تحت بند عيوب التقفيل القاتلة

[mby]

الاخ العزيز و الفاضل الدكتور محمد

انا عارف طبعاً اني اتأخرت عليك و لكن انا كان لي وجه نظر و يمكن انا شفت الموضوع من اول ما نزل و مرتدش ارد غير لما اشوف اوجه النظر ايه و الردود حتكون ازاي و ازاي الاعضاء الافاضل حيتفعلوا مع الموضوع اذا كان الاعضاء دول ( ملاك للسيارة - بيفكر في الامتلاك - او ناقض للعربية نفسها )

بالنسبة للعيوب الي حضرتك ذكرتها دي يمكن كانت ممكن كلها تظهر في موديلات 2006 كتييييييييييييييير فعلاً و انا متأكد من الكلام دا
و بالفعل بدأت تقل تدريجياً من 2006 الي الوصول لاواخر 2008 و لكن لم تنتهي بعد و لكن مش بالصورة الي موجوده فيها من 2006

و بوصول موديلات ال 2009 و اختلاف الخامات الداخليه و تصميم الكونسول الجديد و عصا الفتيس و خلافه و تغير الموتور الي تكنولوجيا ال IAFM بدأت بروتون تأخد شكل اخر في السوق مع وجود بعض العيوب الظاهرية في السيارة (التقفيل و لكن اقل من الموديلات السابقة )

بالنسبة لموضوع الكاوتش الخاص بالابواب فهو لم يصافني و لكن هو كان عيب شائع في 2006 و حضرتك فعلاً عانيت منه

2- التزيق الخلفي من الكنبة انا واجهت المشكله دي و كل المشكله دي بسبب ان القفل بتاع الكانبه مع حته الحديد الي في جسم الصالون بتعمل بوش (يعني مش بتقفل بأحكام ) و طبعاً الحل عارفينه كويس و انا عملته و بأ كله تمام

3-بالنسبة للنقطه الخاصه بالازاز الخلفي يا دكتور حضرتك عندك في زرار تقفل منه الازاز الكهربا الخلفي و دي مش مشكله اوي ( لان اول ما الاولاد يركبوا اي شخص و في اي عربيه بيروح قافل الزرار دا علشان الخطر الي ممكن يكون عليهم )

4-الموضوع الخاص بتيل الفرامل انا عن نفسي لما اوصل لمرحلة تغيره انا و الله حغيره بره مش في التوكيل حتقولي الضمان حقولك معلش انا مش حدمر العربية و اكون ماشي بمزيكا في العربيه علشان الضمان دا غير ان السعر التيل في التوكيل الضعف

انا عايز اسأل سؤال يا دكتور و ياريت برده الاخوه الاعضاء الافاضل يجوبوا عليه
احنا هنا في مصر بنتكلم علي ان التقفيل الخاص بالعربية فيه مشاكل طبعاً دا مش في الاجزاء الاساسية تمام دا يعتبر في الرفايع
السؤال جاي : ليه انجلترا و هي احدي الدول المستخدمه لبروتون و دول اخري لما تدخل علي المنتديات الخاصه بالبروتون لديهم مش بتلاقي اي شخص بيشكي مش سوء الجوده في التقفيل !!!!!!!!!

لماذا ؟؟؟؟؟ .....
اجاوب انا و اقول .... مصر و الي بيمثلها عز العرب شايفين ان العيوب دي هابله و متستحقش ان المستهلك ما يشتريش العربية علشان الكلام الفارغ دا طبعاً دب وجه نظر التوكيل ... وهي هي نفس وجه النظر الي خلت التوكيل يسترخص و يوصل للتيل التعبان الي بيركبوا في العربية و بيبهدل الطنابير !!!

لو التوكيل قال يا جماعة انا عايز جوده انتاج اعلي علي العربيات الي جايه لمصر صدقني الوضع حيختلف لكن الي انا عتقدته ان المصنع بيعمل مراقبه انتاج للعربيات الي جيلنا فقط علي الاجزاء الاساسية و لا يهتم بالاجزاء الداخليه الي احنا بنقول عليها عيوب تقفيل ....
لان في شئ غريب اشمعني العيوب دي في الاجزاء الداخليه فقط و ليست في الاجزاء الاساسية ( موتور - عفشة - جير - شاسيه ) ليه ؟؟؟؟؟

في عمليه توفير بتحصل في المصنع و في نفس الوقت التوكيل مستهان بالموضوع دا علشان هو عارف انها عيوب هابله و ممكن يعملها في اول صيانة

انا لالا ادافع عن بروتون نظراً انني من ملاكها لان اي عيب بيظهر اكيد بيكون عندي و ليس لي اي مصلحه في هذا و لكن الي اقدر قوله ان المصنع في ماليزيا بيتعامل مع التوكيل هنا علي انه توكيل تعبان لان بصراحة لو التوكيل دا بيحترم المستهلك دا كان عمره ما حيوافق ان العربية دي تنزل السوق كدا او بعيوب التقفيل التافه دي

و الدليل علي كدا عز العرب من التوكيلات الي ممكن ميصرفش نهائي علي العربية و علي الدعاية الخاصه بالعربية .... اذا كان هو يملك سياسه الاستخصار في المنتجات الخاصه بيه .... لماذا بروتون نفسها لم تسخصر فيه جوده تقفيل محترمه ( حتي لو كانت اشياء صغيره )

بصراحة يا جماعة انا شايف ان عز العرب عمره صغير اوي مع بروتون و مش حيقدر يقاوم مع الماليزين لان لو هو استمر بالسوء دا اكيد الماليزين مش حيخسروا سوق زي السوق المصري ... انت النهارده بتنزل في الشارع بتلاقي بروتون دي بس الله ما شاء الله مليا الشوارع و الغريب ان كل دا مش غير دعايه و بوجود توكيل ردئ مثل عز العرب

