Tweet
السلام عليكم ورحمه الله وبركاته
انا رحت خلصت رخصه العربيه النهارده الحمد لله وطبعا كعادت كل الناس اللى بتروح المرور رجعت زهقان وقرفان ومش طايق نفسى ولا طايق حد بس الحمد لله اهو يوم وعدى
المهم انا جه فبالى اشرح للناس اللى حصل النهارده عشان لو حد رايح يرخص يبقى يبص على الموضوع ويروح عامل حسابه وفاهم الموضوع ماشى ازاى
تنبيه مهم جداااااااااا بلاش تروحوا ايام السبت والخميس عشان دول اكتر يوميين زحمه
حاجه تانيه مهمه هو كده كده يوم رايح فروحوا بدرررررررررررى هناك من 8 بالكتير تكونوا هناك
المهم نبتدى بقى الموضوع من الاول
الاوراق المطلوبه عشان ترخص بيها
1-عقد بيع العربيه (الاصل وابقوا صوروه صوره تبقى معاكم احترازا لاى ظرف)
2-شهاده بيانات الافراج الجمركى (دى ياما المعرض يجيبهالكوا وبياخد كتييييير طبعا فى اللى بياخد 50 وفى 200 والشهاده دى ب 5 جنيه اصلا المهم لو هتجيبوها انتوا لو تبع الجيزه يبقى هتجيبوها من بين السرايات ولو تبع القاهره فالوايلى تقريبا مش عارف بالظبط ياريت لو حد قاهره يقولنا يا جماعه وحده المرور المركزيه بتاعت القاهره فين المهم لو انتا تبع الجيزه تروح فبين السريات هتدخل المرور وتفضل ماشى على طول هتلاقى سلم قدامك اطلع السلم من ناحيه اليمين وادخل الباب اللى فالووش مش اللى على اليمين بعد متدخل الباب اللى فالوش امشى شمال وفالاخر خالص هتلاقى فى شباكيين فوشك روح للموظف اللى على اليمين اديله العقد وصوره ورقه الافراج الجمركى واديله 5 جنيه هياخد الورق ويقولك استنه عند شباك (7)عشر دقايق كده وهتلاقيه نده عليك تستلم الورق هيسلمك العقد بتاعك ومختوم وممضى عليه وشهاده البيانات دى متدبسه فيها وصوره الافراج اللى كنت مقدمه بس كده الشبابيك رايقه هناك على فكره وكويسه
بعد كده بقى تروح طالع على المرور اللى انتا تبعه
3-تشترى ورق ترخيص عربيه جديده ده ب 60 جنيه ملف كده كرتون وجواه ورق الفحص والطفايه وحبه اوراق كده
4-تروح واخد الملف ده وتروح جرى على الفحص هتلاقى ناس لابسين عفريته كده انده اى واحد فيهم وافتحله الكبوت هياخد بصمه الموتور وبصمه الشاسيه ومتنساش تاخد تاشيره من الظابط وبعدين تروح تشترى طفايه ب 120 جنيه وهتلاقى واحد قاعد بتاع الطفايات اديله الوصل الاحمر الصغير ووريله الطفايه هيختملك الوصل ويكتبلك الرقم على الطفايه
تروح واخد الملف كله وتطلع على المهندس يختملك الورق ويملهولك وكده وتروح طالع تدفع التامين الاجبارى وبما ان دى اول مره ليك فانتا اختار اى شركه انتا عاوزها انا عملت تبع مصر للتامين تقوله عاوز سنه ولا تلاته انا عملتها تلاته دفعت بتاع 200 جنيه كده
