أسباب حرق فتيس النوبيرا الأوتوماتيك وكيف تحميه

[alexcdx]

الناس كلها بتخاف من النوبيرا الأوتوماتيك علشان الفتيس بيتحرق. صحيح بس أيه الأسباب؟
zf4hp14 ده أسم الفتيس فى منه كورى والمانى استراد
الحكايه بسيطه جدا
كابل الكيك داون الواصل ما بين الفتيس وبكره الأكسيراتبر
من جهه الفتيس فى بلاستيك أو فيبر حول الكابل وداخله كابس فى الفتيس.
فائدتها حمايه الفتيس من دخول الأتربه من فتحه الكابل.ومكانها تحت البطاريه فى الفتيس.
تخيل الفيبره دى أنكسرت أو ذابت ! لو غسلت الموتور المياه حتدخل داخل الفتيس , لو مياه القربه و أنت بتملاها أنسكبت برضه ...لو مياه البطاريه ......
النتيجه : دخولها مره على مره و أمتزاجها بزيت الفتيس مياه و حامض تحرق الكلاتشات والفتيس يقفش. أو تدخل البلف بدل الزيت والعربيه تحجر فى نقله معينه.
أسباب : قطع الفيبرا 90% أن مياه البطاريه بتنزل على الكابل و تدوب الفيبر , و 10% تقادم الكابل.
الحمايه : تغير البطاريه الحامضيه بأخرى جافه , أى وقت تفتح فيه الكابوت شيك على الفيبر بتاع الكابل , تغير الزيت فى ميعاده.
الحكايه بسيطه ولكن أهماله كارثه!

[hossam_elwani]

شكرا على المعلومة المفيدة

[Mahmoud2009]

أستاذ أستاذ


شكرا وجزاك الله خيرا

[M.almaghraby]

معلومة مفيدة جدا جدا

[Hany A Fattah]

شكرا على المعلومه

[alexcdx]

شكرا ليكم

[YoussefMostafa]

معلومة مهمة اوي بجد

[alexcdx]

الغريب أن معظم المعجبين بالموضوع مش نوبيراويا!!!!

[mr_sameh]

وكمان مهم جدا موضوع التبريد بتاع الفتيس الاتوماتيك

[M.almaghraby]

ايوا لاني معجب بالعربية دي و بحبها و بنفكر فيها بس خايفين من الاوتو جدا بتاعها

[alexcdx]

حتى أصلاح الفتيس مش مشكله التوكيل كان مهول الموضوع و يغير فتيس على طول مع أن طقم أصلاح الكلاتشات بالمصنعيه 500 جنيه
والميكانكى بتاع الفتيس دلوقتى عنده كلاتشات أستعمال.
فتيس كامل أستعمال ب1200 المانى القصد لو حتشترى وطلع أن صاحب العربيه مش محافظ عليه الموضوع بقى بسيط

[alexcdx]

وكمان مهم جدا موضوع التبريد بتاع الفتيس الاتوماتيك

مفيش مشكله من دوره تبريد زيت الفتيس فى النوبيرا المهم أنك تغير الزيت فى ميعاده والفلتر.
وتشيك على كابل الكيك داون

[hossam_elwani]

حتى أصلاح الفتيس مش مشكله التوكيل كان مهول الموضوع و يغير فتيس على طول مع أن طقم أصلاح الكلاتشات بالمصنعيه 500 جنيه
والميكانكى بتاع الفتيس دلوقتى عنده كلاتشات أستعمال.
فتيس كامل أستعمال ب1200 المانى القصد لو حتشترى وطلع أن صاحب العربيه مش محافظ عليه الموضوع بقى بسيط

طيب سؤال هو الفتيس الاوتو فى النوبيرا فيه منه المانى وفى منه كورى عايز تأكيد للمعلومة دى عشان انا بفكر فى النوبيرا اوتو

[alexcdx]

طيب سؤال هو الفتيس الاوتو فى النوبيرا فيه منه المانى وفى منه كورى عايز تأكيد للمعلومة دى عشان انا بفكر فى النوبيرا اوتو

نعم الأثنبن نفس الموديل
بتاع العربيه والى بتركبه فى التوكيل كورى و الأستعمال معظمه المانى
يعنى لو رفعت العربيه ونزلت بصيت على الصاجه الى متبرشمه بالموديل و بلد الصنع على الفتيس
حتعرف أنه متغير ولا بتاع الشركه.
ونصيحه و أنت بتشترى تبص على كابل الكيك داون لو لقيت الفيبره مكسوره يبقى بناقص لأن كده لا صاحبها ولا الميكانيكى داريان.

[hossam_elwani]

طيب ياريت صوره لمكانه بالتحديد لو امكن

وعندى سؤال كمان بما ان الفتيس الاستيراد المانى معنى كده ان كل العربيات البريميرا فتيسها المانى وطبعا لايعلى على الفتيس الالمانى واليابانى فى العالم كلامى صح ولا ايه؟؟

وكمان عايز اعرف هل فيه اى تغيير بين الاثنين من ناحية الشكل والحجم والوزن؟؟