ارجو اني مكنتش طولت عليك يا دكتور
و اتمني اسمع رأيك في وجه نظري

و تقبل تحياتي اخي العزيز و الفاضل

الاعزاء ملاك السيارات البروتون
فيه ملحوظه مش عارف انتو واخدين بالكم منها ولا لا ان كل الشكاوي والاعتراضات علي الجين 2 والبيرسونا اللي هما الجيل الجديد وده فعلا حقيقي لان انا لاحظت عيوب التقفيل في البيرسونا 2009 وهي شويه حاجات هبله وعبيطه بس اكيد بتخلي الواحد متضايق لان مش منطقي ان عربيه جديده تكون فيها عيوب
اللي عايز اقوله ان العربيات البروتون ما قبل جيل الجين 2 و البيرسونا ( عربيات الويرا والواجا اللي كان بيتم تصنيعهم بالاقتباس والتنسيق وربما الاشراف مع التكنولوجيا اليابانيه) لم يكن فيهم مثل هذه العيوب التي تشاهدها لحظه شراء العربيه او خلال الكيلو مترات الاولي ولا انكر انه كانت هناك عيوب ولكن ظهرت بعد فتره طويله من الاستعمال زي الاكصدام الخلفي بيقع ومفاتيح الزجاج الكهرباء بتعلق وده في الويرا
يبقي السؤال اللي محتاج اجابه هو الاتي
هل عندما قامت بروتون بشراء لوتس اتجهت الي الاهمال في المنتج؟ اعتقد لا
هل كانت السيارات ما قبل عام 2005 التي تاتي الي مصر من بروتون منتجه اساسا لدول الخليج ومصر تاخذ جزء من تلك الكميه؟ ربما يكون ذلك لقله الكميه المطلوبه
هل اصبح هناك كميه انتاج مخصصه لمصر او لمناطق اخري في المنطقه العربيه خلاف دول الخليج ومصر من ضمنها ؟ ربما يكون ذلك لاني قرات ان هناك مبيعات عاليه للسياره الجين 2 في سوريا وذلك اثناء عمليه بحث عن البروتون علي الانترنت
توقعي الشخصي ان هناك معامله غير عادله من شركة برتون يساهم فيها ويدعمها الوكيل في مصر -لاحظوا المنتجات الصيني اللي في مصر ومستواها مقارنه بالانتاج الصيني الموجود في امريكا او اوربا او الخليج -
اتمني ممن لديهم وقت يمكنهم من التواصل علي الانترنت مع مالكي سيارات بروتون في الخليج والسعوديه من جهه ومالكي سيارات بروتون في سوريا من جهه اخري وسؤالهم ربما نجد الاجابه ومن هنا يمكن الوصول الي الحل مع بروتون الشركه او التوكيل او كلاهما بالاتي: اواو او من الممكن في حاله ثبوت معامله غير عادله ان يتم رفع قضيه جماعيه ضد الشركه و طلب تعويض
اعتذر لطول الموضوع

[m.3abdel3al]

فعلا mby حل مناسب جدا و يا ريت لو اي حد يعرف حد من بره مصر معاه وجين وانا هشوف اي حد من ماليزيا في موقع الجين 2

:k49: :k49: :k49: :k49: :k49: :k49: :k49: :k49:

[momenhamdy]

الاعزاء ملاك السيارات البروتون
فيه ملحوظه مش عارف انتو واخدين بالكم منها ولا لا ان كل الشكاوي والاعتراضات علي الجين 2 والبيرسونا اللي هما الجيل الجديد وده فعلا حقيقي لان انا لاحظت عيوب التقفيل في البيرسونا 2009 وهي شويه حاجات هبله وعبيطه بس اكيد بتخلي الواحد متضايق لان مش منطقي ان عربيه جديده تكون فيها عيوب
اللي عايز اقوله ان العربيات البروتون ما قبل جيل الجين 2 و البيرسونا ( عربيات الويرا والواجا اللي كان بيتم تصنيعهم بالاقتباس والتنسيق وربما الاشراف مع التكنولوجيا اليابانيه) لم يكن فيهم مثل هذه العيوب التي تشاهدها لحظه شراء العربيه او خلال الكيلو مترات الاولي ولا انكر انه كانت هناك عيوب ولكن ظهرت بعد فتره طويله من الاستعمال زي الاكصدام الخلفي بيقع ومفاتيح الزجاج الكهرباء بتعلق وده في الويرا
يبقي السؤال اللي محتاج اجابه هو الاتي
هل عندما قامت بروتون بشراء لوتس اتجهت الي الاهمال في المنتج؟ اعتقد لا
هل كانت السيارات ما قبل عام 2005 التي تاتي الي مصر من بروتون منتجه اساسا لدول الخليج ومصر تاخذ جزء من تلك الكميه؟ ربما يكون ذلك لقله الكميه المطلوبه
هل اصبح هناك كميه انتاج مخصصه لمصر او لمناطق اخري في المنطقه العربيه خلاف دول الخليج ومصر من ضمنها ؟ ربما يكون ذلك لاني قرات ان هناك مبيعات عاليه للسياره الجين 2 في سوريا وذلك اثناء عمليه بحث عن البروتون علي الانترنت
توقعي الشخصي ان هناك معامله غير عادله من شركة برتون يساهم فيها ويدعمها الوكيل في مصر -لاحظوا المنتجات الصيني اللي في مصر ومستواها مقارنه بالانتاج الصيني الموجود في امريكا او اوربا او الخليج -
اتمني ممن لديهم وقت يمكنهم من التواصل علي الانترنت مع مالكي سيارات بروتون في الخليج والسعوديه من جهه ومالكي سيارات بروتون في سوريا من جهه اخري وسؤالهم ربما نجد الاجابه ومن هنا يمكن الوصول الي الحل مع بروتون الشركه او التوكيل او كلاهما بالاتي: اواو او من الممكن في حاله ثبوت معامله غير عادله ان يتم رفع قضيه جماعيه ضد الشركه و طلب تعويض
اعتذر لطول الموضوع

اخي الفاضل و العزيز
تشرفت بقراءه المداخله الخاصه بحضرتك

دعني اتكلم عن نقطه انا ذكرتها في المشاركة الخاصه بي
انا اتكلمت و قولت اني متابع جيد جداً لمنتديات بروتون الاجنبيه و علي رأسهم منتدي بروتون الانجليزي و لم اجد ما يشتكي من الخامات او عيوب التقفيل الي الموضوع مفتوح اساساً علشان تلك العيوب

