بلف الطوارئ

[MMamdouh]

لو حصل تلف او شك في الطرمبة وبنما ان منظومة بنزين اللانوس مغلقة ممكن نركب منفاخ العجل في هذا البلف ونوصله بالولاعة بتاعة العربية فيزود ضغط الهواء علي سطح البنزين الموجود في التنك ومن ثم يدفعه من خلال الطرمبة الي المحرك وبالتالي تستطيع تحريك السيارة الي ان تصل الي المكان الذي تريد اصلاحه فيها

ألفكرة دى مش حتنجح... على الاقل فى العربيات اللى فيها return fuel system

الفكرة بتاعتك يا طارق باشا فيها كذا افتراض خطاء

1- اول افتراض هو ان البنزين بيخرج من التنك و يتجة الى المحرك فقط... انما فى الحقيقة البنزين بعد ما بيوصل لمسطرة الرشاشات بيرجع تانى للتنك من خلال بلف تنظيم الضغط اللى راكب على المسطرة

بالتالى لما ترفع ضغط الهوا داخل التنك حترفع الضغط داخل خط التغذية بالبنزين و كمان خط الرجوع و دة معناه ان بلف تنظيم الضغط اللى على المسطرة مش حيبقى له اى لزمة لان الضغط قبلة اصبح مساوى للضغط بعدة

2- تانى افتراض هو ان التنك محكم الغلق تماما و دة غير صحيح لان فيه تهوية للتنك عشان الهوا يحل محل الوقود اللى بتستهلكة العربية... ضخ هواء داخل التنك حيؤدى الى خروجة من فتحات تهوية التنك و بالتالى مش حتعرف تضغط التنك

3- بفرض حل مشكلة احكام التنك... حتنظم ضغط الهوا داخل التنك ازاى؟... خصوصا و ان ضغط البنزين اللى بيحتاجة المحرك متغير حسب ظروف التشغيل مع الاخذ فى الاعتبار ان بلف التحكم اللى على المسطرة اصبح غير فعال نتيجة تساوى ضغط خط التغذية و الرجوع

MMamdouh

[MMamdouh]

طيب مع ضغط الهواء البنزين اللى راجع من الموتور هايرجع ازاى وخرطوم الراجع اصبح فيه ضغط الهواء ؟؟؟؟؟؟؟

دة بالضبط قصدى فى موضوع بلف الرجوع... المنفذ الوحيد للبنزين فى الحالة دى حيكون الرشاشات و ضغط البنزين حيكون فى ازدياد مستمر لان معدل زيادة الضغط اللى بيعملة الكومبريسور حيكون اكبر من معدل تصريف الراشاشت... على السلانسية على الاقل... لو تجاوز معدل صرف الرشاشات معدل زيادة الضغط بتاع الكومبريسور العربية حتبطل نتيجة نقص ضغط البنزين

MMamdouh

[MMamdouh]

الفكره ان عشان الموتور يشتغل محتاجوقود يوصل له بمعدل معين
اللى هو الطرمبه بتطلع كام لتر فى الثانيه؟
طيب انت محتاج ضغط هوا كام فى التنك عشان تقدر تخلى البنزين يوصل للموتور بنفس معدل السريان بتاع الطرمبه عشان الموتور يشتغل؟
هتحتاج ضغط كبير خصوصا عشان تتغلب على مقاومه الحركه داخل الطرمبه اللى مش شغاله و عشان كبر حجم الفراغ اللى فى التنك (اللى هيزيد مع الوقت) اللى محتاج تضغطه عشان توصل البنزين للموتور
و الكومبرسور بتاع الكاوتش مش هيعرف يديك الضغط ده بالمعدل انك تعرف توصل البنزين للموتور
و بفرض انك جبت كومبرسور اكبر
هل تنك البنزين (اللى هو مش متصمم عشان يبقى فيه ضغط) هيقدر يتحمل الضغط ده و مش هينفجر؟
و بفرض ان التنك يستطيع تحمل الضغط ده يبقى لسه امامك قطعتين مهمين لازم ينضافوا على التنك
نمره واحد سيفتى فالف عشان لما الضغط فى التنك يوصل لحد معين البلف السيفتى يسرب الضغط الزياده (و بطريقه اامنه) عشان التنك ما ينفجرش
نمره اتنين محتاج ريجيوليتور (منظم) عشان لما الضغط يوصل للمعدل المطلوب الريجيوليتور يفصل الكهربا عن الكومبريسور لانه لو مفصلهاش الكومبريسور هيفضل شغال و الضغط يزيد و التنك ينفجر
بفرض انك عملت كل ده
هل فكرت فى موضوع انك بتضخ هوا فى تنك البنزين و بترفع ضغطه و انك ممكن توصل لضغط الاشتعال الذاتى و البنزين يولع فى التنك و التنك ينفجر؟
هل تكلفته ارخص ولا انك تخلى طرمبه و مفتاح 10 معاك فى شنطه العربيه ارخص؟
هل الموضوع ده اامن ولا انك تشيل معاك طرمبه احتياطى اامن؟

بلاش نلعب فى دوره الوقود بدون دراسه

انا كمان مكنش فى بالى موضوع تحمل التنك للضغط... دا ضغط البنزين فى السلانسية (اللى هو اقل مستوى للضغط اثناء التشغيل) بيكون 43PSI ... مش عارف بصراحة الضغط بيزيد لحد كام بعد كدة

MMamdouh

[l0new0lf]

ابو يوسف
اساس الموضوع فى ضغط الاشتعال الذاتى
كل الباقى ممكن يتعدل و موضوع راجع بنزين للتنك مش مشكله بالعكس ده هيتاخد وسيله حمايه زياده على الاتنين اللى انا ذكرتهم
بس الاساس ان مفيش حد بيضغط هواء مع وقود فى مكان غير المكان اللى هيحدث فيه اشتعال
يعنى فى السلندر مش فى التنك
استاذ طارق
بالبلدى انا بحييك ان دماغك شغاله
و مش عيب ان الواحد ميكونش عارف كل حاجه لان مفيش حد عارف كل حاجه
و ادينا بنفيد بعض
بس انا عايز اوضحلك ان الاساس غلط
و هو انك هتضغط بنزين و هوا فى التنك
و حتى لو الضغط هيكون اقل من ضغط الاشتعال الذاتى برضه المصنعين مش هيعملوها
لان الاساس فى الامن و السلامه هو المنع
و كون انى اضغط هوا مع بنزين فى تنك ده مخاطره كبيره و ليس لها مبرر ابدا