إعـــــــلان

Collapse

.

,
See more
See less

تعبت مع الدايو ليجانزا و اعطالها و ارجو المساعدة العاجلة

Collapse
X
 
  • Filter
  • الوقت
  • Show
Clear All
new posts

  • #16
    ياريت تبقى تكبر الخط حاجه بسيطه بعد كده

    وبالنسبه للمفتاح ده فهو موجود تحت السيلكتور

    ومن أشارته

    وحدة التحكم بتقدر تتحكم فى توقيت الشراره وهواء السلانسيه ( على الأوضاع p & n )

    وفعلا ياريت تحاول تنظفه وتركبه تانى

    أحتمال يكون الطرفين بتوعه مملحين فعلا ومحتاجين نظافه ( حتلاقيهم سلك لونه أحمر والتانى أسود )

    وأشارته مش مظبوطه لوحدة التحكم

    ومن هنا بيحصل الخلل اللى بيجى معاك أحيانا وقت أستعمال الفرامل

    لدخولك فى مرحلة سلانسيه

    ______________

    بالمناسبه أيه أخبار المكنه معاك على السلانسيه وأنت حاطط السيلكتور على ال p & n

    ال rpm بيبقى ثابت فى كل مره بدور فيها

    ولا ساعات ساعات

    Comment


    • #17
      على فكره

      حتلاقى الطرف الأسود للأتصال الأرضى مع جسم السياره وممكن

      يكون مملح فعلا وعامل أتصال أرضى ردىء مع مجموعة الأرضى أو

      مكان أتصاله بجسم السياره من تحت السيلكتور

      والطرف الأحمر بتاع أشارة وحدة التحكم


      غالبا العيب على وصفك وملابسات الموضوع

      أنا أتوقعه بسبب السلك الأسود

      عامل أرضى وحش مع جسم السياره ومبوظ أشارة المفتاح

      Comment


      • #18
        يا باشمهندس سمير
        p/n ده ما لهوش علاقه نهائى طالما أن العربيه دايره خلاص يعنى ممكن و العربيه دائره احط السيلكتور على أى وضع من السبع أوضاع والعربيه عمرها ما حتبطل. الكلام ده فى بدايه الدواره فقط . ماتدورش العربيه غير على وضع p او n فقط والا يتم فصل دائره الكونتاكت.
        فى لبس فى موضوع الشكوى أن عربيه الأستاذ بتبطل مع نزول ال rpm مش مابتدورش و الليجنزا مافيهاش ايدل كنترول موتور منفصل كله حته واحده فى مجموعه ال tps.
        لو حضرتك من القاهرة الأستاذ محمد ممدوح ممكن يرشحلك ميكانيكيه كويسين جدا لأن أنا من أسكندريه.
        [RIGHT][FONT=Arial]“Try not to become a man of success, rather a man of value” [/FONT][FONT=Arial][B][I]Albert Einstein[/I][/B][/FONT][/RIGHT]
        [CENTER][SIGPIC][/SIGPIC][/CENTER]

        Comment


        • #19
          السلام عليكم و رحمة الله و بركاته,

          بص يا أستاذ أحمد, أنا قعدت تقريبا 4 شهور فالمشكلة دي بالضبط بس في عربيتي الفيكترا...

          عملت زيك برده كل حاجة يقول عليها الميكانيكي والكهربائي كنت بغيرها.... و في الاخر مايطلعش العيب فيها.... و على فكرة كل المشاكل اللي عندك دي ممكن تبقى نتيجة لحاجة تانية محدش عارفها....

          على العموم أنا هسالك سؤال يمكن يكون عندك نفس العيب اللي كان عندي ...

          (استهلاك بنزين علي جدا) هل العربية عندك بتنقط بنزين من أي مكان؟

          لو فعلا في بنزين بينزل من العربية يبقى دي تقريبا نفس مشكلتي ويمكن يكون نفس الحل كمان إن شاء الله ... شوف كده و إن شاء الله خير....

          الله كريم,

          Comment


          • #20
            الاخ mgboss هو فعلا مرة فولت و لاحظت نزول بنزين من جهة التانك و روحت للميكانيكى و غير الاولسية الموجود تحت الكنبة الخلفية و اعتقد انه من بعد كده لا يوجد تسريب.
            بالمناسبة ايه العيب اللى كان عندك و كيف عالجته لعل و عسى يوضحلى و يقربلى الصورة بالنسبة للعيب اللى عندى و لك جزيل الشكر
            [FONT=Arial Black][B]ان شجرة الحرية يجب ان تروى من حين لاخر بدماء الوطنيين و الطغاة[/B][/FONT]
            [FONT=Arial Black]فتحية لدماء الشهداء و احذروا ايها الطغاة[/FONT]

