عايز اغير عربيتى

[msobhy]

متزعلش يا ابو مروان ,
بالنسبة للنوبيرا مفيش منها جديد على ما أعرف,
و موضوع الجنوط , فيه محلات كتيرة جداً و أشكال متنوعة , فموضوع التوكيل مش مشكلة ,
بالنسبة للعربية النوبيرا مو 2008 , أعتقد تعمل في حدود60 ألف ,
بالنسبة لموضوع شراء عربية بتوكيل فده مش مشكلة المهم حالة العربية و مهم إنها تكون قريبة ليك و يا ريت من نفس المرور لو أمكن , علشان المشاوير و حرق الدم ,
و يا ريت متشتريش عربية من أي بلد ساحلي لتأثير المناخ على العربية و البارومة ,
مصاريف نقل الملكية أعتقد في حدود 800ج

اكرم باشا ازيك يا حبيب قلبى
قبل اى حاجة مستحيل ازعل منك يا اكرم باشا - ياراجل ده انت حبيبى
بخصوص الموديل انا كنت بكلم ممدوح وقال لى ان فيه واحد زميلنا جاب نوبيرا 2009 والله اعلم
بخصوص الجنوط والله انا عارف انكم هاتستغربوا لكن لو الجنوط مش المانى أو يابانى يبقى قلتها أحسن فده بالنسبة ليه مش ميزه خاااااااااااالص الا اذا كانت اصلى مع العربية
بخصوص انها ملاكى اسكندرية الناس على مايقال هنا فى مصر لكن اصلهم من اسكندرية -وفى كل الاحوال العربية بقالها سنه واحده فقط يعنى متهيألى صعب انها تكون اتأثرت بالسرعة ديه
بخصوص السعر وهو الاهم فى الموضوع العربية رشه جانبين على حسب كلامه نظافة - بس ده برضو يقلل من سعر العربية - انا والله لما عرفت ان العربية اللى بكلمكم عنها ال 2006 ديه اتباعت كنت هاتشل - العربية بتستخدم مره واحده فى الاسبوع - بالاضافة فى الصيف للسفر فقط لمدة سنتين - ويزيد عليها sound system محترم جاى من أمريكا

المهم انا اللى فعلا مقلقنى هو نقل الملكية من الاسكندرية لعندنا هنا - هو ده اللى فعلا انا مرعوب منه
اكتر حاجة بتقرفنى هو اى تعامل مع موظفين الحكومة - بتبقى حاجة مقرفة
يارب يا عم اكرم ربنا يرزقنى بعربيه حلوه علشان اخلص لأن الموضوع ممممممممممللللللللللللللل

[TOOLA]

يا باشا أنا كنت فى مكانك بضبط و دورت كتير و سألت و فكرت كتيرو فى الاخر ان متوسط السعر ده هيوصلك لحاجتين ملهمش ثالث صنى و خصوصا لو موديل 2005 اليابانى على أبوه, و الالنترا 2004 - 2006 و قبل متقول كورى و هيونداى حاول تركبها و تسوقها متفرقش عن اليابانى فى حاجة و ماشوفتش بنى ادم قال عليها كلمة حتى الصنايعية, لكن النوبيرا مع احترامى و حبى ليها الموضوع هيبقى عامل زر البطيخة انتا و حظك عشان ناس كثير اشتكت.
و أخيرا أنا كنت هخلص فى الانترا لكن ربنا كرم فى مبلغ زيادة و اتجهت للبورا الحمد لله

[mohamedhamam]

الصنى عربية جميلة

[msobhy]

والله يا اخوانى بعد العك اللى شوفته - القرار اتأجيل لغاية لما ربنا يرزقنا بحته يابانى

[TOOLA]

ربنا يكرمك و يرزقك بالفيه خير ليك