بنجمع توقيعات

[dya2008]

عايزين نبعت ميل للمدير التنفيذي لبروتون ماليزيا السيد زين الدين نقول فيها
1- توكيل مصر مش بيعمل سمعه كويسه للعربيه
2- مش بيعمل دعايه كافيه
3- مش بيعمل test drive
4- نادرا لما يجيب رساله زايده عن الحجوزات و دا بيخلي الناس متشفهاش في المعارض اصلا
5- مش عامل اعلانات زي حتي جريت وول
و كل النقط ال5 اللي فاتت بتضرنا في سعر اعاده البيع و في سمعه سيارتنا مع زملائنا رغم انها عربيه رهيبه
6- بيجيب قطع غيار مش اصلي و اهمها تيل الفرامل
و دي لوحدها كارثه في اي توكيل
7- الناس اللي في التوكيل اغلبهم مش مؤهلين كويس و اغلبهم معاملته وحشة
يبقي ناقص ايه في عيوب توكيل مصر ؟؟؟
المفروض يحمدوا ربنا علي توكيل بيجيب دهب و يحافظوا عليه
لو موافقين ردوا علي الموضوع و نبداء ناخد الاجراءات بس نتفق اللي هيبعت الميل يكون احد مالكي بروتون عشان يكون في مصداقيه لطلبنا
تحياتي

[hantu]

أنا موافق علي الموضوع

اسمه هو السيد زين العابدين

الراجل مشغول ولكن كان بيحاول يرد علي الناس في هذا المنتدي الماليزي

http://www.motortrader.com.my/asp/forum/forum.asp?FORUM_ID=199

هو فعلا رجل محترم قوي و متواضع حيستمع إليكم إن شاء الله

تحياتي

[wolfsameh]

انا واحد من الناس اللي عايزة تشتري بروتون بس خايف بسبب التوكيل وقطع الغيار وياريت لو اقدر اساعد معاكو علشان العربية دى بجد عجبانى جدا بس مش واخدة حقها
دة ابو الفتوح مصيت الاسبيرانزا واهى صينى وورق عالاخر وازاى عربية زي جين تو او واجا ماتخدش حقها وشكرا

[DR_EMAD]

السلام عليكم ورحمة الله

تحياتى لحضرتك يا أستاذ ضياء

بعد قراءة موضوع حضرتك .. وتأكدى تماما من حبك للسيارة وغيرتك الواضحة لها

أحب أن أوضح أن هناك امورا أهم من الدعاية والاعلان للسيارة .. اذا كنت تريد أن تقدم شكوى ضد التوكيل

الشكوى لا تكون فى موضوع الدعاية للسيارة

الشكوى تكون فى أداء التوكيل الفنى فى التعامل مع السيارة ........

توافر قطع الغيار لحظة احتياجها
أسلوب التعامل مع العملاء
سرعة الأداء لمراعاة ظروف ووقت العميل
قطع غيار أصلية ومعمرة
أداء الفنيين والمهندسين واذا كانوا على خبرة ودراية كاملة بفنيات السيارة .. أم لا

أشياء من هذا القبيل ...

أما بالنسبة للاشتراك فى موضوع الشكوى .. فأنا لست معك فى هذا الأمر

ولكن الموضوع يتم بطريق آخر

من الممكن تجميع بعض التوقيعات (مثلا) .. وتكليف شخص أو اثنين بمقابلة المسئول الرئيسى لتوكيل عز العرب

ومناقشته فى أمور الشكوى

وأعتقد أن أى رجل أعمال .. سيأخذ هذا الأمر على محمل الجد .. لأنه رجل يضع ماله ويستثمره فى سمعة عمله

أخيرا ....... أشكر حضرتك على الموضوع

وتقبل تحياتى وتقديرى
د/عماد

[tutankhamoun]

يا جماعة أنتوا ما شوفتوش التوكيل السنة اللي فاتت و اللي قبلها !!!
و الموضوع أتقتل بحثا و مناقشة .

شركة بروتون عارفة أغلب الكلام ده
بالنسبة للدعاية و الأعلان ..... دي سياسة داخلية أحنا منقدرش نتدخل فيها و العربية بتبيع نفسها بنفسها ........ !!!

