استهلاك البنزين نار و معرفش السبب و ارجو المساعدة

[ahmedjumpo]

بعد السلام و التحية للاخوة الكرام
فى البداية احب ان اوضح انى طرحت هذا الموضوع قبلا فى قسم الورشةhttp://www.nilemotors.net/Nile/159895-a.html
و قد قمت بطرحه فى قسم الدايو لعل يكون الفائدة اكبر بسبب ان هناك بعض الاخوة قد لا تتطلع على قسم الورشة
و نرجع للموضوع لدى عربية دايو ليجانزا موديل 1999 و كنت اعانى فيها بعض المشاكل و الموضحة من قبل فى هذا الموضوع http://www.nilemotors.net/Nile/152278-a.html (تعبت مع الدايو ليجانزا و اعطالها و ارجو المساعدة العاجلة)
و اشكر كل الاخوة الذين حاولوا المساعدة و اخص بالشكر كل من المهندس سمير و الاخ alexcdx حيث موضوع التبطيل انتهى لوحده و لا افهم كيف حيث قبل انتهائه مباشرة كنت قد ذهبت الى مركز صيانة الكويت و البلاد العربية و قالولى لازم نفك ضفيرة الكهرباء و نكشف عليها لانها مبهدلة اوى وهى اللى بتعمل برجلة فى العربية و طبعا طلبوا مبلغ محترم قوى فيها فرفضت و بعديها مباشرة روحت لمحمد السيد الكهربائى اللى فى الدقى و كشف على العربية و قاللى انها كويسة و خليته بس على الضفيرة و قاللى مش محتاجة تتفك ولا حاجة و حطينا العربية على السكانر و طلعت نتايجها كويسة و من ساعتها راحت التبطيلة من دون سبب واضح فهل تكون فعلا الضفيرة السبب.
المشكلة الكبيرة التى اواجها الان استهلاك البنزين عالى جدا جدا و مش عارف السبب
حيث كل مرة بيزيد ففى الاول كان حوالى 14 لتر فى ال 110 كم ثم زاد الى27 لتر فى ال 170 كم و الان اصبح مصيبة حيث بقى 32 لتر فى ال 140 كميعنى تقريبا نصف التانك و الموضوع ده هيجننى رغم ان 80% من استخدامى للعربية فى الصباح و فى ايام اللى المرور فيها قليل غالبا الخميس و الجمعة و السبت و دايما بامشى على الدائرى و الكورنيش يعنى السرعة كويسة و مفيش زحمة و كنت سالت محمد السيد على النقطة دى و قالى ان قراءة الرشاشات فى الرانج المضبوط و لكنها فى الحد الاعلى من الرانج و صعب جدا تكون سبب فى الاستهلاك الغبى ده فاعينونى اعانكم الله

[samirayad]

عاوز أسأل حضرتك

حالة المكنه عامله أيه كعلمية سحب وكفاءة كبس للشنابر ؟

وبالمره حالة البوجيهات وقوة الشراره وهل لوحظ لون غريب على شكل
البوجيهات ومانوعها وبياناتها .....؟

هل المكنه بتستهلك زيت ولا لا .....؟

ياريت تجاوبنى على كل الأسئله بصفه مؤقته لتصور الحاله ؟

[ahmedjumpo]

اهلا بيك يا بشمهندس ، اولا بالنسبة للمكنة فهى تعمل بكفاءة و صوتها ناعم و مفيهاش بالنسبالى مشكلة و مبتستهلكش زيت بل العكس عند الكشف على الزيت بييبقى زيادة شوية
بالنسبة للبوجيهات فهى جديدة و لا يوجد عليها اى وساخة اما نوعها و بياناتها فلا اذكرها بس اللى انا فاكره انها اثنين شمعة ياباني
هل من الممكن سرد الاسباب التى قد تؤدى الى الزيادة المفجعة فى استهلاك البنزين من ماتور او كهرباء او تحكم بحيث نحاول الكشف على سبب سبب و نعمل بنظرية الاستبعاد علما ان الرشاشات تم الكشف عليها و كانت جيدة و تم تنظيفها بالالتراسونيك و لكن فى ملحوظة ان الاستهلاك زاد كمان شوية بعد تنظيف الرشاشات

[samirayad]

بالنسبة للبوجيهات فهى جديدة و لا يوجد عليها اى وساخة اما نوعها و بياناتها فلا اذكرها بس اللى انا فاكره انها اثنين شمعة ياباني

لازم نعرف نظامها الأول وبيانتها

جايز تكون هى السبب فى الزياده المفجعه عندك فى أستهلاك البنزين

و لكن فى ملحوظة ان الاستهلاك زاد كمان شوية بعد تنظيف الرشاشات

ده طبيعى ولازم يحصل كده

[M.Zaher]

