تحت بند عيوب التقفيل القاتلة

[MuhammedSoliman]

يا سلام يا د/محمد ... مواضيعك جامده كالعاده...بس ماتزودش من النوعيه دى كتير .........................................

-------------------------

حبيب قلبى ايمن باشا والله منور المشاركه وكلامك عاقل بس أنا يعنى ما كنتش اقصد إني أبرز عيوب الجين تو بقدر ما حبيت إني أبين أن فعلا الحجات الصغيره ممكن ينتج عنها حجات كبيره وإن شاء الله فى توبك جديد جاي هيكون أحسن من ده تحياتى ليك والف شكر على السؤال يا جميل

انا مش حقدر ازود عن كدة
و الجين عربية محترمة جدا بدليل انها منتشرة من غير دعاية اصلا
و عييوب التقفيل بتقل يا مسهل
شكر للااستاذ محمد علي الموضوع ال:k49:جامد دة و الافادة الجميلة دي للناس

خلوده عامل ايه ياباشا كلامك صيحيح هي العربية تستاهل على فكره فالمنتج الجيد هو خير إعلان عن نفسه شرفت المشاركة

و انا كمان يا ايمن كنت بخش و اطلع و مش عارف اكتب اه و الي انت كاتبه ده اكبر وصف لعيوب الجين 2 :k49:

مش مشكلة تكتب ايه المهم أنك معانا يا جميل تحياتى

هل العيوب الموجوده في الجين تو موجوده في البيرسونا ايضا ؟
أرجو الافاده للاهميه .. وشكرا

اعتقد هذا ولكن بنسبه أقل طبعا وبتوع البيرسونا يفيطوك أكتر مني

[MuhammedSoliman]

الاعزاء ملاك السيارات البروتون.................................اعتذر لطول الموضوع

ملحوظه فى محلها يا عزيزى لك تحيات واشكرك على الاستفاضه

اخي الفاضل و العزيز
تشرفت بقراءه المداخله الخاصه بحضرتك

دعني اتكلم عن نقطه انا ذكرتها في المشاركة الخاصه بي
انا اتكلمت و قولت اني متابع جيد جداً لمنتديات بروتون الاجنبيه و علي رأسهم منتدي بروتون الانجليزي و لم اجد ما يشتكي من الخامات او عيوب التقفيل الي الموضوع مفتوح اساساً علشان تلك العيوب
.................................................. ...
و تقبل تحياتي اخي الفاضل

يعني كده يا هندسه أنت بتحصر المشكلة فى التوكيل مش فى الشركة الأم بس أنا أختلف معاك فى الحته ديه لسبب إن طالما الشركة نفسها مش خايفه على منتجها ..... يبقي توكلها هيخاف عليها أنا معاك فى جزء كبير على الوكيل بس ده فى الدعاية وتوفر الخدمه المناسبه وقطع الغيار والحجات اللى حضرتك عارفها ديه واللى هيه برضوا مش موجوده سعدت بوجود يا باشا وارجو التواصل تحياتى

[MuhammedSoliman]

الاعضاء الكرام
تحيه عرفان و تقدير لجميع من شاركو في الموضوع الرائع ده
علشان لو كانت الفكره ذكر المحاسن فالموضوع سهل و بسيط
كل الوكلاء و المعارض و الاعلانات بتعمل كده
انما الفايده الحقيقيه في ذكر المساوئ
لاني اكيد لما باجيب عربيه بستمتع بالمميزات انما العيوب فبعاني منها
شكرا ليكم و ياريت باقي الاعضاء يعملو زيكو

يا دكتو ر احنا اللى بنحيك على مشاركتك وفعلا انا اتفق معاك وفى المقابل لو عايزين اكتب على مميزات الجين تو ممكن اقعد اكتب من هنا للصبح بس تمللى الحلو ما يكملش

تحياتى

السلام عليكم ورحمة الله وبركاته
اولا اشكر كل من شارك فى هذا الموضوع القيم

شكرا ليك انت ياباشا على التواصل

ثانيا معلش انا بحب دائما افكر بشكل عملى ومرتب شوية عشان كده انا كان لى شوية ملاحظات احب اسجلها

1- معظم ان مكنش كل اللى شارك فى الموضوع ناس بتحب العربية جدا سواء اشتروها او ناويين

