ليه اشتريت الجين تو؟؟؟؟؟؟

[mark_milad_95]

بعيد عن العيوب والمميزات وقطع الغيار والتوكيل والكلام الكبير ده...فى سؤال دايما بيجى على بالى وكنت دايما مبلاقيلوش اجابة محددة
أنا ليه اشتريت الجين تو...
رغم انى قعدت كتير اوى امام شاشة الكمبيوتر على الانترنت وفاتح صفحات المنتدى وعمال اقرا أراء مختلفة منها اللى بيقول ان العربية تحفة ومنها اللى بيقول ان العربية مليانة مشاكل... واوقف ناس سايقين العربية فى الشارع وأسألهم ...الللى يقوللى ...دى أحسن عربية 1600 ممكن تسوقها فى حياتك ...واللى يقوللى .....اوعى تشتريها, وبصراحة...موصلتش لقرار محدد ..اشتريها ولا لا
وهكذا ظل الحال لشهور طويلة مليانة بالحيرة والتردد مابين اه ولا
مابين..خليك فى المضمون وبلاش مغامرة...وبين ...يفوز باللذة كل مغامر
طيب..نرجع للسؤال ...انا ليه اشتربتها رغم انى عارف مسبقا كل عيوبها اللى اصبحت معروفة للجميع حتى اللى مش ناوى يشتريها اصلا

قعدت مع نفسى....قاعدة طويلة...وعرفت ليه انا اشتريتها..

العربية من كتر ماقعدت افكر فيها واتابعها فى اى مكان ...ولما اشو:D

صدقني أنا برده نفس الموقف دا بظبط .
أنا بقالي أكتر من سنة متابع المنتدى و متابع كل حاجة عن العربية .

وإن شاء الله قررت اجبها ورايح أحجزحا إنهردة .
بس إنت مؤلتش بعد ما اشترتها ندمت ولا مبسوط ولا أخبار العيوب إيه ؟فها ماشية عينى ماتفارقهاش...اصبحت بالنسبالى امنية اشبه بالحلم...على الرغم من انها مش صعبة المنال ولا عربية غالية ...لكن فيها شئ بيجذبنى...ممكن فى البداية الشكل...لان الشكل ده مرتبط معايا بسيارات الطفولة الجميلة......ومحفور فى دماغى....جايز , فلمست معايا وتر حساس ومانكرش ان شكلها الجميل ( من وجهة نظرى طبعا) كان عامل اساسى فى انجذابى ليها...ولما قريت مواصفاتها حسيت انها جمعت بين الشكل الحلو والقوة.....فزاد تعلقى بيها

وفى لحظة تأكدت انى لازم اشتريها و اخوض التجربة لانى لو ماشتريتهاش,,,,هافضل مضايق على طول وقلت لنفسى ايه المشكلة لو طلع فيها مشاكل...مانا طول عمرى فى مشاكل مع العربيات ...وبعدين هو فيه عربية من غير مشاكل
وبعدين العربيات دى قرف....يعنى انا وحظى...ممكن اشترى عربية غالية وماركة مضمونة ...وتخنقنى برده
الغريب بقى انى فى حتة نفسية مع العربية....ارتباط....اعجاب:b4_007: مش عارف واللى انا متأكد منه انى مش لوحدى فى ناس كتير هنا بالشكل ده
قمت متكل على الله......وجبتها...هو انا هاعذب نفسى ليه...مش كده والا ايه

انت بقى ليه اشتريت الجين تو؟

[mark_milad_95]

صدقني أنا زيك بظبط وبقالي أكتر من سنة متابع المنتدى وكل أخبار العربية .
وإن شاء الله قررت اشتريها وحاروح أحجذها إنهردة .

بس إنت مؤلتش بعد ما جبتها ندمان ولا مبسوط وأخبار العيوب معك إيه ؟

[مصطفى_صديق]

الحمد لله العربية مفيهاش أى مشاكل من اللى بعض الناس بيشتكو منها , أنا دلوقتى داخل على 9000 كم وبفضل الله مظهرش معايا اى حاجة
ومش عايز اقعد اشعر فى العربية واقول كل المميزات اللى اتقالت قبل كده وكل الناس عارفينها , بس فعلا هى عربية كويسة جدا ومحترمة

هاحكى لحضرتك على موقف لسة حاصل من يومين
انا كان معايا شاهين وكنت بشيل فيها اوزان خرافية , وطبعا لما جبت الجين تو كنت مقلق شوية من موضوع انى اشيل فيها ، برده عربية جديدة مش زى الشاهين والله اعلم بالتحمل بتاعها...

