مشكلة فى الفتيس العادى وعمالة تزيد

[dramyd]

طبعا قبل اى كلام ... ارحب
بـ / م . سميــــــــر
وقولة نورت الموضوع بشرحك الجميل وربنا يخليك لينا عشان تعلمنا كمان وكمان ....

ايــــــــــــــة الشرح دة بجد ..... بجد مهندس
طيب يا باشمهندس .... المفروض على كلامك انو فى ناس شغالة فى الفتيس بس مش كدة ........ ولا انا فاهم غلط.؟
ويا ترى اكيد لو اتعملت مش هتبوظ لو الاستحدام كويس ومع معاملة العربية بحنية وبرفق ولا هتبوظ زى الاستاذ اللى شارك معانا وعمل الفتيس وباظ تانى بعد كدة غيرة......

[karimfahmy99]

مع احترامى للباشا الكبير

اة فى ورش متخصصة بس لاصلاح الفتيس و كان فى واحد مشهور اوى فى شبرا

و اذا كان على موضوع الغويشة فدا عادى و امرها سهل دى من اقل التلفيات اللى ممكن تحصل و حلها مضمون . المهم تروح لمتخصص عشان يفك و يقفل صح و تعمل حسابك طبعا بعد ان شاء الله ما تعمل الشغل تروح تزود زيت الفتيس علاطول

[dramyd]

الحمد لله...
تمنطونى ربنا يخليكو...
طيب ياربت لو فى حد هنا يعرف الراجل اللى فى شبرا دة يقولنا علية..
دة هيبقا مية مية عشان هيبقا قريب منى ولو انتو عرفينو انو كويس يبقا 100 100 عشان كدة هتاكد انى العربية هتبقا سليمة زى الاول....

وياريت لو حد يقولنا هتاخد مجهود كتير ولا لا هتاخد وقت ولو البشمهندس سمير يقولنا هو هيعمل اية الراجل بتاع الفتيس بالظبط يبقا ربنا يخلية عشان نبقا فهمين الراجل بيعمل اية ولو فى اى حاجة ممكن يغلط فيها الراجل نبقا فهمين ونقولو مش نبقا وقفين زى الطــــــــرابيش
وحنا معاه ............ مش كدة ولا اية ...

[hosar]

كدة طبعا ........ انا معاك

[samirayad]

ويا ترى اكيد لو اتعملت مش هتبوظ لو الاستحدام كويس ومع معاملة العربية بحنية وبرفق ولا هتبوظ زى الاستاذ اللى شارك معانا وعمل الفتيس وباظ تانى بعد كدة غيرة......

ياباشا متقلقش
موضوع تغيير الغويشه سهل جدا

بس عاوزه متخصص فتايس

أسأل أى تاكسجى عندك فى شبرا

وقوله أنا عاوز أغير غويشه للفتيس

وشوفه هيقولك أيه

_______________

بس أتأكد برضه الأول أن زيت الفتيس فى وضعه الطبيعى زى ماقيل قبل كده

[dramyd]

كدة طبعا ........ انا معاك

كويس .........
فى ناس بتحب تفهم الصنايعى بيعمل اية فى قلوبهم المفتوحة ....
مش زى النا التانية اللى بتسيب حجتها وتقولو اعتبرها عربيتك ..
وانا هجيلك استلمها منك كمان ............. ساعة ...يوم

الحمد لله

المهم انا معرفش اية اللى هيتعمل وكمان محتاج اعرف حد عشان انا معرفش حد بتعا فتيس بس متخصص ودة شغلو ..... يارب حد يعرف
ويسعدنى ....

[dramyd]

حبيبى يا ......... باشمهندس. مرحب

انا اتأكد من منسوب زيت الفتيس فعلا ومظبوط...
العضة دى كانت فى الاول خفيف
بعد كدة خربت خالص.........

قلت عقربة وغيرتها او زيت وغيرت الزيت خالص...مش زوت حتى

فضلت زى مهيا.....

حبة كمان .... جابت التانى معها .... بقا اول وتانى .............
عاوز الحق بقيت الغيارات يا باشمهندس......:b4_048:

[samirayad]

تبقى الغويشه نعمت

وعاوزه تتغير

[dramyd]

طيب يا باشمهندس
خلينى ادوخك معايا شوية..... انت اللى قولتلى بتحب انى الناس تتعبك

ازاى هتتغير والراجل هيعمل اية ... بس عشان خطرى اشرحلى كدة ( بالبلدى ) بلاش الروسمات اللى بتوه فيها دة ربنا يخليك... معلش

لو فى صور يبقا 100 100 بس روسومات هندسية لا عشان خطرى

ولما تنعم الغويشة من جوة كدة مهمتها باظت عشان كدة وانا بعشق التروس بتلحم فى بعض مش ترس فى غويشة بعد كدة ترس ....

كدة انا فاهم صح

[samirayad]

طيب يا باشمهندس
خلينى ادوخك معايا شوية..... انت اللى قولتلى بتحب انى الناس تتعبك

أمرى لله

ولو أننا فى صيام ومش مستحمله دوخه

ازاى هتتغير والراجل هيعمل اية ... بس عشان خطرى اشرحلى كدة ( بالبلدى ) بلاش الروسمات اللى بتوه فيها دة ربنا يخليك...