للبوجيهات فهى جديدة و لا يوجد عليها اى وساخة اما نوعها و بياناتها فلا اذكرها بس اللى انا فاكره انها اثنين شمعة ياباني

المفروض يبقى سن البوجيه باين عليه الحريق
وبعدين الاتنين شمعه دي استهلاكها بيكون اكتر من الواحد شمعه
جرب الngk

[tananybasha]

اعتقد انه عيب ماف لو العربية دى فيها ماف

[ahmedjumpo]

المفروض يبقى سن البوجيه باين عليه الحريق
وبعدين الاتنين شمعه دي استهلاكها بيكون اكتر من الواحد شمعه
جرب الngk

العربية 2000 سى سى و المفروض يركب لها بوجيهات اثنين شمعة

[ahmedjumpo]

يا جماعة مفااااااااجءة و مش لاقى لها تفسيرررر
امس و انا بفول التانك قولت احط منظف دورة الوقود من نوع ال stp قولت يمكن ينظف دورة الوقود و يقلل الاستهلاك شوية كده و قلت اتكل على الله النهاردة و اعمل شوية مشاوير اشوف فيها الاستهلاك عامل ايه قبل ما ادخل رحلة العذاب مع الميكانيكية لمعرفة العيب و فعلا دورت العربية الصبح فشعرت انها افضل و اتكلت على الله و لقيت تحسن عالى فى السحب و الغيار الاتوماتيك مع نعومة فى صوت الموتور المهم انا ساكن فى منتصف شارع فيصل قمت طالع على الدائرى و منه الى كورنيش المعادى و صولا الى حلوان ثم من حلوان روحت القصر العينى ثم روحت العجوزة و رجعت الجامعة و بعدين رجعت الى كوبرى اكتوبر و منه الى مدينة نصر ثم رجعت الى العجوزة ثم روحت المعادى ثانى و طلعت الدائرى حتى الريوطية هرم ثم مشيت فى شارع الهرم حتى المساحة و بعدين لفيت و رجعيت اثناء هذا كانت السرعة ما بين 60 الى 80 كم و فى الدائرى جبت 110 و طبعا فى اشارات و مطبات و تهدئة يعنى باختصار حبيت احط العربية فى ظروف متوسطة للشغل و اثناء ذلك كنت ابص على عدادات الكم و البنزين فاجد ان مؤشر البنزين تقريبا ما بيتحركش قولت عليه العوض ادى كمان مؤشر البنزين و العوامة طاروا وانا مروح فت على البنزينة اللى فى الاوبرج بالهرم و قلت افول و اشوف الاستهلاك المهبب كالعادة وهنا كانت المفاجااااااااة عامل البنزين جيه يزود بنزين لقى العربية فل قالى يا باشا العربية مفولة قولتلوا يا راجل قول كلام ثانى ازاى اللى انته بتقولوا ده انا عامل مشاوير بالعربية النهاردة عملت يجى 110 كم على عداد الكيلومترات وقلتولوا حاول ثانى و بالعفية خدت 7 لتر منهم اثنين لتر فى الارض من ضغطى على الراجل و بقيت مش مصدق لا انا و لا عامل البنزينة لدرجة انى لما قلتله على المشاوير اللى عاملتها حسيت انه عايز يقلى بطل فشر و هجس
يا جماعة انا فعلا مش مصدق و هل ممكن يكون المنظف هو اللى عمل ده كله فى اقل من يوم
اكرررررررر110 كم باستهلاك متوسط 6 لتر معقولللللللللللللللللللللللللللللللل و هل سيستمر هذا الاداء و لا بعد ما التفويلة هتنتهى هيرجع الاستهلاك الغبى تانى جاوبونىىىىىىىىىىىىىىىىىىىىىىى ارجوكم

[MMamdouh]

غالبا معنى كدة ان عندك حاجة بتسرب بنزين خلال الايام اللى مبتستعملش فيها العربية لان حسب تجربتك المكنة مبتاكلش بنزين

MMamdouh

[Lion_Heart]

غالبا معنى كدة ان عندك حاجة بتسرب بنزين خلال الايام اللى مبتستعملش فيها العربية لان حسب تجربتك المكنة مبتاكلش بنزين

mmamdouh

ملاحظة جامدة ما شاء الله

[ahmedjumpo]