اللى شجعنى بصراحة انها كانت حاجة لوجه الله ، مجموعة من زمايلى بيعملو شنطة رمضان وكنت بوزع معاهم الشنطة، قلت يالله على بركة الله ، قمت تانى الكنبة اللى ورا كلها ، الشنطة بقت ما شاء الله ،ربع نقل ، ومليتها على الاخر ، حوالى 37 شنطة ، الشنطة الواحدة تقريبا 13 الى 15 كجم مش متأكد بصراحة ، وسارت على بركة الله ، الاول كنت مقلق لان العربية هبطت جامد وقلت بس،،، هاتهرى مطبات ، وعلى الرغم انى رحت حتت ، مش عايز اقولك عايزة دبابة ، بس الحمد لله محكيتش فى ولا مطب ، وشوية شوية اتجرأت ومشيت عادى جدا ولا كأن فى حاجة .

العربية ما شاء الله ممتازة ، ولما هاتجيبها هاتحبها أكتر ، تخيل انى لما مابسوقهاش يومين ....والله بتوحشنى

احجز وتوكل على الله....ومبروك مقدما

[XXXMEMOXXX]

بعيد عن العيوب والمميزات وقطع الغيار والتوكيل والكلام الكبير ده...فى سؤال دايما بيجى على بالى وكنت دايما مبلاقيلوش اجابة محددة
أنا ليه اشتريت الجين تو...
رغم انى قعدت كتير اوى امام شاشة الكمبيوتر على الانترنت وفاتح صفحات المنتدى وعمال اقرا أراء مختلفة منها اللى بيقول ان العربية تحفة ومنها اللى بيقول ان العربية مليانة مشاكل... واوقف ناس سايقين العربية فى الشارع وأسألهم ...الللى يقوللى ...دى أحسن عربية 1600 ممكن تسوقها فى حياتك ...واللى يقوللى .....اوعى تشتريها, وبصراحة...موصلتش لقرار محدد ..اشتريها ولا لا
وهكذا ظل الحال لشهور طويلة مليانة بالحيرة والتردد مابين اه ولا
مابين..خليك فى المضمون وبلاش مغامرة...وبين ...يفوز باللذة كل مغامر
طيب..نرجع للسؤال ...انا ليه اشتربتها رغم انى عارف مسبقا كل عيوبها اللى اصبحت معروفة للجميع حتى اللى مش ناوى يشتريها اصلا

قعدت مع نفسى....قاعدة طويلة...وعرفت ليه انا اشتريتها..

العربية من كتر ماقعدت افكر فيها واتابعها فى اى مكان ...ولما اشوفها ماشية عينى ماتفارقهاش...اصبحت بالنسبالى امنية اشبه بالحلم...على الرغم من انها مش صعبة المنال ولا عربية غالية ...لكن فيها شئ بيجذبنى...ممكن فى البداية الشكل...لان الشكل ده مرتبط معايا بسيارات الطفولة الجميلة......ومحفور فى دماغى....جايز , فلمست معايا وتر حساس ومانكرش ان شكلها الجميل ( من وجهة نظرى طبعا) كان عامل اساسى فى انجذابى ليها...ولما قريت مواصفاتها حسيت انها جمعت بين الشكل الحلو والقوة.....فزاد تعلقى بيها

وفى لحظة تأكدت انى لازم اشتريها و اخوض التجربة لانى لو ماشتريتهاش,,,,هافضل مضايق على طول وقلت لنفسى ايه المشكلة لو طلع فيها مشاكل...مانا طول عمرى فى مشاكل مع العربيات ...وبعدين هو فيه عربية من غير مشاكل
وبعدين العربيات دى قرف....يعنى انا وحظى...ممكن اشترى عربية غالية وماركة مضمونة ...وتخنقنى برده
الغريب بقى انى فى حتة نفسية مع العربية....ارتباط....اعجاب:b4_007: مش عارف واللى انا متأكد منه انى مش لوحدى فى ناس كتير هنا بالشكل ده
قمت متكل على الله......وجبتها...هو انا هاعذب نفسى ليه...مش كده والا ايه

