عاوز ميكانيكى شاطر

[medo2o1o]

السلام عليكم
زميلى معاه عربية دايو لانوس 2 مو 2002 و عايزيين مكانيكى جامد بس قريب من مدينة نصر (لو الحرفيين او مصر الجديدة ماشى)
و عايزيين مكان يكشف على العربية بالكامل بالكمبيوتر و كله اكنه هايبعها عايزيين نعمل كدة عشان نعرف اذا كان فى حاجة بايظة تتصلح او تتغير
شكرا مقدما

[medo2o1o]

امييييين على المعاملة
عموما شكرا

[elza3em13]

متابع باهتمام

[محمد الشامي]

والله يا ريس معنى ان محدش رد يعني مفيش حد يعرف ميكانيكي جاااامد في مدينه نصر :-) لكن لو ينفع في مناطق تانيه اوكي

انا اسمع عن واحد قرب كوبري القبه , لو شغال معاك ممكن اقولك طريقه وتليفونه , وده عن تجربه زميل هنا في المنتدي , يعني انا معرفش الميكانيكي ده شخصيا

[Adham]

الكشف بالكمبيوتر ما يبقاش لة اي لازمة طالما العربية مش مدية check engine error

انت محتاج ميكانيكي نضيف يكشف عليها و يشوفها

شوف مركز خدمة المهندس مصطفي فايد اللي في ضهر قهوة ليموزين (شارع محمد مقلد)

شوف سمير - ورشة الجزيرة في الحي العاشر وراء سوق السيارات

شوف حمادة اللي ورا مدرسة رفاعه الطهطاوي امام المنهل في الحي الثامن

اللانوس سهلة و محفوظة وكلهم يفهموا فيها كويس بس انضفهم مركز م/مصطفى فايد

[MMamdouh]

الكشف بالكمبيوتر ما يبقاش لة اي لازمة طالما العربية مش مدية check engine error

مش شرط يا ادهم... انت من خلال السكانر تقدر تشوف قراية حساس الشكمان و زمن فتح الرشاشات و دة بيديك فكرة عن حالة الحساس و الرشاشات... لو الرشاشات وحشة او حساس الشكمان كفاءتة منخفضة لمبة التشك مش حتنور

انا غيرت حساس شكمان فى عربية واحد صاحبى لان على السكانر قراياتة كانت بين 400 الى 600 مللى فولت فقط فى حين ان الحساس السليم قراياتة المفروض تبقى بين 200 الى 800 مللى فولت... نفس الكلام فى الرشاشات لو زمن الفتح بعيد عن 1.8 مللى ثانية

MMamdouh

[Adham]

صح في دي معاك حق تماماً

و مش بس حساس الشكمان

حساس الاير ماس و حرارة الانتيك برضة نفس الكلام

لو قرايات الحساس مش صحيحة (نطاقها أضيق او مختلف بيتغير الحساس)

بس انا باقول طالما العربية ماشية كويس و مافيهاش اي مشاكل معينة (اكل بنزين - حريق ني - بتنتش او بترتل او مخنوقة) يبقى مش محتاج للكشف بالكمبيوتر

و لاني ماعرفش حد معين في مدينة نصر عندة السوفت وير بتاعها

اعرف واحد مثلا بيشتغل اوبل واعتقدش عندة الكارتة بتاعتها

علشان كدة دليتة عاللي اعرفهم

و ربما يلاقي مركز م/مصطفى فايد عندهم الكارتة بتاعتها

والله اعلم

قوللي بقى هو حساس الشكمان لابد قرايتة بين ال 200 - 800 في كل العربيات و للا بيختلف حسب النوع

اصل نفسي اعرف القرايات بتاعه عربيتي المظبوطة بتبقى كام

بدل ما اوديها ياسين او منصور علشان هما بس اللي عارفينها

وكل سنة و انت طيب

[medo2o1o]

تمام قوى شكرا بجد يا جماعة هبقى اشوف اللى فى محمد مقلد ده و ان شاء الله خير
سؤال اعرف منين ان بيض الدركسيون عايز يتغير اصل فى البنزينة و هو بيظبت الزوايا قاله انها عايزة تتغير بعد كدة وداها لميكانيكى قاله ان علبة الدركسيون عايزة تتغير

