كل المعلومات عن رشاشات الدايو

[montaser_rehab]

حسب الاستهلاك ازاى؟

اللانوس 1 يؤركب عليها رشاشات بى ام M40

الطقم فى حدود 250 و بيتباعوا فى الحرفيين

MMamdouh

الف الف الف شكر على الرد

مرة فولت التانك ومشيت حوالى 300 كم لقيت اللمبة نورت وفضلت لمدة روحت فولت تانى حطيت 44 لتر مشيت لغايت ماللمبة نورت حوالى 320 كم روحت فولت تانى 45 لتر مشيت 200 كم رحت فولت حطيت 30 لتر ( التفويل على الزور )
فهل رشاشات بى ام هتظبط معايا الاستهلاك يعنى ممكن يكون احسن من المعدل ده يعنى ممكن تعمل كام كيلو فى الصفيحة وعذرا ليه مجبش بتوع اللانوس 1 استيراد
وفى ميكانيكى قالى عندك حلين لضبط الاستهلاك اولا تجيب رشاشات النترا أو تجيب بوجيهات 3 شمعة فهل الكلام ده صح ولا لا
وشكرا مرة اخرى أستاذ MMamdouh

[MMamdouh]

مرة فولت التانك ومشيت حوالى 300 كم لقيت اللمبة نورت وفضلت لمدة روحت فولت تانى حطيت 44 لتر مشيت لغايت ماللمبة نورت حوالى 320 كم روحت فولت تانى 45 لتر مشيت 200 كم رحت فولت حطيت 30 لتر ( التفويل على الزور )

و خلال المسافة دى كنت ماشى بسرعة منتظمة 90 كيلو فى الساعة على الخامس بدون حرق و بدون تكييف؟

لو الاجابة لا يبقى الحسبة دى مش صح ولا تعنى اى شىء

فهل رشاشات بى ام هتظبط معايا الاستهلاك يعنى ممكن يكون احسن من المعدل ده يعنى ممكن تعمل كام كيلو فى الصفيحة

طالما رشاشاتك الاصلية فيها مشكلة يبقى تغييرهم هيضبط معاك الاستهلاك... مقدرش اقولك الاستهلاك هيبقى شكلة ايه بس هو كدة كدة هيتحسن

وعذرا ليه مجبش بتوع اللانوس 1 استيراد

بتوع اللانوس الاستيراد هما هما اللى عندك... يعنى بعد فترة من الاستخدام هيبوظوا برضة و تبقى رميت فلوسك على الارض

وفى ميكانيكى قالى عندك حلين لضبط الاستهلاك اولا تجيب رشاشات النترا أو تجيب بوجيهات 3 شمعة فهل الكلام ده صح ولا لا
وشكرا مرة اخرى أستاذ MMamdouh

تجيب رشاشات النترا ماشى.... تجيب بوجيهات 3 شمعة دة فتى السنين

MMamdouh

[ABOHANI]

انا عربيت لانوس2 2004 الرشاشات رفيعة ..... هل ممكن اختبر كفاءة كل رشاش ؟ واذاى ؟

[montaser_rehab]

و خلال المسافة دى كنت ماشى بسرعة منتظمة 90 كيلو فى الساعة على الخامس بدون حرق و بدون تكييف؟

لو الاجابة لا يبقى الحسبة دى مش صح ولا تعنى اى شىء



طالما رشاشاتك الاصلية فيها مشكلة يبقى تغييرهم هيضبط معاك الاستهلاك... مقدرش اقولك الاستهلاك هيبقى شكلة ايه بس هو كدة كدة هيتحسن



بتوع اللانوس الاستيراد هما هما اللى عندك... يعنى بعد فترة من الاستخدام هيبوظوا برضة و تبقى رميت فلوسك على الارض



تجيب رشاشات النترا ماشى.... تجيب بوجيهات 3 شمعة دة فتى السنين

mmamdouh

الف الف شكر - هدور على الرشاشات واركبهم وهرجع اقولك ايه الاخبار - شكرا جزيلا على الرد

[ابو ايهم]

السلام عليكم
تم تبديل طقم رشاشات (نوزلات بالعراقي) لسيارتي الدايو نوبيرا 1 اليوم
مع تبديل طقم بوجيهات (بلكات بالعراقي ) وكانت النتائج :

(ملاحظة :الرشاشات بي ام m40 والبوجيهات ngk)
1 - تحسن كبير في سحب السيارة
2- اختفاء الرجة والتنتيل في الاشارات المرورية والمطبات
3- استقرار الار بي ام على السلانسية (السلولي بالعراقي)
4 - استهلاك الوقود تحت التجربة
شكرا لكل الاخوة

[MMamdouh]

انا عربيت لانوس2 2004 الرشاشات رفيعة ..... هل ممكن اختبر كفاءة كل رشاش ؟ واذاى ؟

فكهم ووديهم لحد عندة مكنة الترا سونيك

MMamdouh

[waga]

.
اناقررت اقرأ الموضوع من اوله للاستفاده لفت نظري حاجه غريبه .
تتصوروا صاحب الموضوع ده عمله بتاريخ 8 نوفمبر سنه 2007
كان اسم العضو الصاوي ... لفت نظري كمان انه عضو موقوف
واتوقف علي ما اظن في نفس السنه 2007

قلت في بالي يسلام علي الدنيا ياولاد فغلا اللي خلف ماممتش ..
الموضوع فعلا مفيد وشيق والناس بتستفاد منه وتناقشه اجيال ورا اجيال لحد النهارده
متهيالي العضو ده يستاهل التحيه علي الموضوع ده
ده هايخليني اتكلم في موضوع الايقاف النهائي .....
طبعا انا ما عرفش العضو ده اتوقف ليه .... وبدون الدخول في اسباب الايقاف .
هل موضوع جميل وهادف استمر السنين دي كلها ما يشفعش لصاحبه ان الاداره
تديله عضويه جديده ..؟؟؟
وما ينفعش الايقاف ما يبقاش دائم ...
ده ربنا بيقبل توبه العبد العاص.... وبيديله فرصه يدخل الجنه
واللي بيتسجن القانون بيديله رد اعتباره بعد فتره
يا تري احساس صاحب الموضوع ايه وهو شايف موضوعه عايش السنين دي كلها
وهو مش قادر يشارك فيه
فعلا ياما في الموقوفين ماظاليم .................

