إستفسار فني

[Eng.Geo]

يعني اجيب في اول 500 كم لغاية 6000rbm ؟؟؟؟؟؟؟؟؟
دانا مبعملش كدة في العادي
انا اول مرة اسمع الكلام ده بصراحة

[MMamdouh]

انا اول مرة اسمع الكلام ده بصراحة

Break In Secrets--How To Break In New Motorcycle and Car Engines For More Power

MMamdouh

[Eng.Geo]

Break In Secrets--How To Break In New Motorcycle and Car Engines For More Power

MMamdouh

شكرا علي الlink
اللي مكتوب فيه ان واحد فكر شوية وعرف ان شركات العربيات غلطانة في اللي بتقولة انك تلين العربية من غير ماتحمل علي الموتور وهو بيقول لأ الصح انك لازم تضغط علي الموتور في التليين
بعد ما قريت اللي مكتوب للاخر بدات اقتنع بيه وده هيغير حاجات كتير وازاي شركات العربيات والمهندسين بتوع الشركات مش واخدين بالهم من الكلام ده
طاب ليه الناس اللي بتلين العربية من غير تحميل مابيحصلهاش حاجة والعربية برده بتبقي كويسة ؟
وكان رده : اننا بتجيلنا لحظات من الاندفاع ومبنقدرش نقاوم نفسنا علي الجري والحكاية ده لو حصلت مرة او مرتين بتساعد في ان الموتور يتلين صح
انا الحقيقة محتار في الحتة ده لان في ناس ملتزمة كتير وبتحسس علي العربية في الاول وبردة بتبقي زي الفل
هو قال ان الصح انك تبادل في زيادة السرعة والبطء يعني تزود جامد وبعدين تبطأ جامد
مش عارف هو ايه الصح الحقيقة بس بدات اميل ناحية القرص شوية يعني ممكن اقرص شوية بس علي مش طول بمعني بتاع 5 قرصات واحدة كل 200 كم وتكون القرصة التانية اقوي من اللي قبلها (اخر قرصة هتبقي الاقوي يعني انقل علي 6000 rbm مثلا)
شكرا

[wael_dosoky]

ابداء بالنقل عند 3000 نقلة و بعد كدة زود واحدة واحدة يعنى انقل عند 4000 ثم 5000 ثم 6000 و دة خلال ال 500 كيلو الاولى

MMamdouh

إستشارينا العزيز معلهش بنتقل عليك بس انا عاوز افهم ياعني ايه ابدء بالنقل عند 3000 الكلام ده علي اي نقل من سرعة إلي سرعة ولا الكلام ده علي كل النقلات وبعدين حضرتك بتقول زود واحدة واحدة الزيادة دي عائدة علي rpm ولكل النقلات برضجك برجاء سرعة التوضيح اصل ان شاء الله هأستلم العربية النهاردة وبعدين اخبار السرعات ايه إلي هأمشي عليها بالنسبة لكل نقلة
معلهش هنتعبك في الرد
وشكراً

[MMamdouh]

نقل من كل ترس لترس عند 3000... و بعد كدة عند 3500 و بعد كدة 4000 و هكذا... كدة انت بتضغط على المكنة بالتدريج عشان الشنابر تطبع عند حالة التحميل

MMamdouh

[immortal_185]

الصنى طبعا مفيش مقارنة اصلا مع العلم ان معايا لانوس

[wael_dosoky]

نقل من كل ترس لترس عند 3000... و بعد كدة عند 3500 و بعد كدة 4000 و هكذا... كدة انت بتضغط على المكنة بالتدريج عشان الشنابر تطبع عند حالة التحميل

mmamdouh

طب والحد الأقصي لسرعة كل نقلة كام ياعني في الأول ما زودش عن كذا وفي النقلة الثانية عن كذا ولباقي النقلات

[MMamdouh]

مش عارف المقابل بتاع ال 3000 كام فى السرعة بالتحديد... انا اعرف بس عند 6500 بتبقى السرعة كام

MMamdouh

[wael_dosoky]

السلام عليكم، أتشرف بتقديم التحية لك أعضاء هذا المنتدي الرائع الذي وجدت فيه تعاون واضح بين جميع الأعضاء ، موش هأطول عليكم انا عندي عربية أكسيل 98 وناويت ( والنية لله ) أني اغيرها ودلوقتي امامي إختيارين ارجو ان تساعدوني بالرأي في ايهم:
الأول : عربية شيفورليه لانوس زيرو موديل السنادي (قسط عند منصور وتأمين عند شركة الوثاق)
الثاني : عربية نيسان صني موديل 2007 وعاملة 30000 كيلو بتاعة واحد صاحبي وحالتها كويسة
العربيتان بسعر واحد وهو 70000 جنيه
اي الحلين افضل من وجهة النظر الفنية وهل سعر النيسان صني 2007 وبهذا الوصف كويس ولا غالي
في إنتظار خبراتكم وردودكم وشكرا