معاك فى النقطه ديه

2- اذا كان الموضوع عن العيوب مش عن المزايا ده مش تشويه او تسويىء لسمعة العربية بالعكس ده ينطبق تحت بند النقد الموضوعى يعنى نقد الرغبة منه التطوير والتجويد من المنتج واكيد ده له فايدة على الملاك واللى ناويين يشترو

معاك 100 فى ال 100

3- اعتقد ان الغرض الاساسى من الموضوع كان مش مجرد السرد للعيوب على اد ما كان الغرض منه التوصل لحل انا طبعا مش صاحب الموضوع ده بس ده اللى انا فهمته من اول مشاركة ليا فيه


معاك 100 فى ال 100

4- رد الاخوة ملاك العربية فى الموضوع ده واضح انه لم يضف الكثير مع احترامى الشديد ليهم لانهم لم ياتو بجدبد سوى ان العربية فعلا فيها عيوب من سنة ما نزلت مصر بس العيوب بتقل بس محدش عمل اى تحرك ايجابى من ساعة العربية ما نزلت مع العلم ان فيه شك كبير ان مستوى الجودة فى عربيات بروتون اللى جاية مصر اقل من مثيلاتها فى الدول الاخرى وانا مش بلومهم لان دى بقت طبيعتنا كمصريين ـ وانا منكم طبعا ـ فىه سلبية فى حياتنا وفى كل حاجة للاسف وده سبب اللى احنا فيه دلوقت

ياباشا قلى ايه اللى ممكن نعمله : كتابه للشركه الام والناس بعتت شكاوي فى التوكيل وعملنا عراك واتعركنا .... انا بصراحهه الموضوع ده حيرني فعلا ... فعلى الأقل ادينا بنفضفض مع بعضنا

5- اتمنى ان الموضوع قبل ما يخلص نكون قررنا عمل شىء ايجابى على الارض مش بس كلام جوه منتدى مع انى عارف ان ده صعب يحصل

إيدي على كتفك

6- نفسى محدش ياخد كلامى على اكثر من محمله او يزعل انا بس احيانا بكون صريح حبتين وبرضه باكد تانى وتالت انى فعلا اعضاء منتدى بروتون ناس فى غاية الاحترام وبتمنى ان شاء الله اجيب العربية قريب بس كنت اتمنى ماتكونش فيها عيوب وده صعب يحصل برضه بس الامل فى ربنا دائما انه يصلح احوالنا ويساعدنا على التخلص عيوبنا والتغلب على سلبيتنا

إطلاقا بالعكس على الرحب والسعه يا باشا

سلامى للجميع

احمد بيه
انا شايف ان التوكيل مدام بيصلح عيوب التقفيل يبقى ادى دوره من ناحية الصيانة فقط ، اما بالنسبة لجودة نزول السيارة مصر ده التوكيل مقصر فيها جدا ...........
((ولكن))
تعرف حضرتك ان البيرسونا مكتوب تحت الباب اليمين ان العربية مطابقة للمواصفات الخليجية لعام 2009 ....
((حاجة غريبة صح)) امال اازاى فيها العيوب بتاعت التقفيل دى ؟؟؟؟؟
معنى كدة ان الشركة مش ممكن تكون بتبعت حاجات لينا وحاجات لبره مصر لان بموجب المعلومة المكتوبة دى وعدم دقة التقفيل ممكن يترفع عليها قضايا وتجيب لنفسها مشاكل
((انا فكرت زيك تمام نعمل ايه عمل ايجابى))
ووصلت للاقتراحين وهما كالتالى....
نكتب ايميل نمضى عليه كلنا ونبعته للمهندس امر كبير مهندسى بروتون مصر نطالب فيه بالتالى :
(1)
توجيه خطاب رسمى من توكيل عز العرب برفع كفاءة السيارات مع مراعاة الاختبارات التى تؤكد سلامة السيارات وخصوصا من عيوب التقفيل وذلك للسيارات المستوردة من ماليزيا الخاصة بعلامة بروتون.
(2)
الايميل الثانى موجه للمهندس امر لرفعه للادارة وذلك بخصوص الاهتمام بالاعلان عن السيارة فى وسائل الاعلام مما سيعطى السيارة بريقاً اخر اسمه الشهرة التجارية مع مراعاة مد فترة ضمان السيارة الى 5 سنوات او 100000 كيلو اسوة بما يتم فى استراليا وانجلترا وهذا يضيف بريقاً اخر اسمه الثقة فى احترام الوكيل للعميل ودليل على الثقة فى اداء السيارة
....
أسف لو طولت وشكرا لمشاراكات بقى الاعضاء المحترمين

