استلمت البيرسونا الهاي لاين و الحمد لله

[M.Osman]

الف مبروك ..... ربنا يباركلك فيها و يكفيك شرها :)

عربيات بروتون ذات سمعة محترمة

[gagareen]

الف مبروك عليك البيرسونا
ربنا يباركلك فيها ويكفيك شرها

بالنسبه للعفشه راجع ضغط الاربع عجلات ممكن تكون زياده .. وطبعا رأى الاخوه الافاضل صحيح
الريموت معايا مره فتح العربيه من حوالى 15 متر بدون اى عوائق بينه وبين العربيه .. جرب تغير البطاريه بتاعته او جرب المفتاح الاخر
استهلاك البنزين دايما فى تحسن.. العداد ابتدى بــ 9.5 حاليا عامل 7.2 لتر/100كم ودايما مون من بنزينه نظيفه .. وطنيه أو امارات مصر وطبعا 92

تحياتى

[dreamer2009]

شكرا على الوصف و ربنا يبارك لك فيه

سؤلى هي العربية سعرها الاتوماتيك كام //// مانيوال كام ؟

[gagareen]

اوتوماتيك 91
مانيوال 85

دى اسعار 2009 كامله

[alyyassin]

السلام عليكم و رحمة الله و بركاته
أولا : ألف مبروك
ثانيا : انت جبت العربية من فين ؟
و كنت حاجز و لا اشتريت على طول ؟ و سعرها بالظبط كام علشان أنا إن شاء الله كنت حاجزها من معرض فارايتى الي جنبنا و هو قال لى اسبوع في حين ان في معرض عمو عز ( زي ما هنا في المنتدى بيسموه ...ههههه ) روحت فرع العجوزة و قاللى كمان عشرين يوم .... انا مش عارف المعرض ده ناوي حد فيه يخطف رجله لحد ماليزيا و يجبها بسرعة و لا أيه..ههههه ؟؟؟ و طبعا ان مش مصدق موضوع اسبوع ده ..

المهم أيه أكتر حاجة أركز عليها قبل ما استلم العربية و اتأكد منها في العربية ؟

ثالثا :في حاجة بتاخدها مع العربية غير الدواسات ؟؟؟ علشان في موضوع تانى هنا في المنتدى بيقول مع العربية دواسات + طقم عدة + حلية للجنوط .... و انا مش عارف ايه الحلية بتاعت الجنوط دي ؟؟؟ لو حد خد الكلام ده ياريت يبلغنى.

و شكرا جدا للنصيحة

[hadota_masreya]

سلامو عليكو
على باشا الله يبارك فيك
العربية انا جبتها من معرض فارايتى (الهرم)
و كنت حاجز بمبلغ 1000 جنيه - بس انا الموضوع طول معايا شويه لانى فى الاول كنت حاجز جين 2 مش بيرسونا و الجين تو طولت قوى علشان تجيله و بعين لقيت عنده بيرسونا فضى هاي لاين بصراحه شدتنى ليها و استخرت المولى سبحانه و تعالى و اتكلت على الله

لو انت هاتتعامل مع فارايتى اتعامل مع فرع الهرم - هناك هاتلاقى مدير الفرع اسمه أستاذ أيمن - هو راجل كويس جدا جدا جدا و هاتلاقيه بيسعى معاك فى شتى الطرق.

انا بس عايز اقولك ان فعلا عز هو اللى بيأخر تسليم العربيات سواء للعملاء او الموزعين.
عامة انت لو رحت لاستاذ أيمن قوله انك جاي م كرف محمد عبد العزيز اللى اخد البيرسونا الهاي لاين الفضى من حوالى 20 يوم
و انت بتستلم يا باشا راجع مبدئيا كل الزراير اللى فى العربية
الزجاج سواء الاربع زراير الى فى باب السائق أو كل زرار فى كل باب ثانيا جرب رار السنتر اللى فى الباب و زرار منع فتح الشبابيك
ثانيا جرب التكييف سخن و بارد و جرب السي دى و الراديو
جرب نور الصالون و جرب تفتح شنطة العربية و التانك بتاع البنزين من الداخل
جرب الاشارات و الأنوار و نور الشابوره و خد بالك فى سوسته فى دراع النور العالى علشان يبقى عالى عادى و عالى مبهر
جرب تفتح التابلوه و تقفله و خد بالك فى بعض العربيات اللى شوفتها التابلوه بيبقى معووج شويه مش ماشى مع الكونسول و ده عيب ماتستلمش بيه العربية
جرب الهاند بريكو الكلاكس كمان
باختصار انت لو رحت لأيمن قوله يسيبك فى العربية لوحدك شويه زي مانا عملت و اقعد فلى فيها زي مانت عايز - اي حاجه تخطر على بالك انك تجربها جربها
و طبعا لازم تلف على العربية و تشوف الخدوش اللى ممكن تكون فيها

