الى كل اصحاب النوبيرا

[gabry832003]

السلام عليكم ورحمة الله وبركاته
ارجو من كل اللى معاه نوبيرا يقولى تقييمه الشخصى للعربيه دى لانى بافكر اصرف نظر عن الفيكترا بعد المعاناه مع الاوبل الاسترا ...وكل سنة وانت طيبين .

[samirayad]

عشره على عشره

[gabry832003]

عشره على عشره

شكرا للرد يا هندسه .بس احب اوضح لحضرتك انى مهندس شغال فى مجال المقاولات الحره وبصراحه اللى خلانى افكر فى الاوبل هو طبيعة العمل الصعبه وان مافيش وقت كل شويه اقعد جنب الصنياعيه ولكن صدمت طبعا من الاوبل بسبب العطلة فى الصيانه كل شويه غير ان صيانتها مكلفه وبتتعمل عند ناس معينين مع العلم انى لسه فى بداية مشوار المقاولات ومش حمل مصاريف كل شويه.
عموما لو تكرمت حضرتك تقولى مزايا وعيوب العربيه دى وهل تتحمل العمل الشاق ؟

[gabry832003]

ايه يا جماعه محدش راكب نوبيرا خالص يشاركنا الرأى ؟!!!
اخوكم مزنووووووووق

[محمد الشامي]

انا مش معايا نوبيرا
بس تقييمي الشخصي ليها وعن تجربه انها عربيه فوق الممتازه وسعرها حلو وصيانتها سهله وقطع غيارها متوفره وبأسعار حلوه جدا
وكمان عربيه ملهاش اعطال شائعه , وبالاضافه لكل ده فهي شيك وفخمه وثابته على الطريق وموتورها قوي ومناسب جدا لحجمها

[gabry832003]

انا مش معايا نوبيرا
بس تقييمي الشخصي ليها وعن تجربه انها عربيه فوق الممتازه وسعرها حلو وصيانتها سهله وقطع غيارها متوفره وبأسعار حلوه جدا
وكمان عربيه ملهاش اعطال شائعه , وبالاضافه لكل ده فهي شيك وفخمه وثابته على الطريق وموتورها قوي ومناسب جدا لحجمها

اخى الكريم. شكرا للرد. بس على حد علمى ان معايير الامان فيها قليله شويه من حيث الصاج والتصادم ,هل موجود بها تصفيح للابواب مثل الاوبل ولا هى مجرد علبه صاج وخلاص

[haimaN]

انا معايا نوبيرا وبرده مهندس معمارى وبنزل مواقع كتير ولف وطبعا سفر رحلات صيد كل تقريبا اسبوع
العربية تقيمها بالنسبة ليا 10-10 من حيث التكلفة فى الصيانة ووسعها وتحملها وسهولة صيانتها
بصراحة مش عارف الناس مش بتحبها اوى ليه
وبصراحة حبتها اكتر من المنتدى لان كان ساعات بيحصل فيها حاجات لكن العباقرة اللى هنا خلوا الواحد يعرف كل كل حاجة فيها
اتوكل على الله هاتحس بفرق كبير
بس طبعا خلى بالك انت كنت راكب اوبل المانى هاتنزل من المانى لكورى
شوف اى واحد صاحبك معاه نوبيرا سليمة واركبها وشوف انت شعورك اى

[gabry832003]

انا معايا نوبيرا وبرده مهندس معمارى وبنزل مواقع كتير ولف وطبعا سفر رحلات صيد كل تقريبا اسبوع
العربية تقيمها بالنسبة ليا 10-10 من حيث التكلفة فى الصيانة ووسعها وتحملها وسهولة صيانتها
بصراحة مش عارف الناس مش بتحبها اوى ليه
وبصراحة حبتها اكتر من المنتدى لان كان ساعات بيحصل فيها حاجات لكن العباقرة اللى هنا خلوا الواحد يعرف كل كل حاجة فيها
اتوكل على الله هاتحس بفرق كبير
بس طبعا خلى بالك انت كنت راكب اوبل المانى هاتنزل من المانى لكورى
شوف اى واحد صاحبك معاه نوبيرا سليمة واركبها وشوف انت شعورك اى

شكرا لحضرتك,انا قدامى عربيه موديل 2006 صيانه فى التوكيل على حد كلام صاحبها بصراحة العربيه ممتازه وسليمه وكلها فابريكه ماعدا الاكصدام الخلفى هو طالب فيها 56000 وعامله حوالى 70000 كم وانا فعلا جربتها تكييف ممتاز سحب قوى عفشه سليمه فهل ده سعرها فعلا ولا اكلم معاه فى اقل من كده؟

[haimaN]

والله انا مش اقدر افيدك فى السعر اوى
لكن ماشاء الله هى لو صيانتها فى التوكيل والله تبقى كويسة لانى الى فترة بسيطة كنت فى التوكيل علطول الى الان السيور بغيرها فى التوكيل لكن اى عفشة او حاجة تانية بغيرها بره التوكيل
اتوكل على الله وشوف ورق الصيانة كويس بالتواريخ وكمان اكشف على العربية كويس وبدام انت شايف انها سحبها كويس وانت مستريح يبقى باقى انك تكشف اخر حاجة عليها واتوكل على الله
لكن السعر اخوانى يقولولك بالضبط ممكن تبقى كام
ونصيحة منى مش هاتندم انك جيبت نوبيرا واكيد انت ركبت وشوفت وسعها وانت سايق
وفى موضوع كمان فى المنتدى اسعار قطع الغيار الخاصة بها
ادخل وانت هاتصدم لو قارنت بينها وبين الاوبل

[محمد الشامي]

