كيف يمكن علاج الاصوات بداخل صالون السيارة

[عصام غنايم]

الحل الشافى للاصوات
1 تربيط العفشه
2 تظبيط رجلاش مجر الزجاج وتشحيم ماكينات الزجاج
3 تربيط فرش الابواب كويس وتزييت المفصلات وتظبيط قفلت الباب يخليها محكومه شويه
4 ربط مراية الصالون بمفتاح الانكيه رفيع
5 ربط الرف الخلفى بتاع السماعات بمسامير سن صاج وطبعا احكام ربط السماعات
6 ظبط رجلاش الثلاث دواسات وتزييت مفصلاتهم
7 احكام قفلت الشنطه والكابوت برجلاش اكرهم
8 التشييك على مسامير ربط الكراسى وبخاصه الكنبه الخلفيه
9 فك الطابلوه واخراج العدادات ولصق خلفهم لصق وشين وبرده بين اجزاء الطابلوه وبعضها وتربط كويس وايضا تشيك على رباط فتحات التهويه بتاعت التكييف
10 لو عملت ال 9 نقاط دول ولسه فيه اصوات فى العربيه بيعها وريح نفسك

وسلامى للجميع

[beckeryahia]

علي الكاسيت جامد وانت مش هاتسمع اي حاجة :10d5c8~1107:وعييييش مع الـ اف ام:10d5c8~1107:

[lanos_power]

موضوع قفلت الباب دى اللى حاجة غريبة يعنى فى عربية زى الشاهين مثلا صوت قفلت بابها احسن بكتير من صوت قفلت باب اللانوس دى حاجة غريبة
تانى حاجة المشكلة انى بحاول باقصى قدرة ليا انى مخليش العربية تلبس بلاعة او نقرة لدرجة انى باخد الاى كات بالراحة اينعم انا اشتريت عربيتى مستعملة و الله اعلم اللى قبلى كان بيعمل فيها اية بس برضة انا اساسا اول ما بدور العربية الصبح بلاقى فى صوت زنة فى البابين اللى قدام و مش بيروحوا الا لما افتح الازاز طيب انا اعمل اية فى دى
و بالنسبة للصوت اللى ورا انا فضيت الشنطة من اى حاجة ممكن تعمل صوت عشان اتاكد اينعم حسيت بفرق طفيف بس برضة لسة فى الصوت
الفكرة كلها دى كلها عربيات مبالهاش 5 سنين على الارض امال لو كانت زى الريجاتا اللى كانت معايا موديل 85 كان هيحصلها اية هنلاقى العربية صوتها من جوة زى الحصالة بتشخلل

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

يرجى مراعاة الدقه فى كتابة لفظ الجلاله

مشرف القسم