عداد البنزيين

[age]

لما ابطل العربيه واشيل المفتاح من الكونتاكت مؤ شر البنزين مبينزلش بيظل كما هو هل ده عيب
عربيتي لانوس ا موديل2000
كنت راكب اوبترا لاقيت المؤشر بينزل

[ahmedhilmy]

وضع طبيعي مش بينزل

[mmd3]

وانا برضو لانوس 1 وفعلا مش بينزل
ومع صاحبي لانوس 2 وبرضو مش بينزل
كمان في النوبيرا مفتكرش انة بينزل مع نزع المفتاح

متقلقش عربيات الدايو كدة

بس لية كدة وفي اغلبية العربيات التانية اذا مكانش كلها بينزل المؤشر لما تشيل المفتاح ؟

[abdo_general]

انا برضه نفس الحكاية
ومااعتقدتش دا عيب

هو بتختلف من عربية لعربية

يعني تقريبا التيوتا برضه بينزل

لكن الدايو لاء

عادي ما تقلقش

[محمد الشامي]

الطبيعي في الدايو ان مؤشر البنزين يفضل على مستواه الحقيقي لقراءه تانك البنزين

والعكس طبعا هو اللي مش طبيعي

[faron525]

وانا كمان عندي نفس الموضوع وهو ده العادي مفيش مشكلة

[tarek_2005]

يا شباب هناك نوعان من التغذية بالكهرباء في السيارة اما hot all time اي يوجد فيها 12 فولت في جميع الاحوال او acc ويوجد بها 12 فولت عند تشغيل اول سنة من فتاح التشغيل وقبل فتح الكونتاكت

وعليه في جميع السيارات الدايو دائرة عداد مؤشر البنزين تغذيتها hot all time لذا لا ينخفض المؤشر ولا يتاثر بوضع المفتاح من عدمه
لعلي اكون وضحت الصورة
وان كان من خطأ فمن نفسي والشيطان وان كان من صواب فمن الله

[Car's Sniper]

كل الدايو كدة

http://www.nilemotors.net/Nile/168028-a.html

[dr.hany]

انا شايف ان ده ميزه مش عيب

[محمد الشامي]

انا شايف ان ده ميزه مش عيب

طيب ايه وجهه نظر حضرتك فـ انها ميزه ؟؟ لاني بصراحه مفكرتش قبل كده اذا كان ده ميزه ولا عيب !! :-)

[jojowork1]

يا شباب هناك نوعان من التغذية بالكهرباء في السيارة اما hot all time اي يوجد فيها 12 فولت في جميع الاحوال او acc ويوجد بها 12 فولت عند تشغيل اول سنة من فتاح التشغيل وقبل فتح الكونتاكت

وعليه في جميع السيارات الدايو دائرة عداد مؤشر البنزين تغذيتها hot all time لذا لا ينخفض المؤشر ولا يتاثر بوضع المفتاح من عدمه
لعلي اكون وضحت الصورة
وان كان من خطأ فمن نفسي والشيطان وان كان من صواب فمن الله

انا اسف بس معلش الكلام ده مش مظبوط هنا العداد بتاع اللانوس مصمم علي جلب ضيقه وقلبه فيه ماده زي الزيت لزجه وتقيله في الجلب وهي اللي بتخليه يطلع ببطء وما ينزلش لما بتطفي العربيه وديه فكره عشان يخلي مؤشر البنزين بيديك قرايه طول الوقت حتي لو طافي العربيه
طيب انا بقول كلام غلط ايه اللي يثبت كلامي ده
1- بص علي اي مؤشر من اللي بينزل وليكن مثلا الهيونداي هتلاقي المؤشر مع التفويل او بمجرد فتح الكونتاكت بيجري بسرعه علي مكانه في ثانيه برغم من ان الانوس بيطلع ببطء شديد مع التفويل ممكن لو العربيه فاضيه وفولها يستغرق خمس دقايق عشان يوصل مكانه
2- افصل كبل العدادات من ورا او حتي كبل البطاريه اصلا هتلاقي المؤشر مش بينزل من مكانه اصلا وده دليل قاطع علي ان ملهوش علاقه خالص بالبطاريه او الكهرباء او acc او 12 فولت زي ما حضرتك شرحت والا كان خلص البطاريه لو العربيه اتركنت فتره وده يبقي عيب قاتل في تصميم العربيه
ارجو اني اكون وضحت
وطبيعي ان المؤشر ما ينزلش في الانوس ولا تقلق

[MMamdouh]

مؤشر البنزين فى اللانوس بيثبت مكانة اول ما تقفل الكونتاكت و حيفضل على الوضعية دى حتى لو فكيت العدادات برة العربية

المؤشر علية حاجة زى فرملة بتتشال لما تفتح كونتاكت و ترجع تفرمل الؤشر لما تقفل الكونتاكت

MMamdouh

[M.almaghraby]

انا استغربت الموضوع دا جدا عندي و كنت فاكره معلق !!

طيب هل الكلاكس بقا بيشتغل مع الكونتاكت ولا دي افتكاسة هههههههههههههه؟؟

[hosar]

و انا شايف انها مش فارقة أهم حاجة ان دا يكون الوضع الطبيعى مش بسس عطل

[محمد الشامي]

مؤشر البنزين فى اللانوس بيثبت مكانة اول ما تقفل الكونتاكت و حيفضل على الوضعية دى حتى لو فكيت العدادات برة العربية

المؤشر علية حاجة زى فرملة بتتشال لما تفتح كونتاكت و ترجع تفرمل الؤشر لما تقفل الكونتاكت

mmamdouh

الله ينور عليك بجد , النقطه دي بالنسبه ليا كانت مش مفهومه لكن كده تمام

وطبعا شكرا للاخ jojowork1