كيف يمكن علاج الاصوات بداخل صالون السيارة

[lanos_power]

السلام عليكم
اولا كلنا بنتضايق من اصوات التزييق من صالون العربية سواء كان من الكراسى او فرش الابواب او التبلو
فانا دلوقتى عاوز اعرف هل فى حل للاصوات دى ولا خلاص نعود ودانا عليها

علما ان انا معايا لانوس 2006 و مجنط 14 185/60 بس اللى الغريب ان بحس ان العربية عفشتها ناشفة فى حالة الجنوط عنها فى حالة الجنوط الفبريكة

[waleedrahmy]

مقاس جنطك كده صح..................تعقب مصدر الاصوات صوت صوت وحاول انك تمنعه

[lanos_power]

مبدئيا بحس بصوت جاى من الشنطة من الناحية اليمين دا غير ان فى صوت زنة فى البابين اللى قدام و بيبقوا باينين فى حالة ان قافل ازاز العربية و بيختفوا لما افتح الازاز لحد الاخر

[yassin_samir]

العربية عايزة تتربط من التابلوة الابواب المفصلات بصفة عامة و د بسبب المطبات و الطرق الوحشة

[omar1978]

عندى نفس الاصوات وعايز حل

[khalid9411]

فضى الشنطة من كل شئ وجرب العربية وتابع الصوت ممكن شئ سايب
بالنسبة للزجاج فرش الباب يتفك ويتشافك ماكينه الرفع وكل شئ يتربط باصوله وخير ان شاء الله

[osama_ruan]

العربية عايزة تتربط من التابلوة الابواب المفصلات بصفة عامة و د بسبب المطبات و الطرق الوحشة

[Akram]

فضى الشنطة من كل شئ وجرب العربية وتابع الصوت ممكن شئ سايب
بالنسبة للزجاج فرش الباب يتفك ويتشافك ماكينه الرفع وكل شئ يتربط باصوله وخير ان شاء الله

كلام سليم , انا عملت كده عند واحد بتاع ببان , تربيط و تزييت و الدنيا اتحسنت كتير ,

[abo_lamar]

انا عندي صوت تزييق جاي من الكرسي بتاعي (بتاع السائق) وبصراحه بيضايقني اوي ومش عارف حله أيه ؟

[lanos_power]

انا برضة عندى نفس المشكلة فى كرسى السواق من حيث التزييق علما ان انا حاطت كسوة لفرش الفبريكة

[tompina]

أنا اللي عندي بقى يحرق الدم ..
مع المشي في شوارع غير ممهدة باسمع صوت (ترررررررن) كأنه آلة موسيقية ! بس غلسة شوية والصوت جاي من لا مكان وكل مكان !
جربت كل شيء من الزجاج والتابلوه .. واكتشفت إن سيخ الشنطة (الوغد !) بيخبط في المغناطيس بتاع السماعات الخلفية بفعل الجذب المغناطيسي وبعدها بيرد تاني مع الرجرجة ويخبط تاني .. زي بساتم العربية .. لما حرق دمي !

[wlelw2003]

عندى نفس الاصوات وعايز حل

[Nader_Mohamed]

انا اكتر صوت بيخنقونى بجد صوت قفل باب العربية والزجاج مفتوح بحس انى راكب عربية مخلعة من بعضها بس بجد نفسى فى حل للموضع دة بفكر اقلب الزجاج الامامى كهربا يمكن الوضع يتحسن شوية. يارت الى عندو حل للموضع دة يقلنا

[bshndi]

- السلام عليكم ورحمة الله وبركاته
1- بالنسبة لصوت الباب أنا معايا زيرو وبتعمل نفس الصوت عند قفل الباب والزجاج مفتوح "زجاج كهراباء" نصيحة حاول تتغاضي عن الصوت ده إلا إذا كانت عندك عربية تانية وهي بي إم أو مرسيدس هي دي إلي ما بتعملش صوت وإنت بتقفل الباب سواء الزجاج مفتوح أو مقفول أو حتي مش موجود :)
- بالنسبة لموضوع الصوت إلي جاء من كرسي السواق خاصة هؤلاء الذين قاموا بتركيب فرش وفك الكرسي وبناء علي خبرة شخصية بالموضوع (بعد تركيب فرش الأرضية) المعلمين إلي ركبوا الكرسي ما ربطوش كويس ويمكن كمان نسوا يحطوا الورد إلي تحت المسامير ، ودي تتفك وتتضبط تاني بمفتاح 5 ساقط - أو غاطس علي ما أظن .
- صوت العتب وده شيء بيخنق كل إلي راكبين لانوس ، كنت قرأيت أن أحد الأعضاء ملاهم فوم من عند بتوع التكييفات قمت سألته الفوم ده إسمه إيه ولا تمنه كام ولسه ماردش عليا من 5 أز 6 شهور وأنا مستني الرد لسه برده .
- أي صوت تاني هايبقي عرض مرضي ولازم بقي نسأل الخبراء نتعقبه إزاي - يعني في صوت معين كده في السقف لما تزود في السرعة تسمع زنة دي من اللمبه ومحدش عارف حلها إيه ، لدرجة إني لقيت جواها "ذبابه ناشفة " تخيلوا يا حضرات عربية زيرو جوه اللمبة بتاعتها وسبتها ومش عاوز أفك اللمبة علشان خاطرها ، كمان في صوت من عند المساحات عندما تكون علي سرعات عاليه "الحل تقرط شوية علي المساحات بس مش قوي علشان ما تبظش الدنيا
تحياتي وإحتراماتي

[Sherif Khalifa]

تزيق كرسى السائق كان عندى بسبب ان كلبس ربط الحزام
الصامولة الى ربطة الكلبس دا مهوية و بتزيق
ربطها كويس و رشبت w40