انت بقى ليه اشتريت الجين تو؟

ربنا يباركلك فيها يا استاذ مصطفى ,بس انا ليا سؤال ..انا لاحظت ان حضرتك عندك العربيتين اللي انا محتار بينهم ال جين 2 واليارس
ياريت تقولي انتى شايف مين افضل ولو قلت لي حضرتك لو هتستغنى عن واحده هتستغنى عن ميين ,طبعا ربنا يباركلك فيهم وماتستغناش عنهم بس انا بسال حضرتك عشان تكون الاجابه واضحه ليا ..
وشكرا لي حضرتك

[مصطفى_صديق]

ربنا يباركلك فيها يا استاذ مصطفى ,بس انا ليا سؤال ..انا لاحظت ان حضرتك عندك العربيتين اللي انا محتار بينهم ال جين 2 واليارس
ياريت تقولي انتى شايف مين افضل ولو قلت لي حضرتك لو هتستغنى عن واحده هتستغنى عن ميين ,طبعا ربنا يباركلك فيهم وماتستغناش عنهم بس انا بسال حضرتك عشان تكون الاجابه واضحه ليا ..
وشكرا لي حضرتك

الله يخليك والعفو على ايه

بص ياباشا
العربيتين دول انا بحبهم جدا وبحمد ربنا انه وفقنى ليهم , وبصراحة الياريس كانت أختيار زوجتى والجين تو اختيارى انا...وعلى الرغم من انى مش أنا اللى أخترت الياريس لكنى بعد ماسوقتها غيرت رأى نهائى فيها ومن غير ماطول عليك ..الجين تو تختلف عن الياريس بالكامل

الياريس سيارة مريحة وسهلة القيادة ومخصصة للمدينة بمعنى ان قيادتها ناعمة جدا وسهلة التحكم والمناورة على سرعات منخفضة ونصف قطر الدوران بتاعها صغير جدا يمكنك من الركن او الدوران فى الاماكن والشوارع الضيقة , واسعة من جوة وشنطتها واسعة برده

العفشة بتاعتها ناعمة جدا ومريحة
هى طبعا موفرة فى البنزين جدا وفى نفس الوقت الموتور ال 1300 مايضايقش فى حاجة فى السحب والمشى والتسارع بتاعها ممتاز

صوت موتورها ناعم جدا

أما الجين تو... طبعا موتور أقوى ةتسارع أعلى وخصوصا على السرعات العالية وطابعها رياضى أكتر وفى المقابل سحب بنزين أكتر ...تصميم الجين تو من وجهة نظرى أفضل ( الياريس مش وحشة) بس كشكل رياضى الجين تو أحلى ....بالنسبة للوسع من جوة...الياريس اوسع ....
الياريس لو محملها ركاب وشايل شنط ومولع التكييف ....سحبها بيقل ....الجين تو لا

شنطة الجين تو مش وحشة بس شنطة الياريس اوسع

بالنسبة لقطع الغيار ....هما الاتنين فى نفس المستوى تقريبا

التقفيل وجودة الخامات....الياريس أفضل

كانت الناس بتقول على ثبات الياريس بعد 100 بس انا شايفه عادى لغاية 140 ...هى خفيفة شوية ...لكن مش للدرجة..ولو شايل فيها ناس ....بتبقى عادى وثابتة...والموضوع ده على السرعات العالية وانا محستش بيه بصراحة...بس بالمقارنة بالجين تو .....الجين تو أكثر ثباتا وبتديك ثقة واحساس بالامان

أنا طولت عليك
الخلاصة ان الياريس سيارة عائلية تنفع للمدينة أكتر موفرة فى البنزين ومريحة ...الجين تو سيارة رياضية أقوى واكثر ثباتا لو انت بتحب الجرى والسرعات..وأعتقد هما قريبين من بعض من ناحية السعر وقطع الغيار

ونسيت حاجة كمان
الاوبشنز فى الجين تو تتفوق بمراحل...MP3 ABS EPD Parcking Sensors والصاج انشف كتير

الباور فى الياريس أنعم كتير

موضوع التابلوه اللى فى النص فى ناس مش بتستريح فيه....انا كنت منهم...بس أخدت عليه وحاسس انه عادى وظريف