الغويشه بالمكونات اللى أنت شوفتها دى جزء من مئات الأجزاء الراكبه على عمود ناتج القدره

الراجل بيقلب الفتيس على جنبه ويشيل كرسى تحميل العمود ده ( وش كده )

ويبدأ يسلت الأجزاء لبره لحد مايوصل للغويشه

تخيل أنك خاطب واحده وجايبلها عشر غوايش

وآخر غويشه فى زراعها من الداخل عاوزين نغيرها
حتعمل أيه

حنفضل تسحب التسعه اللى قبلها لحد ماتوصل للغويشه العاشره

نفس القصه مع الفارق فى التطبيق

ولما تنعم الغويشة من جوة كدة مهمتها باظت عشان كدة وانا بعشق التروس بتلحم فى بعض مش ترس فى غويشة بعد كدة ترس ....

كدة انا فاهم صح

ياعم دا أنت كده ميت فل وأربعتاشر

وفاهم بس مخبى علينا

[dramyd]

أمرى لله

ولو أننا فى صيام ومش مستحمله دوخه

سلى صيامك يا باشمهندس...
انا اخوك الصغير ... دا لو طلت اكون اخ للعبقرى...

الغويشه بالمكونات اللى أنت شوفتها دى جزء من مئات الأجزاء الراكبه على عمود ناتج القدره

الراجل بيقلب الفتيس على جنبه ويشيل كرسى تحميل العمود ده ( وش كده )

ويبدأ يسلت الأجزاء لبره لحد مايوصل للغويشه

تخيل أنك خاطب واحده وجايبلها عشر غوايش

وآخر غويشه فى زراعها من الداخل عاوزين نغيرها
حتعمل أيه

حنفضل تسحب التسعه اللى قبلها لحد ماتوصل للغويشه العاشره

نفس القصه مع الفارق فى التطبيق

طيب الراجل هيطول فى سحب الخوايش ولا الدنيا امرها سهل وطبعا الراجل هيسقط الفتيس كلة ..... طيب فى اى حاجة اقدر اخد بالى منها وهو بيركب الغوايش دى لحسن يطلع مش كويس ويركب حاجة غلط ..
ولا اعتمد على التجربة بعد ميخلص .... عشان انا بصراحة بقيت اخاف من الصنايعية اوى لدرجة انى نفسى اتعلم الميكانيكا واشتغل بايدى عشان مبهدلش العربية مع الناس اللى ربنا يسمحهم..... الكفتجية.

ياعم دا أنت كده ميت فل وأربعتاشر

وفاهم بس مخبى علينا

شفت عشان تعرف انك بتعرف تشرح كويس انا فهمت دة منك يابشمهندس.....
تلميذك ياريس..

[samirayad]

ولا اعتمد على التجربة بعد ميخلص ....

ده الصح

وأمسك حسابه عندك

لحد ماتجرب العربيه بنفسك وهو قاعد جنبك

[dramyd]

شكر ليك يا باشمهندس....
بس احنا فى اول الموضوع كنا عاوزين الراجل اللى بيصلح الفتيس ويعملو العملية دى بتقنية وحفاظ على العربية ....
وفى عضو قال فى واحد فى شبرا.... طيب عاوزين نعرف اسمة او المنطقة وانا هنزل ادور علية عاوز دليل بس مش اكتر.......

ولو فى اى واحد هنا يا رجالة يعرف واحد بتاع فتيس محترم ينوبو سواب ويقولى ....فين

[dramyd]

معقــــــــــــــــــول.......؟
مفيش حد عارف واحد بتاع فتيس كويس ومحترم وعارف وفاهم شغلة كويس فى القاهرة ....... صعبة دى.؟

[tarek_2005]

انا حصل معايا مشاكل كثيرة في فتيس سياراتي الثانية وهي فيات 127 نص وكانت اربع غيارات فقط للامام

ذهبت الي الميكانيكي الخاص بي في ميدان المطرية وهو بعت جاب واحد متخصص في الفتيس
وقام بفك الفتيس كله وتغيير العقربة مع العلم ان عقربة ال 127 داخل الفتيس ويجب حل الفتيس بالكامل وزود لي مجموعة تروس الخاصة بالغيار الخامس
والسيارة تعمل بكفائة تامه وانا اتعامل مع في سيارتي اللانوس ( اقصد الميكانيكي ) وهو الذي غيير لي سير الكاتينه بعد قطعه وعمل عمرة لوش السلندر من تغيير صبابات الي اخره
وهذا الرجل والدي يتعامل معه منذ اكثر من 30 عام في جميع سيارات العائلة لانه اولاً واخيراً رجل امين وعند عدم درايته بشئ لا يفتي فيه

عنوانه اخر شارع الكابلات من ناحية ميدان المطرية شارع يسمي صلاح سالم واسمه عم عبده واذا اردت تليفونه اضعه لك