نرجع المرجوع الاساسي انا حاولت لاكثر من مره ارسال بريد الكتروني Email الي الشركة الام في ماليزيا و لكن البريد الالكتروني بيتحول الي المنطقه الخاصه بالعميل بمعني انا بعت للبريد الاساسي لماليزيا فجئت ان الرد جاء من المهندس امر مش من ماليزيا
عارف دا معناه ايه ؟؟؟..... في حد بيمثك عندهم و هو عز العرب
و الراضي عن اداء التقفيل الي جاي من ماليزيا هو عز العرب
و الي ورد تيل مش كويس للتوكيل و التوكيل اخده و ركبه في العربيات مع انه عارف انه زفت " اسم للفظ " هو عز العرب

ممكن اسأل سؤال لماذا رغم ان عز العرب يعلم جوده هذا التيل يتم استخدامه لحد الان ؟؟؟

الاجابه معروفه ؟؟؟
ماليزيا عمرها ما حتحسن المنتج و تراعي عمليه الفحص و مراقبه الانتاج الي جيا لمصر و دا علشان التوكيل راضي علي كدا و مش عايز احسن من كدا

و افتكر كويس ان اخر واحد ممكن يدفع علشان يزود جوده المنتج و يصبح لو دعايه و خلافه هو عز العرب

ارجو ان وجه نظري وضحت

و تقبل تحياتي اخي الفاضل

[amir]

الاعضاء الكرام
تحيه عرفان و تقدير لجميع من شاركو في الموضوع الرائع ده
علشان لو كانت الفكره ذكر المحاسن فالموضوع سهل و بسيط
كل الوكلاء و المعارض و الاعلانات بتعمل كده
انما الفايده الحقيقيه في ذكر المساوئ
لاني اكيد لما باجيب عربيه بستمتع بالمميزات انما العيوب فبعاني منها
شكرا ليكم و ياريت باقي الاعضاء يعملو زيكو

[ahmedfathy77]

السلام عليكم ورحمة الله وبركاته
اولا اشكر كل من شارك فى هذا الموضوع القيم
ثانيا معلش انا بحب دائما افكر بشكل عملى ومرتب شوية عشان كده انا كان لى شوية ملاحظات احب اسجلها
1- معظم ان مكنش كل اللى شارك فى الموضوع ناس بتحب العربية جدا سواء اشتروها او ناويين
2- اذا كان الموضوع عن العيوب مش عن المزايا ده مش تشويه او تسويىء لسمعة العربية بالعكس ده ينطبق تحت بند النقد الموضوعى يعنى نقد الرغبة منه التطوير والتجويد من المنتج واكيد ده له فايدة على الملاك واللى ناويين يشترو
3- اعتقد ان الغرض الاساسى من الموضوع كان مش مجرد السرد للعيوب على اد ما كان الغرض منه التوصل لحل انا طبعا مش صاحب الموضوع ده بس ده اللى انا فهمته من اول مشاركة ليا فيه
4- رد الاخوة ملاك العربية فى الموضوع ده واضح انه لم يضف الكثير مع احترامى الشديد ليهم لانهم لم ياتو بجدبد سوى ان العربية فعلا فيها عيوب من سنة ما نزلت مصر بس العيوب بتقل بس محدش عمل اى تحرك ايجابى من ساعة العربية ما نزلت مع العلم ان فيه شك كبير ان مستوى الجودة فى عربيات بروتون اللى جاية مصر اقل من مثيلاتها فى الدول الاخرى وانا مش بلومهم لان دى بقت طبيعتنا كمصريين ـ وانا منكم طبعا ـ فىه سلبية فى حياتنا وفى كل حاجة للاسف وده سبب اللى احنا فيه دلوقت
5- اتمنى ان الموضوع قبل ما يخلص نكون قررنا عمل شىء ايجابى على الارض مش بس كلام جوه منتدى مع انى عارف ان ده صعب يحصل
6- نفسى محدش ياخد كلامى على اكثر من محمله او يزعل انا بس احيانا بكون صريح حبتين وبرضه باكد تانى وتالت انى فعلا اعضاء منتدى بروتون ناس فى غاية الاحترام وبتمنى ان شاء الله اجيب العربية قريب بس كنت اتمنى ماتكونش فيها عيوب وده صعب يحصل برضه بس الامل فى ربنا دائما انه يصلح احوالنا ويساعدنا على التخلص عيوبنا والتغلب على سلبيتنا
سلامى للجميع

[Osama.shihata]

السلام عليكم ورحمة الله وبركاته
اولا اشكر كل من شارك فى هذا الموضوع القيم
ثانيا معلش انا بحب دائما افكر بشكل عملى ومرتب شوية عشان كده انا كان لى شوية ملاحظات احب اسجلها
1- معظم ان مكنش كل اللى شارك فى الموضوع ناس بتحب العربية جدا سواء اشتروها او ناويين
2- اذا كان الموضوع عن العيوب مش عن المزايا ده مش تشويه او تسويىء لسمعة العربية بالعكس ده ينطبق تحت بند النقد الموضوعى يعنى نقد الرغبة منه التطوير والتجويد من المنتج واكيد ده له فايدة على الملاك واللى ناويين يشترو
3- اعتقد ان الغرض الاساسى من الموضوع كان مش مجرد السرد للعيوب على اد ما كان الغرض منه التوصل لحل انا طبعا مش صاحب الموضوع ده بس ده اللى انا فهمته من اول مشاركة ليا فيه
4- رد الاخوة ملاك العربية فى الموضوع ده واضح انه لم يضف الكثير مع احترامى الشديد ليهم لانهم لم ياتو بجدبد سوى ان العربية فعلا فيها عيوب من سنة ما نزلت مصر بس العيوب بتقل بس محدش عمل اى تحرك ايجابى من ساعة العربية ما نزلت مع العلم ان فيه شك كبير ان مستوى الجودة فى عربيات بروتون اللى جاية مصر اقل من مثيلاتها فى الدول الاخرى وانا مش بلومهم لان دى بقت طبيعتنا كمصريين ـ وانا منكم طبعا ـ فىه سلبية فى حياتنا وفى كل حاجة للاسف وده سبب اللى احنا فيه دلوقت
5- اتمنى ان الموضوع قبل ما يخلص نكون قررنا عمل شىء ايجابى على الارض مش بس كلام جوه منتدى مع انى عارف ان ده صعب يحصل
6- نفسى محدش ياخد كلامى على اكثر من محمله او يزعل انا بس احيانا بكون صريح حبتين وبرضه باكد تانى وتالت انى فعلا اعضاء منتدى بروتون ناس فى غاية الاحترام وبتمنى ان شاء الله اجيب العربية قريب بس كنت اتمنى ماتكونش فيها عيوب وده صعب يحصل برضه بس الامل فى ربنا دائما انه يصلح احوالنا ويساعدنا على التخلص عيوبنا والتغلب على سلبيتنا
سلامى للجميع

