpr6ef-11
مقاس الاير جاب .. الثغره الهوائيه 1.1 مللي لو حضرتك جايبها الرقم الاستاندر هي هتيجي مضبوطه استاندر متلعبش فيها

[carrier]

http://www.nilemotors.net/Nile/451841-a-2.html

و
أحذر بنزين 80

[M..Hossam]

شكرا للناس اللي ردت كلها
انا امبارح غيرت طلمبه البنزين وغيرت فلتر البنزين ونضفت الرشاشات وفيش الرشاشات وغير البوجيهات
الخنقه راحت بسبه 60% بس لسه موجوده العيب ماراحش لسه وبتزيد مع التكيف الخنقه موجوده بس مع الrpmمن 10 الي 20 بعد كدا العربيه سحبها زي الفل
انا بجد زهقت من العربيه دي

[M..Hossam]

العربيه بتتحط علي الجهاز ومش مسجله اي عطل
بالنسبه لدوره التبريد الريداتير جديد والمروحه زي الفل والخراطيم تمام وميه خضرا
وطلمبه زيت جديده

[salam100100]

كان فى حد عنده المشكله دى وطلع عيب من الشكمان (او علبه البيئه مش فاكر بظبط)

لو العربيه مخنوقه على سرعات قليله وبعد كدا بتكون كويسه, انا اسف ابلغك ان طرمبه البنزين اللى كانت راكبه كويسه, مكنتش محتاج تغيرها
عيوب الطرمبه بتبان على السرعات العاليه وليست الواطيه

انا هنظف حساس الايديال وهجرب
وهرجع انظف حساس االماب وهجرب
وهرجع هنظف حساس ال TPS وهجرب
هدور على اى تسريب لخرطوم فاكيوم
وممكن يكون عيب بنزين

ممكن يكون الحل فى واحده من دول
للاسف الطريقه دى مش بروفيشينال انك تجرب لكن انا خبرتى فالعربيات قليله فهلجئلها

هى العربيه عامله كام كم؟ سؤال فضولى
من فضلك لما تصلحها انشاء الله بلغنا عشان دا عيب بيظهر فاغلب العربيت ومش عيب قاتل - هة للاسف احنا لسه مش اساتذه فالاعطال الكهربائيه ومعندناش اجهزه محترمه تبلغتا بالعيب فين بدل نظام ال try and error

[م/أحمد عبد الفتاح]

العطل اللى عندك ده مشابه لوجود تسريب فى خراطيم الفاكيوم بتاعة مانيفولد سحب الهوا وده بيبان اكتر على عدد اللفات القليل للموتور ولما بتوصل ل ١٨٠٠ او ٢٠٠٠ لفة بيروح العطل - خراطيم الفاكيوم هى الخراطيم الكاوتش الرفيعة اللى على الموتور فى مانيفولد سحب الهوا حوالين البوابة - راجع كل الخراطيم الرفيعة واتاكد ان مافيش خرطوم مخلوع من مكانه او مقطوع او فيه ثقب او شرخ

[abdoumahros]

دا عادي

شكرا للناس اللي ردت كلها
انا امبارح غيرت طلمبه البنزين وغيرت فلتر البنزين ونضفت الرشاشات وفيش الرشاشات وغير البوجيهات
الخنقه راحت بسبه 60% بس لسه موجوده العيب ماراحش لسه وبتزيد مع التكيف الخنقه موجوده بس مع الrpmمن 10 الي 20 بعد كدا العربيه سحبها زي الفل
انا بجد زهقت من العربيه دي

زميلي العزيز

اعتقد ان الوضع عندك عادي

عربيتك زي عربيتي موديل 2006 مانيوال والموتور ده بيدي عزم علي ار بي ام بعد 2500 لفه وده تصميمه كده

الموديلات اللي بعد 2008 غيروا شويه في دايره الهوا علشان يخلوا العزم يبدأ علي ار بي ام منخفض

انا بطلع علي الاول واقرص سنه عليه واديها التاني بعد كده وبالتعود هاترتاح وموش هاتحس بفرق ولو علي مطب صناعي اديها الاول بلاش التاني

ممكن اعرف لمبه البنزين بكام واصلي ولا تقليد


وشكرا

[M..Hossam]

هو فيه حاجه في العربيه دي اسمها كانستير؟

[م/أحمد عبد الفتاح]

هو فيه حاجه في العربيه دي اسمها كانستير؟

أنا معرفش إذا كان عربيتك فيها ولا لأ - بس بصفة عامة فيه نظام لحماية البيئة من ابخرة البنزين (غير علبة البيئة بتاعة الشكمان) وده بيبقى مكون من علبة فيها فحم نشط جنب تنك البنزين إسمها كانيستر علشان البنزين الفايظ يقع فيها والفحم يشرب البنزين وفيه عليها بلف وفيه قدام زى مضخة فاكيوم purge valve جنب الموتور لما الموتور يشتغل مضخة الفاكيوم تفتح البلف اللى على الكانيستر وتروح أبخرة البنزين تتحرق فى المحرك والكانيستر تفضى - كمان فى العربيات دى دايما خط البنزين بالتنك بكل مشتملاته بيبقى مش متصل بالهوا الجوى ولا توجد أى هواية فى التنك ولا اى شئ بتبقى مفصولة تماماً .