أسامة شحاتة

بص يا جميل الاقتراحين طبعا حلوين بس لازم يكون لك صفه لتوجيه هذا الخطاب ولو احنا جمعنا بعض كده مش هنيجي 100 واحد من اصل شوف كام الف واحد معاهم جين وبرسونا وعلى العموم الواحد مافيش مانع طبعا شكرا على اهتمامك يا باشا

تحياتى

[momenhamdy]

يعني كده يا هندسه أنت بتحصر المشكلة فى التوكيل مش فى الشركة الأم بس أنا أختلف معاك فى الحته ديه لسبب إن طالما الشركة نفسها مش خايفه على منتجها ..... يبقي توكلها هيخاف عليها أنا معاك فى جزء كبير على الوكيل بس ده فى الدعاية وتوفر الخدمه المناسبه وقطع الغيار والحجات اللى حضرتك عارفها ديه واللى هيه برضوا مش موجوده سعدت بوجود يا باشا وارجو التواصل تحياتى

حبيبي يا دكتور محمد اتأخرت اوي علشان ترد علينا

بس انا حرد عليك بحاجة واحده و تجاوبني عليها بصراحة
ممكن تقولي الحاجة الي تقفيل صيني و بتنزل في الاسواق الاوروبيه و الامريكيه كفائتها عامله ازاي ؟؟

و المنتجات الي بتتقفل في الصين و بتنزل لبلدنا كفائتها عامله ازاي ؟؟؟؟

لو عرفت الاجابه حتعرف اني صح ؟؟؟

* التوكيل عندنا راضي و مقتنع بالمنتج انو كدا تمام و مفيش غبار عليه ليه بأ الشركة الام متدلوش علي دماغه

بس هل تقدر بروتون تعمل العيوب زي دي للسوق الانجليزي
انا عايز اقولك ان العربيه تتمنع من الدخول لاوروبا اساساً ( و انت عارف ان كلامي دا مفهوش هزار )
الي عايز يعمل جوده عاليه بيعمل بس المهم الي ميستخصرش
اذا كانت يا دكتور التوكيل بيستخصر في الدعايه للعربيه مش عايزه بكون متواكل في الموضوع الخاص بالتقفيل مع الشركة

لو في يوم من الايام التوكيل راح من عز و راح لشخص اخر
حتشوف جوده العربيه دي حتكون عامله ازاي في التقفيل و الاهتمام بالدعايه و قطع الغيار المحترمه

ممكن اسألك سؤال لما التوكيل لقي اللوط ( الشحنة ) الي جايه من المورد في ماليزيا بتاعت التيل مش محترمه و بتصفر ممكن اسألك هي لغايت الوقتي ليه بتتركب في العربيات مع انهم عارفين انها زي الزفت

عايز اشوف رأيك في المواضيع دي
و ترد علي الاسئله الي طرحتها

و تقبل تحياتي يا دكتور
وياريت متتأخرش عليا في الرد

[MuhammedSoliman]

أنا شايف أن أحنا بنقسوا على العربية و مكبرين شوية الموضوع .
لأن أغلب و معظم اللي أشتراها معندوش مشاكل كبيرة قوي كدا .
بالاضافة ان الوصف على الانترنت و بالكتابة بيبين أن المشكلة و كأنها كارثة مثلا .

بالنسبة لشركة بروتون .
شركة بروتون يا جماعة شركة حكومية .
و ما أدراك ما هو شغل الحكومة .
و طبعا كتر خيرهم أنهم وصلوا للتقدم ده .
بس أنتوا عارفين شغل البيروقراطية الحكومية .
و أنا معاكم أن الشركة المفروض يكون فيها شوية حزم في قسم الجودة و التقفيل النهائي .

و على فكرة أنا بأثق في العربية دي جدا
الفرامل ممتازة ........ و أسعفتني في عدو مواقف خطيرة .
نظام ABS أشتغل و أختبرته في موقف كنت هاموت فيه و الحمد لله ربنا ستر و العربية وقفت بعد الفرملة على سرعة عالية بدون لف أو دوران حول نفسها ووقفت في خط مستقيم تماما .بس عايز أضيف أن فرامل ABS مش بتوقف العربية في مسافة أقصر زي ما الناس فاهمة ........ لاءة هي يتوقف العربية بدون دوران حول نفسها .