احمد بيه
انا شايف ان التوكيل مدام بيصلح عيوب التقفيل يبقى ادى دوره من ناحية الصيانة فقط ، اما بالنسبة لجودة نزول السيارة مصر ده التوكيل مقصر فيها جدا ...........
((ولكن))
تعرف حضرتك ان البيرسونا مكتوب تحت الباب اليمين ان العربية مطابقة للمواصفات الخليجية لعام 2009 ....
((حاجة غريبة صح)) امال اازاى فيها العيوب بتاعت التقفيل دى ؟؟؟؟؟
معنى كدة ان الشركة مش ممكن تكون بتبعت حاجات لينا وحاجات لبره مصر لان بموجب المعلومة المكتوبة دى وعدم دقة التقفيل ممكن يترفع عليها قضايا وتجيب لنفسها مشاكل
((انا فكرت زيك تمام نعمل ايه عمل ايجابى))
ووصلت للاقتراحين وهما كالتالى....
نكتب ايميل نمضى عليه كلنا ونبعته للمهندس امر كبير مهندسى بروتون مصر نطالب فيه بالتالى :
(1)
توجيه خطاب رسمى من توكيل عز العرب برفع كفاءة السيارات مع مراعاة الاختبارات التى تؤكد سلامة السيارات وخصوصا من عيوب التقفيل وذلك للسيارات المستوردة من ماليزيا الخاصة بعلامة بروتون.
(2)
الايميل الثانى موجه للمهندس امر لرفعه للادارة وذلك بخصوص الاهتمام بالاعلان عن السيارة فى وسائل الاعلام مما سيعطى السيارة بريقاً اخر اسمه الشهرة التجارية مع مراعاة مد فترة ضمان السيارة الى 5 سنوات او 100000 كيلو اسوة بما يتم فى استراليا وانجلترا وهذا يضيف بريقاً اخر اسمه الثقة فى احترام الوكيل للعميل ودليل على الثقة فى اداء السيارة
....
أسف لو طولت وشكرا لمشاراكات بقى الاعضاء المحترمين
أسامة شحاتة

[momenhamdy]

عزيزي و الاخ الفاضل اسامة
طبعاً انا مؤيد لفكره حضرتك جداً و لكن يوجد بعض التحفظات عليها

ووصلت للاقتراحين وهما كالتالى....
نكتب ايميل نمضى عليه كلنا ونبعته للمهندس امر كبير مهندسى بروتون مصر نطالب فيه بالتالى :
(1)
توجيه خطاب رسمى من توكيل عز العرب برفع كفاءة السيارات مع مراعاة الاختبارات التى تؤكد سلامة السيارات وخصوصا من عيوب التقفيل وذلك للسيارات المستوردة من ماليزيا الخاصة بعلامة بروتون.

اوافق تماماً معاك في هذه الفكره ....و المهندس امر مش حيتأخر و انا الراجل دا اتعملت معاه و بصراحة قمة في الذوق و لا احد يقدر يقول غير كدا ... او يختلف علي كدا

(2)
الايميل الثانى موجه للمهندس امر لرفعه للادارة وذلك بخصوص الاهتمام بالاعلان عن السيارة فى وسائل الاعلام مما سيعطى السيارة بريقاً اخر اسمه الشهرة التجارية مع مراعاة مد فترة ضمان السيارة الى 5 سنوات او 100000 كيلو اسوة بما يتم فى استراليا وانجلترا وهذا يضيف بريقاً اخر اسمه الثقة فى احترام الوكيل للعميل ودليل على الثقة فى اداء السيارة
....
أسف لو طولت وشكرا لمشاراكات بقى الاعضاء المحترمين

نيجي بأ للمهم و النقطه الاساسيه في الموضوع الاداره تفتكر حضرتك حيكون رد الاداره ايه ؟؟؟

انا عايز بس في الاول اوضحلك سياسه عز العرب
عز العرب يمتلك تحت بند مهندسين و موظفين من اكفئ الموظفين و المهندسين و علي رأسهم المهندس امر و المهندس محمد رشدي في فرع الاسكندرية

و بصراحة الناس دي شايله التوكيل علي كتفها
سياسه التوكيل : هو فاكر ان طلما تحت ايده ناس محترمة و مهندسين كفائه يبقي كدا هو ملك كل شئ بدون ما ييديهم امكانيات ..... انا عايز اقولك ان الناس دي بتشتغل زي ما بيقول بأديهم و سنانهم و بدون مبالغة ابداً في الي انا بقوله

وكان في مؤتمر قبل كدا قريباً كان بخصوص وصول ال FACELIFT لمصر و كان حاضر هشام عز العرب
و كانوا في ناس كلموه علي مستوي الدعايه و انوا لازم يكبر الورشة و زياده الاعلانات و ان قطع الغيار تتوافر اكتر من كدا و خلافه و انو يذود الدعم المادي شوية للماركة

للاسف و لا حياه لمن تنادي ... والي حكالي القصه دي الاستاذ احمد صيام
العيب يا ساده يا افاضل في التوكيل احنا حتي لو عملنا الي علينا للاسف المخاطب الرسمي للشركة الام مش في دماغه و هو راضي كدا عن اداء الشغل

انا عارف اني طولت عليكوا و انا تحت امركوا في اي حاجة حتقرروها في سبيل الارتقاء بالمنتج

و تقبل تحياتي اخي الفاضل

[ahmedfathy77]

