ليه اشتريت الجين تو؟؟؟؟؟؟

[مصطفى_صديق]

بعيد عن العيوب والمميزات وقطع الغيار والتوكيل والكلام الكبير ده...فى سؤال دايما بيجى على بالى وكنت دايما مبلاقيلوش اجابة محددة
أنا ليه اشتريت الجين تو...
رغم انى قعدت كتير اوى امام شاشة الكمبيوتر على الانترنت وفاتح صفحات المنتدى وعمال اقرا أراء مختلفة منها اللى بيقول ان العربية تحفة ومنها اللى بيقول ان العربية مليانة مشاكل... واوقف ناس سايقين العربية فى الشارع وأسألهم ...الللى يقوللى ...دى أحسن عربية 1600 ممكن تسوقها فى حياتك ...واللى يقوللى .....اوعى تشتريها, وبصراحة...موصلتش لقرار محدد ..اشتريها ولا لا
وهكذا ظل الحال لشهور طويلة مليانة بالحيرة والتردد مابين اه ولا
مابين..خليك فى المضمون وبلاش مغامرة...وبين ...يفوز باللذة كل مغامر
طيب..نرجع للسؤال ...انا ليه اشتربتها رغم انى عارف مسبقا كل عيوبها اللى اصبحت معروفة للجميع حتى اللى مش ناوى يشتريها اصلا

قعدت مع نفسى....قاعدة طويلة...وعرفت ليه انا اشتريتها..

العربية من كتر ماقعدت افكر فيها واتابعها فى اى مكان ...ولما اشوفها ماشية عينى ماتفارقهاش...اصبحت بالنسبالى امنية اشبه بالحلم...على الرغم من انها مش صعبة المنال ولا عربية غالية ...لكن فيها شئ بيجذبنى...ممكن فى البداية الشكل...لان الشكل ده مرتبط معايا بسيارات الطفولة الجميلة......ومحفور فى دماغى....جايز , فلمست معايا وتر حساس ومانكرش ان شكلها الجميل ( من وجهة نظرى طبعا) كان عامل اساسى فى انجذابى ليها...ولما قريت مواصفاتها حسيت انها جمعت بين الشكل الحلو والقوة.....فزاد تعلقى بيها

وفى لحظة تأكدت انى لازم اشتريها و اخوض التجربة لانى لو ماشتريتهاش,,,,هافضل مضايق على طول وقلت لنفسى ايه المشكلة لو طلع فيها مشاكل...مانا طول عمرى فى مشاكل مع العربيات ...وبعدين هو فيه عربية من غير مشاكل
وبعدين العربيات دى قرف....يعنى انا وحظى...ممكن اشترى عربية غالية وماركة مضمونة ...وتخنقنى برده
الغريب بقى انى فى حتة نفسية مع العربية....ارتباط....اعجاب:b4_007: مش عارف واللى انا متأكد منه انى مش لوحدى فى ناس كتير هنا بالشكل ده
قمت متكل على الله......وجبتها...هو انا هاعذب نفسى ليه...مش كده والا ايه

انت بقى ليه اشتريت الجين تو؟

[saryrabie]

بصرااااااااحه
انا لسه مشترتهاش
ههههههههههههههه

[MuhammedSoliman]

بص بقا يا سيدي حكايتى مع الجين انا كان معايا هيونداي وقررت اغير فقعدت الف على عربية ماكنش حد ساعتها يعرف الجين اصلا ولا حد جربها لسبب بسيط ان اول دفعه نزلت اسكندرية كنت حاجز فيها عربية وفعلا ما كنش فيه الوان غير الاسود والرصاصى واللون البصلي بتاعها ( اللى كان معروض) وساعتها بقي كان داخل فى دماغى اللون الجديد قلت خلاص هوه الون ده الكلام ده كان الصبح عند الطارق اللى فى كارفور فاخدت الريسك كله لان عربيه مش معروفه طبعا وانتم عارفين قصة اللى بيشتري عربيه مش معروفه مش هطول عليك انا شفت العربية من بعيد اتسمرت فى مكاني و عنيه طلعت عليها وكنت فى الاول من بعيد بحسبها الفا روميو من الجنوط والاستيل الهم قلت اروح اشوفها ببص لاقتها الجين تو بروتون وانا ليه خبره فى العربيات وعارف الماركه من قبل اول الويرا ما نزلت مصر المهم يا سيدى قلت دا السعر هيبقا غالي ببص لاقتها ب 83900 ورحت يا سيدى فاتحها وفتحت نور التبلوه بتعها وشفت الاوبش مابقتش عايز اطلع منها حسيت ان العربية ده معموله ليها ومكدبتش خبر رحت رايح على اقرب ماكنة فلوس فى كرفور وساحب 1000 جنيه بالفيزا ورحت دفعتهم دغري بس كانت العربية البصلي اتباعت لأبو ربيع المطعم المشهور رحت حاجز اللون الاسود على طول وحمدت ربنا لأن اللون الاسود تحفه فيها ومش من الوان الموضه اللى بتبطل واستلمت بعديها بيومين ياعم وكان وانا ماشي بيها عيون الناس مش بتنزل من عليها لدرجة ان ضابط وقفنى عشان يتفرج عليها مأولكش بقا احساسي وانا راكبها يا نهار ابيض حاسس اني:10D5C8~1107: راكب ماكوك :k4: بس ياسيدي

