كاسيت اللانوس+فيشه الاوكتان

[acoount]

مشكله بسيطه كنت غيرت فيشه الاوكتان كما اوصى بها الاستاذ محمد الشامى الى 92 وفعلا العربيه فرقت جامد اوى وطبعا كنت فكيت القطب السالب للبطاريه وطبعا برمجه التسجيل راحت وهو كلاريون بتاع العربيه حاولت اعمل برمجه تانيه بيبرمج ومنور بس مافيش صوت طالع بصيت على السماعات مش فاهم ياترى المشكله دى من ايه وشكرا لاعضاء المنتدى وبخص الاستاذ محمد الشامى
اسماعيل رفاعى

[محمد الشامي]

ازيك يا استاذ اسماعيل :-)

اولا لا شكر على واجب بخصوص موضوع تعديل الفيشه , لكن مع مراعاه انها مش توصياتي ولا حاجه :-) احنا كلنا عرفنا موضوع الفيشه على ايد الاستاذ عصام غنايم , ولو كنت قولت لحضرتك طريقه الضبط الخاصه بالفيشه فهي من خلال توجيهات استاذ عصام , جزاه الله كل خير ويجب الا ننساه بالشكر والدعاء :-)

لكن احب اطمن حضرتك ان مفيش اي علاقه بين الكاسيت وظبط فيشه الاوكتين

حضرتك جرب تظبط توزيع الصوت من الكاسيت نفسه , احتمال يكون عندك سماعات مش شغاله ومع الغاء برمجه الكاسيت الاوضاع اتعكست واصبح التوزيع الافتراضي للصوت من داخل الكاسيت موجه الى السماعات البايظه , بس ده لو حضرتك كنت عملت شغل في اسلاك الكاسيت قبل كده

بالتوفيق ان شاء الله

[acoount]

انا مش عامل اى شغل خالص فى الكاسيت لانه بتاع السياره وانا مش من هواه الكلام ده انا كبيره محطه الشباب والرياضه والقران الكريم انا خايف يكون فيوز ولا اروح لمتخصص وشكرا على الرد

[محمد الشامي]

اللي انا عايز اطمن حضرتك ليه هو ان الكاسيت وفيشه الاوكتين ملهومش علاقه ابدا ببعضهم :-) اللي حصل ده نتيجه الغاء البرمجه من على الكاسيت

حضرتك جرب الاول تظبط توزيع الصوت من جوا الكاسيت , ولو مفيش نتيجه , روح لحد متخصص احسن

وان شاء الله هتكون حاجه بسيطه

[tarek_2005]

كل وظائف الكاسيت شغالة عدا الصوت ولا في وضائف اخري معطلة مثل الساعة بتعته مثلاً لاتعمل

[acoount]

ماعدا الصوت

[popahly]

طيب سؤال رفيع برضوا بخصوص فيشة الأوكتين برضوا ليه علاقة بالموضوع انا لما عملتها على 92 العربية مبقتش تسخن زى الأول ياعنى المؤشر مبقاش يوصل للنصف بسرعة مع العلم إنى كنت ظابتها على 95 وانا بمون 92 وقولت أعمل زى مقال المهندس ممدوح واشيل الفيشة خالص بحيث تبقى ظبتها على 92

[MMamdouh]

مشكله بسيطه كنت غيرت فيشه الاوكتان كما اوصى بها الاستاذ محمد الشامى الى 92 وفعلا العربيه فرقت جامد اوى وطبعا كنت فكيت القطب السالب للبطاريه وطبعا برمجه التسجيل راحت وهو كلاريون بتاع العربيه حاولت اعمل برمجه تانيه بيبرمج ومنور بس مافيش صوت طالع بصيت على السماعات مش فاهم ياترى المشكله دى من ايه وشكرا لاعضاء المنتدى وبخص الاستاذ محمد الشامى
اسماعيل رفاعى

هو انت فصلت كابل البطارية ليه اصلا؟

MMamdouh

[tarek_2005]

وانتا بتركب قطاش البطارية السالب حصل شرز ولا لاء

[waleedrahmy]

مفيش علاقة بين فيشة الاوكتان والكاسيت خالص

[tarek_2005]

راجع الفيوز الموضح بالصورة وفي الغلب ستجده سليم بس تاكد منه



ثانياً تاكد من مفتاح الفوليوم انه علي مستوي مناسب وحاول تغييره لوضع اخر
ثالثاً تاكد من مفتاح الفيدر انه مظبوط علي السماعات الامامية والخلفية معاً
رابعاً تاكد من مفتاح الموازنة BAL انه مظبوط علي وضع يمين وشمال معاً
اذا استمر العيب بعد كل هذه الاستفسارات وتاكدت منها اذا الكاسيت اتحرقة IC الامبليفير بتاعته ووجب تغيرها

[wael_dosoky]

هو انت فصلت كابل البطارية ليه اصلا؟

mmamdouh

توصيات الأستاذ عصام غنايم كانت كده
ان لازم نشيل الكابل السالب

[prince2005]

مفيش علاقة بين فيشة الاوكتان والكاسيت خالص

[MMamdouh]

توصيات الأستاذ عصام غنايم كانت كده
ان لازم نشيل الكابل السالب

كابل السالب ملوش علاقة بالقصة دى

MMamdouh

[acoount]

الاستاذ ممدوح انا قريت فى موضوع فيشه الاوكتان اننا نفصل كابل البطاريه السالب عشان كده فصلته
هل فيه فيوز خاص بالسماعات بتاعه العربيه ممكن ابص عليه