لو حد قابله هذا العيب يقلي حله ايه

[tarek_2005]

بص يا فندم
حضرتك بتحكى اللي كان بيحصل معايا بالظط لدجة انى كنت هتجنن
لانى مكنتش عارف أوريها لحد
وانا كنت معرفش ان المياة بتطلع منين
انا لما أبطل العربية المياة بتنزل من جنب العجلة
فكنت هتجنن
الا ان تم اكتشاف العيب
وبكل بساطة
غير غطا القربة بغطا جديد بتاع لانوس عادى
والحمد لله الموضوع بقي تمام
دى مشكلة بسيطة ما تشغلش بالك فقط غير غطا القربة
وشكرا

الف شكر لرد سيادتك والحمد لله سابداء بتغيير القربة بغطائها

[Adham]

الصبح و العربية باردة افتح غطاء الردياتير و دور العربية و بص عالمياة من فتحه غطاء الردياتير لو عند الدوارة المياة بتقلب برة الردياتير او عند التبطيل يبقى جوان وش السلندر

[tarek_2005]

شاكر لكل الردود والمساهمات في حل المشكلة

حبيت ابلغكم باصلاح العطل والتكلفة

قمت بتغيير القربة والغطاء بواحدة استيراد بقيمة 60 جنيه

وتم الحل بفضل الله

[احمد ابراهيم]

السلام عليكم
انا كان عندى نفس المشكلة بالظبط
بس يا سيدى الحل كالاتى ان شاء الله
1 هتفك اخر خرطوم فى دورة المياه اللى هو من الريدياتير على القربة و تفضل تزود مياة لغاية ما المية تبقى ماشية بدون ما تخرج هوا لان كده دورة المياة فيها هوا
2 انك هتمسك غطاء القربة و تشوف هتلاقى فى زى بلفين و منهم واحد فيه سوسته كده المهم لو معاك مفك سنة رفيع هتقدر تفك الحاجات اللى فى القربة بسهولة هتفك الجوان اللى فى الحرف و بعدين هتلاقى كل حاجة سهلة ان شاء الله
بعد ماتفك هتعدل بس البلفين اللى فى القربة لان غالبا هتلاقى واحد منهم مش راكب كويس و ده نفس اللى حصل معايا قبل كده

[احمد ابراهيم]

مبروك يا باشا
انا اللى شوفت الموضوع متاخر بقى
و اولا و اخيرا الحمد لله ان العطل اتصلح

[aagomaa]

انا كان عندي كده وليها اسباب كتيره
ممكن منها غطاء القربه او القربه نفسها

فعلا غطاء القربة هو السبب... الموضوع دة حصل لى بالظبط و دوخت لغايه ما عرفت انه غطاء القربة

[tarek_2005]

مبروك يا باشا
انا اللى شوفت الموضوع متاخر بقى
و اولا و اخيرا الحمد لله ان العطل اتصلح

بارك الله فيك

[MMamdouh]

دى مشكلة غطاء قربة مش جوان وش سلندر

شغلة الغطا انه يحافظ على الضغط داخل دورة التبريد عشان يمنع غليان المية عند 100 درجة... لو الغطا تالف اول ما حتبطل العربية مراوح التبريد و الطلمبة حتتوقف عن العمل لكن المكنة لسة سخنة و بالتالى حتفضل تسخن المية...

لو مفيش ضغط يرفع درجة غليان المية حيحصل غليان و فوران لمية التبريد اول ما تدور العربية و حيحصل تسريب لمية التبريد من الغطا

جوان الوش لو تالف حتلاقى القربة بتبقلل و الموتور داير و القربة ريحتها عادم وواحد او اكتر من البوجيهات مصدى و ممكن تلاقى مية فى زيت الموتور او بخار كثيف بشكل دائم طالع من الشكمان... كل عرض من دول يعتمد على مكان التلف فى جوان الوش

MMamdouh

[tarek_2005]

شرفت بقيام المهندس محمد بالرد علي موضوعي
الف شكر لسيادتك وكلام سعادتك مظبوط 100%

[sheko_2000eg]

جوان وش السليندر --- ربنا معاك