ملاحظات اول يوم...!!

[as01241]

يا باشا بارك الله فيك
بالنسبه للتنك بيبقى فيه فتحه فايظ فى اول التنك ودى اللى خرج منه البنزين قبل ما المسدس ما يفصل وعلى فكره دى كانت اول مره احط فيه بنزين وكان المؤشر على اخر شرط واخذت 33 لتر بس....!!!!


بارك الله فيك يا عزيزى
بس فعلا انا اقل حاجه فى الـ rpm بتكون 1000 بيقولو ده علشان العربيه جديده

شكرا يا سيدى على ردودك المريحه بالنسبه للتكييف انا شغلته بس علشان اجربه وطفيته على طول
بالنسبه لموضوع دواشة البنزين
طول عمرى متعود اننى لازم ادوس بنزين واخف دبرياج علشان العربيه تتحرك
الجديد فى عربيتى ان مش لازم ادوس بنزين خالص بس ارفع رجلى من على الدبرياج الاقيها اتحركت
اعتقد ان فيه حاجه محتاجه تظبيط ولا ايه ؟؟؟

ما تقلقش حضرتك خالص دا طبيعى وموجود في كل العربيات الجديدة بل بالعكس دا معناه إن العربية مظبوطة جدا ليه ؟ لإن لو إنت بتشيل رجلك من الدبرياج ولقيتها بترجرج يبقى كده في حاجة مش مظبوطة وبالنسبة لل rpm إستنى شوية على العربية لحد ما تعدي ال 1000 وهتلاقيه إتظبط ..... وخلى بالك إنك أول ما بتدور الصبح يبقى على 10 عشان العربية بتسخن وده بردو طبيعي فلو طلعت على طول ممكن تطلع بالدبرياج بس من غير بنزين خالص وتجيب التاني كمان والعربية تلاقيها تسرع معاك
وبالنسبة للغيارات إنت لما بتنقل من غيار لغيار وإنت ماشي أول ما بتدوس دبرياج بتفصل التروس عن الموتور والبنزين بيبقى مندفع للموتور ودا اللي بيخلي الأر بي إم يعلى سنة وينزل تاني وبردو خلي بالك إن دواسة البنزين حساسة أوي

أما التكييف فده لازم تشغله وتستنى عليه شوية وهتحس بالتلاجة , وعموما أحسن تبدأ تشغله بعد أول 1000 كيلو
وألف مبروك على العربية وربنا يبارك لك فيها

[A. Ibrahim]

الف الف مبروك وربنا يباركلك فيها ويبعد عنك شرها

و انشاء الله نشوفك في الفطار