ثبات العربية رهيب رهيب و التحكم فيها أكثر من ممتاز .

و ألف شكر للدكتور محمد سُليمان على هذا الموضوع .
و بالنسبة للتحسينات في التوكيل .
فيه تحسينات بتحصل يا جماعة بس العيب القاتل هو البطئ الشديد في انهاء مركز الخدمة الجديد . و مركز الفحص قبل البيع .
إنما شغالين فيهم ....... بس بقى بسرعة السلحفاة .
يعني هانشوف تطورات ...... بس ما تنتظروش تطورات تحصل في يوم و ليلة .
إنما هاتحصل تطورات إن شاء الله .

و أتمنى أن كلنا نستمتع بجميلة الجميلات الساحرة جين 2 ......
و شكرا مرة أخرى للدكتور محمد .
و تحياتي للجميع





ملحوظة .
فيه موضوع مفتوح في قسم المرسيدس
عربية جابت موتور من أول 800 كم .
كل التعليقات هناك بتشتم في الوكيل المصري و محدش قال كلمة على شركة مرسيدس أو سؤء الصناعة أو سوء تجميع الموتور الألماني .
العربية ثمنها فوق النصف مليون جنيه .

في توكيل عز العرب نفسه .
و في قسم بي ام دبليو
شوية عربية مكملتش 5000 كم و تم تغيير مواتيرها من الشركة الأم في ألمانيا .
طبعا الموضوع ده و لا هايأثر على أسم بي أم دبليو و لا حد هايقول نص كلمة عليها .
ليه ....... علشان دي ألماني و من بي ام دبليو .


تعالوا تخيل الموقف مع بروتون
الدنيا هاتقوم و مش هاتقعد ......ز و المنتدى كله هايدخل يشتم ماليزيا و عز العرب و كل من تعاون على صناعة الماركة دي .

الموضوع نسبي و فيه الحالة النفسية بتتحكم على حكم الفرد للسيارة و بيأثر أسم الماركة على حكمه بغض النظر عن مدى فداحة العيب .
و أنا شايف أن أغلب مشاكل بروتون مشاكل بسيطة ( بسهولة يمكن تجنبها من الشركة الأم ) .
و لكن بسبب أن الماركة مش مشهورة بالقدر الكافي فده بيخلي الحكم علي مشاكلها فيه مبالغة شوية و ده شئ طبيعي .

أولا قبل اي شي اشكرك بحرارة على التفاعل معنا فانت راجل مميز فى كتاباتك ولينا الشرف انك تكون معانا

اما بالنسبه للموضوع محل النقاش شوف على الرغم العيوب اللى انا واجهتها فى العربية ديه بس عارف انها عربية كويسه جدا وزي ما حضرتك تفضلت ممكن تظهر فى اي عربية طبعا وفى أمثله كثير على كده بس كان غرضى ان الموضوع ده بتاع التقفيل مش سهل زي ما احنا متصورين سوء كان فى البروتن او اى عربية تانيه ... واعتقد أن السيارات اللى بتروح انجلترا ليست التى تأتي إلى مصر وإلا لن تنافس العربية فى انجلترا إي ماركه موجوده هناك وانت عارف النظام فى اوربا قضايا تعويضات على طول معندهمش هزار يعنى لو حصل زي ما حصل معايا فى إن الباب فتح لوحده ديه ... كن راح فيها رقابي

وبالنسبه لموضوع الخرطوم بتاع التكيف فعلا انا مسمعتش حد عمل الموضوع ده غيري ودي وارده وحصل الموضوع ده بعد استلامي العربية بيوم أو يومين ورحت التوكيل طبعا مافيش قطع غيار فلحمه وكبسه