            Comment


            • #21
              السلام عليكم و رحمة الله و بركاته,

              المشكلة تتلخص في إن فجأة بدأت الاحظ إن العربية ال RPM بتاعها مش مظبوط .. مبرجل شوية وبعدين تطفي ... وفي البرجلة دي بأحس إنها مش عارفة تمشي ولا تقف ... ومن هنا بدأت رحلة العذاب .... كنت أفول العربية والبنزين يخلص في 5 أيام وماكنتش بمشي بيها غير يومين تلاتة في الأسبوع و مسافات مش كبيرة... بدأت اراقب النقطة دي لحد لما لقيت العربية بتجيب بنزين من فوق العجلة اللي قدام على اليمين ودي كانت المرحلة التانية وخدت الشهر الاخير من أرْبع شهور وطبعا في الفترة دي كلها عديت على Automaster (مركز صيانة معتمد) و مركزين لمنصور أوبل و 2 في الحرفيين و واحد في مدينة نصر (و كل واحد في دول ليه قصة معايا لدرجة إني عمري ما هفكر اشتري أوبل تاني بسببهم).... و طبعا لك ان تتخيل... ودي كانت أول مرة أعرف مكان الحرفيين....

              المهم... بعد لما حاجات كتير اتفكت واتغيرت (و هي أساسا سليمة) .... واحد بلية صغير مد ايده في تنك البنزين و عدل ماسورة راجع ضغط التنك ... هي المفروض تبقى بَصة لفوق عشان تاخد ضغط الهوا... لأ دي بقى كانت عاملة زي الشاليموه بتشفط البنزين و تحدفو على ال Vacuum Tank و يتملي بنزين ويبعت على حساس الهوا تقوم العربية مبرجلة و طافية ....

              الجميل بقى إن قبل الحوار ده كله بشهر واحد بس كنت مغير ترومبة البنزين في اوتوماستر... و حسبي الله و نعم الوكيل...

              المهم يا رب أكون افادتك في حال مشكلتك....

              الله كريم,.

              Comment


              • #22
                يا باشمهندس سمير
                p/n ده ما لهوش علاقه نهائى طالما أن العربيه دايره خلاص يعنى ممكن و العربيه دائره احط السيلكتور على أى وضع من السبع أوضاع والعربيه عمرها ما حتبطل. الكلام ده فى بدايه الدواره فقط
                هو أنا قولت مابدورش ياهندسه زى مابتفقول كده

                ولا أنا بأتعامل وأتوقع ما يحدث من تبطيل على هذا الأساس

                أنا عارف أن العربيه بدور بسب بتبطل منه وهو داخل على سلانسيه

                يعنى داخل على ال n

                وطالما داخل جهة شغل الزبون ده ( مفتاح ال p/n )

                يبقى من المتوقع أن يكون سبب لما يحدث مع الأخ : أحمد

                ياريت تراجع الموضوع تانى بصوره أعمق

                لأن فيه فرق بين

                مابدورش من الأساس

                وفرق أنها دارت خلاص وبأت تمام

                وممكن تعلق تانى وتبطل وأنا داخل على سلانسيه أو خمول فى السرعه

                وهنا بتوجد وطيفة مفتاح ال p/n

                فلو بيعلق وبيعملها مع حركة السيلكتور على ال p أو ال n

                يبقى وارد يكون ليه دخل

                لأن لو وحدة التحكم مفهمتش من أشارته وضع السيلكتور

                ممكن العربيه تبطل على الأوضاع دى

                كلامى طبعا نوع من الأحتمالات ( بس وارد فنيا )

                نظرا لدور المفتاح ده فى عملية التحكم

                Comment


                • #23
                  أما بالنسبه للتبطيله مع الفرامل (هو عيب مشهور فى اليجانزا ) من tps أو حساس البوابه عاوز يترجلج (يتقدم شويه)
                  مكانش يبقى حتغيره
                  ياريت تفهنا كده ياهندسه طريقة رجلشة حساس ال tps

                  فى الليجانزا أو الدايو

                  وأيه اللى يخللى المكنه تبطل بعد مادارت بسبب رجلشة الtps

                  وأكون شاكر ليك برضه

                  لأن أنا عارف أنك أستاذ : فى أعمال الأسكانر

                  وأهو نطلع بحاجه جديده برضه

                  Comment


                  • #24
                    المشاركة الأصلية كتبت بواسطة mgboss مشاهدة المشاركة
                    السلام عليكم و رحمة الله و بركاته,

                    المشكلة تتلخص في إن فجأة بدأت الاحظ إن العربية ال RPM بتاعها مش مظبوط .. مبرجل شوية وبعدين تطفي ... وفي البرجلة دي بأحس إنها مش عارفة تمشي ولا تقف ... ومن هنا بدأت رحلة العذاب .... كنت أفول العربية والبنزين يخلص في 5 أيام وماكنتش بمشي بيها غير يومين تلاتة في الأسبوع و مسافات مش كبيرة... بدأت اراقب النقطة دي لحد لما لقيت العربية بتجيب بنزين من فوق العجلة اللي قدام على اليمين ودي كانت المرحلة التانية وخدت الشهر الاخير من أرْبع شهور وطبعا في الفترة دي كلها عديت على Automaster (مركز صيانة معتمد) و مركزين لمنصور أوبل و 2 في الحرفيين و واحد في مدينة نصر (و كل واحد في دول ليه قصة معايا لدرجة إني عمري ما هفكر اشتري أوبل تاني بسببهم).... و طبعا لك ان تتخيل... ودي كانت أول مرة أعرف مكان الحرفيين....