احمد بيه
انا شايف ان التوكيل مدام بيصلح عيوب التقفيل يبقى ادى دوره من ناحية الصيانة فقط ، اما بالنسبة لجودة نزول السيارة مصر ده التوكيل مقصر فيها جدا ...........
((ولكن))
تعرف حضرتك ان البيرسونا مكتوب تحت الباب اليمين ان العربية مطابقة للمواصفات الخليجية لعام 2009 ....
((حاجة غريبة صح)) امال اازاى فيها العيوب بتاعت التقفيل دى ؟؟؟؟؟
معنى كدة ان الشركة مش ممكن تكون بتبعت حاجات لينا وحاجات لبره مصر لان بموجب المعلومة المكتوبة دى وعدم دقة التقفيل ممكن يترفع عليها قضايا وتجيب لنفسها مشاكل
((انا فكرت زيك تمام نعمل ايه عمل ايجابى))
ووصلت للاقتراحين وهما كالتالى....
نكتب ايميل نمضى عليه كلنا ونبعته للمهندس امر كبير مهندسى بروتون مصر نطالب فيه بالتالى :
(1)
توجيه خطاب رسمى من توكيل عز العرب برفع كفاءة السيارات مع مراعاة الاختبارات التى تؤكد سلامة السيارات وخصوصا من عيوب التقفيل وذلك للسيارات المستوردة من ماليزيا الخاصة بعلامة بروتون.
(2)
الايميل الثانى موجه للمهندس امر لرفعه للادارة وذلك بخصوص الاهتمام بالاعلان عن السيارة فى وسائل الاعلام مما سيعطى السيارة بريقاً اخر اسمه الشهرة التجارية مع مراعاة مد فترة ضمان السيارة الى 5 سنوات او 100000 كيلو اسوة بما يتم فى استراليا وانجلترا وهذا يضيف بريقاً اخر اسمه الثقة فى احترام الوكيل للعميل ودليل على الثقة فى اداء السيارة
....
أسف لو طولت وشكرا لمشاراكات بقى الاعضاء المحترمين

أسامة شحاتة

السلام عليكم ورحمة الله وبركاته
اولا -كوننا بنتكلم عن عيوب التقفيل اكيد كلامنا هيبقى مركز على عيوب التصنيع خاصة ان العربية مش بتتجمع هنا وانا فى مشاركاتى فى الموضوع ده لم اشر الى التوكيل سوى فى نقطة واحدة انه لغاية دلوقتى العيوب بتتكرر فى العربيات اللى جايه له من غير ما يعترض والدليل على كده ان المشكلة متكررة وطبعا كان فيه اكثر من اعتراض من الزملاء على مشاكل فى التوكيل واكيد انا مش منهم لانى ببساطة لسه مشترتش العربية بس ان شاء الله هيحصل عن قريب
ثانيا - اقتراحى لحل الموضوع ده ما يختلفش عن اقتراح حضرتك فى كتير فى الشكل او المضمون لان مجرد ان فيه تسجيل لاعتراض الناس على العيوب دى ده شىء كويس و انا كنت موافق الاستاذ رافى فى اقتراحه لترتيب الموضوع ده وانا بس كان اكتر حاجة حاسس انها ضرورية جدا عشان نجاح اى شكوى هى الجماعية وده للاسف مش متوفر لغاية دلوقتى
ثالثا - بالنسبة لحقيقة موضوع اختلاف الجودة للعربيات اللى بتيجى مصر عن اللى بتتصدر للبلاد التانية ده شىء اشار ليه السادة الاعضاء mby , momenhamdy انهم بيقولو ان فيه احتمال ان يكون الموضوع ده موجود وهم من مالكى العربية وناويين يتاكدو من ناس برة ومشاركاتهم موجودة يمكن مراجعتها
رابعا - احب اؤكد تانى ان الموضوع ده من وجهة نظرى لا هو عشان مهاجمة العربية ولا التوكيل ولا الشركة انما هو للوصول فى الاخر لعمل ايجابى وحضارى لانهاء هذه المشكلة تماما وده اكيد فيه مصلحة لمالكى العربية واللى هيشترو والتوكيل والشركة الام
سلامى للجميع

[M.almaghraby]

كلام جميل جدا بس عايزين نعمل حاجة و بسرعة......

[MohabSaeed]

تسجيل متابعه للموضوع الهام جدا .

[amir]

يا باشا انا بحب المنتدي ده و بحب اكتر اعضاءه المميزين بأدبهم و علمهم و فايدتهم للناس
لو هاتكلم في التوبيك ده بصراحه كده و بالبلدي و من دون تزويق في الكلام فاهقول الاتي:
انا حاليا بفكر ابيع الصني و اجيب جين
طيب هل انا ماديا قادر علي كده الاجابه اه بس موضوع فرق الفلوس بين تمن الصني بتاعتي اللي اتقدر من المنتدي ب 75 الف و تمن الجين مانيوال حوالي 6 الاف جنيه
نزود بقي التراخيص و التأمين يعني كمان 5 او 6 يبقي المجموع في رينج ال 12 الف فرق فلوس هدفعها من فلوس حاجات تانيه محتاجها حاليا و بشده
طيب لو جيت عملت كده و جيت علي نفسي ماديا لتحقيق رغبتي القديمه في امتلاك جين و يوم و اتنين و ابدء نفس المعاناه و الحسره اللي اتعرضلها برضو بعض الناس اللي اشترو موديل 2009 في عيوب بعضها تافه فعلا و الاخر مقرف و يجيب احباط زي موضوع التكييف مثلا و اضريت اني افك التابلوه علشان اغير مكان الكوندنسر ولا الكويل مش فاكر
و برضو بعد كده الاقي التكييف يتسد بالتلج
اكيد بيني و بين نفسي هموت من الحسره من كده زائد التابلوه اللي هيبدء يزيق بعد الموضوع ده
بمعني العربيه بقت مش فارقه عن اي مستعمل موديل قديم
و مش هينفع نتكلم و نقول اصل دي حالات نادره و حظهم وحش
حظ ايه بقي ده واحد وثق في العربيه موديل 2009 و بعد اسبوع ولا شهر اتفتحت عليه بوابات جهنم في عربيته الزيرو و التوكيل مش نافعو ببصله
انت مش متخيل انا بحب الجين قد ايه و الله بقعد اقنع نفسي ان الموضوع هيعدي و تقع تحت ايدي العربيه اللي تخليني اكدب العيوب اللي الناس بتتكلم فيها كلها!
بس ارجع و ابص علي الناس اللي جابو موديل 2009 من شهر او اتنين و اخاف
ايه اللي هيخلي حظي احسن منهم ما هما كمان فكرو كده قبل ما يشترو و للاسف اتصدمو في قرارهم و محدش نفعهم و لو حبو يبيعوها الخساره هتكون تقيله
مش عارف انا لو يحكموني في رقبه البني ادم مسئول الجوده في بروتون هحطه تحت العربيه و افرمه
لأنه بغباءه ده مموت سمعه العربيه مع انها عشره علي عشره و حتي الناس اللي طلعت لهم مشاكل برضو بيدافعو عنها لأنها تستاهل طيب ناقص ايه في المعادله دي
عربيه رائعه+موتور قوي+اداء و ثبات تحفه+كماليات متميزه+شكل داخلي و خارجي جبار
المعادله دي ناقصها ايه علشان الناس تتطلع بالجين السما و تعد العربيه الاولي عالميا؟
ناقصها جوده التقفيل
بس كده
حاجه تافهه جدا جدا لكن جايبه العربيه في محل الشبهات
و اداء التوكيل في معالجه الحاجات دي برضو حاجه تعر و تكسف يعني العربيه عاملاله مبيعات اظن اكتر من العربيات "الغاليه" اللي فرحانين بيها قوي قوي في معرض السابع و يحسسوك ان كتر خير الدنيا انهم بيبيعوها جنب الموديلات الفخمه اللي هناك و كأنها جربه مثلا!!!!! و كل ده من غير حملات اعلانيه محترفه او لا قدر الله اعلانات في الجرائد ولا حاجه خالص اللهم الا اعلان يتيم في الجرنال مره واحده تاريخيه علي رأي احد كدابي الزفه المشهورين!!