وعلى الرغم من ذلك انا عندى امل كبير فى بروتون أما بخصوص التوكيل فعايز أقول إن الناس اللى فى التوكيل بتحاول تساعد على اد ما تقدر بس هما فعلا بيصعبوا عليه ليه لأنهم تحت نظام غير مضبوط لأن أولا ما تلقوش تدريب كويس على حل المشكلات ده وده واضح بالنسبه لي من تكرار المشاكل هيه هيه وعدم القدر على حل بعضا .. مش متوفر ليهم قطع الغيار اللازم ... ضغط الشغل كثير والأدوات قليلة خاصه وانهم عندهم كذا نوع من السيارات ..... ده بالإضافه إن في صنيعيه فعلا لا يوجد عندهم اي ضمير وده للأسف اللى تعرضت ليه والحكاوي فيه كتير .. يا راجل دانا رحت اغير زيت صيانه الخمسة آلاف سابو طبة الزيت مفتوحه وطلعت من عندهم على القاهرة كان عندى مشوار العربية كانت هتتحرق مني لولا ستر بنا ... ياراجل دنا عربية فى صيانة الألف أختها مخبوطه محدش عارف مين اللى خبطها .... وعندي كتير أقوله بس انا مش هواة الهجوم على التوكيل الناس عارفه وده كفايه


أخيرا أحب اشكرك على المداخله الجميله ديه منك وإن شاء الله نغير مع بهض ب جين تو 2010

تحياتى القلبية

[MuhammedSoliman]

اقتباس:
أرسل أصلا بواسطة MuhammedSoliman
يعني كده يا هندسه أنت بتحصر المشكلة فى التوكيل مش فى الشركة الأم بس أنا أختلف معاك فى الحته ديه لسبب إن طالما الشركة نفسها مش خايفه على منتجها ..... يبقي توكلها هيخاف عليها أنا معاك فى جزء كبير على الوكيل بس ده فى الدعاية وتوفر الخدمه المناسبه وقطع الغيار والحجات اللى حضرتك عارفها ديه واللى هيه برضوا مش موجوده سعدت بوجود يا باشا وارجو التواصل تحياتى

حبيبي يا دكتور محمد اتأخرت اوي علشان ترد علينا

بس انا حرد عليك بحاجة واحده و تجاوبني عليها بصراحة
ممكن تقولي الحاجة الي تقفيل صيني و بتنزل في الاسواق الاوروبيه و الامريكيه كفائتها عامله ازاي ؟؟

و المنتجات الي بتتقفل في الصين و بتنزل لبلدنا كفائتها عامله ازاي ؟؟؟؟

لو عرفت الاجابه حتعرف اني صح ؟؟؟

* التوكيل عندنا راضي و مقتنع بالمنتج انو كدا تمام و مفيش غبار عليه ليه بأ الشركة الام متدلوش علي دماغه

بس هل تقدر بروتون تعمل العيوب زي دي للسوق الانجليزي
انا عايز اقولك ان العربيه تتمنع من الدخول لاوروبا اساساً ( و انت عارف ان كلامي دا مفهوش هزار )
الي عايز يعمل جوده عاليه بيعمل بس المهم الي ميستخصرش
اذا كانت يا دكتور التوكيل بيستخصر في الدعايه للعربيه مش عايزه بكون متواكل في الموضوع الخاص بالتقفيل مع الشركة

لو في يوم من الايام التوكيل راح من عز و راح لشخص اخر
حتشوف جوده العربيه دي حتكون عامله ازاي في التقفيل و الاهتمام بالدعايه و قطع الغيار المحترمه

ممكن اسألك سؤال لما التوكيل لقي اللوط ( الشحنة ) الي جايه من المورد في ماليزيا بتاعت التيل مش محترمه و بتصفر ممكن اسألك هي لغايت الوقتي ليه بتتركب في العربيات مع انهم عارفين انها زي الزفت

عايز اشوف رأيك في المواضيع دي
و ترد علي الاسئله الي طرحتها

و تقبل تحياتي يا دكتور
وياريت متتأخرش عليا في الرد

احرجتنى مش عارف ارد بس هقلك حاجه هو التوكيل هيفرق من عز لغيره ؟؟؟؟ كلهم هذا الرجل

تحياتى يا هندسه وبلاش الأسئله المحرجه ديه تاني وخصوص إن انا ممكن اكتب فى التوكيل ده قصائد

[amir]

