بعد 2000 كم مع جينا

[densfog]

السلام عليكم
بعد 2000 كم مع جينا وطبعا مازال اقتناعى بيها وحبى ليها وخوفى عليها زى ما هو ان ماكنش اكتر من الاول , عربيه بسم الله ماشاء الله جميله من الخارج والداخل متفرده ولها شخصيه مستقله ليس فيها تقليد لأى موديل اخر وكثير من المميزات وانا اتكلمت عن الشكل فقط لأنها اول سياره فى حياتى فحسيب تقييمات الأداء لأصحاب الخبره , لكن نيجى لملاحظاتى عليها واتمنى تشارونى بأرائكم :
1-الموتور صوته عالى شويه والعفشه ناشفه حبتين ( بالنسبه للتيوتا كوروللا الجديده على سبيل المثال ) وانا كنت عارف العيبين دول من اراء الساده الأعضاء من قبل الشراء.
2- مدى الريموت قصير جدا تقريبا مترين
3- صوت الموتور عالى اثناء النقل (اثناء الضغط على الدبرياج وترك البنزين لنقل الجير وكأنى مازلت بضغط على البنزين اثناء الضغط على الدبرياج وده كان راى كذا واحد جربوا عربيتى)
4- هناك رجه فى الدركسيون وبدال البنزين تبدا خفيفه على سرعه 100كم /س وتزداد مع زياده السرعه (مزعجه الى حد ما)
5- صوت الكركره بعد نقل الجير والضغط على البنزين (مش دايما موجود) او لما تون العربيه فى مطلع (دائما) مش عارف ده بسبب انى مابضغطش بنزين ويس بعد النقل او انى بنقل بدرى (على 3000 rpm) او زى ما قالولى فى صيانه الألف ده من البنزين نفسه (انا دايما بحط 92 طبعا)
6- صوت خفيف جدا مابسمعوش الا لما تكون الدنيا هاديه جدا وماشى فى حته مش ممهده (صوت تزييق خفيف بس ما يتهيأليش انه من الكنبه الخلفيه فقط زى العيب المشهور انا حاسس انه من كل العفشه اللى المفروض اتربطط فى صيانه الألف)
7-حاسس ان الفرامل مابتسعفش ( ما بتلمش العربيه بسرعه) ولما كلمتهم على المشكله دى فى صيانه الألف جربها فى التوكيل وانا كنت قاعد جنبه ( مشى على سرعه عاليه وبعد كده هبد رجله على الفرامل -فلزق وشى فى البربريز- والعربيه فعلا وقفت وحسيت برجه الABS زى ماهو قاللى) بس برضه مازلت غير راضى عن اداء الفرامل
اتمنى تلقى ارائكم عن هذه المشاكل اللى بعتبرها بسيطه واتمنى انها تنتهى علشان استمتع بالأسد الماليزى جينا واخرس صوت قله من اصحابى اللى لما شافوا الحاجات دى مسكوا فيها وعايرونى كأنى اشتريت الترماى , بالمناسبه انا كنت ناوى بعد ما ارجع من السويس يوم الأحد اروح بيها التوكيل ان شاء الله بعد سماع ارائكم , وشكرا
والسلام عليم ورحمه الله وبركاته

[eslam_wega]

1-الموتور صوته عالى شويه والعفشه ناشفه حبتين ( بالنسبه للتيوتا كوروللا الجديده على سبيل المثال ) وانا كنت عارف العيبين دول من اراء الساده الأعضاء من قبل الشراء.

بالنسبة للمتور ده تصميمة
وده مش عيب فيها بالعكس ده صوت جميل ذات طابع رياضى

وبخصوص العفشة بردوا تصميمة كدا عشان الثبات بتاع العربية
وطبعا ثبات العربية حدث ولا حرج ما شاء الله

2- مدى الريموت قصير جدا تقريبا مترين

ممكن يكون حجر الريموت محتاج يتغير

4- هناك رجه فى الدركسيون وبدال البنزين تبدا خفيفه على سرعه 100كم /س وتزداد مع زياده السرعه (مزعجه الى حد ما)

بالنسبة للدركسيون اكيد عيب ترصيص يعنى محتاج ترصص العجل
وبخصوص بدال البنزين احتمال يكون عايز يتربط بس ده تقولهم علية فى الصيانة الجاية

5- صوت الكركره بعد نقل الجير والضغط على البنزين (مش دايما موجود) او لما تون العربيه فى مطلع (دائما) مش عارف ده بسبب انى مابضغطش بنزين ويس بعد النقل او انى بنقل بدرى (على 3000 rpm) او زى ما قالولى فى صيانه الألف ده من البنزين نفسه (انا دايما بحط 92 طبعا)

بص هو فى اكتر من سبب
اول حاجة حول تمون ديما من بنزينة نضيفة وسمعته كويسة
يعنى ممكن الوطنية او امارات مصر لان للاسف فى دلوقتى بنزينات كتير بتغش فى البنزين
تانى حاجة
خليك رجلك تقيلة سنه على البنزين يعنى خليك وسط
وحول تنقل اعلى شوية 3500 او 4000 RBM

