عايز اغير عربيتى

[msobhy]

كل عام وانتم بخير
بصراحة بدأت ازهق من عربيتى وعايز اغيرها وعايزكم تساعدونى
عربيتى تقريبا تجيب 40000 الى 42000وممكن ازود عليها 20000 فى رأيكم اجيب ايه؟
طبعا احنا بنتكلم فى المستعمل
ياترى فى اى احتمال انى اركب يابانى؟
فكرت شوية فى الاسبرانزا - المشكلة ان فى ناس بتشكر فيها جدا وناس بتسب وتلعن فيها
ياريت اللى عنده معلومة يساعدنى بيها

[M.Alaa92]

لانسر 1300

[akramlail]

نفس مشكلتى ومش عارف اجيب اية مفيش هنا قسم للتبديل ؟؟

[abo_lamar]

ربنا يوفق وتلاقي العربية المناسبة وبالمناسبة ماتشوف الأوبل

[zeka127]

انا رايى برضه لانسر 1300 يابانى وكويسه واثبتت نفسها جدا

[M.almaghraby]

لانسر ماكواة

او هوندا سيفيك

[moudy88]

من 60 - 65 الف جنيه ممكن تجيب صني او اوبترا او الانترا 2006 مانيوال

[msobhy]

لانسر 1300

فعلا نفسى فيها لكن الكل بيخوفونى منها

نفس مشكلتى ومش عارف اجيب اية مفيش هنا قسم للتبديل ؟؟

يارييييييييييييييييييييييت

ربنا يوفق وتلاقي العربية المناسبة وبالمناسبة ماتشوف الأوبل

كله الا الاوبل- مصاريفها ناااااااااااااااااااااااااار يا معلم

انا رايى برضه لانسر 1300 يابانى وكويسه واثبتت نفسها جدا

اجابة رقم 1

لانسر ماكواة
او هوندا سيفيك

للأسف مش بحب شكلها على الاطلاق وبالنسبة للهوندا برضو قطع غيارها وصيانتها نااااااااااار

من 60 - 65 الف جنيه ممكن تجيب صني او اوبترا او الانترا 2006 مانيوال

الصنى طبعا حلوه - الاوبترا حريقة بنزين بس بجد عربية حلوة - الالنترا استاااااااااذه لكن انا مش من هواة الهيونداى مش عارف ليه مع العلم انى كنت هاشترى اكسيل قبل اللانوس
طيب ايه رأيكم فى النوبيرا ومن غير تريقة
انا قابلت حسام كوداك عند محمدعبده وبصراحة الراجل اقنعنى بيها وفى نفس الوقت انا ميال شوية ليها
وبرضو كلمت ممدوح وقال انها فعلا هاتعتبر نقله
السؤال المهم هل فعلا استهلاك النوبيرا للبنزين أعلى من اللانوس وتقريبا كام
الحاجة التانية لو نوبيرا 2005 أو 2006 تعمل كام لو حالتها نظيفة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وكالمعتاد شكرا لكل أخواتى

[moudy88]

بص انا هقولك بمنتهى الامانه انا معايا نوبيرا 2003 اوتوماتيك ..لو الامور متيسره معاك هات حاجه غير النوبيرا ...
النوبيرا ..عربيه حلوه وجميله وقويه وثابته على الارض ..بس فيها بعض العيوب انا (شخصيا ) مش قادر اتاقلم عليها بعد اكتر من سنه استخدام وهي ..

العزل السئ...هتسمع صوت الشكمان العالي والماتور

استهلاك البنزين وخاصة في وسط البلد ....وده بيوصل ل140 كم في الصفيحه

العفشه الرقيقه الناعمه زياده عن اللزوم ..وهتحتاج تربطها كل فتره كده
والفرامل الضعيفه نوعا ما..ودي مشكله مشتركه مع اللانوس
غير كده العربيه كويسه ...
ولسه قريبي جايب نوبيرا 2006 مانيوال (65000 الف كم ) فابريكه برا وجوا ومفيهاش خدش وحالتها زيرو ..جابها على 56 الف جنيه
وتعبتر غاليه شويه علشان جابها من معرض
يعني ممكن تجيبها على 53- 54 الف

وربنا يوفقك

[msobhy]

الف شكر على نصيحتك يا مودى باشا

[zocor742]

استاذ محمد انا رأى بما انك باصص لنقطة اسعار قطع غيار وصيانات العربية يبقى ابعد عن الالمانى واليبانى بجميع فئاتة بجد واحد صحبى معاة اوكتافيا 99 وارد المانيا بجد مش عارف يمسك منها فلوس بسبب قطع الغيار ومش لاقى بيعة مستريحة ليها تخيل عشان يغير زيت لازم يروح التوكيل يدفع 100 جنية عشان يصفر عداد الزيت ويعد ال10000 كيلو الجداد دة غير ثمن الزيت نفسة ومغير جير بوكس لوحدة ب5000 ج وبيصرخ من اسعار قطع الغيار
لو بتفكر فى يبانى او المانى جيب حاجة زيرو وحافظ عاليها وراعيها هتفضل معاك قول 5سنين تغير زيت وفلاتر وبنزين وكمان 3او4سنين تبتدى تصرف قطع غيار تفكر تبيع وتركب حاجة اعلى غير كدة تاخد حاجة كسر زيرو ماشية 3000ك 5000ككيلو ومن حد مضمون صحبك جارك كدة غير كدة هتتعب من اسعار قطع الغيار
بالنسبة للنوبيرا عربية جميلة بس انا شايف عيبها الوحيد اللى مش عارف اتعايش معاة زى ماقال الاخ مودىالعزل السئ...هتسمع صوت الشكمان العالي والماتور هو دة اللى قافلنى من العربية غير كدة كلة تمام

[akramlail]

يعنى موضوع العزل دة السئ دة زية زى الانوس ولا فية فرق؟؟ يعنى اللانوس احسن ولا زى بعض؟

[msobhy]

يعنى موضوع العزل دة السئ دة زية زى الانوس ولا فية فرق؟؟ يعنى اللانوس احسن ولا زى بعض؟

اعتقد الدنيا احسن نسبيا من اللانوس لكن مش بفارق كبيييييييييييييييييير

[E30power]

انا لو مكانك وعايز انقل نقلة كاملة فى حياتى اجيب ال e36
موديل 96 تقريبا بحدود المبلغ دة بس اهم حاجة الحالة ......
هتكسب عربية محترمة ونقلة محترمة وصدقنى مش هتعرف تركب حاجة بعدها الا الالمانى ..............

بس دة طبعا على حساب قطع الغيار النار وصيانتها الى هتفرق تماما عن اسعار الانوس ... انا بتكلم عن راييى انى لو مكانك لانها حقيقى عربية محترمة لاقصى الحدووود

..وبصراحة مش مع انى اغير كورى لكورى تانى...

......وشوف الصنى والاوبترا والنيو اكسنت...

[msobhy]

احمد باشا
ايه هيه ال e36 ديه؟؟؟؟؟؟؟؟؟؟؟