مشكله فى استهلاك البنزين رغم مرور سنه كامله على السياره

[ahmedalshora]

[justify]
السلام عليكم اخوانى الاعزاء اليوم هو عيد الميلاد الأول لسيارتى لانوس 2011 كده بقالها معايا سنه بالتمام والكمال والحمد لله الحاله تمام المشكله فى استهلاك البنزين حاسس انها حوت بنزين لسه اخر تفويله اليوم اخدت 27 لتر بنزين 92 فى 185 كم معظمهم داخل البلد وبالتكييف فانا شايف ان كده الاستهلاك عالى جدا والعربيه لسه معملتش فيها اى حاجه غير غيارات الزيت فقط وماشيه 9الاف كيلو ومعملتش غير صيانة ال 5 الاف فى التوكيل ولسه معملتش صيانة ال 10 الاف فتقترحوا عليا ايه اخوانى علما بانى عامل ظبطة ال 95 وبمون بنزين 92 ياريت اى حل عشان الاستهلاك يقل شويه علما بان اخويا معاه اوبترا 2008 واقتصاديه جدا جدا عن اللانوس
[/justify]

[mostafa mahmod]

حساب استهلاك البنزين بيتم فى الطرق الطوالى و متهيالى الرقم اللى انت كاتبه ده كويس اوى فى داخل البلد

العربيه كانت بتعمل معايا 200 ك فى ال 27 لتر دول و متهيالى فرق السواقه يفرق و كمان البنزين

جرب تمشى بيها على طريق سفر و احسب الاستهلاك

[tarek_2005]

الاستهلاك كدا اعتقد انه ممتاذ

[ahmedalshora]

الاستهلاك كدا اعتقد انه ممتاذ

شكرا استاذ طارق
هل كده فعلا استهلاك ممتاز 185 كيلو متر ياخدوا 27 لتر بنزين

[M.Elgergawy]

لا طبعا استهلاك عالي جدا جدا جدا يعني اللتر يمشيك 6.8 كم
والعربية 2011

[waelfarid]

يبقي كلهم كانو في اشارات وسط البلد مع التكييف وضغط هواء الاطارات قليل وبتحب تشد بيها يعني بتشبع كل غيار
أو فيه مشكلة بجد

[tarek_2005]

جوا البلد مع التكيف باستمرار والاشارات بتاعتنا والزحمة المعهودة كل هذه العوامل تؤدي الي هذا الاستهلاك والفيصل حساب الاستهلاك علي الطوالي

[hamido46]

تقريباً كدة كويس أنا عندي بعمل جوا البلد بالتكيف على طول 280 كلو فيه 35 لتر أما على طارق الساحل فه بتبقى حلوة أوي بالتكيف على طول و سرعة 120 بتعمل 100 كلو له كل 8 لتر

[ahmedalshora]

لا طبعا استهلاك عالي جدا جدا جدا يعني اللتر يمشيك 6.8 كم
والعربية 2011

شكرا استاذ محمد على مرورك الكريم بس ياترى ايه هى المشكله من وجهة نظر حضرتك وايه اللى ممكن اعمله . وهل تعديل فيشة الاوكتان على ظبطة ال 95 ممكن تؤدى الى هذه الزياده انا لو الحل انى ارجعها لظبطة المصنع 87 هارجعها تانى بشرط ان الاستهلاك يتحسن

[ahmedalshora]

يبقي كلهم كانو في اشارات وسط البلد مع التكييف وضغط هواء الاطارات قليل وبتحب تشد بيها يعني بتشبع كل غيار
أو فيه مشكلة بجد

شكرا استاذ وائل ولعلم حضرتك مش اشارات كتير ولا حاجه بس داخل البلد والاطارات نتروجين ومتابعهم باستمرار وانا سواقتى عاديه جدا ومش بحب اشد ولا احرق على الغيار .
ياترى ممكن المشكله تكون فى ايه ؟

[tarek_2005]

عدلها بانك تشيلها خالص ودي ظبطت ال 91 بتوفر كتير في البنزين سواء استعملت 90 او 92 اوكتين

[ahmedalshora]

عدلها بانك تشيلها خالص ودي ظبطت ال 91 بتوفر كتير في البنزين سواء استعملت 90 او 92 اوكتين

أستاذ طارق اشكر حضرتك على تعاونك بس فعلا انا عدلتها مره على ظبطة ال 91 ومونت 92 كالعاده ورحت مشار طويل ولقيت الاستهلاك بقى أسوا من الاول بكتير فرجعتها تانى لظبطة ال95 . السؤال بقى دالوقا هل لو ظبطها تانى ظبطة ال 91 ومونت بنزين 90 هايوفر ولا ايه ؟ شكرا تانى مره لحضرتك

[tarek_2005]

معلش كلامك غير منطقي
يعني ظبطة ال 95 افضل من ظبطة ال 91 في استهلاك البنزين
الكلام ده غير منطقي لان
1 - ظبطة 95 تعطيك افضل اداء واعلي استهلاك
2 - ضبطة ال 91 تعطيك اقل استهلاك واداء مرضي

والكلام ده بشهادة كل اعضاء المنتدي
كدا عربيتك فيها مشكلة
اما
1- بداية تلف رشاشات
2 - بداية تلف بوجيهات
3 - بداية تلف اسلاك البوجيهات
4 - بداية تلف البوبينة
5 - لو عربيتك فول اوبشن يبقي حساس الاكسجين بيودع
5 - لو عربيتك هاف اوبشن يبقي البوتشميتر عايز يتظبط بالاسكانر

خذهم بالترتيب مع تاخير الرشاشات الي اخر نقطة

[ahmedalshora]

معلش كلامك غير منطقي
يعني ظبطة ال 95 افضل من ظبطة ال 91 في استهلاك البنزين
الكلام ده غير منطقي لان
1 - ظبطة 95 تعطيك افضل اداء واعلي استهلاك
2 - ضبطة ال 91 تعطيك اقل استهلاك واداء مرضي

والكلام ده بشهادة كل اعضاء المنتدي
كدا عربيتك فيها مشكلة
اما
1- بداية تلف رشاشات
2 - بداية تلف بوجيهات
3 - بداية تلف اسلاك البوجيهات
4 - بداية تلف البوبينة
5 - لو عربيتك فول اوبشن يبقي حساس الاكسجين بيودع
5 - لو عربيتك هاف اوبشن يبقي البوتشميتر عايز يتظبط بالاسكانر

خذهم بالترتيب مع تاخير الرشاشات الي اخر نقطة

أستاذ طارق معلش هل المشاكل دى ممكن تظهر فى العربيه علما بانها 2011 ومكلمتش 9 الاف كيلو
وعموما انا هاعدل الفيشة لظبطة 91 وهامون بنزين 90 واشوف وربنا يصلح الحال

[tarek_2005]

أستاذ طارق معلش هل المشاكل دى ممكن تظهر فى العربيه علما بانها 2011 ومكلمتش 9 الاف كيلو
وعموما انا هاعدل الفيشة لظبطة 91 وهامون بنزين 90 واشوف وربنا يصلح الحال

ممكن لو بتغسل حوض الموتور في البنزينة كتير وممكن علشان منصور بيركب بوبينة صيني دلوقتي وممكن لردائة نوع البوجيهات الي بيركبها منصور وممكن وممكن وممكن
المهم الحل
عدل الفيشة واحسب الاستهلاك علي طريق طوالي ولو 50 كم وبعدين نحكم علي السيارة ونقلك تروح التوكيل تقلهم ايه وتخليهم يعملوا ايه