تحياتى

[ahmad alshaaer]

انا كمان مع نعذيبها ليا احيانا في التوكيل وقرفه ولكن من حبي ليها مسميها
عزيزه 2
بحبها وربنا يباركلي فيها وتفضل اصيله معايا
وربنا يبارك لكل واحد في سيارته

[أبومعاذ]

وفى لحظة تأكدت انى لازم اشتريها و اخوض التجربة لانى لو ماشتريتهاش,,,,هافضل مضايق على طول

انا اشتريتها لنفس السبب لو مكنتش اشتريتها كنت هفضل كل ما اشوفها في الشارع اتضايق

[jisso82]

أنا لسة ماشتريتهاش بس ناوى إن شاء الله و عموما كلامى مش هيختلف كتير عن صاحب الموضوع + أنا طول عمرى بحب التفرد و أجيب أى حاجة يونيك Unique مش موجودة مع أى حد و الشكل بالنسبة مهم جدا بس طبعا مايكونش خالى من المضمون و فى عربيات كتير فى السوق شكلها حلو أوى و امكانياتها عالية بس الأساسيات سيئة جدا زى أغلب العربيات الصينى. بصراحة الجين أو البيرسونا اللى هتبقى اختيارى فى الغالب حققت المعادلة الصعبة فى الجمع ما بين الشكل الخرافى الجميل الشبابى و الأساسيات القوية و طبعا فكرت فى الصيانة و أسعار قطع الغيار اللى هى بتعتبر متوسطة فيهم لا هى غالية أوى و لا رخيصة مقارنة بالشيفروليه و الهيونداى مثلا.
أما عيوب التقفيل فغير إنها الحمد لله كلها لها حل و مش دايمة إلا إن كمان حاجات مش ممكن تحكم بيها على عربية يعنى الناس مكبرة المواضيع دى بس عشان بتشترى زيرو لكن لو اتحسبت بالعقل كده و بعيد عن العواطف لو العربية مستعملة و فى أى عيب من العيوب التافهة دى هل ده ممكن يخليك تتراجع.
أنا كتير حاولت أقنع نفسى بأى عربية تانية إلا إنى دايما بتصدم بفوارق رهيبة فى أى حاجة (الكماليات و عوامل الأمان و قوة الصاج و الشكل التحفة و السعر الجميل و قطع الغيار المتوسطة أو الغير مبالغ فى تمنها و وووووووووووو مش هنخلص)
مش عارف بجد من وجهة نظرى الشخصية هى خارج المنافسة و أنا عن نفسى غير قادر تماما على مقارنتها بأى عربية تانية
عشان كده إن شاء الله فى القريب العاجل و يمكن كده مع عيد ميلادى عشان أخلد تاريخ شرائها بس هجيب الجميلة بيرسونا و احتمال ضعيف الجين (الاتنين واحد عموما) و يارب يباركلى فيها مقدما و تطلع أجمل من اللى اتخيلتوا فيها

[m.3abdel3al]

علشان مش كتير في مصر ؟؟؟؟؟؟؟؟؟؟؟؟؟؟؟؟؟؟؟؟؟ هو ده السبب الاقوى

[مصطفى_صديق]

انا كمان مع نعذيبها ليا احيانا في التوكيل وقرفه ولكن من حبي ليها مسميها
عزيزه 2
بحبها وربنا يباركلي فيها وتفضل اصيله معايا
وربنا يبارك لكل واحد في سيارته

ياسلام....اسم جميل ..عزيزة 2
امال فين عزيزة 1 ...أكيد كان فى عربية قبليها

ربنا يباركلك فى عزيزة 2 وتفضل عزيزة عليك على طول

[مصطفى_صديق]

علشان مش كتير في مصر ؟؟؟؟؟؟؟؟؟؟؟؟؟؟؟؟؟؟؟؟؟ هو ده السبب الاقوى

طب وبعدين.....دى بدأت تنتشر ويبقى ليها معجبين كتير...دخلت مرحلة النجومية

[m.3abdel3al]

طب وبعدين.....دى بدأت تنتشر ويبقى ليها معجبين كتير...دخلت مرحلة النجومية

بس مش اي حد بيجيب جين 2 و على فكره هي على طول نجمة

[Osama.shihata]

جمال تصميم العربي دى سر من اسرار حب الناس ليها
واقبالهم عللى شرائها

[MohabSaeed]

تسجيل متابعه للموضوع .

