لو حد قابله هذا العيب يقلي حله ايه

[tarek_2005]

العربية بعد اي مشوار وعند الوقوف ثم تبطيل المحرك
المياه الي في القربة تخرج من الغطاءوتتسرب الاي الارض ومن ثم يجب ان اعيد ملائها مرة اخري

عداد الحرارة علي وضعه الطبيعي
سيارتي لانوس 2 موديل 2003

اخر صيانة

تغيير صبابات لانقطاع سير الكاتينه
تغيير بوجيهات لفصل في فيشة حساس الاكسجين

[Adham]

دي علامة من علامات المشاكل في وش السلندر


روح للميكانيكي فورا ممكن الجوان يكون ضرب نتيجه سخونة او انك حطيت مياة و هي سخنة و مبطلة

[haitham_fayad]

انا كان عندي كده وليها اسباب كتيره
ممكن منها غطاء القربه او القربه نفسها

[محمد الشامي]

هو حضرتك بتملا القربه على الاخر ؟؟؟؟؟

[tarek_2005]

دي علامة من علامات المشاكل في وش السلندر


روح للميكانيكي فورا ممكن الجوان يكون ضرب [gdwl]نتيجه سخونة[/gdwl]

يجوز ذلك لان السيارة كنت ماشي بيها وامبر الحرارة في وضعه الطبيعي ومشغل التكيف فاذا بالكباس بتاع التكيف يفصل فجاة ويدخل الي الكابينة هواء شديد السخونة وفجاة ارتفع موشر الحرارة وعدي العلامة الحمراء


[gdwl]او انك حطيت مياة و هي سخنة و مبطلة[/gdwl]

لم يحدث ذلك فانا علي دراية كبيرة بمثل هذا الامر



ولكن ليس هناك سبب اخر غير جوان وش السلندر



لاني متشكك فيه من قبل طرح السؤال في المنتدي ولكن حبيت اخذ الاراء

[M.Zaher]

يبقى مشكلتك في غطا القربه
غيره بواحد بتاع اوبل

[Adham]

من علامات تهريب كبس الموتور لدورة التبريد من خلال جوان وش السلندر هو ان تجد المياة تنطر من الردياتير (او القربة) عند بداية الدوارة او عند تبطيل السيارة

الصبح و العربية باردة افتح غطاء الردياتير و دور العربية و بص عالمياة من فتحه الردياتير لو عند الدوارة المياة فارت برة الردياتير او عند التبطيل

يبقى جوان وش السلندر

و ساعات الجوان بيضرب بدون سبب, مجرد عمرة الافتراضي انتهي ( و ساعات بيبقى فية شرخ لا قدر الله في وش السلندر)

انا مش فاهم حكاية الكباس اللي فصل و العربية سخنت جامد للاحمر فجأة كدة و هواء شديد السخونة داخل للكابينة دي ممكن يكون سببها أية ؟؟؟ هل مشكلة في دورة التكييف و للا أية ؟؟ طيب و اية اللي حصل بعد كدة يعني العربية بردت تاني بسرعه و بقت عادية و مشيت و للا وديتها لبتاع التكييف و كان اية تشخيصة ؟؟ و هل بصيت على زيت الموتور و شفت عل غطاء الزيت فية طحينة ؟؟؟

[tarek_2005]

من علامات تهريب كبس الموتور لدورة التبريد من خلال جوان وش السلندر هو ان تجد المياة تنطر من الردياتير (او القربة) عند بداية الدوارة او عند تبطيل السيارة

الصبح و العربية باردة افتح غطاء الردياتير و دور العربية و بص عالمياة من فتحه الردياتير لو عند الدوارة المياة فارت برة الردياتير او عند التبطيل

يبقى جوان وش السلندر

و ساعات الجوان بيضرب بدون سبب, مجرد عمرة الافتراضي انتهي ( و ساعات بيبقى فية شرخ لا قدر الله في وش السلندر)

انا مش فاهم حكاية الكباس اللي فصل و العربية سخنت جامد للاحمر فجأة كدة و هواء شديد السخونة داخل للكابينة دي ممكن يكون سببها أية ؟؟؟ هل مشكلة في دورة التكييف و للا أية ؟؟ طيب و اية اللي حصل بعد كدة يعني العربية بردت تاني بسرعه و بقت عادية و مشيت و للا وديتها لبتاع التكييف و كان اية تشخيصة ؟؟ و هل بصيت على زيت الموتور و شفت عل غطاء الزيت فية طحينة ؟؟؟

غطاء الزيت نظيف
موضوع التكيف كان موضوع عرضي
اي انه بعد ان تركت السيارة لتبرد ووصل مؤشر الحرارة للنصف قمت بادارة المحرك وتزويد مياه القربة بحوالي 5 لتر مياه ببطء شديد
وتجربة التكيف التكيف يعمل بكفائته العادية
ومؤشر الحرارة لم يرتفع ثاني

[Ahmed Mubarak]

