رساله عاجله الى م / ممدوح استشارى الدايو

[Akram]

الضغط العالى و الواطى بيسببوا عومان نتيجة عدم تلامس كامل سطح الاطار مع الطريق... يضاف على كدة ان قلة ضغط الهوا فى الاطار بتسبب مرونة زائدة فى جوانب الكاوتش و دى بتزود قابلية العربية للتحرك للجنب مع الهوا و ضعف الثبات و التوجية فى الملفات

mmamdouh

الموضوع ده عن تجربة عملية اكتر من مرة و بكذا عربية , ببقى ماشي و الاقي العربية بدأت تعوم و مش طبيعية و لما اركن الاقي كاوتش من اللي ورا نايم شوية و ربنا بيستر , و لكن لو الكاوتش اللي قدام هو اللي نام شوية العربية بتحدف ناحية الكاوتش ده ...

من الواضح ان العفشة محتاجة صيانة , زي ما بتقول مساعد بايظ و هتلاقي المقصات مش تمام ,,

[samirayad]

هوه انت يا بشمهندس مقاس الاطار عندك كام و الكاوتش كام برده؟.؟؟

الجنط بتاعها اللى نازل معاها مقاس 14

أما الكاوتش فهو 185/65/14

بتاعها الأصلى برضه وكومهو وعامل للآن 20 ألف ( أستهلاك 3 سنين ونصف تقريبا )

[M.Zaher]

الجنط بتاعها اللى نازل معاها مقاس 14

أما الكاوتش فهو 185/65/14

بتاعها الأصلى برضه وكومهو وعامل للآن 20 ألف ( أستهلاك 3 سنين ونصف تقريبا )

بس يا هندسة الكوتش ده المفروض يبقى ضغطه 30 مش كده ولا ايه ؟؟

[samirayad]

بس يا هندسة الكوتش ده المفروض يبقى ضغطه 30 مش كده ولا ايه ؟؟

يعنى أنت بتسحبنى فى الكلام علشان توقعنى مثلا

فعلا ياسيدى

المفروض يبقى 30 ورا وقدام وأنت سايق العربيه لوحدك ومعاك فرد أو فردين

بس المفروض يبقى على 34 وأنت ماشى آخر النهار بعيالك ورايح النادى مثلا

قوللى تحلها أزاى دى

تهويه بالنهار وتنفخه بالليل مثلا

أنا فضلت أختيار أوسط الأمور

30 + 34 = 64

أقسم على 2 تلاقى النتيجه 32 ( كمتوسط حسابى )

خير الأمور أوسطها

[M.Zaher]

كده بقى لو اكتر مشاويري لوحدي او معايا واحد بس اخليه 30 زي مانا بعمل دلوقتي
ولو طالع بالحموله كامله 34

[Strong]

هوه انت لسه عربيتك بتطير

لسه بتطير للأسف واللي مزعلني ان ثبات العربيات ال800 سي سي أفضل منها لكن خلاص عيش وتعايش ادي نوبيرا بحالها وبتطير يبقى كتر خير عربيتي هههههههه
حتى بعد تغيير الكاويتش مفرقتش غيرفي الفرامل العجل بيقف والعربية بتفضل ماشية مع أقل سرعة والكاويتش بيزعق ههههههه

[pesso]

أخى الفاضل انا معى نوبيرا 2007 مانيوال وكانت السياره بتعوم منى على سرعه 100 كم يعنى على سرعه 100 مقدرش أعدى بين سيارتين لان العربيه مبقدرش اسيطر عليها وذهبت الى الناس وسالت وعملت كل حاجه لكن مافيش فايده حتى جائنى ميكانيكى وقالى غير الرولمان بلى الامامى وبصراحه عملت بنصيحته واشتريت رولمان بلى صنف المانى وبعد التركيب لاحظت فرق السماء من الارض العربيه رجعت زى الزيرو بالظبط وذهبت الى مطروح وجريت على سرعه 140-150-160 كم /ساعه والعربيه زى الساعه ومفيش عومه نهائى . ولما قلت للميكانيكى اللى حصل وان العربيه تمام. قالى ان العيب كان فى الرولمان بلى لانه كان مبوش يعنى فيه بوش
أخى الكريم أكشف على الرولمان بلى يمكن يكون هو ده السبب .والله معاك ان شاء الله

[MMamdouh]

هوه انت لسه عربيتك بتطير

ايوة لسة بتطير... و الزميل عارف المشكلة فين بس مطنش... و فيه مقابلة اخر الاسبوع ممكن يشاركنا فيها و نجرب عربية بس شكلة حيطنش برضة

MMamdouh

[MMamdouh]

المفروض يبقى 30 ورا وقدام وأنت سايق العربيه لوحدك ومعاك فرد أو فردين

بس المفروض يبقى على 34 وأنت ماشى آخر النهار بعيالك ورايح النادى مثلا

قوللى تحلها أزاى دى

تهويه بالنهار وتنفخه بالليل مثلا

أنا فضلت أختيار أوسط الأمور

30 + 34 = 64

أقسم على 2 تلاقى النتيجه 32 ( كمتوسط حسابى )

خير الأمور أوسطها

+1

MMamdouh

[samirayad]

لسه بتطير للأسف واللي مزعلني ان ثبات العربيات ال800 سي سي أفضل منها لكن خلاص عيش وتعايش ادي نوبيرا بحالها وبتطير يبقى كتر خير عربيتي هههههههه
حتى بعد تغيير الكاويتش مفرقتش غيرفي الفرامل العجل بيقف والعربية بتفضل ماشية مع أقل سرعة والكاويتش بيزعق ههههههه

