مشكلة خطيرة فى الدركسيون

[3ateef]

بسم الله الرحمن الرحيم


السلام عليكم....


فى الأول كانت العربية بتحدف شمال..رحت ظبّط زوايا وقلت خلاص كده الحدفة بالسلامة...

بس فوجئت ان الحدفة لسه موجودة !!!

وبعد التدقيق لقيت ان عشان العربية تمشى فى خط مستقيم الدركسيون بيبقى مكسور سنه ناحية اليمين..

ولو فى المكان الطبيعى ((يعنى متوسطن بالمللى)) العربية بتحدف شمال..

ومشكلة المشكلة ان لما بعدى ال 100 كم/ساعة بحس ان الدنيا بقت ابيض واسود وعشان امشى بصورة مستقيمة

بفضل اكسر الدركسيون يمين وشمال على خفيف,,وغير كده لما عربية بتعدى من جنبى ببدأ اعوّم على خفيف...

وآخر حاجة لاحظتها ان فى صوت جاى من العلبة بتاعت الدركسيون ((اللى الطارة ماسكة فيها)),,الصوت عامل زى

ما يكون فى سوستة حديد موجودة من جوة وعمالة ترن بصوت واطى...



متأسف على الأطالة,,,تحياتى للجميع....

[gamal_tx]

احتمال يكون الكاوتش الامامى بدل اماكن العجل وشوف حتمشى معاك ازاى

[tuttoo]

اضبط الزوايا مرة تانية بس غير بتاع الزوايا اللي حضرتك روحتلة وابدأ ضبط الزوايا علي الوضع السليم للطارة

[sniperfox]

دى مشكله فى علبت الدريكسيون روح اكشف عليها

[alexcdx]

مليون فى الميه عمود صليبه الديركسيون عايز يتغير ده عيب مشهور فى النوبيرا
تمنه 450 جنيه كامل و سيبك من فتاوى شغل الخرا طه العمر مش بعزقه
على فكره الميكانيكى بتاعى عنده واحده أستعمال خارج بحاله جيده جدا كامله 2 صليبه + العمود

[3ateef]

احتمال يكون الكاوتش الامامى بدل اماكن العجل وشوف حتمشى معاك ازاى

الكاوتش الأمامى لسه جديد يا باشا....

اضبط الزوايا مرة تانية بس غير بتاع الزوايا اللي حضرتك روحتلة وابدأ ضبط الزوايا علي الوضع السليم للطارة

يا مسهل يا باشا,,,بس انا حاسس ان ده مش حيجيب نتيجة...

دى مشكله فى علبت الدريكسيون روح اكشف عليها

بيتكشف عليها عند مين ؟؟؟!!!,,,ميكانيكى ؟؟,,كهربائى ؟؟؟ ولا واحد بتاع عفشة p:

وغير كده يا بشوات الدركسيون ناعم وخفيف بصورة تثير الشك والريبة....

افيدونى بارك الله فيكم....

[3ateef]

مليون فى الميه عمود صليبه الديركسيون عايز يتغير ده عيب مشهور فى النوبيرا
تمنه 450 جنيه كامل و سيبك من فتاوى شغل الخرا طه العمر مش بعزقه
على فكره الميكانيكى بتاعى عنده واحده أستعمال خارج بحاله جيده جدا كامله 2 صليبه + العمود

الف شكر على الافادة يا باشا...

[احمد المصرى]

بسم الله الرحمن الرحيم


السلام عليكم....


فى الأول كانت العربية بتحدف شمال..رحت ظبّط زوايا وقلت خلاص كده الحدفة بالسلامة...

بس فوجئت ان الحدفة لسه موجودة !!!

وبعد التدقيق لقيت ان عشان العربية تمشى فى خط مستقيم الدركسيون بيبقى مكسور سنه ناحية اليمين..

ولو فى المكان الطبيعى ((يعنى متوسطن بالمللى)) العربية بتحدف شمال..

ومشكلة المشكلة ان لما بعدى ال 100 كم/ساعة بحس ان الدنيا بقت ابيض واسود وعشان امشى بصورة مستقيمة

بفضل اكسر الدركسيون يمين وشمال على خفيف,,وغير كده لما عربية بتعدى من جنبى ببدأ اعوّم على خفيف...

وآخر حاجة لاحظتها ان فى صوت جاى من العلبة بتاعت الدركسيون ((اللى الطارة ماسكة فيها)),,الصوت عامل زى

ما يكون فى سوستة حديد موجودة من جوة وعمالة ترن بصوت واطى...