6- صوت خفيف جدا مابسمعوش الا لما تكون الدنيا هاديه جدا وماشى فى حته مش ممهده (صوت تزييق خفيف بس ما يتهيأليش انه من الكنبه الخلفيه فقط زى العيب المشهور انا حاسس انه من كل العفشه اللى المفروض اتربطط فى صيانه الألف)

قولهم علية فى الصيانة الجاية وطبعا شيك على العربية قبل ما تمشى
شوف الصوت راح او لا


-حاسس ان الفرامل مابتسعفش ( ما بتلمش العربيه بسرعه) ولما كلمتهم على المشكله دى فى صيانه الألف جربها فى التوكيل وانا كنت قاعد جنبه ( مشى على سرعه عاليه وبعد كده هبد رجله على الفرامل -فلزق وشى فى البربريز- والعربيه فعلا وقفت وحسيت برجه الABS زى ماهو قاللى)

بالنسبة للفرامل فعلا مشور الفرامل طويل شوية بس ده ميقللش من جودة الفرامل بالعكس هى ممتازة
بص هى عملية تعود يعنى تقل رجلك ا كدا عليها شوية
و اسبوعين كدا وهتلقى نفسك واخدة عليها ان شاء الله
وربنا يبركلك فيها

[Ayman_52]

طبعا استاذ/اسلام...جاب المفيد كله

بس بخصوص صوت الموتور عند حضرتك...اركب جين2 تانيه الاول...وقارن بينهم لو نفس الصوت يبقى هو دا الطبيعى ...

انما لو اللى عندك اعلى يبقى ممكن يكون فى حاجه وتبقى تقولهم عليه فى الصيانه ان شاء الله

وفعلا هى الفرامل فى الجين2 بتحس ان مشوارها مطول شويه...بس وقت الزنقه(ربنا مايجيبه)بتلاقي الاسد البرتونى متالق

وربنا يباركلك فى عربيتك ياباشا...ويحفظهالك من كل شر ..ودايما تكون مبسوطه منها ان شاء الله.


تحيــــــــــــاتـــى

[Boody8882]

آولا ربنا يباركلك فيها ويزيد حبك فيها كمان وكمان
بالنسبة للملاحظات بتاعة حضرتك
1-موضوع الموتور اللى صوته عالى دى حاجة معروفة فى الجين 2 والبيرسونا وده طبعآ مش عيب ده زى مكلنا عارفين هى العربية تصميمها كده
2- الريموت ممكن طبعآ بتغير الحجارة يديك أداء أفضل من كده
مع إن أنا بالنسبالى عجبنى قوى موضوع مداه القصير ده
3 و 4 و5 مقدرش أفيديك فيهم وكمان أنا عربيتى أتوماتيك فامقبلنيش الحاجات دى قبل كده
6-صوت التزييق ده طالما إنت شايف إنه مش من الكنبة الخلفيه , ممكن يكون من الشنطة وده الأرجح لإن كان عندى الصوت ده وحله سهل جدآ
7-الفرامل بقى دى مشكلة كبيرة بالنسبالى حوار كبير , لإنها مش عجبانى خالص وبحس دايما إنها مش بتسعف بدوس والعربية بتقف على مهلها آوى

[ahmad alshaaer]

بالنسبه للفرامل هي طبيعتها كده
وكمان الموتور مش ناعم وعالي الصوت
والرجرجه الخفيفه من سرعة 90كم دي انا كنت مفكرها عندي ورصصت في التوكيل ب 120 جنيه وبردو ماراحتش وصوت التزييق ده من الكنبه الا اذا كان صوت احتكاك او كركبه خفيفه كده وانت ماشي من غير مطبات ده قالولي رمان بلي ولكن انا رايح بكره ولكن مسلفر وهرجع كمان 10 ايام

[densfog]

اولا اشكر جميع الساده الأعضاء الأفاضل على سرعه الرد وربنا يبارلكم فى سياراتكم ويبعد عنها كل شر

بالنسبه للفرامل هي طبيعتها كده
وكمان الموتور مش ناعم وعالي الصوت
والرجرجه الخفيفه من سرعة 90كم دي انا كنت مفكرها عندي ورصصت في التوكيل ب 120 جنيه وبردو ماراحتش وصوت التزييق ده من الكنبه الا اذا كان صوت احتكاك او كركبه خفيفه كده وانت ماشي من غير مطبات ده قالولي رمان بلي ولكن انا رايح بكره ولكن مسلفر وهرجع كمان 10 ايام

بالنسبه للهزه فى الدركسيون انا باذن الله حاروحلهم اول ما ارجع وربنا يستربس انا مستغرب انهم اخدم من حضرتك تمن الترصيص مش المفروض ان ده يتعمل فى الضمان؟؟؟ وياريته راح !! مش عارف لو فضلت الهزه دى هأعمل ايه وخاصه ان معظم مشاويرى بجينا طرق سريعه ومسافات طويله فحيبقى الموضوع مزعج جدا وبالنسبه للصوت ده صوت تزييق خفيف جدا مش كركبه وبيبان فى المطبات فقط وشكرا على سرعه الرد

[eslam_wega]

انا رايى انك تعمل الترصيص بارة عند حد شغلة نضيف ومش هيدى 30 - 35 جنية
ولو متعرفش حد كويس انا اعرف واحد ممتاز بتعامل معه ديما
لانى بصراحة 120 جنية كتير جدا

[gagareen]

[COLOR="Indigo"]تحياتى للجميع[..