ياعم أحمد

دا أنت شكلك فرحان أنها بتطير

لأنك كده جمعت الحسنيين

طياره + سياره

[samirayad]

قالى ان العيب كان فى الرولمان بلى لانه كان مبوش يعنى فيه بوش
أخى الكريم أكشف على الرولمان بلى يمكن يكون هو ده السبب .والله معاك ان شاء الله

على فكره أنا قولتله على الأحتمال ده من زمان أوى

فى موضوعه الأساسى

بس برضه أنا حاسس أنه فرحان بطيرانها ومكبر الليله

[ahmedfouad]

أنا شغال على 32 على طول

وأعتقد نقطة الضغط المفروض يبقى العكس

بمعنى الضغط العالى هو اللى ممكن يقلل تماسك العجل مع الطريق

وبالتالى من الممكن حدوث عدم الأتزان والعومان

فهل هناك فرق كبير بين العومان وسوء الأتزان .....؟

اللى اعرفه ان كل عربية فى الكتالوج بتاعها مكتوب ضغط الإطارات بتاعه وان مان فى الغالب قى تشابه لكن الأفضل الإلتزام بالمكتوب فى الكتالوج من قبل المصنع للسيارة
وكمان الكاوتش الامامى ليه ضغط والخلفى ليه ضغط برقة مختلف والله اعلم
وتفبل مرورى

[samirayad]

اللى اعرفه ان كل عربية فى الكتالوج بتاعها مكتوب ضغط الإطارات بتاعه وان مان فى الغالب قى تشابه لكن الأفضل الإلتزام بالمكتوب فى الكتالوج من قبل المصنع للسيارة

على فكره

ده كلام الكتالوج للنوبيرا

المفروض يبقى 30 ورا وقدام وأنت سايق العربيه لوحدك ومعاك فرد أو فردين

بس المفروض يبقى على 34 وأنت ماشى آخر النهار بعيالك ورايح النادى مثلا

وده أستفسار ليك

قوللى تحلها أزاى دى

تهويه بالنهار وتنفخه بالليل مثلا

وتفبل مرورى

[waleedraafat]

اظن عربيتك لسه في الضمان، روح فرع الدارسة وقابل مدير الفرع واشكيله من موضوع التعويم ، انا كان عندي نفس المشكلة بس مش بنفس قوة مشكلتك لان التعويم كان عندي بعد 120 ،وطلعت المشكلة ظبط زوايا وتربيط عفشه بعدها العربية اتحسنت كتير
ولا تنس ان نعومة عفشة الدايوا بتخليها تتاثر بسهولة بمرور السيارات بسرعة من جوارها

[Strong]

ايوة لسة بتطير... و الزميل عارف المشكلة فين بس مطنش... و فيه مقابلة اخر الاسبوع ممكن يشاركنا فيها و نجرب عربية بس شكلة حيطنش برضة
MMamdouh

أنا موافق على إني اجي لكن المشكلة في المشوار 450 كيلو فقط لا غير

وأنا مش عارف المشكلة فعلا حتى العلايات فكيتهم ولم يؤدوا أي تغيير ورجعتهم تاني لأن العربية طارت بعد فكهم فعلا وبتطير بغباء يعني علشان امنعها من الطيران لليمين باحود الدريكسيون ربع حودة شمال وأنا على سرعة 90-80 طبعا ده في حالة وجود هواء وبتطير على 60 كمان بتطير فعلا زي الورقة ومهما كان الوزن بتاع العربية وحتى مع تغيير الكاويتش

أخى الفاضل انا معى نوبيرا 2007 مانيوال وكانت السياره بتعوم منى على سرعه 100 كم يعنى على سرعه 100 مقدرش أعدى بين سيارتين لان العربيه مبقدرش اسيطر عليها وذهبت الى الناس وسالت وعملت كل حاجه لكن مافيش فايده حتى جائنى ميكانيكى وقالى غير الرولمان بلى الامامى وبصراحه عملت بنصيحته واشتريت رولمان بلى صنف المانى وبعد التركيب لاحظت فرق السماء من الارض العربيه رجعت زى الزيرو بالظبط وذهبت الى مطروح وجريت على سرعه 140-150-160 كم /ساعه والعربيه زى الساعه ومفيش عومه نهائى . ولما قلت للميكانيكى اللى حصل وان العربيه تمام. قالى ان العيب كان فى الرولمان بلى لانه كان مبوش يعنى فيه بوش
أخى الكريم أكشف على الرولمان بلى يمكن يكون هو ده السبب .والله معاك ان شاء الله

ألف شكر يا باشا هجرب يمكن تتحل المشكلة

ياعم أحمد

دا أنت شكلك فرحان أنها بتطير

لأنك كده جمعت الحسنيين

طياره + سياره

هههههههههههههههههههه

على فكره أنا قولتله على الأحتمال ده من زمان أوى

فى موضوعه الأساسى

بس برضه أنا حاسس أنه فرحان بطيرانها ومكبر الليله

هههههههههههه مين قال إني فرحان أنا يئست بس وتعبت من الجري ورا الصنايعية

لكن في استفسار بسيط هو مش لو بلي العجل الأمامي فيه مشكلة هيطلع صوت عالي في المشي ؟

أنا رصصت موتوسكل والراجل رصص من غير مشاكل

ورفعت العربية ومسكت في العجل الأمامي والخلفي والعجل محكم الحركة جدااااااااااا

فهل علامات تلف البلي غير كده ولا أغير وأجرب ( مفيش مشكلة عندي في التغيير يمكن المشكلة تتحل بس ياريت اسم النوع الكويس + طريقة التركيب مختصرة لو فيها مشاكل علشان محدش يشتغلني ويركب البلي غلط )