غالبا معنى كدة ان عندك حاجة بتسرب بنزين خلال الايام اللى مبتستعملش فيها العربية لان حسب تجربتك المكنة مبتاكلش بنزين

mmamdouh

و الله يا استاذ ممدوح ده كان جزء كبير من تفكيرى ان يكون فعلا سبب الاستهلاك هو التسريب بس العربية مركونة من امبارح الساعة 12 ظهرا حتى اليوم الساعة 11 صباحا يعنى يوم كامل يعنى برده لو فى تسريب مش كان المفروض يبان برده و هل من الوارد ان السرعة ممكن تؤثر باى شكل من الاشكال فى الاستهلاك او فى ضخ البنزين بصورة غير طبيعية

[MMamdouh]

احنا بنتكلم كدة فى يوم واحد و انت بتسيب العربية 4 او 5 ايام... لو تقدر تسيبها المدة دى و بعد كدة تمون و تشوف فيه نقص ولا لا يبقى عظيم

اكيد طبعا السرعة بتفرق فى الاستهلاك بس انت قولت انك مكنتش بتجرى (اخرك 110) و بالقى جوة البلد ( و دة بياكل بنزين جامد برضة) و بالرغم من كدة الاستهلاك مكنش وحش... انا مستبعد المكنة من قائمة المتهمين فى استهلاك البنزين... جرب حوار الركنة دة و شوف ايه النظام

MMamdouh

[ahmedjumpo]

احنا بنتكلم كدة فى يوم واحد و انت بتسيب العربية 4 او 5 ايام... لو تقدر تسيبها المدة دى و بعد كدة تمون و تشوف فيه نقص ولا لا يبقى عظيم

اكيد طبعا السرعة بتفرق فى الاستهلاك بس انت قولت انك مكنتش بتجرى (اخرك 110) و بالقى جوة البلد ( و دة بياكل بنزين جامد برضة) و بالرغم من كدة الاستهلاك مكنش وحش... انا مستبعد المكنة من قائمة المتهمين فى استهلاك البنزين... جرب حوار الركنة دة و شوف ايه النظام

MMamdouh

طب لو فرضا ان بعد الركنة حدث نقص فى البنزين ما هى اماكن التسريب المحتملة التى قد تؤدى لهذا النقص علما بانى فى بداية تشغيل العربية دايما كنت ببص تحتها و افتح الكبوت برده و ابص و مكنش بيظهر اى تسريب, فى حاجة ثانى يا استاذ ممدوح الاستهلاك النهاردة كان 6 لتر فى 110 كم و قبل كان امبارح واصل 32 لتر فى 140 كم وقبل كان 27 لتر فى 170 كم يعنى التفاوت كبير جدا يعنى المفترض لو فى تسريب يكون التسريب واضح بالعين ثانى حاجة يكون مؤشر البنزين نازل بمقدار التسريب الكبير ده مش كده يا استاذ ممدوح
هل من الممكن ان يكون تاثير ال stp فى تنظيف دورة الوقود بهذه الدرجة مش عارف برده جه سؤال غريب كده فى دماغى و هو هل من الممكن ان يكون فى مشكلة فى الكهرباء تؤدى الى استهلاك البنزين بصورة عالية جدا و يكون المشكلة ديه بتروح و ترجع مثلا علما ان البواجى جديدة و الاسلاك جيدة
واليس اللى حدث اليوم يدل على ان الرشاشات و الحساسات كلها و البوجيهات و البوبينة و طلمبة البنزين كلها تعمل بكفاءة عالية
عذرا استاذ ممدوح للاطالة و تنوع اسالتى و لكن لعل و عسى يكون فى اجابتكم حلول لى و للاخوة الاعضاء اللى ربما يعانون من مشاكل قريبة لمشكلتى و شكرا

[MMamdouh]

لاحظ ان البنزين مش زى الزيت... يعنى عمرك ما حتشوف بنزين تحت العربية لانة بيتبخر بسرعة شديدة

اماكن التسرب هى التنك بخاطيمة و جواناتة... خطوط المواسير من التنك الى الفلتر ثم مسطرة الرشاشات

المشكلة انك بتمشى مشاوير جوة البلد و فى حر... و ساعات تمشى قليل و تقف و ساعات كتير و تقف... فول عربيتك و اعمل 100 كيلو بسرعة 90 بدون حرق او تكييف ثم فول تانى و احسب الاستهلاك و هو دة الرقم اللى يحدد ليك الاستهلاك حلو ولا وحش... جوة البلد مش مقياس خاااالص

MMamdouh

[ahmedjumpo]

افتكر كنت قريت فى المانيوال عن امكانية اختبار طلمبة البنزين تحت تطبيق ضغط عليها و بالتالى لو الضغط ده مش ثابت يكون هناك تسريب فكيف يمكن عمل الاختبار هذا لتحديد اذا ما كان يوجد تسريب ام لا