أقتراح لو حد عنده مشكله فى فتيس نوبيرا أوتوماتيك يحطه هنا

[omar4_all]

السلام عليكم جميعا الف تحية علي الموضوع الممتاز النوبيرا اتوماتيك مش وحشة يا جماعة احنا اللي الصنايعية عندنا مبيفهموش حاجة وبيفتوا في كل حاجة انا معايا نوبيرا اوتو 2001 وبصراحة زي الفل واي مشكلة بتظهر بتكون خفيفة وبسيطة المهم ميتسكتش عليها وتتساب لما تكبر وربنا يوفق الجميع

[gadallanet]

السلام عليكم ، أنا عندى نوبيرا اوتوماتيك 2007 ، اشتريتها من سنتين و من حوالى 4 شهور بدأ يحدث الاآتى
أولا : العربية بترج عند بطء السرعى عند 20كم/ساعة و كأنها واخدة غيار غلط ، و ظبطت الواير عند ميكانيكى يعمل فى التوكيل ، و لكن العيب لم يختفى
ثانيا : بعد فترة بقت العربية تأخر و تعلق على الغيار الثانى و ده يبقى فى أول المشى بالعربية و بعد حوالى عشر دقائق الغيارات تبقى عادية و تنقل من الثانى للثالث بدون أى مشاكل
ثالثا : غيرت الزيت و نظفت الفلتر و لكن بقى الوضع كما هو عليه و نصحنى أكثر من ميكانيكى بتغيير الفتيس
فهل هذا هو الحل ؟ أو هناك حل آخر لأنى اول مرة أسمع عن موضوع حساس حرارة الزيت
كما أرجو من الاخ Solom esslam وضع رقم تليفونه لو سمحت الادارة بذلك لأنى أذهب الى المنصورة كثيرا و ممكن اشوف معاه هذا الموضوع

اللون الاحمر مخصص للادارة

يرجى مراجعة قوانين المنتدى

مشرف عام الكورى و الماليزى

[nagynassif]

عندى نوبيرا موديل 2005 اتوماتيك والمشكله انها لما تكون بارده نتاخر جامد فى الغيار من الثانى الى الثالث و بعد لما تنقل واجى اهدى او افرمل النقله مابترجعش من الثالث الى الثانى والعربيه بتترجرج ومابتفصلش الا لما ارجع الفتيس الى n او استنى عليها لما العربيه تهدى خالص
غيرت زيت فتيس وفلتر وبرضه مافيش فايده ورخيت سلك الكيك دون برضه مافيش فايده
ياريت راى المتخصصين لأننى خايف على الموتور من طول المشى على الثانى لغايه لما ينقل
ملحوظه :العربيه لما بتسخن بتبقى زى الفل ولا اكن فيها حاجه ونقلاتها بتكون طبيعيه جدا

[apoody]

السلام عليكم

انا عندى نفس المشكلة بس فى ليجانزا موديل 2000 انا لما اجى اطلع على ال D برحتى اسمع رجرجة وهيا بتنقل للثانى واما اجى اقف بردو تترجرج ظبط واير الفتيس الرجرجة راحت بس الثانى بيجى على طول ووراها المفاجئ يشتغل انا قرفت والله حد يعرفنى الحل اية لحسن والله انزل اولع فى ام العربية دى

[Phantommm]

انا معايا نوبيرا 2001 اوتوماتيك .. عندى مشكلة ان ال d مش بيعشق الا من تحت لفوق يعنى لازم انزل على ال 3 الاول و بعدين اطلع على ال d انما لو نزلت من ال n على ال d على طول ما يعشقش

[faroouq]

السلام عليكم

الرجاء المساعدة ..... عندي نوبيرا علبة سرعة اوتماتيك واير
السيارة مشية 200000 .... و علبة السرعة احيانا بصير فيها خبطة بين الغيار الثالث و الثاني ... و مش ديما ... اغلب الحالة دي بتصير لم يكون الغيار بنزول مش بطلوع ... يعني السيارة بتخفف السرعة .... و احياننا لما تكون بتزيد السرعة ...

[ahmed.zahra]

غالبا دي مشكلة بادي فالف

السلام عليكم

الرجاء المساعدة ..... عندي نوبيرا علبة سرعة اوتماتيك واير
السيارة مشية 200000 .... و علبة السرعة احيانا بصير فيها خبطة بين الغيار الثالث و الثاني ... و مش ديما ... اغلب الحالة دي بتصير لم يكون الغيار بنزول مش بطلوع ... يعني السيارة بتخفف السرعة .... و احياننا لما تكون بتزيد السرعة ...

[محمد دايو]

انا عندى نوبيرا 1 موديل 99 فيه صوت شخلله بيطلع اعتقد من الفتيس على النقله التانيه فقط وبعد كده يروح مع العلم ان الفتيس اتوماتيك والنقلات مظبوطه ومفيش تاخير وبيطلع رعشه كده على النقله التانيه وبتختفى بعد كده