كلامكم جميل جدا و حاسس كأنى مطرح كل واحد و هو بيشترى عربيته .
ربنا يباركلكم فى عربياتكم و يكفيكم شرها

[ahmad alshaaer]

ياسلام....اسم جميل ..عزيزة 2
امال فين عزيزة 1 ...أكيد كان فى عربية قبليها

ربنا يباركلك فى عزيزة 2 وتفضل عزيزة عليك على طول

عزيزه 1 هي اللي بتركب على عرش عزيزه 2 يااستاذ مصطفى ّ!!

مع تحياتي

[amir]

بعيد عن العيوب والمميزات وقطع الغيار والتوكيل والكلام الكبير ده...فى سؤال دايما بيجى على بالى وكنت دايما مبلاقيلوش اجابة محددة
أنا ليه اشتريت الجين تو...
رغم انى قعدت كتير اوى امام شاشة الكمبيوتر على الانترنت وفاتح صفحات المنتدى وعمال اقرا أراء مختلفة منها اللى بيقول ان العربية تحفة ومنها اللى بيقول ان العربية مليانة مشاكل... واوقف ناس سايقين العربية فى الشارع وأسألهم ...الللى يقوللى ...دى أحسن عربية 1600 ممكن تسوقها فى حياتك ...واللى يقوللى .....اوعى تشتريها, وبصراحة...موصلتش لقرار محدد ..اشتريها ولا لا
وهكذا ظل الحال لشهور طويلة مليانة بالحيرة والتردد مابين اه ولا
مابين..خليك فى المضمون وبلاش مغامرة...وبين ...يفوز باللذة كل مغامر
طيب..نرجع للسؤال ...انا ليه اشتربتها رغم انى عارف مسبقا كل عيوبها اللى اصبحت معروفة للجميع حتى اللى مش ناوى يشتريها اصلا

قعدت مع نفسى....قاعدة طويلة...وعرفت ليه انا اشتريتها..

العربية من كتر ماقعدت افكر فيها واتابعها فى اى مكان ...ولما اشوفها ماشية عينى ماتفارقهاش...اصبحت بالنسبالى امنية اشبه بالحلم...على الرغم من انها مش صعبة المنال ولا عربية غالية ...لكن فيها شئ بيجذبنى...ممكن فى البداية الشكل...لان الشكل ده مرتبط معايا بسيارات الطفولة الجميلة......ومحفور فى دماغى....جايز , فلمست معايا وتر حساس ومانكرش ان شكلها الجميل ( من وجهة نظرى طبعا) كان عامل اساسى فى انجذابى ليها...ولما قريت مواصفاتها حسيت انها جمعت بين الشكل الحلو والقوة.....فزاد تعلقى بيها

وفى لحظة تأكدت انى لازم اشتريها و اخوض التجربة لانى لو ماشتريتهاش,,,,هافضل مضايق على طول وقلت لنفسى ايه المشكلة لو طلع فيها مشاكل...مانا طول عمرى فى مشاكل مع العربيات ...وبعدين هو فيه عربية من غير مشاكل
وبعدين العربيات دى قرف....يعنى انا وحظى...ممكن اشترى عربية غالية وماركة مضمونة ...وتخنقنى برده
الغريب بقى انى فى حتة نفسية مع العربية....ارتباط....اعجاب:b4_007: مش عارف واللى انا متأكد منه انى مش لوحدى فى ناس كتير هنا بالشكل ده
قمت متكل على الله......وجبتها...هو انا هاعذب نفسى ليه...مش كده والا ايه

انت بقى ليه اشتريت الجين تو؟

و الله نفس الاحساس و كأنك بتوصف احساسي الشخصي
العربيه دي تحفه فنيه بتبدء بالشكل الانسيابي القوي و لا تنتهي عند الاداء القوي الراقي في الموتور و الجير بوكس و العفشه بل تمتد لأحساسك من اول ما تقعد فيها و تدخل المفتاح و تدور العربيه
ساعتها بيبدء شعور بالقوه و الثبات
و بمجرد ما رجلك تنزل علي دواسه البنزين
بتحس كأنك راكب حاجه مميزه حاجه قويه حاجه خلرافيه غير معقوله
و كفايه بقي علشان الكلام مش بيخلص عنها
ربنا يباركلكو فيها و يوعدني بيها قريب

[ayman_83]

احساسك هو هو عند كل الناس وعندي انا كمان وان شاء الله ربنا يكرمني واجيبها قريب لاني فعلا بفكر فيها جامد اوي وربنا يبراك ليا فيها ويبارك لكل الاعضاء في عربيتهم قولو امين