بالنسبة للعمالة
الشركة الماليزية بتبعت ناس كل فترة لعمل تدريبات للعمال و الفنيين تحت أشرافها .

بالنسبة لتيل الفرامل
مفيش قطعة غيار في التوكيل بتركب مش أصلي ... ( ميقدرش يعمل كدا ) التوكيل يتسحب منه فورا ...
التيل اللي بيركب في التوكيل أصلي ..... و هو الموصى به من الشركة الماليزية و موضوع التصفير ده راجع لأن المواد الخام الي بيتم تصنيع التيل منها أتغيرت في العالم كله بمواد خام أقل في الجودة نظرا لأن التيل القديم كان بيدخل في تركيبته مادة أسمها أسباتوس .... و دي مادة أصبحت ممنوعة عالميا نظرا لخطورتها الشديدة على صحة الكائنات الحية و ما تتسببه من أضرار بالصحة ( و تؤدي للأصابة بالسرطان )
دي صورة علبة التيل الموجود في التوكيل و الصفارة قلت بدرجة ملحوظة


رقم 7 ...
هو حضرتك أتعاملت مع مين في التوكيل ؟؟؟؟؟؟؟؟؟؟؟
لو المبيعات ........ هما معاملتهم مش تمام في التليفون ....... انما يبيعولك الهوا و أنت معاهم و معلوماتهم مش قوية قوي فنياً

إنما الصيانة ...... معاملة ممتازة ...... و ناس محترمة جدا ...... و بكل جهد ممكن بيحاولوا يحلوا كل المشاكل اللي بتقابل العملاء .


لو عايزين تبعتوا رسالة ممكن فعلا نبعت رسالة
و لكن فيما يخصنا أحنا كعملاء علشان يبصوا للرسالة أصلا .
علشان الناس تسمعنا لازم نقول اللي يقدروا يعملوا لينا بدون تدخل في سياسة أي حد خصوصا السياسات الداخلية .

يعني مثلا ممكن نشتكي ان مفيش معارض كفاية .
نقول عايزين مراكز خدمة أكتر .
مركز أتصالات أفضل من اللي موجود
حاجات زي كدا ....................

[DR_EMAD]

للتوضيح ..............

الشكوى تكون فى أداء التوكيل الفنى فى التعامل مع السيارة ........

توافر قطع الغيار لحظة احتياجها
أسلوب التعامل مع العملاء
سرعة الأداء لمراعاة ظروف ووقت العميل
قطع غيار أصلية ومعمرة
أداء الفنيين والمهندسين واذا كانوا على خبرة ودراية كاملة بفنيات السيارة .. أم لا

أشياء من هذا القبيل ...

اللى أنا كتبته ده .. مش أقصد بيه أن ده موجود .. أنا أقصد لو حد بيفكر فى مشكلة .. تلازم يفكر فى الأمور السابقة دى .. وليس الدعاية فقط

أنا لسه مكملتش تلات أسابيع بالعربية .. فلسه متعرضتش لأى حاجة والحمد لله

بل بالعكس .. انا عملت صيانة الألف فى فرع اسكندرية .. وكانت المعاملة فوق الممتازة
سواء من المهندس محمد صلاح .. أو من الادارة والحسابات

واستلمت عربيتى قبل الميعاد اللى حددوه

والأستاذ توت أضاف شئ جميل .. وهو زيادة مراكز الخدمة .. بالفعل أمر مهم جدا

===============
بالمناسبة يا أستاذ توت ... ايه معنى ج ع ع دى ؟

[tutankhamoun]

ج ع ع هو أسم
جمهورية
ا
ل
ع
ك

العربية ...............
و هو مرادف لأسم بلد تحول كل شئ فيها إلى فوضى و عك .
و ربنا يستر .

[jisso82]

ج ع ع هو أسم
جمهورية
ا
ل
ع
ك

العربية ...............
و هو مرادف لأسم بلد تحول كل شئ فيها إلى فوضى و عك .
و ربنا يستر .

