Tweet
وانا فعلا نظفت البوابه قبل كده وغيرت حساس الايدل وغيرت سولك بوجيهات وغيرت بوجيهات بس الموضوع ده فعلا حصل بعد ما غيرت جوان وش السلندر لانها كانت جابت جوان بس بستم واحد اللي كان خالط وصراحه كان الوش متأكل من المياه واناوديته المخرطه يتملي ويتفرغ من جديد هل له علاقه بالموضوع ده
-
-
لو فية حساس حرارة ان تيك (بيبقى في المنافولد) يبقى نضفة كمان
التنضيف مش بدبليو دي فورتي بالنسبة لحساسات الهواء
بيبقى بسبراي بدون زيت زي سبراي تنظيف الانجكشن
لما وديت الوش للخراط خليتة عمل قواعد للصبابات (فرزها) و للا لأ
عامه موتور كوري لما يعمل 200 الف او اكتر شوية يبقى على وش عمرة
حاول تشوف الدخان الابيض اللي بيطلع من الشكمان دة بخار ماء و للا زيت
لانة لو بخار مياة يبقى الوش فية حاجة
اعتقد ان من الافضل كدة لما تحل الموتور لو لقيت الشمايز فيها عتب ماتعملش طقم شنبر
هات موتور استيراد و ريح بالك
طالما الوش تعبان و المكنة بتاطل زيت يبقى غيرها اوفر و افضلComment
-
-
متشكرجدا وهو ده فعلا اللي هيحصل لان شراء العبد ولا تربيته بس تغير موتور ده دوشه في المرور وتغير رقم موتور واثباته في الرخصهComment
-
انا اساسا من المنصوره وروحت لاشهرميكانيكي في المنصوره بيقولو عليه الدكتور وهو فعلا دكتور وهو فعلا قالي ده مش عيب موتور وعملي تقسيمه للكاتينه وبقت تمام في السحب بس مش علي الاول ولا التاني بدايه السحب بتكون تمام علي التالت والرابع والخامسComment
-
التقسيمة لو مش مظبوطة الموتور حايبقى متبرجل على طول
مش اول عشر ثواني في الدوارة و بس
و مش في السحب الهادي تبرجل و لما تسحب و تجيب التالت و الرابع تبقى كويسة
حاول تقيس كبس الموتور دة
بعداد الكبس اللي بيركب مكان البوجيهات و تدي مارش (مش بالكمبيوتر اللي بيركب على سلوك البوجيهات)
علشان لو فية صباب قاعدتة مش كويسة و بيهرب كبس حايبان
و علشان الموتور عندك خفيف يبقى حط شوية زيت صغيرين على وش البستم من فتحه البوجية قبل ماتركب عداد مقياس الكبس
علشان مايبقاش فية تهريب من الشنابر و بالتالي يبقى الحكم على قواعد الصباباتComment
-
ان شاء الله بس ياريت مساعده ضغيره لاني سالت علي جهاز قياس كبس الموتور بس لو حد يعرف مكان حد في المنصوره اكون متشكر له جداComment
-
اقولك حاجة كمان حلوة قوي
هات علبة سبراي تنضيف كارتات كمبيوتر من اللي بتتباع فو مولات الكمبيوتر بيبقى مكتوب عليها "أكاي" و لونها ازرق (بدون زيت)
Contact Cleaner
و فك فيش الحساسات فيشة فيشة و انفخ فيها و رشها سبراي بالشاليموو الرفيع اللي مع السبراي و استني دقيقة تنشف و بعدين ركبها
علشان لو فية زفارة او اكسده على فيش الحساسات او الايدل او التي بي اس يبقى تروح الفيش تبقى زي الذهب ماتهربش و لا تعمل اي فاقد في الاشارة
و اتأكد من كابلات االارضي بتاعه الموتور دة انها راكبة كويس و ملمسة في صاج العربية
و أخر حاجة
لو عربيتك بيتعمللها أيدل رن اعملةComment
-
للاسف ماعرفش حد في المنصورة
لو بتنزل القاهره - مدينة نصر أدلك
بس اكيد حاتلاقي عندك في المنصورة
انتوا عندكوا صنايعية زي الفلComment
-
انا اساسا مهندس ماكينات تصوير وعندي خلفيه عن موضوع اكسدة توصيلات الاسلاك فعلا وهعمل كده تاني لاني بصراحه صرفت ثمن موتور جديد مش استيراد والصنايعيه عندنا ما شاء الله مش يقولك هنجرب حاجه لا يقولك غير علطول حتي لو مش متاكي ما هو مش خسران حاجهComment
-
انا متشكر جدا وان شاء الله هحاول اعمل كل حاجه ممكنه قبل ما افك الموتورComment
-
العفو ياباشمهندس و ابقى طمننا اية اللي حصلComment
-
انا متشكر جدا للمساعده وان شاء الله هحاول اشوف الحلول اللي تكرمتم بمساعدتي فيها واكيد هعرفكم لو حصل تغيرComment
-
فيه ميكانيكى محترم متخصص فى الدايو بس
الراجل ده فى طنطا لو عندك استعداد راسلنى وانا اكتب لك عنوانه[CENTER][gdwl][justify]شغل بالى واحزننى حال بلدى واعتصر الحزن قلبى مما وصلنا اليه واخيرا وجد الحل كلمه واحده تجعل بلدى فوق قمة القمم معناها كبير لمن يستطيع فهمه
الاحــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــترام
[/justify][/gdwl][/CENTER]Comment
-
اشمعنى يا محمدالمشاركة الأصلية كتبت بواسطة MMamdouh مشاهدة المشاركة[URL=http://www.trippytext.com/][img]http://www.trippytext.com/gen/54/822/095ad67de2e5c7d359a04f3a78e94695.gif[/img][/URL]Comment
Comment