من وجهه نظري المتواضعه لو فعلا عايزين نخليهم يتعدلو يبقي مش من ضغط اصحاب العربيه لأن دول رجلهم جت في الخيه خلاص
انا شايف ان اصحاب العربيات المعيبه يتحدو و حاجه من اتنين
1- يلمو فلوس من بعض و يعملو شكوي في الجرائد و تحذير للناس من العربيه و دي هتبقي قاتله للمبيعات و هيضطر انه يعيد التفكير في تصرفاته, بدل ما كل يوم المشترين يزيدو و هم مطنشين صرخات الملاك
2- اعضاء نادي بروتون هنا من اصحاب الشكاوي من العربيه يتناوبو الذهاب امام التوكيل و يرفعو يفط علي عربياتهم انها معيبه و التوكيل مش بيعالج عيوبها و مطنشهم (زي بالظبط قصه الراجل صاحب النوبيرا اللي سابهلهم في الشارع و جواها ورق بيحذر الناس من التعامل مع التوكيل) و ساعتها برضو المبيعات هتنزل الارض
و من واقع متابعتي لقسم البروتن فالموضوع مش مجرد كلام حلو من مهندس في التوكيل او صاحب التوكيل الموضوع اكبر من كده بكتيير و دي مجرد مسكنات للملاك و مادام المبيعات مستمره و الصيانات بتتعمل هيوجعو دماغهم ليه بقي؟

لازم فعلا ملاك الجين علي الاقل هنا في المنتدي يجتمعو و يفكرو في اداء العربيه و التوكيل و يقررو اتباع اجراء من الاجرائات اللي اقترحتها دي
و صدقوني لو واحد داخل يستلم العربيه و شاف منظر زي ده اكيد اكيد هيراجع نفسه مليون مره لأن الفارق بينه و بين صاحب العربيه اللي موقف عربيته و بيشتكي انه ده استلم قبله و الفاصل بينه و بين الراجل صاحب العربيه انه يمضي ورقه الاستلام


تحياتي للجميع و ارجو ان قسم البروتون يتقبل كلامي و محدش يفكر ابدا اني بهاجم العربيه انا بموت فيها و نفسي فيها بس فعلا خايف

ماهو للاسف النقطه الخاصه بوقوع مبيعات الجين في مصر حاليا هي الحاجه الوحيده اللي ممكن تتعمل
ملاك الجين مش قادرين ياخدو حقهم
و انا لو نزلت اشتريتها هابقي عباره عن ضحيه اخري و هانضم لطابور طويل من مالكي الجين اللي محدش عارف يتمتع بعربيته الزيرو منهم بسبب المصنع في ماليزيا و بسبب طناش التوكيل في حل المشاكل او قله قطع الغيار او غيره او غيره
يبقي ماعدش فاضل الا ان الملاك يفضحو التوكيل و ساعتها لما المبيعات تنخفض هيضطر انه يصرف فلوس في دعايه جامده و يحسن مراكز الخدمه الخاصه بيه بدرجه كبيره و يحل جميع المشاكل القائمه حاليا لكسب ثقه المشترين المحتملين
لكن فكره انه تاجر و العربيه دي بالذات مش فارقه معاه فالموضوع فيه كلام كتير
لو كان بيبيع شيروكي و كرايسلر و سيتروين بكثافه الجين تو كان ايه جبره انه يبيعها و يجيب لنفسه الهم ده كله؟
الموضوع تجاري بحت و الراجل بيكسب زي الفل
يبقي يقدم لعملاءه خدمه تكافئ مكاسبه
مش يتهرب منهم و كأنهم مصابين في مستشفي عام!!!!
و فكره انه كلام و خلاص من عدمه فدي يحسمها اصحاب الجين اللي لاقو ويلات التقفيل و مستوي التوكيل في معالجتها
انا و انت مجرد مشترين محتملين
و ربنا يسهل و الواحد يقدر يطمن نفسه و يشتري العربيه اللي بيتمناها و خايف ينتقل الي ارض الندم بعد كده

شباب ما انا اقترحت حل دموي فعال اهوه ليه محدش بيفكر فيه؟

[tutankhamoun]

على الرغم من أني أعشق الجين تو ولكن راوضتني افكار كثيره عن هذه السيارة التحفه فى نظري وقلت لنفسي العربية ديه حلوه أوي ومش نافع معها اي مقارنه بينها وبين أي عربية فى نظرى هيه اللى بتكسب على طول بس قلت على الرغم من إن الناس بتقول فيها عيوب بسيطة أو تقفيل ضعيف إنه من الممكن يكون قاتل أو مضر ففكرت طب أيه عيوب الجين فقلت:

دلوقت :
1. مثلا تيل الفرامل والتصفير بتاعه ( ضعف فى الخامه المستخدمه فى التيل ) ديه يعنى إن التيل ما بيمسكش على التنبور كويس على السراعات الضعفه فيصفر والسراعات العاليه ومع فرامل اضطرارية بيزحلق وانا عن نفس اتعرض ليها ويمكن حد يشاركني فيها يعنى كان ممكن ألبس فى السياره التى أمامي .. ليه لأممكن

بصراحة العربية مفيش و لا مرة دوست فرامل و حسيت أن العربية كانت هاتخذلني نهائي
بل على العكس .....
الفرامل و حتى الآن ممتازة ...
و على فكرة الفرامل اللي بتيجي مع العربية بتكون تيل .... بوش ألماني .