[medo2o1o]

صح في دي معاك حق تماماً

و مش بس حساس الشكمان

حساس الاير ماس و حرارة الانتيك برضة نفس الكلام

لو قرايات الحساس مش صحيحة (نطاقها أضيق او مختلف بيتغير الحساس)

بس انا باقول طالما العربية ماشية كويس و مافيهاش اي مشاكل معينة (اكل بنزين - حريق ني - بتنتش او بترتل او مخنوقة) يبقى مش محتاج للكشف بالكمبيوتر

و لاني ماعرفش حد معين في مدينة نصر عندة السوفت وير بتاعها

اعرف واحد مثلا بيشتغل اوبل واعتقدش عندة الكارتة بتاعتها

علشان كدة دليتة عاللي اعرفهم

و ربما يلاقي مركز م/مصطفى فايد عندهم الكارتة بتاعتها

والله اعلم

قوللي بقى هو حساس الشكمان لابد قرايتة بين ال 200 - 800 في كل العربيات و للا بيختلف حسب النوع

اصل نفسي اعرف القرايات بتاعه عربيتي المظبوطة بتبقى كام

بدل ما اوديها ياسين او منصور علشان هما بس اللي عارفينها

وكل سنة و انت طيب

لا دى بتاكل بنزين و مكتومة مع انه لسة مغير رشاشات
و كمان لمبة Check engine بتفضل منورة لغايت ما يدور المتور و لو مدورش المتور بتفضل قايدة

[Adham]

لو انت مش عارف محمد مقلد فين هوة اول يمين بعد ولاد رجب من مصطفى النحاس و امشي لغاية ماتلاقي فرن عيش على يمين على ناصية

هو اول محلين في الفتحة اليمين اللي قبل الفرن

[Adham]

لا دى بتاكل بنزين و مكتومة مع انه لسة مغير رشاشات
و كمان لمبة check engine بتفضل منورة لغايت ما يدور المتور و لو مدورش المتور بتفضل قايدة

لا انت كدة عايز حد عندة داينوزس (سكانر) و كمان الكارتة بتاعتها (كارتة السوفت وير اللي بيكشف علي الدايوو)

لو ملقيتش عند مهندس مصطفىبيقى انزل الحرفيين و اسأل على محمد عسكر الكهربائي قدامة فية واحد (مهندس احمد) شغلة يكشف بالسكانر و بس و مفروض انة كويس و فاهم

او بص

انزل لصابر اللي انا قلت انة بيشتغل اساسا اوبل

لان ممكن يكون عنده كارتة الدايوو لانها بقت جنرال موتورز و هو عندة ال 3 كارتات بتوع جي ام بكل عربياتها

بص روح رابعه و اسأل عالبوستة اللي وراء الخدمة الوطنية بتاعه الجيش (ا اللي وراء الشئون المالية اللي عاملين قزاز اخضر عاكس و الحديقة الفرعونيه)

هو قدام البوستة دي على طول واخد جنينة مثلثة كبيرة و كلها عربيات واقفة اغلبها اوبل

[medo2o1o]

لو انت مش عارف محمد مقلد فين هوة اول يمين بعد ولاد رجب من مصطفى النحاس و امشي لغاية ماتلاقي فرن عيش على يمين على ناصية

هو اول محلين في الفتحة اليمين اللي قبل الفرن

انا ساكن فى هشام لبيب تقريبا عرفت المكان مش المركز اللى جنب البستان

لا انت كدة عايز حد عندة داينوزس (سكانر) و كمان الكارتة بتاعتها (كارتة السوفت وير اللي بيكشف علي الدايوو)

لو ملقيتش عند مهندس مصطفة بيقى انزل الحرفيين و اسأل على محمد عسكر الكهربائي قدامة فية واحد شغلة يكشف بالسكانر و بس و مفروض انة كويس و فاهم

