لية الجن 2 سمعتها وحشة .....؟

[as01241]

السلام عليكم يا شباب
اسمحولي اقيم ال Gen2 بكل صراحة بعد ال 20 الف كيلو
انا معايا العربية مو2007 وبالرغم من اي حاجة لو رجع بيه الزمن هاشتريها برضه لاني بحب العربية دي جدا
هاقولكم على المشاكل اللي حصلت معايا فعلا
1- سنتر باب السائق فصل يعني كل الابواب تقفل ماعدا باب السائق
ودي كانت فيشة ورحت التوكيل وغيروها
2-ماكينة الزجاج الخلفي شمال باظت ورحت التوكيل وغيروها بس بعد ما حجزت 3 اشهر لحد ما وصلت
3- المالتي فانكشن باظ ورحت التوكيل وغيروه بس بعد كام شهر كالعادة
4- ماكينة الزجاج الخلفي يمين باظت هي كمان من كام شهر بس مش موجودة في التوكيل
5- حاجة غريبة جديدة حصلت ان الاشارات بتعلق هي ومزاجها وطبعا ماكينة الاشارات مش موجودة في التوكيل
6- المالتي فانكشن باظ تاني ومستني لما يكون كل حاجة موجودة في التوكيل علشان اروح اغيره تاني
دي العيوب اللي ظهرت معايا فعلا _ مش محتاج اتكلم عن المميزات لان الجميع اكيد عارفها ....... وشكرا
واسف إذا ماعرفتش اتواصل معاكم علشان ظروف الشغل

وعليكم السلام

بس إسمحلي أعلق على حاجة في كلام حضرتك لإن ده اللي الإخوة بيتكلموا عليه فوق وهو إن حضرتك دخلت وعرضت تجربتك وطبعا مشكور جدا لكن مع إحترامي لحضرتك لما فردت ست نقط عيوب في العربية اللي مع حضرتك وجيت على المميزات قلت مش محتاج و......
يا أخي الكريم كنت إكتب حتى كام نقطة من المميزات ديه عشان حتى اللي يقرا يقدر يوازن بين هل المميزات ديه تساوي إنه يتحمل عيوب التقفيل اللي حصلت معاك في عربيتك , يارب أكون قدرت أوصلك قصدي , تحياتي ليك

[Youssef.Awad]

صح صدقنى بس الكلام دا لما يزيد بيخوف و بحس ان انا بعند مع الناس و بمشى اللى فى دماغى .

وانا صدقنى ما فى حاجة مطمنانى غيركو .

كبر دماغك وريح نفسك واعمل اللى يريحك
لو الواحد مشى ورا كلام الناس مش هايعمل اى حاجة
اسمع من اللى راكب العربية وروح شوفها بنفسك واحكم عليها
لازم تكون مقتنع بالحاجة اللى اخترتها عشان تحبها مش عشان الناس يحبوها

[gagareen]

اسمحلى حضرتك مطلوب منك الاتى:

1- تروح تتفرج على كذا عربيه فى كذا معرض وتقعد فيهم وتعرف معلومات عنهم
2- تروح معرض بروتون تقعد فى الجين2 وتكون انطباع عنها بالمقارنه باللى شفتهم

الاحتمال الاكبر انك حتقتنع تماما بالجين2 وحتستلم العربيه

3- تعمل موضوع تقول فيه كل حاجه عن العربيه بعد ما اشترتها

وغالبا حيكون اعجاب جامد جدا

4- سيب الباقى علينا

تحياتى

[eng.octooo]

بص الناس مش بتطلع عيوب غير فى الحاجة الوحشة

[mark_milad_95]

اسمحلى حضرتك مطلوب منك الاتى:

1- تروح تتفرج على كذا عربيه فى كذا معرض وتقعد فيهم وتعرف معلومات عنهم
2- تروح معرض بروتون تقعد فى الجين2 وتكون انطباع عنها بالمقارنه باللى شفتهم

الاحتمال الاكبر انك حتقتنع تماما بالجين2 وحتستلم العربيه

3- تعمل موضوع تقول فيه كل حاجه عن العربيه بعد ما اشترتها

وغالبا حيكون اعجاب جامد جدا

4- سيب الباقى علينا

تحياتى

انشاء الله يا باشا هعمل كدة بالظبط

[أبــوحبيبه ونور]

بص الناس مش بتطلع عيوب غير فى الحاجة الوحشة

لا المفروض تقول كل واحد ذوقه مختلف عن التانى
وكل واحد بيشوف العربية اللى عاوز يشتريها احسن عربية فى الدنيا
وكل واحد شايف العربية اللى كان نفسه فيها واحد صحبه قاله انهى مش كويسة وغير رايه وندم انه سمع كلام صحبه شايفها انها وحشه

لولا إختلاف الأذواق لبارت السلع

[as01241]

بص الناس مش بتطلع عيوب غير فى الحاجة الوحشة

دا على كده كل العربيات وحشة لأن الناس بتطلع عيوب في أي عربية

[Youssef.Awad]

لا المفروض تقول كل واحد ذوقه مختلف عن التانى
وكل واحد بيشوف العربية اللى عاوز يشتريها احسن عربية فى الدنيا
وكل واحد شايف العربية اللى كان نفسه فيها واحد صحبه قاله انهى مش كويسة وغير رايه وندم انه سمع كلام صحبه شايفها انها وحشه

لولا إختلاف الأذواق لبارت السلع

اتفق معاك فى الرأى لأن العربية دى زى الزوجة بالزبط ماينفعش حد يختارهالك
لازم تختارها بنفسك وتحبها لأنك انت بس اللى هاتعيش معاها فلا تسمع سوى صوت نفسك

[youry]

وعليكم السلام

بس إسمحلي أعلق على حاجة في كلام حضرتك لإن ده اللي الإخوة بيتكلموا عليه فوق وهو إن حضرتك دخلت وعرضت تجربتك وطبعا مشكور جدا لكن مع إحترامي لحضرتك لما فردت ست نقط عيوب في العربية اللي مع حضرتك وجيت على المميزات قلت مش محتاج و......
يا أخي الكريم كنت إكتب حتى كام نقطة من المميزات ديه عشان حتى اللي يقرا يقدر يوازن بين هل المميزات ديه تساوي إنه يتحمل عيوب التقفيل اللي حصلت معاك في عربيتك , يارب أكون قدرت أوصلك قصدي , تحياتي ليك

اخي الكريم تحياتي إليك
انا مقصدش خالص اني مش اقول المميزات والدليل اني قولت في البداية اني بحب العربية دي جدا ولو رجع بيه الزمن هرجع اشتريها تاني لكن اكيد كل الناس عارفه مميزاتها اللي مفيش اختلاف عليها من الموتور والعفشة والكماليات والشكل واللي سبق ذكرها باستفاضة في مواضيع مختلفة لكن الاختلاف كانت على العيوب اللي بعض الناس كانت بتتكلم عنها بالسمع فأنا حبيت اذكرها بكل امانة علشان يكون في مصداقية في التقييم من واحد معاه العربية فعلا ........وشكرا