طيب شويه كلام موضوعي بدون تحيز
الواحد ممكن يتغاضي عن اوكره باب تتفك او زجاج يعلق و يتظبط ولا سي دي خرف شويه مش مشكله او حتي تزييق الكنبه اهو برضو بيصلحوه و الاخ العزيز توت وضح حل لموضوع تزييق التابلوه و ان كنت لسه مستني انه يجرب اقتراحي و يرد علينا بالنتائج
طيب دي حاجات ممكن الواحد يتغاضي عنها
انما مشكله التكييف؟
الاخ العزيز ( و الله كلكم اخوات اعزاء عندي) احمد صيام لاقي من اهوال العربيه دي ما يكفيه من مشاكل و حتي عربيته الجديده ماسلمتش من مشكله التكييف
و لما حلوهالو التابلوه بقي بيزيق و زاد و غطي موضوع انسداد ماسوره التكييف بالتلج

ايه رأي الخبرا هنا في الموضوع ده؟

[momenhamdy]

احرجتنى مش عارف ارد بس هقلك حاجه هو التوكيل هيفرق من عز لغيره ؟؟؟؟ كلهم هذا الرجل

تحياتى يا هندسه وبلاش الأسئله المحرجه ديه تاني وخصوص إن انا ممكن اكتب فى التوكيل ده قصائد

العفو العفو يا دكتور و الله ما قصدي اني احرج حضرتك و لااصدك في الكلام و لكن احنا الي بنخلي العالم يضحك علينا

حقولك علي حاجة تعالي كدا نشوف كل العربيات الي في السوق
كام عربيه عندك في فئه ال 100 الف فيها عوامل الامان الاساسيه الي هي فرامل ABS-EBD و اكياس هواء و خلافه من عوامل الامان الي مفيش اي دوله في العالم بترضي ان في عربيه ميكونش فيها العوامل دي

حتلاقي 90% من العربيات الي في فئه ال 100 الف جنيه متشال منها عوامل الامان الي هي اساساً الشركة مفروض بتنزلها اساسي مع العربية و لما تيجي تسأل في الموضوع الخاص بالنقطه دي يقولك اصل الجمارك عاليه .... طب و حياه الناس و البني ادم الي راكب دا ايه ؟؟؟؟؟

انا عايز اقولك علي حاجة كل توكيل بيدور علي التوفير بس كل واحد ليه طريقة و لو جيت بصيت علي البروتون حتلاقي نحيه التوفير في جوده التقفيل المطلوبة
و لو بصيت لهيونداي حتلاقي في عوامل الامان الي التوكيل بيطلب انها تتشال من العربية علشان الجمارك و الكلام المعروف دا
و غيره و غيره و غيره

مصر مفهاش انسان بيخاف علي انسان زيه المهم انه يكسب ازاي مش اشكال
العميل مرتاح و لا لا ؟؟ برده مش اشكال ... المهم الربح

و تقبل تحياتي اخي الفاضل

[momenhamdy]

طيب شويه كلام موضوعي بدون تحيز
الواحد ممكن يتغاضي عن اوكره باب تتفك او زجاج يعلق و يتظبط ولا سي دي خرف شويه مش مشكله او حتي تزييق الكنبه اهو برضو بيصلحوه و الاخ العزيز توت وضح حل لموضوع تزييق التابلوه و ان كنت لسه مستني انه يجرب اقتراحي و يرد علينا بالنتائج
طيب دي حاجات ممكن الواحد يتغاضي عنها
انما مشكله التكييف؟
الاخ العزيز ( و الله كلكم اخوات اعزاء عندي) احمد صيام لاقي من اهوال العربيه دي ما يكفيه من مشاكل و حتي عربيته الجديده ماسلمتش من مشكله التكييف
و لما حلوهالو التابلوه بقي بيزيق و زاد و غطي موضوع انسداد ماسوره التكييف بالتلج

ايه رأي الخبرا هنا في الموضوع ده؟

دكتور امير شاكر جداً لمتابعتك للموضوع

بالنسبه للتكيف بصراحة مفيش حد اشتكي منه غير الاستاذ احمد صيام و بصراحة الاستاذ احمد من الناس الي نصيبه مع العربيه دي غريب شوية و الغريب انوا بيحب العربيه دي اوي اوي

و فعلاً التكيف الخاص بالعربيه كويس داً و مفيش اي حد اشتكي منه ابداً

ملحوظه صغيره ال سي دي عمره ما علق في العربيه و لا حد اشتكي من الكلام دا نهائي يا دكتور
دا الماني و من ماركة محترمه جداًجداً
و مش معني ان في شخص نسي ال سي دي داخله و كانت العربيه معرضه لحراره الشمس و السي دي علق يبقي كدا احنا بنتحمل تهنيج الجهاز نفسه .... دا وارد يا سيدي الفاضل في اي جهاز الكتروني بس مش معني انه في البروتون ان احنا نقول دا عيب في العربية و لو عمل كدا في عربيه تانيه يبقي عادي و مفيش مشاكل ووارد الاحتمال دا

