تقييمك لحملة الصيانة المجانية

[ahmedsiyam]

السلام عليكم

الاخوة الافاضل


طبعا حملة الصيانة المجانية اللى بيقوم بيها الوكيل حاليا بتثير الجدل
فى ناس موش عاجبها الموضوع
و فى ناس مبسوطة من الحملة دى

انا عايز اعمل استطلاع رايى يفيد الناس و يفيد التوكيل فى نفس الوقت

من فضلكم كل واحد واحد راح حملة الصيانة يحيكى تجربته باختصار

[MuhammedSoliman]

السلام عليكم

الاخوة الافاضل


طبعا حملة الصيانة المجانية اللى بيقوم بيها الوكيل حاليا بتثير الجدل
فى ناس موش عاجبها الموضوع
و فى ناس مبسوطة من الحملة دى

انا عايز اعمل استطلاع رايى يفيد الناس و يفيد التوكيل فى نفس الوقت

من فضلكم كل واحد واحد راح حملة الصيانة يحيكى تجربته باختصار

صباح الخيرات يا استاذ أحمد والله انا كنت حاجز بس ماروحتش عشان كانت العربية عندهم بسب الموضوع اللى كتبته ومن المفروض إنى هاروح بكره لاستكمال الأعمال فى العربية بس أنا اعتقد إنه الموضع عموما مش بطال يعنى الواحد مش خسران حاجه لو راح عشان كده أنا هصوت جيد ،، وتقبل خالص تحياتى

[ahmedsiyam]

مع احترامى الشديد يا اخ محمد بس ازاى تصوت على حاجة انت لسه ماختبرتهاش بنفسك

من رايى تخلى التصويت بعد لما تعمل الصيانة على رأيك يبقى سليم و فى محله

[momenhamdy]

اخي الفاضل الاستاذ احمد

طبعاً انا يمكن مكنش حجزت الصيانه دي او حتي فكرت تفكير عملي اني ارحلها علي الرغم من ان المهندس محمد رشدي قلي كلمني و نسق معايا
ويمكن انا مش المفروض اني ارد في الموضوع دا لانه خاص بالاعضاء الي ليهم تجارب مع الصيانه المجانيه دي ولكن انا احب اوضح راي و يهمني رأيك فيه

ان طبعاً متابع الموضوع دا من الاول من خلال المنتدي و اكتشفت ان في اعضاء محترمين بدأو في الحجز من اول 4/7 ولكن انا اكتشفت حاجة غريبه اوي ان الاعضاء الي حجزوا راحوا في المواعيد بتاعتهم و اكتشفوا ان الوفد حينزل التوكيل من يوم 8 اعتقد .......
فما معني ذلك يعني انا حاجز علشان الاقي الوفد موجود و لا علشان اروح في اليوم الي انا محدده مع التوكيل الاقي الوفد حينزل يوم 8 ؟؟؟

انا بصراحة مش عارف ايه الغرض من القصه دي ........
فطبعاً و دا من وجه نظري الشخصيه و الغير مفروضه علي اي عضو من اعضاء المنتدي انا بشوفوا استهتار حتي لو نسبي للعميل

بس انا كل الي اتمناه من الاعضاء الي راحوا الصيانه المجانيه انهم فعلاً يكونوا حسو بفرق في الاشياء الي كانوا بيشتكوا منها

وتقبل تحياتي اخي الفاضل

[Eng. Rafy Samy]

انا حجزت ورحت وقلت المشاكل اللي عندي
عدى سعتين من غير اي تفاصيل ويعديهم " اتفضل يا استاذ استلم العربية "
طيب ايه اللي حصل ...؟
فين التقييم الموتور والتكييف والعفشة وغيرة...؟؟
العربية كويسه ولا فيها مشاكل...؟
في اي حاجة اتحلت من المشاكل اللي قلتها ..؟
طيب في اي حاجة اتغييرت في العربية...؟