شكرا لحضرتك,انا قدامى عربيه موديل 2006 صيانه فى التوكيل على حد كلام صاحبها بصراحة العربيه ممتازه وسليمه وكلها فابريكه ماعدا الاكصدام الخلفى هو طالب فيها 56000 وعامله حوالى 70000 كم وانا فعلا جربتها تكييف ممتاز سحب قوى عفشه سليمه فهل ده سعرها فعلا ولا اكلم معاه فى اقل من كده؟

السعر ده كتير شويه عليها , خاصه انها 2006 وعامله 70 الف كم !!! يعني حوالى 17500 كم في السنه , وده معدل عالى شويه

في رأيي ان العربيه دي تمنها ممكن ينزل 3 الاف جنيه كمان , وانت وشطارتك لو تقدر تنزل اكتر عشان تكون انت الكسبان


وكلامي ده على اساس ان موديلات 2007 دلوقتي عامله في حدود 55 الف جنيه , وعداد الكيلو بيكون اقل من 70 الف كم دي بكتير

[gabry832003]

انا فعلا هاستنى راى الاخوه الكرام فى موضوع السعر ده لانى بصراحه العربيه عاجبانى ومش عاوز اعجابى بيها يخلينى ادفع فلوس زياده عن تمنها .انا عاوز اشترى بما يرضى الله ولا اضحك على حد ولا حد يضحك عليا.
اما بالنسبه لموضوع قطع الغيار فانا متأكد من كلام حضرتك لان مافيش قطع غيار متوفره ومنتشره ورخيصه زى الكورى .
وان شاء الله هاخد بنصيحة حضرتك واشترى النوبيرا لان الاوبل دى فعلا خلصت عليا غير ان سعر اعادة بيعها فى الارض.

[haimaN]

انا والله مش اعرف فى السعر
بس تعرف يا محمد انا عربيتى عامله كام دلوقتى
194500 تخيل وموديل 2001 :( يعنى ممكن كمان كام شهر هاتبقى 200 الف
يعنى تقريبا فى كل سنة بمشى بيها 21000 الف كيلو
هو المفروض لو بحافظ عليها امشى كام فى السنة

[محمد الشامي]

على حد علمى ان معايير الامان فيها قليله شويه من حيث الصاج والتصادم
هل موجود بها تصفيح للابواب مثل الاوبل ولا هى مجرد علبه صاج وخلاص

حكايه التصفيح دي للاسف انا معنديش فكره عنها بصراحه , بس اللي يفيدك فيها اكتر ملاك النوبيرا واصحاب الخبرات

لكن حكايه معايير الامان دي فهي مثلا مفهاش air bags ولا abs , لكن في بعض الزملاء هنا عاملين مواضيع كويسه جدا عن تعديل الفرامل في النوبيرا , واعتقد ان ده شئ كويس لصالح الامان في النوبيرا

وحتى مع وجود كل معايير الامان في اي عربيه فالمفروض ان الواحد بيتعامل مع الطريق بحرص ,, لان ساعه القدر حسابات البشر بتختلف , ربنا يستر طريقنا جميعا

وعشان كده لو بصيت للعربيه من حيث الاداء والراحه والنعومه في السحب والرخص في قطع الغيار هتلاقي العربيه دي فعلا تقييمها 10/10 , لكن لو حضرتك هتقارنها بالعربيات الالماني او الفرنساوي والياباني فأكيد النوبيرا مش هتقدر تنافس بقوه

لكن إجمالاً هي عربيه صاجها كويس و مريحه واقتصاديه , يعني عربيه بتاعت شغل

[gabry832003]

السعر ده كتير شويه عليها , خاصه انها 2006 وعامله 70 الف كم !!! يعني حوالى 17500 كم في السنه , وده معدل عالى شويه

في رأيي ان العربيه دي تمنها ممكن ينزل 3 الاف جنيه كمان , وانت وشطارتك لو تقدر تنزل اكتر عشان تكون انت الكسبان


وكلامي ده على اساس ان موديلات 2007 دلوقتي عامله في حدود 55 الف جنيه , وعداد الكيلو بيكون اقل من 70 الف كم دي بكتير

انا برضو مع رأى حضرتك وقولت هبدأ معاه من خمسين لحد 53 بس كنت مستنى تأكيد المعلومه

[محمد الشامي]

انا والله مش اعرف فى السعر
بس تعرف يا محمد انا عربيتى عامله كام دلوقتى
194500 تخيل وموديل 2001 :( يعنى ممكن كمان كام شهر هاتبقى 200 الف
يعنى تقريبا فى كل سنة بمشى بيها 21000 الف كيلو
هو المفروض لو بحافظ عليها امشى كام فى السنة

ربنا يباركلك فيها يا استاذي :-)

حكايه الكيلو متر في السنه دي بتكون عمليه تقريبيه وحسب الاستخدام والاحتياج

لكن حسب اللي اعرفه ان المعدل المعقول لعدد الكيلو متر في السنه 10000 كم مثلا , يعني نقول 850 كيلو في الشهر (بس الكلام ده في حاله انها استخدام عادي وعائلي مثلا)

لكن في ناس احتياجها للعربيه بيتمثل في سفر كتير ولف كتير وشغل رايح جاي وهكذا , واكيد المعدل في الحاله دي هيرتفع

اهم حاجه تكون صيانه العربيه ماشيه تمام وبالاصول

العداد وقت البيع بيكون شبه تلكيكه من المشتري عشان ينزل في السعر على اد ما يقدر , يعني كل ما الواحد يقلل عدد الكيلوات المقطوعه بعربيته كل ما تحفظ سعرها وقيمتها الى حد ما :-)