كل المعلومات عن رشاشات الدايو

[sam6666]

شكرا لكل رجالة دايو وخاصة استاذ محمد ممدوح الذى لا يتوقف ابدا عن مساعدة احد وربنا يقدرنا على رد جمايلة احب اقول حاجة انا اتيحت لى فرصة مشاهدةة الرشاشات وطريقة عملها ومعى الصور وباذن الله انا فى انتظار حد يقولى بس بالراحة على طريقة الرفع بدا ية رشاش الدايو اللى هو هو رشاش الاوبل فكرتة رائعة ارسال البنزين فى صورة جزئيات صغيرة ودة سر كثرة فتحاتة انما المصيبة سرعة تسيلة ايضا لاحظت نقطة غريبة انة نواع يعنى اغلب الموجود واللى بينزل مصر اخضر ودة عمرة زى الموز على راى عادل امام وفية نوع رصاصى مش بينزل فى اى سيارة دايو السيارات المواصفات الاوربى فما فوق ودة عمرة اطول شوية .الرشاشات ال بى ام تنطبق فى فكرتها وانواعها مع الهيونداى مع فارق الجودة نوع بخة واحدة ونوع بختين الفرق فى مساحة الفتحةوعموما الفتحتين اعلى وافضل فى طريقة البخ .احب اضيف نقطة مهمة انا فضلت البى ام لنقطة خطيرة

وهى انا وجدت مشكلة ثانية غير التسيل وححابب حد يقولى على اية اية اللى ممكن تعملة بعيد عن الاخوة الحفظية (الصنايعية)وهى عدم ضبط او عدم سميترية البخة بمعنى الرشاش ما ما بيسيلش ولكن فى قرق فى الكمية واكرر الكمية بين الرشاش والاخر كل رشاش بيرش كمية بنزين مختلفة عن الاخر السوال عرفت منتين فى عندنا فى بنى سويف ماكينة للرشاشات شوفت فيها الرشاشات كانة فى العربية ومعى الصور وايضا بتعمل اختبار التسيل دة غير الالترا سونيك تنظيف وانا ما باحذوش لانة حسب الموقع الرسمى لبوش بيقولة بيعمل مشاكل الا في حالة انسداد الرشاش لا قدر الله وايضا مع بنزينا العسل انا باشوف الحوض بعد الغسيل بلك (عسل اسود)

[sam6666]

ايضا فية نقطة انا عايز اقولها ولكن مع الاسف لم تتاح لى الفرصة للتاكد منها وهى ان رشاشات الدايو ايضا ينفع يركب لها رشاشات الاوكتافيا والموضوع محتاج ياريت لو حد رايح الحرفيين يتاكدلنا وطبعا فيها ميزة حداثة عمر الرشاش وطبعا المانى احب اقول انى اتصلت بابو الحسن وسالتة فقالى انتة تانى واحد يسالنى عليها لانى تقريبا لا اسوال عليها وعشان كدة ليست موجودة

[samehabosaif75]

انا معايه جوليت 99 ومعدل استهاك البنزين جوه البلد وبراها 255 كيلو/صفيحة وده المتوسط ، انا من الإسماعيلية
وكنت متدايق جامد لإن السياره مكانتشي بتدور من أول مرة كان لازم ادورها مرتين وأزودلها بنزين كمان وكنت باسمع برجله في الموتور عند بداية الدواره كانت مدايقاني خالص.
فرحت لميكانيكي متخصص للدايو هنا في الإسماعيلية فقلي هغيرلك الرشاشات برشاشات هيونداي استعمال كوري وفعلا غيرهم في خمس دقائق ومن ساعتها والسياره بتدور من أول تكة ومن نفسي غيرت البوجيهات.
وخلال يومين كده هأحسب استهلاك البنزين وأبلغكم

انا قلتلكم اني هبلغكم بالنتيجة ومن يومها وأنا متدايق رغم اني مبسوط من سرعة الدوران والصوت الهادي واللي مدايقني هوه معدل استهلاك البنزين اللي إرتفع من 255 كم/صفيحة الى 245 كم/صفيحة
واخيرا قررت انه بما ان الرشاشات استيراد يعني مستعملة فهجيب منظف الرشاشات وفعلا جيبته وحطيته والحمد لله وصل المعدل الى 285 كم/صفيحة

[waleed_home]

انا عربيتى موديل 2002 وعندى الرشاشات القديمة
والحمد لله سحب العربيه كويس ومافيش اى مشاكل فى الدوارة بس فيه مشكلة واحدة :
عندى احد البوجيهات لما بفكة بلاقيه غرقان بنزين وخصوصا لما العربيه تركنلها 3:4 ساعات لكن باقى البوجيهات كويسة وكنت عاوز اسأل