اخواني اصدقاء وخبراء المنتدي شكراً لكل من شاركني الرأي واجتهد معي واخص بالذكر الإستاذ ممدوح إستشارينا العزيز و الخبير بالدايو والمهندس ابو عياد وكل الأصدقاء و احب ان اخبركم انه بعد الإستخارة لله ثم الإستفادة من ارائكم ربنا اكرمني واشتريت لانوس 2010 نبيتي فول اوبشن واكرمني الله واستلمتها وبدأت في التراخيص
اكرمكم الله ومعلهش هتعبكم كتير في إستفساراتي واول هذه الأستفسارات وكما اخطرتموني واضح انه هناك مشكلة في الحرارة (صباع الحرارة كما ذكرتم) حيث ان مؤشر الحرارة خادع ولا يعطي الحالة الحقيقية للموتور حيث يعطي قراءة بعد تحرك العربية بفترة وجيزة ويظل ثابت علي تلك القراءة وموش عارف استني بأه لغاية صيانة الألف ولا اروح للتوكيل من دلوقتي وشكراً
صحيح هو انا كده العضو رقم كام في منتدي اللانوس؟؟؟؟ فيه حد عامل ترقيم؟؟؟

[samirayad]

حيث يعطي قراءة بعد تحرك العربية بفترة وجيزة ويظل ثابت علي تلك القراءة

مبروك ياباشا على السياره
والمؤشر بيبقى ثابت فين بالضبط
على الشرطه الأولى ولا فى نص العداد مثلا
يعنى حددلى مكان تقريبى

[waleedrahmy]

الصني افخم طبعا ةاحسن واغلي في الصيانةوالانوس عربية الشعب المصري بس بفخامة..................

[wael_dosoky]

مبروك ياباشا على السياره
والمؤشر بيبقى ثابت فين بالضبط
على الشرطه الأولى ولا فى نص العداد مثلا
يعنى حددلى مكان تقريبى

الله يبارك فيك يا هندسة
هو المؤشر بيبقي قي المنتصف
بيوصل ليه بسرعة جدا اسرع من المعدل المتوقع وبعدين بيثبت علي المنتصف موش بينزل خالص مهما مشيت

[bshndi]

أسف علي تدخلي المباغت يا باشا ولكني عانيت من موضوع المؤشر ده كده (بعد إذن الباشمهندس سمير طبعاً) المؤشر بتاعك مضبوك ، بس عاوزك تتأكد من إن المروحة بتشتغل ومن منسوب المياه في القربه والزيت بتاع الموتور .
لو حسيت إنك مش مرتاح نفسياً إقرف البابا بتاع منصور في أي فرع يعجبك إتصل الأول قبل ما تروح علشان ما تدبش المشوار علي الفاضي
وبعدين قولهم الصباع مش شغال كويس وإنك عاوز تكشف علي دورة التبريد وشوف إيه رد الفعل ، صحيح أنا مش عارف حضرتك شاري دايو ولا شيفورية ومن منصور ولا من ألأبو غالي علشان منصور عامل أول صيانة بعد الـ 5000 وليس بعد الألف علشان كده ممكن تستني كتير لحد ما تهدي وتطمن وده شيء أهم من حالة العربية في حد ذاته من وجهة نظري :)
تحياتي

[wael_dosoky]

أسف علي تدخلي المباغت يا باشا ولكني عانيت من موضوع المؤشر ده كده (بعد إذن الباشمهندس سمير طبعاً) المؤشر بتاعك مضبوك ، بس عاوزك تتأكد من إن المروحة بتشتغل ومن منسوب المياه في القربه والزيت بتاع الموتور .
لو حسيت إنك مش مرتاح نفسياً إقرف البابا بتاع منصور في أي فرع يعجبك إتصل الأول قبل ما تروح علشان ما تدبش المشوار علي الفاضي
وبعدين قولهم الصباع مش شغال كويس وإنك عاوز تكشف علي دورة التبريد وشوف إيه رد الفعل ، صحيح أنا مش عارف حضرتك شاري دايو ولا شيفورية ومن منصور ولا من ألأبو غالي علشان منصور عامل أول صيانة بعد الـ 5000 وليس بعد الألف علشان كده ممكن تستني كتير لحد ما تهدي وتطمن وده شيء أهم من حالة العربية في حد ذاته من وجهة نظري :)
تحياتي

اشكرك بشدة علي سرعة إستجابتك وانا شاري العربية من عند منصور وجانبي التوكيل بتاع شارع الطيران بس انا ما استلمتش الضمان ولا كتالوج العربية لما اشتريتها اصلي اشتريتها من سمير ريان وقالوا لي اني هأستلم الحاجات دي من التوكيل عند صيانة الاف الأولي 1000 كيلو
بس بصراحة دلوقتي موش عارف اعمل ايه
طب قول لي صحيح انت لينت عربيتك أزاي

[samirayad]

الله يبارك فيك يا هندسة
هو المؤشر بيبقي قي المنتصف
بيوصل ليه بسرعة جدا اسرع من المعدل المتوقع وبعدين بيثبت علي المنتصف موش بينزل خالص مهما مشيت

طالما بيثبت على النص
يبقى ده اللى أحنا عاوزينه
وموضوع الصباع ده
مجرد حظوظ
فحظك تمام والحمد لله