المرور وترخيص العربيه

[A.Saad]

انا عايز سؤال
هل قصدك بعقد البيع
جواب المرور اللى صادر من التوكيل بانه باع السيارة للسيد .............
وكمان ليا ملاحظة
ان مدة صلاحية الطفاية 5 سنوات مش 7
الف شكر على تعبك ومجهودك

[hesham_soaida]

هل قصدك بعقد البيع
جواب المرور اللى صادر من التوكيل بانه باع السيارة للسيد .............


نعم هذا هو المقصود

[dr-mohamed]

وفيه حل تاني
انا اخدت واحد واسطة وخلص لي كل حاجة في ساعتين زمن ومن غير طوابير وحرقة دم على الفاضي
يا راجل ده انا لقيت ناس في مرور فيصل بتحلف لي انها بقالها 3 و4 ايام ولسة مخلصتش

[mimo3000]

انا عايز سؤال
هل قصدك بعقد البيع
جواب المرور اللى صادر من التوكيل بانه باع السيارة للسيد .............
وكمان ليا ملاحظة
ان مدة صلاحية الطفاية 5 سنوات مش 7
الف شكر على تعبك ومجهودك

اسف على التاخير فالرد ياباشا بس والله كنت مسافر ولسه جى واول مشفت سؤال حضرتك رديت على طول
بص ياباشا انا لما اشتريت العربيه اخدت 3 حجات اول حاجه عقد بيع العربيه اللى هو صادر من عز العرب بانه باع العربيه اللى رقم الشاسيه بتاعها كذا ورقم موتورها كذا موديلها ونوعها للسيد كذا ومختومه بختم الوكيل وممضيه من الاداره عندهم وتانى حاجه صوره ورقه الافراج الجمركى ورقه متصوره فيها مجموعه عربيات اللى نزله من ماليزيا ورقم موتور كل عربيه ورقم الشاسيه وكده دى ورقه بتوريهالهم عشان يتاكدوا ان الافراج جه فالمرور اللى انتا تبعه وتالت حاجه ورقه استلام العربيه فيها نفس بيانات العربيه وحضرتك تمضى عليها عشان حضرتك تبقى مسئول مدنيا وجنائيا عن العربيه من تاريخ استلامها ودى لحضرتك مش بتوديها المرور

واسف مره اخره على تاخرى فالرد

[mimo3000]

وفيه حل تاني
انا اخدت واحد واسطة وخلص لي كل حاجة في ساعتين زمن ومن غير طوابير وحرقة دم على الفاضي
يا راجل ده انا لقيت ناس في مرور فيصل بتحلف لي انها بقالها 3 و4 ايام ولسة مخلصتش

طيب انا هقولك بقى ياباشا اللى يسعقك انتا عارف انا مره كنت فالمرور بخلص ورق لعربيتى القديمه
ووانا واقف مستنى شهاده براءه الذمه بتكلم مع الناس بقى من طول اللطعه فالمهم واحد راجل بتكلم معاه الراجل بيجدد رخصه عربيته خلص التجديد ف 5 ايام
وواحد تانىبينقل ملكيه عربيه من مرور لمرور فيصل بيحلف انه بقاله اكتر من اسبوع رايح جى من مرور القديم لمرور فيصل
وواحد تانى كان فمرور بين السريات معاه عربيه نقل مغيرلها موتور وبقالى شهر كل يوميين تلاته يروحلهم يقولوله الورق مجاش تعاللنا بكره والعربيه من غير رخصه ووقفه بقالها اكتر من شهر من غير رخصه وهتقف اكتر كمان

ده انا كده نعمه ياباشا انى خلصت فيوميين بس ده الحد الادنى للمرور هنا مشفتش حد خلص فيوم واحد الا مره وحده كان واحد اعرفه بس كان تبع مرور بين السريات

يلا الحمد لله بس ياباشا انا زعلان منك .. كنت اخدتنى معاك نخلص ورقنا سوا سعتيين احسن من يوميين

[د.محمد]

الف مبروك بارك الله لك فيها

[mimo3000]

الله يبارك فحضرتك وعقبال العربيه الجديده اللى حضرتك نويت تجيبها انشاء الله ربنا يرزقك بعربيه كويسه ويكون فيها خير ليك

والف شكر على رد حضرتك

[hesham_soaida]

محدش يعرف ورق الافراج الجمركي بيوصل من الاسكندرية الى بين السرايات في خلال اد ايه. الافراج الجمركي بتاعة الواجا بتاعتي بتاريخ 7\9 وروحت امبارح بين السرايات وقالولي اسال بعد يومين, وانتوا عارفين طبعا يعني ايه يومين بالنسبة للحكومة.

[mimo3000]

ربنا يسهلهالك ياباشا يارب وورقك يجى بسرعه وترخص على طول ويعديهالك على خير يارب