بعد كده تطلع على شبابيك تقديم الورق فمرور فيصل كان شباك 4-5-6 تقدمله الاوراق دى بس طبعا بعد متكون كتبت بياناتك فالاوراق هيحددلك رسم اللى هو الضريبه دى بقى المشكله هتروح الخزنه تدفع فيها ولو دفعت تامين 3 سنيين وعاوز تعملها 3 سنيين يبقى هتدفع 820 جنيه وتجيب دمغات ب 5 جنيه وترجع تانى للشباك اللى كنت مقدم فيه يروح واخد الوصل اللى دفعت بيه والورقه اللى حددله بيها الرسم والدمغات ويتحطوا فالملف ويقولك استنه لحد ميندهولك لو فمرور فيصل هتستنى عند شباك (1)
شويه وهيندهولك توريلك البطاقه يروح مديلك ورقه كده تروح بيها عند بتوع اللوحات تروح لبتاع اللوح (النمر يعنى) يروح خاتملك الورقه وماضيهالك ترجع تانى عند الشباك اللى هتستلم منه الرخص اللى كنت لسه فيه من شويه وتديله الورقه دى هيديلك الرخصه تروح رايح مصورها هى والبطاقه وتروح شباك اللوحات تانى لو انتا مرور فيصل هيسلمك النمر والمسامير فايدك وتمشى لو مرور تانى هيبعت معاك عسكرى يوديك للى بيركبوا اللوحات
اهم حاجه بقى لما تاخد الرخصه راجع الاسم والعنوان صح ولا غلط واتاكد انها مظبوطه
ولما تستلم النمر طابقها هى النور اللى على اللوحات ولا لاء
وكده الحمد لله خلصت مشوارك
طبعا انا مش عاوز اقولكوا ان محدش بيعمل حاجه ببلاش كله عاوز فلوس مقلكوش كميه كل سنه وانتا طيب اللى سمعتها مع العلم اننا فرمضاااااااااان
وربنا معاكم وانتوا رايحيين بقى وخلوا بالكم طويل وربنا يسهلها لكل اللى رايح انشاء الله
اسف على الاطاله دى بس انا حبيت اشرح الموضوع عشان اللى يروح يروح على نور وفاهم وميتبعتش زى مانا اتبعت وتروح لده يقولك لاء روح لده وده يبعتك لده وده يقولك هاتلى امضه مش عارف منيين
انا رحت خلصت رخصه العربيه النهارده الحمد لله وطبعا كعادت كل الناس اللى بتروح المرور رجعت زهقان وقرفان ومش طايق نفسى ولا طايق حد بس الحمد لله اهو يوم وعدى
المهم انا جه فبالى اشرح للناس اللى حصل النهارده عشان لو حد رايح يرخص يبقى يبص على الموضوع ويروح عامل حسابه وفاهم الموضوع ماشى ازاى
تنبيه مهم جداااااااااا بلاش تروحوا ايام السبت والخميس عشان دول اكتر يوميين زحمه
حاجه تانيه مهمه هو كده كده يوم رايح فروحوا بدرررررررررررى هناك من 8 بالكتير تكونوا هناك
المهم نبتدى بقى الموضوع من الاول
الاوراق المطلوبه عشان ترخص بيها
1-عقد بيع العربيه (الاصل وابقوا صوروه صوره تبقى معاكم احترازا لاى ظرف)
2-شهاده بيانات الافراج الجمركى (دى ياما المعرض يجيبهالكوا وبياخد كتييييير طبعا فى اللى بياخد 50 وفى 200 والشهاده دى ب 5 جنيه اصلا المهم لو هتجيبوها انتوا لو تبع الجيزه يبقى هتجيبوها من بين السرايات ولو تبع القاهره فالوايلى تقريبا مش عارف بالظبط ياريت لو حد قاهره يقولنا يا جماعه وحده المرور المركزيه بتاعت القاهره فين المهم لو انتا تبع الجيزه تروح فبين السريات هتدخل المرور وتفضل ماشى على طول هتلاقى سلم قدامك اطلع السلم من ناحيه اليمين وادخل الباب اللى فالووش مش اللى على اليمين بعد متدخل الباب اللى فالوش امشى شمال وفالاخر خالص هتلاقى فى شباكيين فوشك روح للموظف اللى على اليمين اديله العقد وصوره ورقه الافراج الجمركى واديله 5 جنيه هياخد الورق ويقولك استنه عند شباك (7)عشر دقايق كده وهتلاقيه نده عليك تستلم الورق هيسلمك العقد بتاعك ومختوم وممضى عليه وشهاده البيانات دى متدبسه فيها وصوره الافراج اللى كنت مقدمه بس كده الشبابيك رايقه هناك على فكره وكويسه
