الى كل اصحاب النوبيرا

[محمد الشامي]

انا برضو مع رأى حضرتك وقولت هبدأ معاه من خمسين لحد 53 بس كنت مستنى تأكيد المعلومه

حضرتك كده تمام ولو عرفت تخلصها في الحدود دي يبقا انت الكسبان
بس اهم حاجه تتأكد من خلو العربيه من اي عيوب فنيه واكشف عليها كويس جدااااااااااااااااااا , ومتعديش اي حاجه فيها حتى لو خدش صغير انت شاكك فيه

وان شاء الله لما يطمئن قلبك ليها بنسبه 95% عالاقل توكل على الله وخلص فيها , والف مبروك مقدما :-)

لو حضرتك من القاهره ممكن ارشحلك بنزينه بتكشف كويس جدا على العربيات في اول الهرم , بنزينه شيل

[hanycapoo]

مرسيدس الكورى دى اقل كلمة اقدر اقولها عن النوبيرا عربية نضيفة وهتحس بفرق للاحسن فيها عن الفيكترا صدقنى عربية تكييف وسحب ووسع وقطع غيارها بملاليم واى ميكانيكى بيشتغل فيها اتكل على الله واشترى

[walidadel81]

انا مش بقالي كتير العربيه معاي تقريبا اربع شهور عاملت بيها حوالي 12الف كيلو عايز اقولك اني بشتغل بالعربيه بتوزيع اكسسوار الموبيل عالمحلات يعني بشقي العربيه يوميا عايز اقولك ان والحمدلله كانت العربيه دي افضل اختيار لي بعد كذا عربيه جربتها بالقصه دي عربيه مشاء الله عليها واسعه ومريحه وعفيه وقطع غيرها عند البقال وارخص بكتير من الاوبل عفكره انا بالاول كنت بقارن بينها وبين الاول لان كان قدامي اوبل فيكترا 98 وكل الناس اجمعت عالنوبيرا عشان كل حاجه فيها الحمدلله ممتازه وعربيه عامله زي العربيه البيجو ال504 اصليه جداااااااااا ومن الصعب انها تبهدلك بالشارع وتخليك تفتح كبودها عشان عطلت فجاه وبالمحافطه عليه توكل عالله واشترها ومش هتندم وبالنسبه للسعر لوانت شايف حاله العربيه حلوه توكل عالله واوعي تسبها حتي لوكان فيها زياده اف او اتنين انت هتركبها مش هتاجر فيها

[khaled_2011]

نوبيـــــــــــــــــــــــرا وبس

عربيه فو الممتازه

[gabry832003]

الى كل الاخوه الكرام.متشكر جدا ليكم على حسن التعاون ,وان شاء الله انا فعلا هاخلص فى النوبيرا سواء اللى حكيت عليها أو اى نوبيرا تانيه,ادعولى ....

[haimaN]

ربنا يوفقك ان شاء الله
ويكرمك بعربية سليمة :)

[hosar]

انا معايا نوبيرا و لو اخترت تانى لكنت جبت بردوا نوبيرا

[Ahmed Nasser]

نوبيرا وتوكل على الله ومتحملش هم الصيانة عند اى مكانيكى يصلحها

[romeofinger]

النوبيرا سيارة محترمة جدا جدا فى صالونها و تصميم الموتور وحجمها و شنطتها و حاجات تانية كتير
وسيبك من كل اللى بيفتى ويقولك أوعى النوبيرا
عيبها الوحيد الوحيد العفشة ودى أمرها هايف جدا لأن سعر المقصات و الأتياش وبارات الدريكسيون والكلام ده رخيص
و أوعى حد يجيب جلب وبيض ويركبه بدل اللي في المقص اللي عنده والشغل ده لأنك حتدفع فوق المصنعية فلوس للخراط اللى حيركبلك الحاجات دى على المكبس ويبنطها لأن أصلا جوز المقصات بـ 230 جنيه ولو جبت أحسن حاجة اللى هى ctr بـ 330 جنيه (المقص بالجلب والبيض) بالإضافة أنه عمره أطول بكتير من أنك تغيير الجلب و البيض فى المقص القديم وأحسن بكتير وفى أوقات بيكون أرخص
نيجى للبارات والأتياش و بيض الطرف كل الكلام ده كلا فارغ مش حيعدى ال 500 جنيه وحيخليلك العربية حاجة تانية خالص حتحس إنك مبسوط بالعربية بصراحة ولو فى مشاكل فى المساعدين أنصح بس بالمساعدين ليابانى kyb ودى تمنها للآربع مساعدين 1040 جنيه (ده لو محتاجة)
وبالنسبة للنوبيرا الأتوماتيك ما تسمعش كلام حد. الفتيس محترم (بـــــــــــــــــــس) خلى بالك تكشف على الفتيس عند واحد بتاع فتيسات أوتوماتيك و يكون الجراب بتاع وير الفتيس مقفول وسليم من فوق ( من يمين الموتور فى خرطوم أسود حواليه ذى كافر أسود ذيجذاج )

ملحوظة هامة الفتيس الأوتوماتيك فى النوبيرا مش ذى اللى فى ال أوبترا أو ال النترا ( الآتنين كهربا بس دول على كمبيوتر وبتاع النوبيرا ميكانيكى) وده بيخلى العربية مش حامية ذى ما بيقولوا ودا عن كلام مهندس كان شغال فى أبو غالى

ـ نيجى للمهم عايز فيتيسك الأوتوماتيك يفضل ذيرو لازم تحفظ النقط دى:
ـــــ جراب وير الفتيس اللى واصل على بكرة وير الأكسلاتير يكون مقفول كله وخصوصا من الحته الذيجذاج اللى بتكون فى يمين الوتور بالضبط ( عشان دخول أي تراب أو مياه أو زيوت أو ماء وصابون من الغسيل أو أو حيدمــــــــــرلك الفتيس)
ـــــ تستعمل بطارية جافة ( عشان سوائل البطارية السائلة بتقتل الفتيس لو نزلت عليه خصوصا أنه تحت البطارية)
ـــــ تغيير زيت الأوتوماتيك بزيت محترم و ما تسترخصش و معاه الفلتر والجوان كا 40,000 كم ( علشان تحافظ عليه)
ـــــ ممنوع الكيك داون والقرص والعربية باردة أو على سرعات منخفضة جدا

[Badrawy]

عربية كويسه وعلى قد فلوسها

بس لو معاك اكتر هات اوبترا او لانسر