او بص

انزل لصابر اللي انا قلت انة بيشتغل اساسا اوبل

لان ممكن يكون عنده كارتة الدايوو لانها بقت جنرال موتورز و هو عندة ال 3 كارتات بتوع جي ام

بص روح رابعه و اسأل عالبوستة اللي وراء الخدمة الوطنية بتاعه الجيش (الشئون المالية اللي عاملين قزاز اخضر عاكس)

هو قدام البوستة دي على طول واخد جنينة مثلثة كبيرة و كلها عربيات واقفة اغلبها اوبل

هبقى اشوف بتاع رابعة ده و اقولكم ان شاء الله و لا اخدها من اصرها على الحرفيين على اساس ان السوفت وير هيبقى عنده اكيد

[medo2o1o]

والله يا ريس معنى ان محدش رد يعني مفيش حد يعرف ميكانيكي جاااامد في مدينه نصر :-) لكن لو ينفع في مناطق تانيه اوكي

انا اسمع عن واحد قرب كوبري القبه , لو شغال معاك ممكن اقولك طريقه وتليفونه , وده عن تجربه زميل هنا في المنتدي , يعني انا معرفش الميكانيكي ده شخصيا

شكرا لاهتما حضرتك المشكلة ان معرفش اروح القبة

[Adham]

انا ساكن فى هشام لبيب تقريبا عرفت المكان مش المركز اللى جنب البستان

ايوة صح الفرن اسمة البستان كويس قوي دة انت ساكن جنبة دقيقتين من بيتك شوف لو عنده كارتتها لو معندوش اضرب مشوار 5 دقايق لرابعه و شوف صابر

هبقى اشوف بتاع رابعة ده و اقولكم ان شاء الله و لا اخدها من اصرها على الحرفيين على اساس ان السوفت وير هيبقى عنده اكيد

شوف صابر (اللي في رابعه) الاول بس خللي بالك دة غالبا بيبقى زحمه قوي حاول تروح لو يوم عالضهر قبل الزحمه او ممكن بقى بالليل بعد الفطار و تقضي السهرة عنده

اسألة بس الاول ان كان عندة السوفت وير بتاعها و اصبر علية لغاية ما يروق و يشوفهالك

بس انا فاكر اني شفتة شغال في دايو قبل كدة

و لو قالك معندوش كارتة الداييو انزل للي قدام عسكر في الحرفيين

[MMamdouh]

صح في دي معاك حق تماماً

و مش بس حساس الشكمان

حساس الاير ماس و حرارة الانتيك برضة نفس الكلام

لو قرايات الحساس مش صحيحة (نطاقها أضيق او مختلف بيتغير الحساس)

بس انا باقول طالما العربية ماشية كويس و مافيهاش اي مشاكل معينة (اكل بنزين - حريق ني - بتنتش او بترتل او مخنوقة) يبقى مش محتاج للكشف بالكمبيوتر

و لاني ماعرفش حد معين في مدينة نصر عندة السوفت وير بتاعها

اعرف واحد مثلا بيشتغل اوبل واعتقدش عندة الكارتة بتاعتها

علشان كدة دليتة عاللي اعرفهم

و ربما يلاقي مركز م/مصطفى فايد عندهم الكارتة بتاعتها

والله اعلم

قوللي بقى هو حساس الشكمان لابد قرايتة بين ال 200 - 800 في كل العربيات و للا بيختلف حسب النوع

اصل نفسي اعرف القرايات بتاعه عربيتي المظبوطة بتبقى كام

بدل ما اوديها ياسين او منصور علشان هما بس اللي عارفينها

وكل سنة و انت طيب

كلامك مضبوط... انا افتكرت دلوقتى ان ياسر اللى معاه نوبيرا 2000 كان عندة مشكلة برجلة و استهلاك بنزين عالى و طلع حساس حرارة مية التبريد بيدى قراية غلط و الكونترول فاهم ان العربية باردة طول الوقت و شغال فى warm up mode

اعتقد قرايات حساس الشكمان واحدة فى العربيات كلها لانة فى النهاية بيقيس نفس خليط الهوا و البنزين فى اى عربية

MMamdouh