ليه كده يا أستاذ توت ده انت الوحيد اللى ماتعودتش منه التشاؤم ده
افتكر الحاجات الحلوة اللى قابلتها فى حياتك فى ج ع ع زى الجين2 مثلا مش دى تعتبر حسنة من حسنات ال ج ع ع و لا أنا غلطان

[tutankhamoun]

هو فين التشاؤم ده يا باشا .
ده وصف للواقع المرير اللي بنعيشه .
طبعا أتمنى انه يتغير ..... و لكن بنظرة قصيرة على الواقع تجد أن التغيير في الوقت الراهن مستحيل .
و ده بعيد عن التشاؤم و التفائل ....... ده واقع للآسف الشديد .

[dya2008]

الاحظ ان كل الاراء تتفق في شكوي بخصوص المعامله في التوكيل و كفاءة الصيانه و مش مبرر جميل ان المهندس امر بيحل المشاكل مع كل احترامي للمهندس امر او للاستاذ عبد الجواد في الحسابات او حتي استاذ ابراهيم حبيب انا بتعامل مع مؤسسة مش فرد او اتنين لازم المنظومة كلها تكون معاملتها احسن من كده و مياخروش قطع غيار
و من جهه اخري يا جماعه الدعاية اهم حاجه في سعر اعاده البيع
مش ممكن حد يقول ان الاكسنت احسن من الجين2 و رغم كده فرق اعاده البيع شاااااااااسع بسبب قله الدعاية مش كده ولا ايه؟

[k3aa]

بصراحة توكيل عز العرب بيستهبل شويتيين في قطع الغيار ولو حابيين تتأكدوا شوفوا السمبول قطع الغيار الفرنساوي بكام من الوكيل
و كذلك نيسان
و برده في قطع غيار كتير ارخص في متسوبيشي
انا مش عارف ليه الاستغلال ده
كمان عز العرب متعرفش بخيل ولا ايه
مفيش دعايا مفيش اشتراك في المعارض حتى للستروين
و كمان مفيش test drive انا اتصور ان التوكيلات اللي معاه كانت ممكن تكون انجح لو مع اي حد تاني

تحياتي ,,,

[K3A]

عايزين نبعت ميل للمدير التنفيذي لبروتون ماليزيا السيد زين الدين نقول فيها
1- توكيل مصر مش بيعمل سمعه كويسه للعربيه
2- مش بيعمل دعايه كافيه
3- مش بيعمل test drive
4- نادرا لما يجيب رساله زايده عن الحجوزات و دا بيخلي الناس متشفهاش في المعارض اصلا
5- مش عامل اعلانات زي حتي جريت وول
و كل النقط ال5 اللي فاتت بتضرنا في سعر اعاده البيع و في سمعه سيارتنا مع زملائنا رغم انها عربيه رهيبه
6- بيجيب قطع غيار مش اصلي و اهمها تيل الفرامل
و دي لوحدها كارثه في اي توكيل
7- الناس اللي في التوكيل اغلبهم مش مؤهلين كويس و اغلبهم معاملته وحشة
يبقي ناقص ايه في عيوب توكيل مصر ؟؟؟
المفروض يحمدوا ربنا علي توكيل بيجيب دهب و يحافظوا عليه
لو موافقين ردوا علي الموضوع و نبداء ناخد الاجراءات بس نتفق اللي هيبعت الميل يكون احد مالكي بروتون عشان يكون في مصداقيه لطلبنا
تحياتي

1- هو فعلا مبيعملش سمعة كوسية --- شوف البريليانس عمله ايه و في السوق من امتى
2- و دي مش سياسة زي ما بعض الشباب بيعتقد -- ده اسمه بخل وده واضح حتى في العربيات الستروين ---
على الرفم من انها منافس قوي في فرنسا للرينو لكن في مصر لا تسمع عنها
3- مش كل الفروع بتعمل test drive وواضح ان في فروع متسمعش عنه اصلا

http://www.nilemotors.net/Nile/showthread.php?t=80399

4- انا لسه مجربتش ولوني حاسس كده من كلام الوكيل نفسه في فرع مدينة نصر
5- صحييح 100%
6- الله اعلم لسه مشوفتش بنفسي
7- ده صحيح من كلام صاحبنا بتاع وكالة عز البلح...

انا من اشد المعجبين ببروتون بس بصراحة الوكيل مش اد كده ... و انا اتفق تماما معاك العربية البروتون مظلومة مع عز العرب