لانوس تلاته سلندر !!!

[heshamtaher]

http://www.nilemotors.net/nile/68807-a.html

mmamdouh

ألف شكر يا زعيم و جارى التعامل مع الموقف.

[mido70007000]

هات الاصلى احسن

[medomezo]

لو انت قريب من شارع دمشق(مصر الجديدة) اسال عند نافع ناس محترمه جدا جدا

[heshamtaher]

اشترى دمغك و نفسك بدل متكون ماشى مثلا فى حتة مقطوعه او مسافر و تعملها معاك و رح عند منصور فى صور نادى الذمالك و اشترى من عندة الله ما بلغت

أنا طلبت منصور بتاع شارع الطيران علشان هو أقرب لى و سألت على البوبينه بتاعه اللانوس فقال لى الأصلى بـ 640 جنيه
فقلت له هى نوعها dac ولا daewoo
فقال لى لأ هى gm و بعدين هى عربيتك ايه؟
قلت له دايو لانوس
قال يبقى بـ 640 جنيه برضه بس بدون ضمان.

ساعتها حسيت انه بيتكم بعنصريه سخيفه و كأن اللى معاهم دايو لانوس لا يستحقون العيش تحت جناح منصوربتاع الشيفروليه وأى رجل أعمال لو عايز يكسب زبون لازم يعامل الناس بأسلوب متحضر أحسن من كدة مش يحسسه أنه منبوذ لأنه معندوش شيفروليه.

[heshamtaher]

ملهاش دعوة بالحركة بس عادي هي بتتضعف مع الوقت ....بس على كلامك يبقى انت لو عمرك ماغيرتش السلك هبقى هو دة الي ضرب الموبينة

لا ياباشا أنا رجعت بالذاكرة لورا (بس الحمد لله مخبطش فى حاجه) و افتكرت السبب ان المتخلف اللى غسل لى شاسيه العربيه فى بنزينه وطنيه اللى جنب مسجد السلام المفروض قبل ما يرفع العربيه على الكوريك يعزل البوبينه و كمان علبه الفيوزات علشان الحاجات دى بتبوظ من الميه و ده محصلش و من ساعتها و أنا حاسس ان العربيه مبرجله و مش مظبوطه.

[heshamtaher]

لو انت قريب من شارع دمشق(مصر الجديدة) اسال عند نافع ناس محترمه جدا جدا

فعلا طلبته بالتليفون بس محدش رد عليا ساعتها.

[heshamtaher]

الحمد لله ربنا و فقنى بمساعدتكم انى اجيب بوبينه لانوس أصلية من عند أبو الحسن بـ 450 جنيه و كمان جبت معاها أسلاك بوجيهات أصليه بـ 130 جنيه (الكورى بتاعها كان بـ 40 جنيه بس) لكن قلت ياللا خليه كله أصلى.

و بعد كدة رحت للميكانيكى ركبهم و حطيت العربية كمان على السكانر و الحمد لله كله تمام دلوقت.

الحقيقه يا جماعه انا فى المنتدى هنا حاسس انى وسط أخواتى. الكل بيقدم المشورة و النصيحه بإخلاص و أنا مش عارف أشكركم أزاى.

ربنا يجازيكم عنى كل خير

أنا صورت شكل البوبينه الأصليه وعلبتها و هارفعهم على المنتدى ان شاء الله على طول لما أنزلها من على الكاميرا.

[dr_mak]

الف مبروك يا باشا ....بس ياريت تغير سلك البوجيهات بعد كدة علشان تحافظ على الموبينة الجديدة

[mahamedaraby]

معلش هو ايه معدل تغير سلك البوجهات للعربيه

يعنى بتغير كل اد ايه مع كل مره بتغير البوجهات ولا كل مرتين ولا كل اد ايه ؟

[MMamdouh]

السلك بيتغير لما يتلف... ملوش ميعاد محدد او كيلومترات معينة

MMamdouh

[heshamtaher]

الف مبروك يا باشا ....بس ياريت تغير سلك البوجيهات بعد كدة علشان تحافظ على الموبينة الجديدة

الله يبارك فيك و حصل فعلا يا ياشا و غيرت أسلاك البوجيهات و ربنا يبارك فى الموجود و يكفينا شر الخسائر.

[heshamtaher]

دة شكل البوبينه الأصليه و لاحظ كلمه dac بالبارز (البوبينه المضروبه مكتوب عليها dac مطبوعه باللون الأبيض)



ودة ظهرها و لاحظ السيريال المكتوب عليه(البوبينه المضروبه مكتوب على ظهرها made in korea بدلا من السيريال)



لاحظ العلامه الزرقاء (يقال انها موجودة فى الأصلى فقط)



ودة شكل العلبه و الأستيكر عليها