لانوس تلاته سلندر !!!

[heshamtaher]

عربيتى بقالها فترة المحرك فيه رعشه جامدة سواء فى السلانسيه او المشى على سرعة منخفضه مع ضعف واضح فى سحب العربية واستهلاك عاى للبنزين.

توقعت أن يكون السبب فلتر البنزين مسدود فيسبب تدفق غير منتظم للبنزين و لكنى لسة مغيرة قريب فأستبعد هذا السبب.

توقعت أن يكون السبب البوجيهات و لكنى لسة مغيرها قريب فأستبعد هذا السبب.

توقعت أن يكون السبب أسلاك البوجيهات فرحت أكشف عليها فقام الميكانيكى بخلع أسلاك البوجيهات مع التحقق من حدوث شرارة بين الكابل و جسم المحرك بمجرد خلع الكابل.

الثلاث كابلات الأولى تمام طلعوا شرارة اما الرابع مفيش

جاب الراجل كابل آخر من عندة و ركبة مكان هذا الكابل و برضة مفيش

قام جرب الكابل اللى مابيطلعش شرارة فى مخرج آخر من البوبينة اشتغل و طلع شرارة.

وكانت المفاجأة الغير سارة و الغير متوقعة بالنسبة لى و هى ان البوبينة نفسها هى اللى بايظة

و البوبينة دى جزء مطبوخ على بعضه ماينفعش فيه صيانة او اصلاح

والميكانيكى قال لى ان العربية دلوقتى ماشية بتلاتة سلندر فقط و البوبينة محتاجه تتغير.

سألت عن ثمن البوبينة الأصلية(عليها العلامة المائية بتاعة الـ GM و مكتوب عليها بالبارز DAC) طلع 500 جنية

فية منها كورى تقليد الـ GM طلع من 205 الى 250 جنية

فية منها ايطالى بـ 350 جنية

فية منها نوع صينى شكله مضروب كان ثمنه من 170 الى 195 جنية

سألت على البوبينة الاستيراد واحد قال لى فى حدود 250 جنية

ماذا تفعل لو كنت مكانى؟

هل الاستيراد كويس فى حاجة زى كدة أم أجيب أصلى أبو 500 جنية ولا أعمل أية؟

[ahmedsrs]

هات الاصلى وسيبك من المضروب

[heshamtaher]

هات الاصلى وسيبك من المضروب

الحقيقة أنا ميال لهذا الرأى و لكن ثمن البوبينة الأصلية كان صدمة بالنسبة لى

[Mohamed.Fawzy]

الحقيقة أنا ميال لهذا الرأى و لكن ثمن البوبينة الأصلية كان صدمة بالنسبة لى

معلش الثمن غالى شويه

بس هات الأصلى و ريح دماغك و ربنا يوفقك

[mmffor]

الكوري حلو و هي اساسا كوري!!!

[hossam_elwani]

بس اعتقد اعيب ده بشترك فيه الاسبراتير مش الموبينة؟؟؟

[heshamtaher]

معلش الثمن غالى شويه

بس هات الأصلى و ريح دماغك و ربنا يوفقك

شكرا لكم على التفاعل

المشكلة دلوقت ان السوق مليان حاجات مضروبة كتير.

يعنى شفت نوع عند محل علبته لونها بيج و عليها ستيكر GM بعلامه مائيه اما جسم البوبينه نفسها مش مكتوب عليها GM و لكن مكتوب عليها DAC بالبارز و الراجل قال لى تعرف الأصلى من العلامه المائيه ومن ارقام سيريال مختومه على قطعه حديد فى ظهر البوبينه.

وورانى نوع تانى علبته برضه بيج و مكتوب عليها GM و مكتوب عليها Made in Korea ولكن قال لى دى صناعه صينى.

لما مسكتها بايدى كان تقفيلها زباله شويه عند الـ pins بتاعه مخارج البوبينه.

رحت لمحل تانى سألت عنده فجاب لى علبه لونها كحلى و مكتوب عليها GM و Made in Korea و كان البوبينه نفسها مختوم عليها كتابتا كلمه DAC و كان على ظهرا مطبوع Made in Korea بدون رقم سيريال.

واحد تانى قالى ان البوبينه الأصليه علبه مبرشمه لونها بيج و عليها بادج GM , Mansour و كانت بـ 500 جنيه برضه.

أصدق مين؟

[mmffor]

لو كلهم معليهمش ضمان يبقى كلهم مضروبين . انا لو منك اشتري الارخص

[heshamtaher]

بس اعتقد اعيب ده بشترك فيه الاسبراتير مش الموبينة؟؟؟

انا اللى أعرفه فعلا ان الاسبراتيرهو اللى بيوزع الشرارة على البوجيهات وبيكون داخله عمود دوار بيلمس اثناء دورانه فى الأطراف الواصله بالبوجيهات(أعتقد دة فى نظام الكاربراتير).

الجزء اللى الراجل طلع فيه العيب كان له كوردة تغذيه (فى الغالب من الـ ecu) و له اربع مخارج اسطوانيه كل واحد منهم واصل بالبوجيه بتاعه عن طريق كابل.

بس واضح ان دة الأسم المتعارف عليه عندهم وعند محلات قطع الغيار.

[heshamtaher]

لو كلهم معليهمش ضمان يبقى كلهم مضروبين . انا لو منك اشتري الارخص

المشكله ان حاجات الكهرباء دى عامله زى البطيخه ما تضمنش اللى جواها حتى لو كان شكلها كويس و الميكانيكى قال لى حاجات الكهرباء بالذات زى البوبينه ما تضمنش عمرها و متقدرش تقول هتعمر معاك قد ايه.

[heshamtaher]

الكوري حلو و هي اساسا كوري!!!

فيه كورى يصنع لخط التجميع فى مصنع السيارات و دة بيكون الأفضل و فيه كورى يصنع ل GM كقطع غيار و دة أعتقد مش بيكون بكفاءة الأول و فيه كورى مضروب و متصنع اصلا فى الصين و أهو كله مكتوب عليه Made in Korea .

[kareembelal]

قبل ما تدورعلي الموبينه دور علي اللي هاتشتري منه الموبينه واختار بائع ضميره اصلي

او شوف له واسطه حد يكون يعرفه

لان الصين صدرت لمصر ضمائر صيني والمستوردين استوردوا قطع غيار تحمل نفس اسم القطع الاصليه وذلك عن عمد بقصد الاضرار والتربح

او اخلع الموبينه القديمه وقارن بينها حرفيا وبين الجديده

[dr_mak]

كلللللللللللللة مضرووووووووووووب ..... جيب الصيني ام 170 جنية
انا مركبها وبقالها سنة ماشية مفيهاش حاجة لان ام 500 جنية زي الي ب170 كلة صيني

[heshamtaher]

قبل ما تدورعلي الموبينه دور علي اللي هاتشتري منه الموبينه واختار بائع ضميره اصلي

او شوف له واسطه حد يكون يعرفه

لان الصين صدرت لمصر ضمائر صيني والمستوردين استوردوا قطع غيار تحمل نفس اسم القطع الاصليه وذلك عن عمد بقصد الاضرار والتربح

او اخلع الموبينه القديمه وقارن بينها حرفيا وبين الجديده

كلامك زين.

[heshamtaher]

كلللللللللللللة مضرووووووووووووب ..... جيب الصيني ام 170 جنية

انا مركبها وبقالها سنة ماشية مفيهاش حاجة لان ام 500 جنية زي الي ب170 كلة صيني

ودى كانت مكتوب عليها Made in China صراحتا؟ و البوبينه الأولى قعدت معاك كام سنه أو كام كيلومتر؟