اي حد يعبرتني باي معلومة...!!!!!
ولا الهواه معرفتش حاجة ولا استفد بحاجة وكأنها صيانه ما تمت
سعتين ضاعوا على الفاضي من غير اي استفاده
للاسف ده تقييمي للي حصل

[MuhammedSoliman]

مع احترامى الشديد يا اخ محمد بس ازاى تصوت على حاجة انت لسه ماختبرتهاش بنفسك

من رايى تخلى التصويت بعد لما تعمل الصيانة على رأيك يبقى سليم و فى محله

طبعا عندك حق بس انا مع الفكره نفسها إن التوكيل يعمل كده يبقى الفكره جيدة ديه وجة نظرليس أكثر ولا اقل وخصوصا من توكيل زي ويمكن انا موضحتش ده فى المشاركه السابقه حقك عليه

تحياتى

[ahmedsiyam]

الاخ مؤمن حمدى
الحملة المجانية للصيانة مالهاش اى علاقة بالخبراء الماليزيين دى حملة صيانة بيعملها التوكيل و بالمرة فى القترة اللى موجود فيها الخبراء و يشاركوا بنفسهم انما الحملة نفسها من التوكيل

الاخ الفاضل محمد سليمان
تحياتى يا غالى و انا متفهم وجهة نظرك بس انا رايى برضه انك تروح و تستفيد من حملة الصيانة

[MohabSaeed]

انا صوت ب " ضعيف "

لان الموضوع خد وقت طويــــل تقريبا 5 ساعات و الشغل الى اتعمل فى العربيه قدام عينى خلص فى اقل من ساعه .... تربيط عفشه , تنظيف سربنتينه التكيف و كويل التكيف , و جربو المساحات و المرايات و ازاز الكهرباء و كل الانوار..........

زى ماقولت قبل كده لو حد عربيته زيرو او مفهاش مشاكل او رايح علاشان الكشف المجانى بس الافضل مايروحش .

بعد الكشف لقيت ميزه و عيب ....

الميزه :- ان درجه تسقيع التكيف اتحسنت تقريبا 30 % عن الاول .
العيب :- ان العربيه بقت بتحدف شمال و لازملها ظبط زوايا .

عموما هى خطوه موفقه من التوكيل و اتمى السنه القادمه يبقى فى تنظيم اكتر من كده و الكشف يكون اشمل نوعا ما

[ahmedsiyam]

شكرا يا مهاب على المداخلة

انا مستغرب يا جماعة انا لقيت 11 واحد شاركوا فى الاستطلاع و 5 فقط هم اللى شاركوا برايهم

الباقى فين !!!!!

[momenhamdy]

الاخ مؤمن حمدى
الحملة المجانية للصيانة مالهاش اى علاقة بالخبراء الماليزيين دى حملة صيانة بيعملها التوكيل و بالمرة فى القترة اللى موجود فيها الخبراء و يشاركوا بنفسهم انما الحملة نفسها من التوكيل

بصرف النظر ايه علاقه الماليزين بالكشف المجاني

الي انا شيفه و دا مش رأي لوحدي ان الاعضاء و الناس غير راضيه عن اداء الصيانه المجانيه حتي في فرع الاسكندرية عندنا

و دا الي مخلي الناس مش متجه للموضوع دا بقلب جااااااااااامد و الله اعلم .........

و بعدين برده يا استاذ احمد المشكله في سوء التنظيم الي طبعاً مش حنخوض فيه لان الكلام مفيهوش فايده ... لان المفروض الي جاي علشان الفحص المجاني يكون في ناس متخصصه في استقباله غير العميل الي جاي يعمل صيانه قياسيه للعربيه ..... لكن الي انا شايفه ان هو بيدخل العربيات بالترتيب المعتاد و بيعرف من ال job ان العربيه دي جايه علشان الفحص المجاني ولكن لو هو محدد العربيات الي حتدخل من الاول للفحص مش ممكن حتطلع بعد طول كل الوقت الطويل دا .........!!!!!!!!

