الحمد لله ربنا كرمنى و اشتريت دايو جوليت 1 موديل 2000

[ehabomar1987]

الحمد لله اشتريت دايو جوليت 1 موديل 2000 و ان شاء الله هرفع صورها قريب
بس طبعاا هى فيها شوية حاجات عايزة تتظبط و مع العلم ان ديه تبقى اول عربية ليا
1 - الرشاشات محتاجة تتغير : اغيرها ايه و من فين و بكام و اركبها فين
2 - الاستيبن عندى المسمار بتاعه ضايع و كل ما اخد مطب احس انه بيخبط فى الشنطة : انا عارف ان فى مسمار بيسبته اجيبه من فين و ياريت لو حد يعرف سعره
3 - الفوانيس الامامية ضعيفة و طوست كنت عايز اغيرها : اجيبها من فين و بكام و اركبها فين
4 - انوار العدادات و الطابلوه ضعيفه كنت عايز اركب غيرها علشان اشوف العدادات : اجيبها من فين و بكام و اركبها فين
5 - الازاز الخلفى اللى متركب مش اصلى : اجيب الاصلى من فين و بكام و اركبه فين
6 - المساحات لما بتشتغل مش بتنضف كويس : كنت عايز اغيرها اجيبها من فين و بكام و اركبها فين
7 - الرف الخلفى اللى متركب عليه السماعات مش ثابت الكلبسات بتاعته بايظه : ياترا ممكن اغيره و من فين و بكام و اركبه فين ولا اثبته احسن و ازاى

انا اسف على الاطالة بس ديه اول عربية ليا و انا مليش خبرة فى العربيات و انا عايز الصراحة احافظ عليها

و شكراا

[amooooor_s]

انت بتسأل على الزجاج الخلفي عرفت اذاي انه مش اصلي لان عندي برده مشكله في عربيتي ان الزجاج الخلفي مفارق عن السقف هل ده عندك فعلا

[amooooor_s]

اسف والله ياباشا نسيت اقولك الف مبروك وربنا يكفيك شرها وجيبتها على كام وعاملة كام الف كم والحالة العامة عاملة ايه

[tarek_2005]

اهلاً ومرحباً بك في قسم الدايو الذي لن تستغني عنه من اليوم

راجع المواضيع الموجودة باهم موضوعات القسم اولاً ثم حدد اسالتك التي لم تجد لها اجابة في الموضوعات السابقة

ونحن نرحب بك معنا ولن نتاخر عن الرد عليك

[ahmedteam]

اولا:الف مبروك على العربيه و ربنا يديك خيرها و يكفيك شرها

و لازم تراجع اهم موضوعات القسم علشان هتستفيد كتير ان شاء الله

و بالنسبه لاستفساراتك ف انا هحاول افيدك و طبعا خبراء المنتدى هيساعدوك احسن منى

1- هات رشاشاتBMW المكنه ال 1600 من الحرفيين من عند محل اسمه المتحده تقريبا و يارب مكنش غلطان او اى حد بتاع BMW استيراد و الف مين يدلك هناك و هما فى حدود 200 جنيه و الروابط دى ممكن تفيدك

http://www.nilemotors.net/Nile/169963-a.html

http://www.nilemotors.net:80/Nile/71086-a.html

2- ممكن تلاقى المسمار ده عند اى حد بتاع استيراد و انا رايىء انك متدوخش نفسك عليه ممكن تربط الاستبن بحزام و خلاص

3و 4- شوف الموضوع ده للاستاذ عصام غنايم

http://www.nilemotors.net/Nile/145847-a.html

5- مش هاعرف افيدك بصراحه ممكن الخبراء يفيدوك احسن منى

6- ممكن تغير جلده المساحات من عند اى حد بتاع اكسيسوارات و فى نوعين واحد زى اللى راكب عندك و ده ب 15 ج و التانى احسن شويه و ده ب 30 ج

7- مش هاعرف افيدك بصراحه ممكن الخبراء يفيدوك احسن منى

يارب اكون اديتك معلومه تفيدك و اهلا بيك فى قسم الدايو

[MMamdouh]

الحمد لله اشتريت دايو جوليت 1 موديل 2000 و ان شاء الله هرفع صورها قريب

مبروك

1 - الرشاشات محتاجة تتغير : اغيرها ايه و من فين و بكام و اركبها فين

رشاشات BMW M40 من الحرفيين ب 200 عند اى ميكانيكى

2 - الاستيبن عندى المسمار بتاعه ضايع و كل ما اخد مطب احس انه بيخبط فى الشنطة : انا عارف ان فى مسمار بيسبته اجيبه من فين و ياريت لو حد يعرف سعره