هل ممكن انى اغير الرشاش ال بيسرب بنزين فقط بواحد bmw ولا لازم اغير الطاقم كله ؟

[elhathoti]

دايو 2000 موديل1 الرشاشات كانت هونداى
خلصت بنزين على الاخر الرشاشات باظت وبرجلة العربيه ودخنه سوداء وتبطيل ومافيش سحب
غيرتها رشاشات دايو استيراد ب150 جنيه لالاربعه من المعصره عند ال سعد جنب البنزينه
العربيه زى الفل

[ibmtop]

طيب ياجماعة حد يقولي رشاشات الbmw الي بتركب في الانوس 1500 هيا هيا الي بتركب في النوبيرا 1600
؟؟؟؟؟؟؟؟؟؟؟؟؟

[MMamdouh]

طيب ياجماعة حد يقولي رشاشات الbmw الي بتركب في الانوس 1500 هيا هيا الي بتركب في النوبيرا 1600
؟؟؟؟؟؟؟؟؟؟؟؟؟

yes

MMamdouh

[silver_som3a]

يا ريت يا جماعه لو حد فاهم و حيجيب الرشاشات ديه و حيركبها عند حد كويس يا ريت يبلغني ابليها و شكرا

[MoMohsen]

على فكرة انا سألت على رشاشات الاوبل فيكترا 1600 وهى تنفع مع النوبيرا و تمنها 300 بالتركيب.
السؤال هل فيه نوع معين هيفرق فى استهلاك البنزين:
1-هيونداى النترا
2-اويل فيكترا
3-bmw M40

[makkahboy]

انتو قصدكم الرشاشات الي هيا البخاخات طيب اذ البخاخات انه صحيح انا لما امشي على سرعة 120 او 130 في خط جدة اشوفه البنزين بسرعة يخلص طيب ايش الحل ايش اغير بخاخات حقت ايت سيارة

[MMamdouh]

الرشاشات=البخاخات

انتوا فى السعودية عندكم اللانوس بتنزل 1500 زى مصر... صح؟؟

يبقى احسب استهلاك البنزين و قوللنا علية و ساعتها نحكم اذا كانت العربية بتستهلك بنزين زيادة ولا لا

و عشان تحسب الاستهلاك صح انسى مؤشر البنزين لانة مش دقيق... املا التنك على الاخرو اطلع مشوار على طريق مفتوح و امشى بسرعة 90 كيلو... لا اكتر ولا اقل و بعد 200 كيلو ولا حاجة و بعدها املا التنك تانى و اقسم الكيلومترات المقطوعة على عدد اللترات اللى احتاجتها فى المرة التانية لملاء التنك و كدة تعرف معدل الاستهلاك الصح للعربية

MMamdouh

[makkahboy]

ايوة كلام كويس 1500 سي سي
انا الي عندي هاف اوبشن
وقير عادي

[fathislh]

استاذ ممدوح انت راجل محترم جدا الموضوع مفتوح من 2007 ولسه شغال ما شاء الله عليك
من فضلك انا جيبت نوبيرا 1 1997 واستهلاك البنزين 120 لتر فى الصفيحه (عالى جدا مع العلم انى احط بنزين 92 وجربت برضه 90) بس العربيه مش بتغيب فى الدواره ولا بتطلع ريحه بنزين من الشكمان ولا البوجيهات مهببه راى حضرتك اغير الرشاشات ؟مع العلم ان الميكانيكى بتاعى ما عرفش يعمل حاجه وروحت التوكيل كشفو على السياره بالكمبيوتر وقالولى ما فيش مشاكل فيها خالص والمعدل الطبيعى 130 كيلو فى الصفيحه علشان البلد زحمه؟؟؟؟؟؟؟؟؟؟؟؟؟؟؟؟ رجاء الافاده وشكرا

[alynubira]

استاذ ممدوح انت راجل محترم جدا الموضوع مفتوح من 2007 ولسه شغال ما شاء الله عليك
من فضلك انا جيبت نوبيرا 1 1997 واستهلاك البنزين 120 لتر فى الصفيحه (عالى جدا مع العلم انى احط بنزين 92 وجربت برضه 90) بس العربيه مش بتغيب فى الدواره ولا بتطلع ريحه بنزين من الشكمان ولا البوجيهات مهببه راى حضرتك اغير الرشاشات ؟مع العلم ان الميكانيكى بتاعى ما عرفش يعمل حاجه وروحت التوكيل كشفو على السياره بالكمبيوتر وقالولى ما فيش مشاكل فيها خالص والمعدل الطبيعى 130 كيلو فى الصفيحه علشان البلد زحمه؟؟؟؟؟؟؟؟؟؟؟؟؟؟؟؟ رجاء الافاده وشكرا

+1111111
انا كمان عندى نفس المشكله

[yssryaae]

الله يبارك فيك موضوع رائع ومفيد