يا جماعه الفرامل ممكن تتعلى عادى جدا فى التوكيل
قولهم الفرامل واطيه وعايز اعليها وانا عملتها وحاليا الفرامل بقت باللمس

الرجرجه زى ماقالولك فى التوكيل حسب نوع البنزين والبنزينه كمان ودى عن تجربه برده

تحياتى

/COLOR]

[densfog]

انا رايى انك تعمل الترصيص بارة عند حد شغلة نضيف ومش هيدى 30 - 35 جنية
ولو متعرفش حد كويس انا اعرف واحد ممتاز بتعامل معه ديما
لانى بصراحة 120 جنية كتير جدا

اكون شاكر لحضرتك جدا مع العلم انى من الأسكندريه

[densfog]

[COLOR="Indigo"]تحياتى للجميع[..

يا جماعه الفرامل ممكن تتعلى عادى جدا فى التوكيل
قولهم الفرامل واطيه وعايز اعليها وانا عملتها وحاليا الفرامل بقت باللمس

الرجرجه زى ماقالولك فى التوكيل حسب نوع البنزين والبنزينه كمان ودى عن تجربه برده

تحياتى

/COLOR]

شكرا لحضرتك على معلومه الفرامل وانا باذن الله حاحاول اعمل زى ما حضرتك عملت صحيح حاخد وقت شويه على ما اتعود عليها بس هتكون اامن
وبالنسبه لمعلومه البنزين انا جربت بنزينه تانيه وفعلا الصوت خف جدا وبالتالى هو فعلا بيتأثر بنوع البنزين بس ياترى ده علشان البنزين فيه مياه ولا حاجه لقدر الله؟؟؟: ربنا يستر

[eslam_wega]

احسن ناس اهل اسكندرية يا باشا
بس الى اعرفهم هنا فى القاهرة عشان انا من القاهرة
لو انت نزلت القاهرة انا فى الخدمة ولو مش بتنزل
فى عضو معنا من اسكندرية اسمه ماجيك
اكيد هيكون عارف حد كويس وده الملف الشخصى بتاعه
ابعتله رساله خاصة وان شاء الله يقدر يفيدك
اتفضل يا جميل

http://www.nilemotors.net/Nile/member.php?u=14862

[fahd_628]

بالنسبة للترصيص اعملة عند بريدجستون الى على البحر

[densfog]

احسن ناس اهل اسكندرية يا باشا
بس الى اعرفهم هنا فى القاهرة عشان انا من القاهرة
لو انت نزلت القاهرة انا فى الخدمة ولو مش بتنزل
فى عضو معنا من اسكندرية اسمه ماجيك
اكيد هيكون عارف حد كويس وده الملف الشخصى بتاعه
ابعتله رساله خاصة وان شاء الله يقدر يفيدك
اتفضل يا جميل

http://www.nilemotors.net/Nile/member.php?u=14862

عامه شكرا لحضرتك جدا وتحياتى لحضرتك ولأستاذ ماجيك وربنا ييسر ارجع بس من سفرى وهاروح التوكيل علشان خاطر كل المشاكل ولو قاللى على المشكله دى انها تحتاج ترصيص هاعملها بره وده علشان لو كانت حاجه تانيه تبقا بتاعتهم وربنا يستر , وشكرا مره تانيه
شكرا يا استاذ فهد بس ممكن تقوللى هو فين على البحر وبكام وبيعملوا ظبط زوايا ولا لأ

[densfog]

بالمناسبه يا جماعه مافيش اى حد عنده رد على النقطه الثالثه ؟؟؟
لمزيد من التوضيح انا فى مره جيت انقل وكنت مراقب عداد الrpm بعد ما دوست دبرياج وشيلت رجلى كليه من على البنزين لقيت الrpm بيزيد حوالى 200 (شرطتين) قبل ان يبدا فى النزول وفعلا حاسس ان الموتور صوته بيعلى فى اللحظه دى (وكأن استجابه نظام الحقن لدواسه البنزين وذلك اثناء رفع القدم فقط وليس اثناء التسارع متاخره والله اعلم)
عارف انى مزعج بس معلهش استحملونى

[Ayman_52]

ياباشا مزعج ايه بس...احنا هنا كلنا اخوان...


حضرتك تسال براحتك

انا الصراحه ماعرفش حل للمشكله دى...بس انا عندى اقتراح

ايه راى حضرتك تكلم م/مصطفى...دا المهندس بتاع المعاينه اللى فى الصحراوى...الصراحه بجد راجل فاهم جدا وامين جدا...فحضرتك ممكن تكلمه ..وان شاء الله يقدر يفيدك

انا هابعتلك رقمه

تحياتى