شوف بتوع الاستيراد

3 - الفوانيس الامامية ضعيفة و طوست كنت عايز اغيرها : اجيبها من فين و بكام و اركبها فين

الفوانيس التايوانى كويسة... الجوز بحوالى 240 جنية... تركيبها سهل جدا و مش محتاج امتر من مفتاح 10

4 - انوار العدادات و الطابلوه ضعيفه كنت عايز اركب غيرها علشان اشوف العدادات : اجيبها من فين و بكام و اركبها فين

هات 4 لمبات 5 وات زى اللمبات الصغيرة اللى فى الفانوس الامامى و ركبهم مكان اللمبات الحالية

5 - الازاز الخلفى اللى متركب مش اصلى : اجيب الاصلى من فين و بكام و اركبه فين

الزجاج الاصلى صناعة مصانع جريش... اعتقد حتلاقية عند اى حد بتاع زجاج سيارات... معرفش الاسعار كام

6 - المساحات لما بتشتغل مش بتنضف كويس : كنت عايز اغيرها اجيبها من فين و بكام و اركبها فين

فيه مساحات صينى ب10 و بوش ب 30... و فية مساحات بيتقال عليها رابر بتبقى الفردة ب 15 او 20 و دى افضل حاجة... حتلاقى كل دجة فى كحلات الاكسسوارات

7 - الرف الخلفى اللى متركب عليه السماعات مش ثابت الكلبسات بتاعته بايظه : ياترا ممكن اغيره و من فين و بكام و اركبه فين ولا اثبته احسن و ازاى

اسال على الكليبسات عند ابو الحسن او اى محل اكسسوار او حتى بتوع الاستيراد و راجع على الضهر كويس و اتاكد انك ركبت كل الكليبسات

انا اسف على الاطالة بس ديه اول عربية ليا و انا مليش خبرة فى العربيات و انا عايز الصراحة احافظ عليها

ولا يهمك... و عموما نص الاجابات اللى كتبتهالك حتبان مش واضحة اوى... عشان توضح كويس لازم تلف لفة حلوة على المواضيع اللى فى قسم "اهم موضوعات القسم" حتلاقى كل التفاصيل الدقيقة للحاجات اللى انت سالت عليها

MMamdouh

[ehabomar1987]

شكراا لكل الدايوووهيه اللى ردو عليا و اللى شافوا الموضوع ........
شكراا لعمرو " amooooor_s " انا صح عندى مسافة بين الزجاج الخلفى و بين الصاج و مش عارف ده طبيعى ولا لآ
شكراا لطارق " tarek_2005 " و انا رجعت المواضيع بس فيه حاجات مفهمتهاش
شكراا لاحمد " ahmedteam " و بجد مقدر تعبك و كفاية انك رديت
شكراا جداا جداا بشمهندس ممدوح " MMamdouh " مشرف القسم

[ehabomar1987]

العربية الحمد لله الحالة العامة بتاعتها كويسة و هى كانت عاملة 126.000 كم و انا اول لما جبتها غيرت شوية حاجات 2 مساعد خلفى و ماستر فرامل سفلى

[zakar0tta]

ألف مبروك ياباشا وربنا يديك خيرها ويكفيك شرها, بصراحة أنا مش هقدر أفيدك في الحاجات اللي أنت عاوزها لاني زيك تماما لسة جايب عربية من شهر تقريبا ودي الأولي بس بصراحة مش هتلاقي سؤال مالوش جواب في المنتدي الجميل دة بس انت كل اللي عليك انك تتفرغ لقراءة الماضيع ثم التنفيذ
وطبعا ماتنساش تقولنا انت عملت اية علشان الخبرات تنتقل لغيرك والمعلومة ماتقفش عند حد.

[ehabomar1987]

شكراا " zakar0tta " على ردك و الف مبروك على عربيتك انت كمان و ربنا يبركلك فيها و يكفيك شرها ان شاء الله

[Gabrforever]

الف مبروك انا بردو لسا جيب الجوليت1 مو ديل 2000 بقالها معايا 5 شهور وربنا يديك خيرها ويكفيك شرها

[ahmedaliaeg]

الــــــــــــــــــــــــــــــــــــــــف مبـــــــــــــــــــــــــــــــــــــروك

[Ahmed Nasser]

مبرووووووووووووووووووووووووووووووووووك

[hon]

الف مبروك عليك جوليت الجميلة ربنا يملهالك بركة
بالنسبة فى حاجات لازم تشيك عليها فى اى عربية جديدة(زيت الماتور-سير الكاتينة تغيير-كاوتش)
وتابع معانا فى القسم واكيد حتاخد خبرة فى التعامل مع العربية
وتحياتى لحضرتك

[abo_lamar]

مبــــــــــروك يا باشا وفي انتظار الصور