بس برده نأمل زي ما الاستاذ مهاب قال انها تكون خطوه جيده في تحسن الخدمة علي المدي القريب

وتحياتي

[ahmedsiyam]

يا ريت و الله

[tutankhamoun]

أولا شكرا للأستاذ أحم صيام على الأستفتاء ده ....... وناجح ناجح ياريس !!!!!!!!

مع أني أنا اللي عملت موضوع الكشف أو الفحص المجاني لحملة بروتون و عز العرب لصيف 2009
و لكن لم أذهب لهذا الكشف !!!
طيب ليه ؟؟
لأني مش محتاج أكشف على حاجة و العربية مفيهاش أي مشكلة و الحمد لله ........ و تقريبا كنت لسة عامل صيانة من شهرين يعني قريب جدا و بالتالي الكشف المجاني على عربية مفيهاش مشكلة يعتبر تضييع لوقتي .

و لكن أنا زرت التوكيل تلاتة مرات في فترة الصيانة المجانية ........
و شايف أنهم زحمة جدا جدا جدا جدا ..............
و بالتالي مش كل الناس هاتكون مبسوطة و ده نتيجة طبيعية للزحام الغير معتاد في الفترة دي .

و ده بيأكد أنهم فعلا محتاجين الإسراع شوية في انهاء اعمال الورشة رقم 2 بجوار القرية الذكية لإستيعاب الأعداد المتزايدة من سيارات بروتون في السوق المصري .

و لكن برضه أنا أحب أوضح أن المهندس آمر في فرع الصحراوي بيتعب جامد و بيحاول فعلا يحل المشاكل الموجودة و المطروحة عليه بما أُوتى من إمكانيات .
و برضه العاملين هناك بيتعبوا و بيشتغلوا على عدد عربيات كبير في يوم واحد و بالتالي أكيد الخدمة الناتجة مش هاتكون 100 % مرضية لكل الناس ......

ربنا يسهل و يفتتحوا الورشة رقم 2 ................... و يزودوا الروافع شوية

[momenhamdy]

أولا شكرا للأستاذ أحم صيام على الأستفتاء ده ....... وناجح ناجح ياريس !!!!!!!!

مع أني أنا اللي عملت موضوع الكشف أو الفحص المجاني لحملة بروتون و عز العرب لصيف 2009
و لكن لم أذهب لهذا الكشف !!!
طيب ليه ؟؟
لأني مش محتاج أكشف على حاجة و العربية مفيهاش أي مشكلة و الحمد لله ........ و تقريبا كنت لسة عامل صيانة من شهرين يعني قريب جدا و بالتالي الكشف المجاني على عربية مفيهاش مشكلة يعتبر تضييع لوقتي .

و لكن أنا زرت التوكيل تلاتة مرات في فترة الصيانة المجانية ........
و شايف أنهم زحمة جدا جدا جدا جدا ..............
و بالتالي مش كل الناس هاتكون مبسوطة و ده نتيجة طبيعية للزحام الغير معتاد في الفترة دي .

و ده بيأكد أنهم فعلا محتاجين الإسراع شوية في انهاء اعمال الورشة رقم 2 بجوار القرية الذكية لإستيعاب الأعداد المتزايدة من سيارات بروتون في السوق المصري .

و لكن برضه أنا أحب أوضح أن المهندس آمر في فرع الصحراوي بيتعب جامد و بيحاول فعلا يحل المشاكل الموجودة و المطروحة عليه بما أُوتى من إمكانيات .
و برضه العاملين هناك بيتعبوا و بيشتغلوا على عدد عربيات كبير في يوم واحد و بالتالي أكيد الخدمة الناتجة مش هاتكون 100 % مرضية لكل الناس ......