ارجو ان اكون وضحت لحضرتك الفكره

و تقبل تحياتي يا دكتور :k49:

[amir]

دكتور امير شاكر جداً لمتابعتك للموضوع

بالنسبه للتكيف بصراحة مفيش حد اشتكي منه غير الاستاذ احمد صيام و بصراحة الاستاذ احمد من الناس الي نصيبه مع العربيه دي غريب شوية و الغريب انوا بيحب العربيه دي اوي اوي
و فعلاً التكيف الخاص بالعربيه كويس داً و مفيش اي حد اشتكي منه ابداً

كان في عضو هنا في المنتدي معاه الجين و عاني من نفس المشكله
انا مش فاكر اسمه بس اظن الموضوع كان محطوط تحت عنوان تكيف الجين تو


ملحوظه صغيره ال سي دي عمره ما علق في العربيه و لا حد اشتكي من الكلام دا نهائي يا دكتور
دا الماني و من ماركة محترمه جداًجداً
و مش معني ان في شخص نسي ال سي دي داخله و كانت العربيه معرضه لحراره الشمس و السي دي علق يبقي كدا احنا بنتحمل تهنيج الجهاز نفسه .... دا وارد يا سيدي الفاضل في اي جهاز الكتروني بس مش معني انه في البروتون ان احنا نقول دا عيب في العربية و لو عمل كدا في عربيه تانيه يبقي عادي و مفيش مشاكل ووارد الاحتمال دا

يا باشا انا كنت بعلق علي نقطه السي دي لما ميرضاش يشتغل و يعلق و حلها كان انك تفصل كابل البطاريه و تعيد تركيبه و النقطه دي من خلال متابعتي لقسم البروتون

ارجو ان اكون وضحت لحضرتك الفكره
و الله نفسي اطمن للجين لأني بموت في العربيه دي بس اللي مخوفني اني بعد ما اجيبها ازهق من المشاكل المختلفه الموجوده بالعربيه و متنساش اني معايا حاليا صني و مفيش حاجه من الحاجات دي ظهرتلي
بمعني اني مطمن من كل حاجه فيها و مفيش عفاريت بتطلع كل شويه
و تقبل تحياتي يا دكتور :k49:

[momenhamdy]

طبعاً يا دكتور انا فاهم كويس الي حضرتك بتقوله و خصوصاً ان احنا مش بنجيب عربيه كل يوم

و بصراحة حضرتك راكب عربيه زي الفل
و انا عايز اقولك علي حاجة انا إن شاء الله بجانب الجين 2 حشتري صني زيرو بس علي اخر السنه بأمر الله

و دا بسبب تعدد الاتجاهات و الاستخدامات للعربيه ما بيني و ما بين ولدي العزيز

بس انا عايز اخد رأيك في العربيه و الاسعار و الصيانه
و هل حضرتك معاك اتوماتيك و لا مانيوال

وممكن اعرف سبب تغيرك للعربيه (حضرتك ليك الحرية في الرد علي السؤال دا ... لانه سؤال شخصي الي حد ما )

و تقبل تحياتي

[maka]

من وجهه نظري المتواضعه لو فعلا عايزين نخليهم يتعدلو يبقي مش من ضغط اصحاب العربيه لأن دول رجلهم جت في الخيه خلاص
انا شايف ان اصحاب العربيات المعيبه يتحدو و حاجه من اتنين
1- يلمو فلوس من بعض و يعملو شكوي في الجرائد و تحذير للناس من العربيه و دي هتبقي قاتله للمبيعات و هيضطر انه يعيد التفكير في تصرفاته, بدل ما كل يوم المشترين يزيدو و هم مطنشين صرخات الملاك
2- اعضاء نادي بروتون هنا من اصحاب الشكاوي من العربيه يتناوبو الذهاب امام التوكيل و يرفعو يفط علي عربياتهم انها معيبه و التوكيل مش بيعالج عيوبها و مطنشهم (زي بالظبط قصه الراجل صاحب النوبيرا اللي سابهلهم في الشارع و جواها ورق بيحذر الناس من التعامل مع التوكيل) و ساعتها برضو المبيعات هتنزل الارض
و من واقع متابعتي لقسم البروتن فالموضوع مش مجرد كلام حلو من مهندس في التوكيل او صاحب التوكيل الموضوع اكبر من كده بكتيير و دي مجرد مسكنات للملاك و مادام المبيعات مستمره و الصيانات بتتعمل هيوجعو دماغهم ليه بقي؟