2. التزيق اللى فى التابلوه الواحد بيفكره ليه ؟؟ أكيد فى حاجه مش مربوطه كويس استنتاج منطقي .. طب ليه ما يكونش حاجه ممكن تخلي الإرباج تعلق مثلاً فى او ماتفتحش بطريقه سليمه وتكون السبب فى عدم الحماية ... ده على أساس إن احنا واثقين فى حساسات الإيرباج لأن محدش جربها والعياذ بالله طب إيه اللى ينمع إن تكون فيها حاجه من عيوب التقفيل ما احنا مش عارفين لأن الموضوع ده تجربته بحادثه مروعه و ما هي من عيوب التقفيل أيضا ليه لأ ؟؟؟ ولوفتحت مع واحد ممكن مع 10 لأ ... ما هي تقفيل وحش وخامات أي كلام .

لا أعتقد أنهم هايسترخصوا في خامات الوسائد الهوائية .
لأن مثلا الفرامل اللي نازلة مع العربية التيل بتاعها بوش ألماني الصناعة .
الكاوتش مش صغير و خامته جيدة جدا و غالي الثمن .
العربية بتنزل أنجلترا ........ بنفس الخامات اللي موجودة في مصر .
بس في انجلترا فيه موديل زيادة فيه خامات أعلى و بثمن أعلى .
والعربية كمان بتنزل أنجلترا و مينفعش تنزل هناك و يكون مسترخصين في خامات الوسائد الهوائية مثلا أو خامات عوامل الأمان .
بالنسبة لصوت التابلوه .
يا جماعة ده تابلوه بلاستيك ....و طبيعي جدا أن يزن مع المطبات و الطرق المكسرة و عن تجربة مع كذا عربية ..... أوروبي و آسيوي .
و مش معنى أن خامات الصالون من الفرش و التابلوه رخيصة ...... يبقى بقية الخامات رخيصة و الدليل
الصاج القوى المستخدم و مفيهوش أسترخاص .
تيل بوش ألماني .......
عوامل أمان .
كاوتش غالي و عريض .
كاسيت ألماني بلاوبونكت مثلا .

3. صوت الكنبه اللى ورا اللى كلنا عارفيه .... طب ايه المخاطر فى صوت طبعا جاي نتيجه لعدم إحكام القفل بتاع الكنبه اللى ورا مما يجعل فى مسافه بين الظهر والشنطه يعني لو حد من الأولاد دخل ايده فيه تتزق طبعا على أساس إن العيال الأيام ديه عفاريت بتلعب في كل حاجه ومع السواقه أو المطبات ممكن الأيد تتحشر وممكن تتكسر ( وارد أيه اللى هيمنع )

الكنبة و المسافة بينها و بين القفل محكمة جدا و سبب خروج الصوت هو أن القطعتين معدن و بالتالي مع مطبات مصر و طرق مصر المدشدشة و الأحياء العشوائية اللي أحنا بنسوق فيها لازم يطلع صوت .
و ده طبيعي و كان لازم بروتون تدرس السوق أكتر من كدا ...... و يحاولوا يحلوا المشاكل البسيطة اللي زي دي .

4. الأبواب طبعاً الأبواب والكاوتش قصه لوحدها وديه بقا عن تجربه حقيقية وأنا ماشي وباخد ملف لقيت اللباب اللى ورا فتح لوحده وركنت ونزلت أقفل الباب عشان يتأفل ابدا الطبله مش بتمسك فى المشأبيه عارفين لما الباب يعلق أكنه مفتوح وانت بتاحول تأفله هوه ده اللى حصل لغاية ما ربطه من ورا وصلحته طب افرض إن حد من بناتي كان راكب ورا فى الوقت ده كان ايه بقا مصيره؟؟؟ وتخيلوا ما هو من عيوب التقفيل

بصراحة أنا محصلش معايا حاجة زي كدا نهائي و لا مع أي حد من أصحابي .اللي معاهم الجين 2
و لكن كان الله في عونك في مشكلة زي دي .
و دي فعلا مشكلة خطيرة علشان بتتعلق بالأمان .

5. الرموت اللى كل شويه يعلق وسعات اقعد اتحال عليه يفتح واكون مستعجل ويفتح بعد عذاب او اضر اطلع آخد الرزيرف عشان افتح ... طب لو كنت مثلا قدر اللى حد تعبان وعايز اجري على المستشفي والعربيه من شراضيه تفتح لو فتحت مانيوال الانذار ضرب والعربيه مادورش وتتلخم وانت معاك واحد عايز تنقذ وكان لا قدر الله ابوك ولا عيالك هتعمل ايه ؟؟؟؟؟؟؟؟؟ ما هو عيوب تقفيل

أنا مشفتش العيب ده بصراحة مع أي حد ...
بس طبعا أنا مصدقك .
بس أنت كنت أول دفعة ..... اللي هي 2006
يعني كل المشاكل اللي ظهرت ..... ظهرت معاكوا أنتم و كان الله في عونكم .

6. مكن الإزاز كان عندي ورا وصل إن ممكن تنزل الزجاج بايدك لو اتكيت عليه شويه طب مش ده خطر على الأطفال وعارفين طبعا السيناريو اللى هحصل وانت ماشي ... ما هو عيب تقفيل .
فعلا مكن الزجاج كان سئ و تم تغييره على فكرة و لكن برضه مازال ليس على المستوى المطلوب .

7. حصل اول ما جبت العربية إن خرطوم التكيف كان قريب اوى من الفرن ووصل الحال إنه لزق فيه وحص تنفيس فيه لأنه اتخرم من الحرارة ده معنا أنه لو فضل على حال ده ممكن يسيح مثلا من الحراره خاصة لو على طريق طوالي وممكن يأدي أي كارثه على الرغم من أنه معزول ... ماهو ده عيب تقفيل

هو بصراحة شكلك كدا وقعت في عربية من اللي كلهم مشاكل .
كان الله في عونك .
بس المشكلة دي أول مرة أسمعها بصراحة .