اخى العزيز اعتقد انه غطاء القربه بتاعة المياة الموضوع دا كان حصل معايا فى الابيزا 94 وبسببه غير ت موتور
امشى اى مشوار وعند الوقوف وتبطيل العربية المياة تخرج من القربة

[Adham]

غطاء الزيت نظيف
موضوع التكيف كان موضوع عرضي
اي انه بعد ان تركت السيارة لتبرد ووصل مؤشر الحرارة للنصف قمت بادارة المحرك وتزويد مياه القربة بحوالي 5 لتر مياه ببطء شديد
وتجربة التكيف التكيف يعمل بكفائته العادية
ومؤشر الحرارة لم يرتفع ثاني

يبقى هذا هو السبب

سخونة عالية للمحرك ادت ان الجوان ضرب

و بيهرب كبس للمياة نتيجه ان الجوان فتح بين مجري مياة و غرفة الكبس
لكن ما بيهربش بين مجري مياة و مجري زيت

ان شاء الله بسيطة و مجرد الجوان يتغير تبقى تمام

بس ابعت الوش للخراط زيادة اطمئنان يكشف علية و يشوفة عالقدمة اذا كان مقفع شوية بسيطة يتقشط حاجة بسيطة لو نصف مللي مافيش مشكلة اما لو الوش مقفع اكتر من نصف مللي او بة شرخ لا قدر الله تجيب واحد استيراد
و بلاش حكاية ان يتقشط اكتر من النصف مللي و يتعوض دة بأن الميكانيكي يحط اتنين جوان او جوان دوبل لان اضرارها المستقبيلة كتير و ممكن تعمل مشاكل

الافضل ساعتها وش استيراد و ماعتقدش انة غالي

عامة ربنا يستر و مايكونش الموضوع اكتر من الجوان

انا بس حبيت اديلك كل الاحتمالات و افضل الطرق اللي ممكن تتصرف بيها في كل الاحوال و ان شاء الله ماتحتاجش اي حاجه منها

[Adham]

اخى العزيز اعتقد انه غطاء القربه بتاعة المياة الموضوع دا كان حصل معايا فى الابيزا 94 وبسببه غير ت موتور
امشى اى مشوار وعند الوقوف وتبطيل العربية المياة تخرج من القربة

حضرتك خروج المياة من غطاء القربة دة عرض مش سبب

يعني انة من اعراض مشاكل في وش السلندر

انما مش سبب ان الوش باظ او ان الموتور اتغير

و بالتالي حضرتك غيرت الموتور لان كان بة وش سلندر تالف (و هذا ما ادى لربما تلفيات اكثر بالمحرك ) و دة من اعراضة ان المياة تطلع من القربة اول الدوارة او عند تبطيل المحرك و ليس لان غطاء القربة سبب تلف الموتور



و مهما احكمت غطاء القرية سيضرب عند تبطيل السيارة لان ضغط كبس المحرك سيكون قويا في دورة التبريد و لن يتحملة الغطاء البلاسيت و سيقفز من مكانة فوراً

[mmd3]

الحكاية دي حصلت مع واحد صاحبي وحلها انة اشترى غطاء اوبل عشان مهما اشتري غطيان قربة من اللي ب 25 جنية كانت بردو بتهرب المياة

[ahmedhilmy]

غطا القربة محتاج يتغير

[tarek_2005]

شاكر لكل الردود

اولاً طلعت بصيت علي العربية دلوقت وفكيت القربة

لاحظت الاتي

1 - غطاء القربة غير محكم الغلق لتفويت في السن الخاص بالقربة
2 - يوجد سوسته داخل الفتحة السفلية للقربة الواصلة علي المتور بالخرطوم الكبير لا اعرف فائدها
3 - تلف الصمام الموجود بغطاء القربة

ثانياً اخذت هذا القرار للاصلاح
1 - تغيير القربة بالغطاء ( استيراد )

تجربة السيارة

حلت المشكلة اذا الحمد لله
لم تحل المشكلة تغيير جوان وش سلندر فورا



ارجو من الاعضاء افادتي ان كنت علي صواب ام خطاء وتنبيهي للاخطاء

[dentist2future]

العربية بعد اي مشوار وعند الوقوف ثم تبطيل المحرك
المياه الي في القربة تخرج من الغطاءوتتسرب الاي الارض ومن ثم يجب ان اعيد ملائها مرة اخري

بص يا فندم
حضرتك بتحكى اللي كان بيحصل معايا بالظط لدجة انى كنت هتجنن
لانى مكنتش عارف أوريها لحد
وانا كنت معرفش ان المياة بتطلع منين
انا لما أبطل العربية المياة بتنزل من جنب العجلة
فكنت هتجنن
الا ان تم اكتشاف العيب
وبكل بساطة
غير غطا القربة بغطا جديد بتاع لانوس عادى
والحمد لله الموضوع بقي تمام
دى مشكلة بسيطة ما تشغلش بالك فقط غير غطا القربة
وشكرا