ربنا يسهل و يفتتحوا الورشة رقم 2 ................... و يزودوا الروافع شوية

كلامك تمام يا استاذ توت

بس الفكره كلها الناس كانت عايزه مثلاً تلاقي في Report نسخه منه تروح للعميل تبين صلاحيه كل حاجة بمعني مستوي الموتور ايه و كفاءته و كفاءه الفتيس و هكذا .....
ولكن الناس استلمت العربيه تسأل المهندس ايه الاخبار العربيه عامله ايه تكون الاجابه الطبيعيه مثلاً كله تمام

الي انا عاوز اوصله .... في روتوش صغيره ناقصه التوكيل ياريت لو اهتموا بيها العميل حتي حيحس براحه نفسيه ان في اعتنا بالعربيه و علي فكره في حاجة عايز اقولها يا استاذ توت ...

مش كل الناس عندها الخبره في لو في عطل في العربيه تحس بيه بمعني ان ممكن يكون مثلاً البلي بتاع العجل الخلفي عايز يتغير علشان خشن مثلاً و يكون الراكب مش حاسس بالموضوع دا و دا ممكن يسبب مشكله كبيره فدا الي بيخلي الناس و الاعضاء يروحوا حملات الفحص المجاني لان دا بيكون زياده للاطمئنان و لكن انا عملت زي ما حضرتك عملت مرحتش الصيانه المجانيه لاني الحمد لله شايف ان العربيه مفيهاش حاجة و مش محتاج حاجة و علشان برده ادي فرصه لغيري و دي نفس نظرية حضرتك و لكن مش كل الناس بيكون علقتها بالعربيه شامله زينا ......

المهم و زي ما قولت في مشاركة سابقة ان اامل اني اشوف التوكيل في افضل صوره خلال الفتره القادمه ........

تحياتي

[Eng. Rafy Samy]

مش كل الناس عندها الخبره في لو في عطل في العربيه تحس بيه بمعني ان ممكن يكون مثلاً البلي بتاع العجل الخلفي عايز يتغير علشان خشن مثلاً و يكون الراكب مش حاسس بالموضوع دا و دا ممكن يسبب مشكله كبيره فدا الي بيخلي الناس و الاعضاء يروحوا حملات الفحص المجاني لان دا بيكون زياده للاطمئنان

صح صح صح الف مرة هو ده الكلام المظبوط
انا مهندس اتصالات معلوماتي عن العربية والميكانيكا لا تتعدى 1% يعني على قدي
فلما اسمع عن صيانة مجانية لازم اجري علشان اضمن على تحويشة عمري والاقساط اللي قضما وسطي واقدر انام مرتاح البال
بس للاسف مش ده اللي حصل في الصيانة المجانية ( ويا ريتها صيانة ما تمت )

[saryrabie]

انا حجزت للصيانه المجانيه وروحت يوم 8/7/2009 وبالمره قولت اعمل صيانة ال 10 الاف
واللي اتعمل ف الصيانه:
- غيروا الزيت
- غيروا الفلتر
- غيروا تيل الفرامل الامامي
- قالولي فحصنا كل حاجه ف العربيه

وكانت النتيجه:-
- لم اشعر بأي تغيير في العربيه
- معرفتش ايه اللي حصل في العربيه وايه اخبار الموتور , التكييف , العفشه , ..... الى اخره
- كعييت 600 جنيه ومشيت قفايا يقمر عيش ( بدون اي نسبة خصم بالاضافه لاحتساب 2.4 ساعه مصنعيه بمعدل 75 جنيه للساعه ).
هل فعلا هيه دي الصيانه المجانيه !!!!!!!!!!!
ولو دي الصيانه المجانيه طيب لو مكنتش مجانيه كنت هدفع كام !!!!!!!!!!!!

بجد بفكر مروحش التوكيل تاني

لأن بجد كده حرااااااااااااام
مع خالص تحياتي
ساري ربيع