التكييف تقريبا زى بعض....فى الياريس صوته اوطى

توكيل الياريس أفضل من الجين تو

الياريس عاملة معايا 30000 كم أما الجين تو 9000 كم.....بالتأكيد انا ثقتى فى الياريس أكبر بحكم المعرفة والخبرة والوقت ....ان شاء الله الجين تو برده تبقى كويسة مع مرور والوقت واثق فيها

نيجى للسؤال

بصراحة لما باجى مسافر العائلة بترتاح فى الياريس لانها اوسع وشنطتها أكبر بس انا لو لوحدى بفضل الجين تو

معذرة لعدم الترتيب ....وارجو انى اكون أفدتك

[mark_milad_95]

الحمد لله العربية مفيهاش أى مشاكل من اللى بعض الناس بيشتكو منها , أنا دلوقتى داخل على 9000 كم وبفضل الله مظهرش معايا اى حاجة
ومش عايز اقعد اشعر فى العربية واقول كل المميزات اللى اتقالت قبل كده وكل الناس عارفينها , بس فعلا هى عربية كويسة جدا ومحترمة

هاحكى لحضرتك على موقف لسة حاصل من يومين
انا كان معايا شاهين وكنت بشيل فيها اوزان خرافية , وطبعا لما جبت الجين تو كنت مقلق شوية من موضوع انى اشيل فيها ، برده عربية جديدة مش زى الشاهين والله اعلم بالتحمل بتاعها...

اللى شجعنى بصراحة انها كانت حاجة لوجه الله ، مجموعة من زمايلى بيعملو شنطة رمضان وكنت بوزع معاهم الشنطة، قلت يالله على بركة الله ، قمت تانى الكنبة اللى ورا كلها ، الشنطة بقت ما شاء الله ،ربع نقل ، ومليتها على الاخر ، حوالى 37 شنطة ، الشنطة الواحدة تقريبا 13 الى 15 كجم مش متأكد بصراحة ، وسارت على بركة الله ، الاول كنت مقلق لان العربية هبطت جامد وقلت بس،،، هاتهرى مطبات ، وعلى الرغم انى رحت حتت ، مش عايز اقولك عايزة دبابة ، بس الحمد لله محكيتش فى ولا مطب ، وشوية شوية اتجرأت ومشيت عادى جدا ولا كأن فى حاجة .

العربية ما شاء الله ممتازة ، ولما هاتجيبها هاتحبها أكتر ، تخيل انى لما مابسوقهاش يومين ....والله بتوحشنى

احجز وتوكل على الله....ومبروك مقدما

شكراً جداً جداً يا باشا .

أنا حجزت الحمدللة

والله يبارك فيك

[youry]

انا جبتها سنة 2007 يعني كانت تقريبا لسه جديدة وماكنش حد يعرفها_ انا نفسي ماكنتش اعرفها
كانت معايا إبيزا 94 وكنت بحبها جدا بس مشكلتها ان مكنش فيها تكييف وكننت عايز اغيرها قعدت ادور كتير مفيش عربية عجبتني
هيونداي ماعجبتنيش _ والانسر نفس الكلام ......إلخ
بالصدفة كنت في المصرية للسيارات مع اخويا وانا خارج لقيتها قدامي ماكنتش عارف ايه دي اتعلقت بيها اول ما شوفتها سألت اخويا عليها قالي دي عربية لسة جديدة اسمها Gen2
بعد انبهاري بشكلها دخلت طبعا على النت وعرفت مواصفتها وامكانيتها وقوة الأداء وكان طبعا nilemotors الفضل الرئيسي في اختياري ليها بالرغم من علمي بعيوب التقفيل الموجودة اللي بعضها حصل معايا فعلا

[khpopo]

انشاالله جين 2 الجميله ..... حب لا ينتهى ...!!!!!
يحميهالنا ربنا ويبارك لنا فيها
ربنا يوفق

[Eslam.Elrefaey]

عربية شبابية جدا

[XXXMEMOXXX]

الله يخليك والعفو على ايه

بص ياباشا
العربيتين دول انا بحبهم جدا وبحمد ربنا انه وفقنى ليهم , وبصراحة الياريس كانت أختيار زوجتى والجين تو اختيارى انا...وعلى الرغم من انى مش أنا اللى أخترت الياريس لكنى بعد ماسوقتها غيرت رأى نهائى فيها ومن غير ماطول عليك ..الجين تو تختلف عن الياريس بالكامل