بعد كده بقى تروح طالع على المرور اللى انتا تبعه
3-تشترى ورق ترخيص عربيه جديده ده ب 60 جنيه ملف كده كرتون وجواه ورق الفحص والطفايه وحبه اوراق كده
4-تروح واخد الملف ده وتروح جرى على الفحص هتلاقى ناس لابسين عفريته كده انده اى واحد فيهم وافتحله الكبوت هياخد بصمه الموتور وبصمه الشاسيه ومتنساش تاخد تاشيره من الظابط وبعدين تروح تشترى طفايه ب 120 جنيه وهتلاقى واحد قاعد بتاع الطفايات اديله الوصل الاحمر الصغير ووريله الطفايه هيختملك الوصل ويكتبلك الرقم على الطفايه
تروح واخد الملف كله وتطلع على المهندس يختملك الورق ويملهولك وكده وتروح طالع تدفع التامين الاجبارى وبما ان دى اول مره ليك فانتا اختار اى شركه انتا عاوزها انا عملت تبع مصر للتامين تقوله عاوز سنه ولا تلاته انا عملتها تلاته دفعت بتاع 200 جنيه كده
بعد كده تطلع على شبابيك تقديم الورق فمرور فيصل كان شباك 4-5-6 تقدمله الاوراق دى بس طبعا بعد متكون كتبت بياناتك فالاوراق هيحددلك رسم اللى هو الضريبه دى بقى المشكله هتروح الخزنه تدفع فيها ولو دفعت تامين 3 سنيين وعاوز تعملها 3 سنيين يبقى هتدفع 820 جنيه وتجيب دمغات ب 5 جنيه وترجع تانى للشباك اللى كنت مقدم فيه يروح واخد الوصل اللى دفعت بيه والورقه اللى حددله بيها الرسم والدمغات ويتحطوا فالملف ويقولك استنه لحد ميندهولك لو فمرور فيصل هتستنى عند شباك (1)
شويه وهيندهولك توريلك البطاقه يروح مديلك ورقه كده تروح بيها عند بتوع اللوحات تروح لبتاع اللوح (النمر يعنى) يروح خاتملك الورقه وماضيهالك ترجع تانى عند الشباك اللى هتستلم منه الرخص اللى كنت لسه فيه من شويه وتديله الورقه دى هيديلك الرخصه تروح رايح مصورها هى والبطاقه وتروح شباك اللوحات تانى لو انتا مرور فيصل هيسلمك النمر والمسامير فايدك وتمشى لو مرور تانى هيبعت معاك عسكرى يوديك للى بيركبوا اللوحات
اهم حاجه بقى لما تاخد الرخصه راجع الاسم والعنوان صح ولا غلط واتاكد انها مظبوطه
ولما تستلم النمر طابقها هى النور اللى على اللوحات ولا لاء
وكده الحمد لله خلصت مشوارك
طبعا انا مش عاوز اقولكوا ان محدش بيعمل حاجه ببلاش كله عاوز فلوس مقلكوش كميه كل سنه وانتا طيب اللى سمعتها مع العلم اننا فرمضاااااااااان
وربنا معاكم وانتوا رايحيين بقى وخلوا بالكم طويل وربنا يسهلها لكل اللى رايح انشاء الله
اسف على الاطاله دى بس انا حبيت اشرح الموضوع عشان اللى يروح يروح على نور وفاهم وميتبعتش زى مانا اتبعت وتروح لده يقولك لاء روح لده وده يبعتك لده وده يقولك هاتلى امضه مش عارف منيين
.gif "Majd(4)")
Comment