ده أمثله عن عيوب التقفيل يمكن أنا مكبرها شويه بس فعلا الأمور السابقه ورده أوى تحت بند عيوب التقفيل


ده غير اللى يغيظ أن الشركه ما زالت تعاني من عيوب التقفيل بعد حوالي 5 سنوات من إنتاج العربيه لأنها نزلت فى ماليزيا قبلينا بحوالى عامين تقريبا إن لم تخوني الذاكره ... يعنى هيه وإن قلت عيوب التقفيل فى المودلات الحديثه لم تعالجها بالشكل المرضي يعنى هيه بتستهين مثلا بعملائها ولا ايه انا مش لاقي لها مبرر سوي ايه ... مشلاقي مبرر ؟؟؟؟؟؟



على الرغم مكدا بقا أنا بعشق هذه السيارة وأروج لها بشده وإن غيرت هجيب برضوا جين تو 2010 إن شاء الله بس اللى دفعنى لكتابة هذا الموضوع هوه حبي لها واتمني أن تكون أحسن سياره

ولكم تحياتى

أنا شايف أن أحنا بنقسوا على العربية و مكبرين شوية الموضوع .
لأن أغلب و معظم اللي أشتراها معندوش مشاكل كبيرة قوي كدا .
بالاضافة ان الوصف على الانترنت و بالكتابة بيبين أن المشكلة و كأنها كارثة مثلا .

بالنسبة لشركة بروتون .
شركة بروتون يا جماعة شركة حكومية .
و ما أدراك ما هو شغل الحكومة .
و طبعا كتر خيرهم أنهم وصلوا للتقدم ده .
بس أنتوا عارفين شغل البيروقراطية الحكومية .
و أنا معاكم أن الشركة المفروض يكون فيها شوية حزم في قسم الجودة و التقفيل النهائي .

و على فكرة أنا بأثق في العربية دي جدا
الفرامل ممتازة ........ و أسعفتني في عدو مواقف خطيرة .
نظام ABS أشتغل و أختبرته في موقف كنت هاموت فيه و الحمد لله ربنا ستر و العربية وقفت بعد الفرملة على سرعة عالية بدون لف أو دوران حول نفسها ووقفت في خط مستقيم تماما .بس عايز أضيف أن فرامل ABS مش بتوقف العربية في مسافة أقصر زي ما الناس فاهمة ........ لاءة هي يتوقف العربية بدون دوران حول نفسها .

ثبات العربية رهيب رهيب و التحكم فيها أكثر من ممتاز .

و ألف شكر للدكتور محمد سُليمان على هذا الموضوع .
و بالنسبة للتحسينات في التوكيل .
فيه تحسينات بتحصل يا جماعة بس العيب القاتل هو البطئ الشديد في انهاء مركز الخدمة الجديد . و مركز الفحص قبل البيع .
إنما شغالين فيهم ....... بس بقى بسرعة السلحفاة .
يعني هانشوف تطورات ...... بس ما تنتظروش تطورات تحصل في يوم و ليلة .
إنما هاتحصل تطورات إن شاء الله .

و أتمنى أن كلنا نستمتع بجميلة الجميلات الساحرة جين 2 ......
و شكرا مرة أخرى للدكتور محمد .
و تحياتي للجميع





ملحوظة .
فيه موضوع مفتوح في قسم المرسيدس
عربية جابت موتور من أول 800 كم .
كل التعليقات هناك بتشتم في الوكيل المصري و محدش قال كلمة على شركة مرسيدس أو سؤء الصناعة أو سوء تجميع الموتور الألماني .
العربية ثمنها فوق النصف مليون جنيه .

في توكيل عز العرب نفسه .
و في قسم بي ام دبليو
شوية عربية مكملتش 5000 كم و تم تغيير مواتيرها من الشركة الأم في ألمانيا .
طبعا الموضوع ده و لا هايأثر على أسم بي أم دبليو و لا حد هايقول نص كلمة عليها .
ليه ....... علشان دي ألماني و من بي ام دبليو .


تعالوا تخيل الموقف مع بروتون
الدنيا هاتقوم و مش هاتقعد ......ز و المنتدى كله هايدخل يشتم ماليزيا و عز العرب و كل من تعاون على صناعة الماركة دي .

الموضوع نسبي و فيه الحالة النفسية بتتحكم على حكم الفرد للسيارة و بيأثر أسم الماركة على حكمه بغض النظر عن مدى فداحة العيب .
و أنا شايف أن أغلب مشاكل بروتون مشاكل بسيطة ( بسهولة يمكن تجنبها من الشركة الأم ) .
و لكن بسبب أن الماركة مش مشهورة بالقدر الكافي فده بيخلي الحكم علي مشاكلها فيه مبالغة شوية و ده شئ طبيعي .

[M.almaghraby]

كلام سليم 100% يا استاذ مون

[waleedfesal]

مداخله مظبوطه وجت فى وقتها يا توت
انا منى واحد ان شاء الله هاجيب برسونا الشهر اللى جاى وعن اقتناع بالعربيه وعلى اساس ان الكمال لله وحده
لان كل توكيل واى سياره وليها عيوبها ومميزاتها وعلى كل واحد انه يوازن بينهم ويختار الكفه الراجحه بالنسبه ليه
وبانسبه لى لسة كفة البرسونا راجحه
وابقو ادعولى

[Ayman_52]

هل العيوب الموجوده في الجين تو موجوده في البيرسونا ايضا ؟
أرجو الافاده للاهميه .. وشكرا

هو لحد دلوقتى ...فى مشاكل طلعت فى البيرسونا جديده عن الجين

واظن ان اكتر واحد ظهرت معاه مشاكل كتيره وكبيره ...كان استاذ/اسامه شحاته ...

ولله الحمد اتحلت كلها ...بس اظن كان باقى مشكله التزييق مش عارف اتحل ولا ايه؟؟؟


بس فى الغالب هما نفس المشاكل ...مع ظهور كام مشكله جديده فى البيرسونا


وانا تحت امرك فى اى استفســـار

تحيــاتـــى