                    المهم... بعد لما حاجات كتير اتفكت واتغيرت (و هي أساسا سليمة) .... واحد بلية صغير مد ايده في تنك البنزين و عدل ماسورة راجع ضغط التنك ... هي المفروض تبقى بَصة لفوق عشان تاخد ضغط الهوا... لأ دي بقى كانت عاملة زي الشاليموه بتشفط البنزين و تحدفو على ال Vacuum Tank و يتملي بنزين ويبعت على حساس الهوا تقوم العربية مبرجلة و طافية ....

                    الجميل بقى إن قبل الحوار ده كله بشهر واحد بس كنت مغير ترومبة البنزين في اوتوماستر... و حسبي الله و نعم الوكيل...

                    المهم يا رب أكون افادتك في حال مشكلتك....

                    الله كريم,.
                    على فكره أنا مع الكلام ده أن العيب من الوارد أيضا

                    أن يكون قادم من دايرة البنزين

                    ولكن من جهة خط الفائظ

                    على أساس أن ممكن تكون الخطوط فيها هواء كتير ومع حرارة الجو بتدخل خطوط البنزين فى ظاهرة ال vapour lock بسبب الأبخره العاليه وتبخر البنزين الكتير ( هواء ببنزين كتير فى الخطوط )

                    ومع نقصان مدة حقن البنزين وقت السلانسيه من الرشاشات ( أى وهو بيفرمل )

                    بتبطل المكنه والأخ : أحمد داخل على السلانسيه

                    على أساس أن الرشاشات بتبقى بتبخ هواء وبنزين متفتف

                    وهنا ضعف الحمل اللى ممكن يخللى أجدع مكنه تبطل

                    Comment


                    • #25
                      انا اميل اكثر الى ان العيب فى دورة الوقود و الملاحظ ان استهلاك البنزين عالى (27 لتر فى 170 كم ) بالرغم من ان الرشاشات سليمة و تم تنظيفها و لا يوجد اى تسييل و لماذا لا اجد تفسير ان هذه التبطيلة لا تحدث الا خلال الربع ساعة الاولى من تشغيل العربية و ذلك بعدما تكون العربية مركونة مثلا الليل باكمله اى باختصار ان التبطيلة تحدث والعربية لم تصل الى حرارتها و لسه بتسخن حيث لما تيجي تزود بنزين علشان متبطلش تلاقيها مكتومة و كانك مش دايس بنزين و مفيش استجابة و تروح مبطلة هل ممكن يكون فيه مشكلة و الماكينة باردة او فى البنزين و دورته اى بتكون العربية شرقانة
                      فى ملحوظة فى اوقات السيارة بتدور من اول مرة و فى اوقات ممكن تقعد من 3 الى 6 مرات علشان تدور ايه السبب
                      [FONT=Arial Black][B]ان شجرة الحرية يجب ان تروى من حين لاخر بدماء الوطنيين و الطغاة[/B][/FONT]
                      [FONT=Arial Black]فتحية لدماء الشهداء و احذروا ايها الطغاة[/FONT]

                      Comment


                      • #26
                        المشاركة الأصلية كتبت بواسطة ahmedjumpo مشاهدة المشاركة
                        انا اميل اكثر الى ان العيب فى دورة الوقود و الملاحظ ان استهلاك البنزين عالى (27 لتر فى 170 كم ) بالرغم من ان الرشاشات سليمة و تم تنظيفها و لا يوجد اى تسييل و لماذا لا اجد تفسير ان هذه التبطيلة لا تحدث الا خلال الربع ساعة الاولى من تشغيل العربية و ذلك بعدما تكون العربية مركونة مثلا الليل باكمله اى باختصار ان التبطيلة تحدث والعربية لم تصل الى حرارتها و لسه بتسخن حيث لما تيجي تزود بنزين علشان متبطلش تلاقيها مكتومة و كانك مش دايس بنزين و مفيش استجابة و تروح مبطلة هل ممكن يكون فيه مشكلة و الماكينة باردة او فى البنزين و دورته اى بتكون العربية شرقانة
                        فى ملحوظة فى اوقات السيارة بتدور من اول مرة و فى اوقات ممكن تقعد من 3 الى 6 مرات علشان تدور ايه السبب
                        مفيش شرقان عندنا فى الدايو أو فى الحقن الألكترونى عامة