العربية يا سيدى الفاضل بيجى معاها استيبن (غريب الشكل شويه)
و بيجى معاها عدة التغيير بتاعة الاستبن
و بيجى معاها عدة مفاتيح ليها
و كمان بيجى معاها علامات بروتون اللى بتتثبت فى الجانط بتاعها

يارب اكون قدرت انى افيدك و اوفى اللى انت عاوزه و ان شاء الله ربنا يباركلك فيها باذن الله

[hamado]

الف مبرووووك اولا و ربنا يكفيك شرها و يديك خيرها دايما ان شاء الله...
انا من الي حاجزينها ان شاء الله عايز اعرف منك ايه الأخبار معاك دلوقتي و ايه الي اكتشفته جديد تبعا مش شرط حاجة وحشة لقدر الله اي حاجة حلوة او وحشة وضحلنا بس :)

[mazagnge]

يا جماعه هي هي ما المعرض بيجيب من مخازن عمو عز و الفروع بتجيب من عمو عز .
ميزة المخازن انها بتجيب العربيات من الميناء على تريلات و استهلاك العربية فى حدود 30 / 50 ك
انما المعارض بتبعت سائقين ليلاً يجيبوا العربية و بيمشوا على سرعات عالية عشان يوصولوا و العربية بتبقى فى التليين .
ميزة المعرض انة بيغسل العربية كويس و ينظفها قبل ما يسلمها لك كويس

المخازن ان معجبكش حاجة فى العربية دى بتشوف اللى بعدها ... و هكذا .
عموماً هي وجهااااااات نظر

مبروووك حدوتة مصرية و ما تحرمناش من تقرير مفصل و صور و تقييمك فى اقرب فرصة ، و ربنا يعطيك خيرها و يكفيك شرها .

[alyyassin]

الاخ / حدوتة مصرية ...

شكرا جدا ليك تفصيلك في الموضوع ...... و انا فعلا قابلك واحد هناك بس للاسف مش فاكر اسمه .... بس الراجل كان متعاون جدا ...بس طبعا دا لازم يكون في كل رجل بيع علشان يكون رجل بيع ناحج .... و الله المستعان

الاخ / مزاجنجي .....
انت عندك حق والدى معاه نيسان صنى جبناها من معرض و كان السواق جايبها من 6 اكتوبر و بصراحة واضح انه فرم العربية و هو جايبها لحد المعرض و حسبى الله و نعم و الوكيل ....

طيب بالنسبة لمخاز البروتون هي ماكنها فين و لا هي مخازن أونكل عز و هل ممكن الواحد يروح عليها مباشرة و لا أيه ؟

و مش فاكر هو انا سألتك قبل كده عن ال persona SE لأن مافيش حد ادانى اي معلومه عن العربية دي و الموديل ده نزل مصر و لا لسه و ياريت لو تعرف حاجة ترد عليا ؟

و شكرا جدا ...و جزاكم الله خيرا

[mazagnge]

شوف يا اخ علي

بالنسبة ل persona SE و كمان GEN-2 CPS
و المواصفات اللي يمكن قريتها على النت و عجبتك " سينسور لظبط الاضاءة اتوماتيك فى الكشاف ، موتور CPS ، فرش جلد ، .... "
فكان في عده محاولات من الاعضاء مع التوكيل لجلبة و فشلت

و لما حسبناها اني و احد الاعضاء عشان طلبية خصوصي لقيناها اغلي كثير + تجيلك بعد 6 شهور يعنى يبقي قربت على موديل جديد

بالاضافة الى ان التوكيل عشان ينزل الـ SE يبقي السعر التنافسي بتاعه ها يغلي و مش هيبقي تنافسي ، و عشان كدة لو تلاحظ في موديلات 2008 و ما قبل يوجد مثبت للسرعه تم حذفة ،و الجنط كان اشيك و اغلي تم وضع جنط اقل جمالاً و اقل سعراً فى الحديث للحفاظ على السعر التنافسي .
الخلاصـــة : لالالالالالالالا تجادل يا أخ علي