Tweet
أخيرا استلمت البيرسونا الهاي لاين الاسبوع اللى فات و تحديدا يوم الثلاثاء الماضى الموافق 16 ديسمبر 2008
العربية يا جماعة بسم الله ماشاء الله ولا حول ولا قوة الا بالله
تحفة فنية من بره و وسع و راحه من جوه
طبعا انا لحد دلوقت لسه ماعدتش الالف كيلو فطبعا مش قادر احكم على كل حاجه لكن انا هاحاول اسرد المميزات و العيوب لكن بشكل غير منظم:
1- التقفيل عندى مش وحش و الحمد لله و لغاية دلوقت مالقيتش عيب فى التقفيل
2- العربية ثباتها ماشاء الله عالى و الواحد بيبقى مطمئن و الحمد لله و هو راكبها
3- سحب العربية انا للاسف مش قادر احس بيه لحد دلوقت لانى مش بقرص عليها بس كذا مره تسهينى و تعدى الـ 100 و انا مش حاسس و ارجع تانى على 90
4- العربية لحد دلوقت بتاكل منى بنزين بزياده شويه يعنى مثلا انا النهارده فولت و العداد كان عامل 600 كيلو و رحت الشغل و عملت كام مشوار داخل البلد و رجعت و كنت عامل تقريبا 695 كيلو و عداد البنزين كان جاب أول شرطه على اليمين بعد التفويله يعنى نزل شرطه – انا حاسس انه كتير شويه – بس لسه مش قادر احكم عليها انا اول نا استلمتها كانت مديانى معدل 11.5 لكل 100 كيلو – دلوقت مديالى 7.7 لكل 100 كيلو
5- فى حاجه غريبه انا لاحظتها – الصبح أول مابنزل و اسخن و ابتدى اتحرك اسمع طأطأه بسيطه كده من قدام – مش مع الدريكسيون – لكن مع المطبات الخفيفة – بس تثريبا بعد مابتحرك شويه الصوت ده بيختفى خالص و انا دققت حتى ماسمعتوش تانى بعدها لكنه بيتكرر كل سوم اول مانزل الصبح و انا رايح الشغل – و بصراحه مش فاهم ده من ايه و خايف لما اروحلهم الصيانه و اقولهم عليه ان شاء الله مايطلعش و مايتسمعش
6- العربية بتسخن الصبح الصراحة بسرعه جدا – مش بتسخن فوق العادى – لا انا اقصد انها تقريبا بتاخد منى دقيقه واحده لا اكثر و الاقيها ماشاء الله سخنت و جاهزة – يعنى مش بتعطلنى
7- العفشة ناشفه شويتين يعنى انا لما كنت بركب الهيونداي النيو أكسنت حسيت انها انعم من البيرسونا
8- الريموت كنترول لازم ابقى واقف جنبها علشان تفتح او بعيد عنها بخطوات معدودة
9- اوقات بحس انها مش بتجمع معايا بسرعه ( العربية اوتوماتيك) يعنى بحس انها تقيله شويه بس بعد كده بحس انها عادى – لحد مااعدى الألف كيلو ان شاء الله علشان اقرص عليها و اكتشف امكانياتها براحتى
10- كاوتشة المساحات بتاعتها مش مريحانى وو حاسس انها ضعيفة و مش هاتعمر
11- عجبانى قوى ماشاء الله ان السنتر حساس و أول ما أنزل فرامل اليد بيقفل لوحده لو كنت فاتحه او بيدى لنفسه وقت معين لو ماكنتش شادد الفرامل و يقفل بعد مافتحه
12- طبعا وجود خبطه فى الدريكسون فى حالة كسره على الاخر بس دى كانت برضه موجوده فى العربية القديمة و بمناسبة الدريكسيون انا حاسس ان الطاره مش بتلف جامد يعنى اقصد حاسس انها كانت عايزة يدوها امكانية لف اكتر من كده شويه – يعنى كذا مره ماقدرش اخد الملف مره واحده و اضطر ارجع بضهرى و اعدل نفسى علشان اكمل الملف
دى كانت بعض الملاحظات اللى انا فاكرها دلوقت عن العربية و اتمنى انى اكون أفدتكم لانى و الله بقالى كذا يوم عايز اكتب الموضوع ده بس جه موضوع النت و اخرنى عنكم
ربنا يباركلكوا و الله و يبارك لكل واحد استفدت منه و بخبرته مع البروتون عامة و الجين2 خاصة