                        الشرقان بيكون فى أنظمة الكربوراتير زى ال 128 وأعوانه

                        Comment


                        • #27
                          امال ايه تفسيرك يا بشمهندس سمير لما ذكرته و خصوصا فى اخر مشاركة
                          [FONT=Arial Black][B]ان شجرة الحرية يجب ان تروى من حين لاخر بدماء الوطنيين و الطغاة[/B][/FONT]
                          [FONT=Arial Black]فتحية لدماء الشهداء و احذروا ايها الطغاة[/FONT]

                          Comment


                          • #28
                            أنت عملت أسكانر فى مكان كويس

                            يا أستاذ : أحمد ولا لا

                            ياريت تعمل أسكانر فى مكان محترم

                            وتجيب أكواد الأعطال اللى طلعت معاك ونفكر فيها سواء

                            لأن اللى معاك ده ممكن يكون عيب فى عملية التحكم ( قد يكون حساس من حساسات الأحمال زى الماب مثلا ) أو ال tps

                            ومبيساعدش معاك فى التعجيل والتسارع وكده العربيه حتاكل بنزين برضه

                            حيث لما تيجي تزود بنزين علشان متبطلش تلاقيها مكتومة و كانك مش دايس بنزين و مفيش استجابة و تروح مبطلة
                            والأسكانر هو الحل

                            فى ملحوظة فى اوقات السيارة بتدور من اول مرة و فى اوقات ممكن تقعد من 3 الى 6 مرات علشان تدور ايه السبب
                            والحته دى ليها علاقه برضه بمشاكل المكنه

                            ومن كلامك عن حالة الرشاشات
                            بالرغم من ان الرشاشات سليمة و تم تنظيفها و لا يوجد اى تسييل
                            يبقى الرشاشات مش هى السبب

                            فهل ده عيب فى طلمبة البنزين مثلا

                            طالما أنت مش عاوز تجرب بوبينا تانيه

                            علشان تطمنا وتطمن نفسك على الحاجات البسيطه الأول

                            Comment


                            • #29
                              على فكره انا معاك يا بشمهندس سمير ان العطل ده ممكن يكون بنسبه كبيره بسبب طلمبة البنزين
                              وان ماكنتش الطلمبه يبقى بوبينه
                              [CENTER] [img3]http://www.wathakker.net/designs/images/7amla14.gif[/img3]
                              [B][FONT=Arial][SIZE=4][URL="http://www.nilemotors.net/Nile/187496-a.html"]أرخص و أسهل تعديل[/URL][/SIZE][/FONT][/B]
                              [SIZE=4][URL="http://www.nilemotors.net/Nile/147374-a.html"][FONT=Arial][COLOR=DarkRed][B]ازاي نحافظ على الفتيس الاوتوماتيك[/B][/COLOR][/FONT][/URL][/SIZE]
                              [FONT=Arial][SIZE=4][COLOR=Blue][B][URL="http://www.nilemotors.net/Nile/182370-a.html"]كيف تختبر مكونات السيارة-الجزء الأول[/URL]
                              [URL="http://www.nilemotors.net/Nile/185560-a.html"]كيف تختبر مكونات السيارة-الجزء الثاني[/URL][/B][/COLOR][/SIZE][/FONT]
                              [/CENTER]

                              Comment


                              • #30
                                على فكره أنا مع الكلام ده أن العيب من الوارد أيضا

                                أن يكون قادم من دايرة البنزين

                                ولكن من جهة خط الفائظ

                                على أساس أن ممكن تكون الخطوط فيها هواء كتير ومع حرارة الجو بتدخل خطوط البنزين فى ظاهرة ال vapour lock بسبب الأبخره العاليه وتبخر البنزين الكتير ( هواء ببنزين كتير فى الخطوط )

                                ومع نقصان مدة حقن البنزين وقت السلانسيه من الرشاشات ( أى وهو بيفرمل )

                                بتبطل المكنه والأخ : أحمد داخل على السلانسيه

                                على أساس أن الرشاشات بتبقى بتبخ هواء وبنزين متفتف

                                وهنا ضعف الحمل اللى ممكن يخللى أجدع مكنه تبطل
                                وراجع على مايمثل خط الفائظ عندك برضه

                                لأن ده اللى يعملك ظاهره زى بتاعة الشرقان اللى موجوده فى محركات الكربوراتير ( مع تبخر البنزين فى الخطوط )

                                وبدأت أشك فى النقطه دى بقوه فعلا

                                وسيبك من موضوع زيادة أستهلاك البنزين دلوقتى

                                أهم شىء نمنع حتة التبطيل دى

                                Comment

                                Working...
                                X