الياريس سيارة مريحة وسهلة القيادة ومخصصة للمدينة بمعنى ان قيادتها ناعمة جدا وسهلة التحكم والمناورة على سرعات منخفضة ونصف قطر الدوران بتاعها صغير جدا يمكنك من الركن او الدوران فى الاماكن والشوارع الضيقة , واسعة من جوة وشنطتها واسعة برده

العفشة بتاعتها ناعمة جدا ومريحة
هى طبعا موفرة فى البنزين جدا وفى نفس الوقت الموتور ال 1300 مايضايقش فى حاجة فى السحب والمشى والتسارع بتاعها ممتاز

صوت موتورها ناعم جدا

أما الجين تو... طبعا موتور أقوى ةتسارع أعلى وخصوصا على السرعات العالية وطابعها رياضى أكتر وفى المقابل سحب بنزين أكتر ...تصميم الجين تو من وجهة نظرى أفضل ( الياريس مش وحشة) بس كشكل رياضى الجين تو أحلى ....بالنسبة للوسع من جوة...الياريس اوسع ....
الياريس لو محملها ركاب وشايل شنط ومولع التكييف ....سحبها بيقل ....الجين تو لا

شنطة الجين تو مش وحشة بس شنطة الياريس اوسع

بالنسبة لقطع الغيار ....هما الاتنين فى نفس المستوى تقريبا

التقفيل وجودة الخامات....الياريس أفضل

كانت الناس بتقول على ثبات الياريس بعد 100 بس انا شايفه عادى لغاية 140 ...هى خفيفة شوية ...لكن مش للدرجة..ولو شايل فيها ناس ....بتبقى عادى وثابتة...والموضوع ده على السرعات العالية وانا محستش بيه بصراحة...بس بالمقارنة بالجين تو .....الجين تو أكثر ثباتا وبتديك ثقة واحساس بالامان

أنا طولت عليك
الخلاصة ان الياريس سيارة عائلية تنفع للمدينة أكتر موفرة فى البنزين ومريحة ...الجين تو سيارة رياضية أقوى واكثر ثباتا لو انت بتحب الجرى والسرعات..وأعتقد هما قريبين من بعض من ناحية السعر وقطع الغيار

ونسيت حاجة كمان
الاوبشنز فى الجين تو تتفوق بمراحل...mp3 abs epd parcking sensors والصاج انشف كتير

الباور فى الياريس أنعم كتير

موضوع التابلوه اللى فى النص فى ناس مش بتستريح فيه....انا كنت منهم...بس أخدت عليه وحاسس انه عادى وظريف

التكييف تقريبا زى بعض....فى الياريس صوته اوطى

توكيل الياريس أفضل من الجين تو

الياريس عاملة معايا 30000 كم أما الجين تو 9000 كم.....بالتأكيد انا ثقتى فى الياريس أكبر بحكم المعرفة والخبرة والوقت ....ان شاء الله الجين تو برده تبقى كويسة مع مرور والوقت واثق فيها

نيجى للسؤال

بصراحة لما باجى مسافر العائلة بترتاح فى الياريس لانها اوسع وشنطتها أكبر بس انا لو لوحدى بفضل الجين تو

معذرة لعدم الترتيب ....وارجو انى اكون أفدتك

بصراحه انا مش عارف اشكر حضرتك ازاي على توضيحك الاكتر من رائع ربنا يباركلك فيهم ويديك خيرهم

[Ayman_52]

كلمــه واحده - -

حبيتهــــا وحسيت انى مش هعرف اركــب غيرها

موضوع رائـــع كالعاده ياباشــــــــا

تحيــــــــــــــاتـــــى

[MuhammedSoliman]

والله زي ما قال ايمن بالنسبه ليه برضوا بس اللى فعلا وقفنى جمال التصميم وبعد كده قوة الماتور اللى عرفته بعد كده لأن انا معايا موديل 2006 ما كنش حد يعرف عنها حاجه وكنت أول من استلم من الدفعه الأولى .... وبعدين عمله لى مشكله فعلا إن كنت بفكر أغير ومش عارف أركب بعيديها ايه بالسعر والجمال والقوة ديه

تحياتى

[elmadawy]

لاسباب كثيرة
العربية شكلها شبابيه
امكانيات كثيرة
غير منشرة كثيرا
واخيرا وقعت في حبها