لازم فعلا ملاك الجين علي الاقل هنا في المنتدي يجتمعو و يفكرو في اداء العربيه و التوكيل و يقررو اتباع اجراء من الاجرائات اللي اقترحتها دي
و صدقوني لو واحد داخل يستلم العربيه و شاف منظر زي ده اكيد اكيد هيراجع نفسه مليون مره لأن الفارق بينه و بين صاحب العربيه اللي موقف عربيته و بيشتكي انه ده استلم قبله و الفاصل بينه و بين الراجل صاحب العربيه انه يمضي ورقه الاستلام


تحياتي للجميع و ارجو ان قسم البروتون يتقبل كلامي و محدش يفكر ابدا اني بهاجم العربيه انا بموت فيها و نفسي فيها بس فعلا خايف

جبت من الاخر

ما ضاع حق وراءه مطالب

[MuhammedSoliman]

العفو العفو يا دكتور و الله ما قصدي اني احرج حضرتك و لااصدك في الكلام و لكن احنا الي بنخلي العالم يضحك علينا

حقولك علي حاجة تعالي كدا نشوف كل العربيات الي في السوق
كام عربيه عندك في فئه ال 100 الف فيها عوامل الامان الاساسيه الي هي فرامل ABS-EBD و اكياس هواء و خلافه من عوامل الامان الي مفيش اي دوله في العالم بترضي ان في عربيه ميكونش فيها العوامل دي

حتلاقي 90% من العربيات الي في فئه ال 100 الف جنيه متشال منها عوامل الامان الي هي اساساً الشركة مفروض بتنزلها اساسي مع العربية و لما تيجي تسأل في الموضوع الخاص بالنقطه دي يقولك اصل الجمارك عاليه .... طب و حياه الناس و البني ادم الي راكب دا ايه ؟؟؟؟؟

انا عايز اقولك علي حاجة كل توكيل بيدور علي التوفير بس كل واحد ليه طريقة و لو جيت بصيت علي البروتون حتلاقي نحيه التوفير في جوده التقفيل المطلوبة
و لو بصيت لهيونداي حتلاقي في عوامل الامان الي التوكيل بيطلب انها تتشال من العربية علشان الجمارك و الكلام المعروف دا
و غيره و غيره و غيره

مصر مفهاش انسان بيخاف علي انسان زيه المهم انه يكسب ازاي مش اشكال
العميل مرتاح و لا لا ؟؟ برده مش اشكال ... المهم الربح

و تقبل تحياتي اخي الفاضل

ياباشمهندس احنا خوات بس فعلا مش لاقي رد ولا إحراج ولاحاجه بس لزوم القافيه طبعا وأنا أتفق معاك بس آدي حالنا هنعمل ايه؟؟ يمكن يكون ده حل سلبي بس فعلا الواحد هيجري ورا ايه ولا ايه شغل ولا مدارس ولا سكن ولا ولا ولا .... فكمان العربية هيبقي فيها مشكله .

[M.Abdelshafi]

انا عندى يا جماعه صوت التابلوه و كمان صوت تزيق من بدال الدبرياج مخنوق منهم جدا ياريت لو حد يعرف حل ليهم

[momenhamdy]

انا عندى يا جماعه صوت التابلوه و كمان صوت تزيق من بدال الدبرياج مخنوق منهم جدا ياريت لو حد يعرف حل ليهم

صوت التابلوه طبعاً دا في التوكيل يتظبط مش اشكال نهائي

بالنسبه للدبرياج بيكون بس ممكن السوسته بتاعته ناشفه او السلك بتاعوا عايز يتشد

و علي فكره انا في عربيه بتاعت واحد زميلي كان فيها العيب دا بس مكنتش بروتون كانت تريوس 1
بس ساعات بيعمل كدا و ساعات لا و لكن هو مش مأثر علي سحب العربيه او مخلي العربيه مخنوقه كل الفكره ان السوسته بتكون ناشفه شوية

و تقبل تحياتي