العربية يا جماعة بسم الله ماشاء الله ولا حول ولا قوة الا بالله
تحفة فنية من بره و وسع و راحه من جوه
طبعا انا لحد دلوقت لسه ماعدتش الالف كيلو فطبعا مش قادر احكم على كل حاجه لكن انا هاحاول اسرد المميزات و العيوب لكن بشكل غير منظم:
1- التقفيل عندى مش وحش و الحمد لله و لغاية دلوقت مالقيتش عيب فى التقفيل
2- العربية ثباتها ماشاء الله عالى و الواحد بيبقى مطمئن و الحمد لله و هو راكبها
3- سحب العربية انا للاسف مش قادر احس بيه لحد دلوقت لانى مش بقرص عليها بس كذا مره تسهينى و تعدى الـ 100 و انا مش حاسس و ارجع تانى على 90
4- العربية لحد دلوقت بتاكل منى بنزين بزياده شويه يعنى مثلا انا النهارده فولت و العداد كان عامل 600 كيلو و رحت الشغل و عملت كام مشوار داخل البلد و رجعت و كنت عامل تقريبا 695 كيلو و عداد البنزين كان جاب أول شرطه على اليمين بعد التفويله يعنى نزل شرطه – انا حاسس انه كتير شويه – بس لسه مش قادر احكم عليها انا اول نا استلمتها كانت مديانى معدل 11.5 لكل 100 كيلو – دلوقت مديالى 7.7 لكل 100 كيلو
5- فى حاجه غريبه انا لاحظتها – الصبح أول مابنزل و اسخن و ابتدى اتحرك اسمع طأطأه بسيطه كده من قدام – مش مع الدريكسيون – لكن مع المطبات الخفيفة – بس تثريبا بعد مابتحرك شويه الصوت ده بيختفى خالص و انا دققت حتى ماسمعتوش تانى بعدها لكنه بيتكرر كل سوم اول مانزل الصبح و انا رايح الشغل – و بصراحه مش فاهم ده من ايه و خايف لما اروحلهم الصيانه و اقولهم عليه ان شاء الله مايطلعش و مايتسمعش
6- العربية بتسخن الصبح الصراحة بسرعه جدا – مش بتسخن فوق العادى – لا انا اقصد انها تقريبا بتاخد منى دقيقه واحده لا اكثر و الاقيها ماشاء الله سخنت و جاهزة – يعنى مش بتعطلنى
7- العفشة ناشفه شويتين يعنى انا لما كنت بركب الهيونداي النيو أكسنت حسيت انها انعم من البيرسونا
8- الريموت كنترول لازم ابقى واقف جنبها علشان تفتح او بعيد عنها بخطوات معدودة
9- اوقات بحس انها مش بتجمع معايا بسرعه ( العربية اوتوماتيك) يعنى بحس انها تقيله شويه بس بعد كده بحس انها عادى – لحد مااعدى الألف كيلو ان شاء الله علشان اقرص عليها و اكتشف امكانياتها براحتى
10- كاوتشة المساحات بتاعتها مش مريحانى وو حاسس انها ضعيفة و مش هاتعمر
11- عجبانى قوى ماشاء الله ان السنتر حساس و أول ما أنزل فرامل اليد بيقفل لوحده لو كنت فاتحه او بيدى لنفسه وقت معين لو ماكنتش شادد الفرامل و يقفل بعد مافتحه
12- طبعا وجود خبطه فى الدريكسون فى حالة كسره على الاخر بس دى كانت برضه موجوده فى العربية القديمة و بمناسبة الدريكسيون انا حاسس ان الطاره مش بتلف جامد يعنى اقصد حاسس انها كانت عايزة يدوها امكانية لف اكتر من كده شويه – يعنى كذا مره ماقدرش اخد الملف مره واحده و اضطر ارجع بضهرى و اعدل نفسى علشان اكمل الملف
دى كانت بعض الملاحظات اللى انا فاكرها دلوقت عن العربية و اتمنى انى اكون أفدتكم لانى و الله بقالى كذا يوم عايز اكتب الموضوع ده بس جه موضوع النت و اخرنى عنكم
ربنا يباركلكوا و الله و يبارك لكل واحد استفدت منه و بخبرته مع البروتون عامة و الجين2 خاصة
...الف الف مبروك عالبيرسونا الجميله...وربنا يباركلك فيها يارب ويكفيك شرها ويحفظهالك...
Comment