[HANYCAR]

الحقنننننننا يا استاذ ممدوح ارجوك
موضوع فعلا رائع وانا متبعه لان عربية اخويا في مشكلة ومش عرفين ايه هى
من فترة كانت بتقطع وتقف كل شويه ولما تبرد تمشى كويس وغيرنا طلمبة بنزين قعدت فترة كويسة وبعدين رجع موضوع التنتيش تانى على الاول والتانى انما بعد كده كويس بص عليها واحد قالى الشرارة بتاعة الكهربا ظهرة من بره البوجيهات غيرنا بوجيهات وسلوك ونظفنا البوابة باسبراى التنظيف قعدت شهر ورجعت تانى تقطيع وتنتيش ومدافع على الاول والتانى انما السرعات العالية مفيش مشكلة
هل الموضوع ده رشاشات والا ممكن يكون ايه وفى صنيعى كان شغال فى مركز ضبط عوادم والترا سونيك قالى ممكن نغير لها رشاشات هيونداى افانتى
اولا ايه راى حضرتك فى المشكلة اللى بتحصل دى وممكن تكون ايه
ثانيا ايه راى حضرتك فى رشاشات الهيونداى الافانتى
جزاك الله كل خير على اللى بتقدمه للناس من حلول

[MMamdouh]

معتقدش ان دى مشكلة رشاشات... راجع على البوبينة و الارضى بتاعها

MMamdouh

[ABOHANI]

فكهم ووديهم لحد عندة مكنة الترا سونيك

mmamdouh

thanx alot ya kbeer

[ahmedmano50]

شكرا لكل رجالة دايو وخاصة استاذ محمد ممدوح الذى لا يتوقف ابدا عن مساعدة احد وربنا يقدرنا على رد جمايلة احب اقول حاجة انا اتيحت لى فرصة مشاهدةة الرشاشات وطريقة عملها ومعى الصور وباذن الله انا فى انتظار حد يقولى بس بالراحة على طريقة الرفع بدا ية رشاش الدايو اللى هو هو رشاش الاوبل فكرتة رائعة ارسال البنزين فى صورة جزئيات صغيرة ودة سر كثرة فتحاتة انما المصيبة سرعة تسيلة ايضا لاحظت نقطة غريبة انة نواع يعنى اغلب الموجود واللى بينزل مصر اخضر ودة عمرة زى الموز على راى عادل امام وفية نوع رصاصى مش بينزل فى اى سيارة دايو السيارات المواصفات الاوربى فما فوق ودة عمرة اطول شوية .الرشاشات ال بى ام تنطبق فى فكرتها وانواعها مع الهيونداى مع فارق الجودة نوع بخة واحدة ونوع بختين الفرق فى مساحة الفتحةوعموما الفتحتين اعلى وافضل فى طريقة البخ .احب اضيف نقطة مهمة انا فضلت البى ام لنقطة خطيرة

وهى انا وجدت مشكلة ثانية غير التسيل وححابب حد يقولى على اية اية اللى ممكن تعملة بعيد عن الاخوة الحفظية (الصنايعية)وهى عدم ضبط او عدم سميترية البخة بمعنى الرشاش ما ما بيسيلش ولكن فى قرق فى الكمية واكرر الكمية بين الرشاش والاخر كل رشاش بيرش كمية بنزين مختلفة عن الاخر السوال عرفت منتين فى عندنا فى بنى سويف ماكينة للرشاشات شوفت فيها الرشاشات كانة فى العربية ومعى الصور وايضا بتعمل اختبار التسيل دة غير الالترا سونيك تنظيف وانا ما باحذوش لانة حسب الموقع الرسمى لبوش بيقولة بيعمل مشاكل الا في حالة انسداد الرشاش لا قدر الله وايضا مع بنزينا العسل انا باشوف الحوض بعد الغسيل بلك (عسل اسود)

لوسمحت حضرتك ممكن تقولنا الصفيحه بتعمل قد ايه مع رشاشات ال بى ام ؟

[ahmedmano50]

لو سمحت ممكن حد يقولنا استهلاك ال بى ام كام فى الصفيحه ؟

[Eng/i]

انا عندي استفسار ..عربيتي لانوس وان 98 استهلاكها خارج البلد 250/الصفيحه اما داخل البلد استهلاكها عالي جدا 140/الصفيحه مش عارف ليه مع انها بتدور من اول تكه والبوجيهات تمام بس انا بسيبها مركونه 3 ايام في الاسبوع من غير ما ادورها هل ده ممكن يكون له تاثير

[Eng/i]

انا عندي استفسار ..عربيتي لانوس وان 98 استهلاكها خارج البلد 250/الصفيحه اما داخل البلد استهلاكها عالي جدا 140/الصفيحه مش عارف ليه مع انها بتدور من اول تكه والبوجيهات تمام بس انا بسيبها مركونه 3 ايام في الاسبوع من غير ما ادورها هل ده ممكن يكون له تاثير

هل من خبير يفتينا ?

[waelfarid]

موضوع جميل