متأسف على الأطالة,,,تحياتى للجميع....

انا عندى نفس العيب بس العربيه مش بتحدف بس الدركسيون على طول معووج سنه بسيطه ودى خنقانى جدااااااااااااااااااااااااااااااااااااااااااااا

[Sherif Khalifa]

ابداء بالحلول البسيطة
1- زبط زوايا و بعد ما بظبط الطارة ليها رجلاش من تحت بيفضل يلف لحد ما الطارة تظبط فى النص (متخلش حد يقولك افكلك الطارة )
2- غير وضعية الكويتش (ممكن تكون الجنوط فيها رفة)
3- شيك از كان فى بوش فى صليبة الدركسيون (العفشجى يبص عليها)

[3ateef]

ابداء بالحلول البسيطة
1- زبط زوايا و بعد ما بظبط الطارة ليها رجلاش من تحت بيفضل يلف لحد ما الطارة تظبط فى النص (متخلش حد يقولك افكلك الطارة )
2- غير وضعية الكويتش (ممكن تكون الجنوط فيها رفة)
3- شيك از كان فى بوش فى صليبة الدركسيون (العفشجى يبص عليها)

بارك الله فيك يا باشا....

[haimaN]

مليون فى الميه عمود صليبه الديركسيون عايز يتغير ده عيب مشهور فى النوبيرا
تمنه 450 جنيه كامل و سيبك من فتاوى شغل الخرا طه العمر مش بعزقه
على فكره الميكانيكى بتاعى عنده واحده أستعمال خارج بحاله جيده جدا كامله 2 صليبه + العمود

++++++1

[wlelw2003]

انا كان عندي نفس العيب بس بدلت مكان الفردتين الاماميتين و ظبط زوايا و الامور بقت تمام جرب و ان شاء الله تبقى تمام

[3ateef]

رحت لواحد عفشجى قاللى حنشيل البيضات وننضفهم ونلمعهم ونزيتهم ونشحمهم واظبطلك زوايا وآخد منك 140 جنية بس ,,,وبأذن الله المشكلة حتروح......

[faron525]

رحت لواحد عفشجى قاللى حنشيل البيضات وننضفهم ونلمعهم ونزيتهم ونشحمهم واظبطلك زوايا وآخد منك 140 جنية بس ,,,وبأذن الله المشكلة حتروح......

مع احترامي ليك العفشجي ده بتاع اشتغالات 140 جنيه ليه يعني ؟؟؟؟؟؟؟؟

بالنسبة للدريكسيون انت ممكن تعدله بنفسك كالاتي :-
- فك الغطاء بتاع الكلاكس اللي في الدريكسيون
- هتلاقي صمولة ( فكها ) بس تكون ظابط العجل الامامي علي العدل
- اخلع الدريكسيون من المشرشر
-وخليه علي الوضعية الصح وركبه في المشرشر واربط الصمولة وكده موضوع الدريكسيون تمام

اما بقي المشكلة تروح لحد بتاع زوايا محترم هيعرف العيب منين بسهولة وهو الوحد اللي هيفيدك

وابقي قولنا عملت ايه

[3ateef]

مع احترامي ليك العفشجي ده بتاع اشتغالات 140 جنيه ليه يعني ؟؟؟؟؟؟؟؟

بالنسبة للدريكسيون انت ممكن تعدله بنفسك كالاتي :-
- فك الغطاء بتاع الكلاكس اللي في الدريكسيون
- هتلاقي صمولة ( فكها ) بس تكون ظابط العجل الامامي علي العدل
- اخلع الدريكسيون من المشرشر
-وخليه علي الوضعية الصح وركبه في المشرشر واربط الصمولة وكده موضوع الدريكسيون تمام

اما بقي المشكلة تروح لحد بتاع زوايا محترم هيعرف العيب منين بسهولة وهو الوحد اللي هيفيدك

وابقي قولنا عملت ايه

هو فى الأول اقنعنى لما قعد يجرب حاجات كده,,,,,بس لما رجعت البيت وفكرت قلت لنفسى هو حياخد 120 جنية على ايه يعنى ((20 تظبيط زوايا))

ووالله اعلم ممكن البيضات تكون بتأثر على الدركسيون ,,,بس مفتكرش انها تكون السبب فى ان الدركسيون يكون خفيف ومش مظبوط بالشكل ده...



بالنسبة يا باشا لغطاء الكلاكس مفتكرش انى حعرف افكه,,,ولما انزل العربية ححاول بأذن الله...

شكرا على المداخلة الكريمة.....