تقييمك لحملة الصيانة المجانية

[husseinodeba]

هو الموضوع مش كده ا/رافــى

موضوع الساعات دا ... حاجه ثابته ... على سبيل المثال

سير الكاتينه والبليه مصنعيته 3 ساعات (دا رقم ثابت)

وممكن العربيه تقعد ساعه واحده او تقعد 5 ساعات ... بس حضرتك ف الاخر هتحاسب على 3 ساعات

تحيـــــــــــــــاتـــــــــى

طب يا استاذ ايمن مين اللى يحاسب العميل اللى بيسافر 700 كلم ويسلم العربيه 9:30 ويكن ميعاد استلامه الساعه 4 وتيجى الساعه 4 ومحدش من المهندسين لمس العربه
وليه انا اتصل واحجز لما مفيش التزام من التوكيل
ويعنى ايه اسلم العربيه 9:30 بس عشان يبصوا على العفشه ويكون ميعاد اتسليم 4 ليه من تسعه ونص لاربعه هي عفشه طياره ....ويارتهم خلصوها
وبعد كل ده ادفع 140 جنيه مصنعيه
زى مابحاسبو على ساعات العمل اللى هيه اصلا مدفوعه يبقى برضو يخلو بالهم من ساعات العميل

والله انا مبؤوأ منهم بأه

[husseinodeba]

ايه يا باشا شحنة التفاؤل الجامدي دي :oc_sun1[1]:

والله يا ابومريم انا الاول كنت متفائل بس بعد الموقف الاخير مع التوكيل فقدت ثقتى بالتوكيل
للاسف التوكيل بيتحرك بسرعه الحلزون فى حين الانتشار السريع للعربيه وبكده التوكيل هيفضل فى النازل
وعلى فكره انا مقدر المواقف اللى المهندسين بيقابلوها وعارف ان الناس دى بتتبهدل خلال ساعات العمل
بس انا مش هيحصل معاى موقف زىاللى حصل واجى اكتب ان كله تمام

[ahmedsiyam]

للاسف الشديد جدا النتيجة فى غير صالح التوكيل بالمرة

يا شاباب ياريت اللى لسه ماردش على الموضوع ده يرد علشان خاطر هانقل التجربة بالكامل للسيد المهندس / مدير خدمات مابعد البيع و نستنى رد منه

[mohamed289]

حسبنا الله و نعم الوكيل

[ahmedsiyam]

حسبنا الله و نعم الوكيل

و نعم بالله بس خير ايه اللى حصل ؟؟؟

[أبومعاذ]

انا كان نفسي اروح المقابلة اللي فاتت عشان نناقش اوضاع التوكيل

[ahmedsiyam]

انا كان نفسي اروح المقابلة اللي فاتت عشان نناقش اوضاع التوكيل

فى مقابلة جاية يوم الجمعة الموافق 20079/7/31 الساعة 6 عند النادى فى الرحاب و هانروح نفس المكان ( ليلاك ) لو عايز تيجى تعال و ناقش مع الناس اللى انت عايزه

[mohamed289]

بإختصار و من غير ما اطول عليك العربية خرجت بايظة من التوكيل تخيل!!!!

مع العلم انها كانت سليمه جدا قبل ما ادخلها الصيانه المدمرة دية بلإضافة ان التقرير اللى ادوهولى مش سليم و ده مش كلامى ده كلام المهندسين فى فرع تانى من فروع التوكيل

[AbdallahSabryMohamed]

والله انا رحت قعدت تقريبا فى حدود الخمس ساعات وبعدين استلمت العربية وفيها حاجات مكنتش فيها لقيت الدركسيون معووج والزويا عايزا تتظبط بس للامانة حسيت ان كفاءة التكييف اتحسنت وارجع اقول ان بردة هتفضل المشكلة فى الثقة ما بين العميل والتوكيل انا شخصيا شايف انى اتطمنت لما عملتها وشايف انها خطوة كويسة من التوكيل حتى لو فى عيوب او اخطاء فى تنفيذها وده شىء وارد بس فى المجمل شىء كويس

[MohabSaeed]

والله انا رحت قعدت تقريبا فى حدود الخمس ساعات وبعدين استلمت العربية وفيها حاجات مكنتش فيها لقيت الدركسيون معووج والزويا عايزا تتظبط بس للامانة حسيت ان كفاءة التكييف اتحسنت وارجع اقول ان بردة هتفضل المشكلة فى الثقة ما بين العميل والتوكيل انا شخصيا شايف انى اتطمنت لما عملتها وشايف انها خطوة كويسة من التوكيل حتى لو فى عيوب او اخطاء فى تنفيذها وده شىء وارد بس فى المجمل شىء كويس

نفس الى حصل معايا بالظبط .....
فى شئ غير مفهوم فى الموضوع .... فى اكتر من عضو اشتكى من اختلاف الزوايا بعد الفحص المجانى , و تحسن ملحوظ فى التكيف .......

*فى نفس يوم الفحص م - اّمر مشكور جدا امر بتغير افايز الدركسيون لعربيتى " و ديه مبادره طيبه منه بشكره عليها ", فقولت احتمال تغير الافايز احتاج ظبط الزوايا بعد كده ..... لكن فعلا واضح ان مشكله الزوايا حصلت مع كذا حد مش معايا انا بس . و مكنش ليها علاقه بتغير الافايز

عاوز افهم هما الصنايعيه الى جوه كانو بيعملو ايه فى العفشه لان واضح المشكله ديه عامه , انا كنت شايفهم و هما بيخبطو و يربطو فى العفشه قدامى بس مش عارف ايه الى حصل ...... , حاولت اظبط الزوايا بره فى بريدجستون لكن متظبطتش .